|
4.7.2009 |
MT |
Il-Ġurnal Uffiċjali tal-Unjoni Ewropea |
L 175/14 |
DEĊIŻJONI TAL-KUMMISSJONI
tat-3 ta' Lulju 2009
li temenda l-Artikolu 23(4) tal-Anness I għar-Regolament tal-Kunsill (KE) Nru 71/2008 li jistabbilixxi l-Impriża Konġunta “Clean Sky”
(notifikata taħt id-dokument numru C(2009) 5134)
(2009/520/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 71/2008 tal-20 ta' Diċembru 2007 li jistabbilixxi l-Impriża Konġunta “Clean Sky” (1), u b’mod partikulari l-Artikolu 24(2) tal-Anness I tiegħu,
Wara li kkunsidrat l-abbozz tal-emenda li kien approvat mill-Bord tal-Gvernaturi tal-Impriża Konġunta “Clean Sky” fl-10 ta’ Ottubru 2008,
Billi:
|
(1) |
Il-Bord tal-Gvernaturi tal-Impriża Konġunta “Clean Sky” approva u ressaq abbozz tal-emenda li jibdel l-Artikolu 23(4) tal-Anness I tar-Regolament (KE) Nru 71/2008 b’test differenti sabiex jippermetti li d-drittijiet għall-aċċess ikunu ddefiniti mhux biss għall-użu fir-riċerka iżda wkoll għall-użu kummerċjali fil-ftehim tal-għotja. |
|
(2) |
Filwaqt li din l-emenda, li ma taffettwax l-elementi essenzjali tal-Istatuti tal-Impriża Konġunta “Clean Sky”, hija ġġustifikata skont l-Artikolu 15 tar-Regolament (KE) Nru 71/2008, il-politika dwar id-drittijiet intellettwali tal-Impriża Konġunta “Clean Sky” għandha tissejjes fuq il-prinċipji mogħtija fir-Regolament (KE) Nru 1906/2006 (2), li fih id-drittijiet għall-aċċess għall-użu jinkludu l-użu għall-isfruttament kummerċjali, u għandha tippromwovi mhux biss il-ħolqien tal-għarfien iżda wkoll l-isfruttament tiegħu (ara l-Premessa nru 29 u l-Artikolu 23(2) tal-Anness I għar-Regolament tal-Parlament Ewropew u tal-Kunsill (KE) Nru 71/2008), |
ADOTTAT DIN ID-DEĊIŻJONI:
Artikolu 1
L-Artikolu 23(4) tal-Anness I tar-Regolament (KE) Nru 71/2008, jinbidel b’dan li ġej:
“4. It-termini u l-kundizzjonijiet tad-drittijiet għall-aċċess u tal-liċenzji bejn entitajiet ġuridiċi li jkunu kkonkludew ftehim tal-għotja mal-Impriża Konġunta ‘Clean Sky’ għandhom jiġu ddefiniti fil-ftehim tal-għotja f’dak li għandu x’jaqsam mal-Isfond u l-Ewwel Pjan għall-għanijiet li jitlestew il-proġetti,u mal-Ewwel Pjan u l-Isfond neċessarji biex jintuża l-Ewwel Pjan”.
Artikolu 2
Din id-Deċiżjoni hija indirizzata lill-Impriżi Konġunta “Clean Sky”:
|
L-Impriża Konġunta “Clean Sky” |
|
c/o Liam Breslin |
|
Il-Kummissjoni Ewropea – id-DĠ RTD |
|
Id-Direttur Eżekuttiv Temporanju tal-Impriża Konġunta “Clean Sky” |
|
CDMA 04/166 |
|
BE-1049 Brussell |
Magħmul fi Brussell, it-3 ta’ Lulju 2009.
Għall-Kummissjoni
Janez POTOČNIK
Membru tal-Kummissjoni
(2) ĠU L 391, 30.12.2006, p. 1.