|
19.8.2009 |
MT |
Il-Ġurnal Uffiċjali tal-Unjoni Ewropea |
L 214/40 |
DEĊIŻJONI TAL-KUMITAT POLITIKU U TA' SIGURTÀ EUMM GEORGIA/1/2009
tal-31 ta' Lulju 2009
dwar l-estensjoni tal-mandat tal-Kap tal-Missjoni ta' Monitoraġġ tal-Unjoni Ewropea fil-Ġeorġja, EUMM Georgia
(2009/619/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea u, b'mod partikolari t-tielet paragrafu tal-Artikolu 25 tiegħu,
Wara li kkunsidra l-Azzjoni Konġunta 2008/736/PESK tal-15 ta' Settembru 2008 dwar il-Missjoni ta' Monitoraġġ tal-Unjoni Ewropea fil-Ġeorġja (EUMM Georgia) (1), u b'mod partikolari l-Artikolu 10(1) tagħha,
Billi:
|
(1) |
Taħt l-Artikolu 10(1) tal-Azzjoni Konġunta 2008/736/PESK, il-Kumitat Politiku u ta' Sigurtà (KPS) huwa awtorizzat, konformement mal-Artikolu 25 tat-Trattat, jieħu d-deċiżjonijiet rilevanti sabiex jeżerċita l-kontroll politiku u ta' direzzjoni strateġika tal-EUMM Georgia, u b'mod partikolari biex jaħtar Kap tal-Missjoni. |
|
(2) |
Fis-16 ta' Settembru 2008, fuq proposta mis-Segretarju Ġenerali/Rappreżentant Għoli, il-KPS ħatar bid-Deċiżjoni tiegħu EUMM/1/2008 (2) lis-Sur Hansjörg HABER bħala Kap tal-Missjoni tal-EUMM Georgia sal-15 ta' Settembru 2009. |
|
(3) |
Fis-16 ta' Lulju 2009, is-Segretarju Ġenerali/Rappreżentant Għoli ppropona lill-KPS li jestendi l-mandat tas-Sur Hansjörg HABER għal sena oħra, sal-15 ta' Settembru 2010. |
IDDEĊIEDA KIF ĠEJ:
Artikolu 1
Il-mandat tas-Sur Hansjörg HABER bħala Kap tal-Missjoni tal-Missjoni ta' Monitoraġġ tal-Unjoni Ewropea fil-Ġeorġja (EUMM Georgia) huwa b'dan estiż sal-15 ta' Settembru 2010.
Artikolu 2
Din id-Deċiżjoni għandha tieħu effett fil-jum tal-adozzjoni tagħha.
Hija għandha tapplika sal-15 ta' Settembru 2010.
Magħmula fi Brussell, il-31 ta’ Lulju 2009.
Għall-Kumitat Politiku u ta' Sigurtà
Il-President
O. SKOOG
(1) ĠU L 248, 17.9.2008, p. 26.
(2) ĠU L 319, 29.11.2008, p. 79