|
2.4.2009 |
MT |
Il-Ġurnal Uffiċjali tal-Unjoni Ewropea |
L 90/22 |
DEĊIŻJONI TAL-KUNSILL
tat-30 ta' Marzu 2009
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali fir-rigward tal-awdituri esterni tad-Deutsche Bundesbank
(2009/307/KE)
IL-KUNSILL TA' L-UNJONI EWROPEA,
Wara li kkunsidra l-Protokoll dwar l-Istatut tas-Sistema Ewropea tal-Banek Ċentrali u tal-Bank Ċentrali Ewropew anness mat-Trattat li jistabbilixxi l-Komunità Ewropea, u b'mod partikolari l-Artikolu 27.1. tiegħu,
Wara li kkunsidra r-Rakkomandazzjoni tal-Bank Ċentrali Ewropew BĊE/2009/3 tas-16 ta' Frar 2009 lill-Kunsill tal-Unjoni Ewropea dwar il-ħatra tal-awdituri esterni tad-Deutsche Bundesbank (1),
Billi:
|
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Eurosistema għandhom jiġu vverifikati minn awdituri esterni indipendenti maħtura fuq rakkomandazzjoni tal-Kunsill Governattiv tal-BĊE u approvati mill-Kunsill tal-Unjoni Ewropea. |
|
(2) |
Il-mandat tal-awdituri esterni attwali tad-Deutsche Bundesbank ser jispiċċa wara l-verifika għas-sena finanzjarja 2008. Hu għalhekk meħtieġ li jinħatar awditur estern mis-sena finanzjarja 2009. |
|
(3) |
Id-Deutsche Bundesbank għażel lil Ernst & Young AG Wirtschaftsprüfungsgesellschaft Steuerberatungsgesellschaft bħala l-awditur estern tiegħu għas-snin finanzjarji 2009 sa 2014. |
|
(4) |
Il-Kunsill Governattiv tal-BĊE irrakkomanda li Ernst & Young AG Wirtschaftsprüfungsgesellschaft Steuerberatungsgesellschaft għandhom jinħatru bħala l-awditur estern tad-Deutsche Bundesbank għas-snin finanzjarji 2009 sa 2014. |
|
(5) |
Huwa xieraq li r-rakkomandazzjoni tal-Kunsill Governattiv tal-BĊE tiġi segwita u li d-Deċiżjoni 1999/70/KE (2) tiġi emendata kif meħtieġ, |
IDDEĊIEDA KIF ĠEJ:
Artikolu 1
L-Artikolu 1(2) tad-Deċiżjoni 1999/70/KE għandu jiġi sostitwit b’dan li ġej:
“2. Ernst & Young AG Wirtschaftsprüfungsgesellschaft Steuerberatungsgesellschaft huwa hawnhekk approvat bħala l-awditur estern tad-Deutsche Bundesbank għas-snin finanzjarji 2009 sa 2014.”
Artikolu 2
Din id-Deċiżjoni għandha tkun notifikata lill-BĊE.
Artikolu 3
Din id-Deċiżjoni għandha tiġi ppubblikata f'Il-Ġurnal Uffiċjali tal-Unjoni Ewropea.
Magħmula fi Brussell, 30 ta’ Marzu 2009.
Għall-Kunsill
Il-President
P. BENDL
(2) ĠU L 22, 29.1.1999, p. 69.