28.3.2009 |
MT |
Il-Ġurnal Uffiċjali tal-Unjoni Ewropea |
L 83/1 |
DEĊIŻJONI TAL-KUMMISSJONI
tal-25 ta' Settembru 2007
dwar għajnuna mill-istat mogħtija mill-Polonja bħala parti mill-Ftehimiet dwar ix-Xiri tal-Enerġija u dwar l-għajnuna mill-istat li l-Polonja qed tippjana li tagħti dwar il-kumpens għat-terminazzjoni volontaria tal-Ftehimiet dwar ix-Xiri tal-Enerġija
(notifikata bid-dokument numru C(2007) 4319)
(It-test Pollakk biss huwa awtentiku)
(Test b'rilevanza għaż-ŻEE)
(2009/287/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea, u b'mod partikolari l-ewwel subparagrafu tal-Artikolu 88(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b'mod partikolari l-Artikolu 62(1)(a) tiegħu,
Wara li sejħet lill-partijiet interessati jissottomettu l-kummenti tagħhom skont id-dispożizzjonijiet imsemmija hawn fuq (1) u wara li kkunsidrat il-kummenti tagħhom,
Billi:
1. PROĊEDURA
(1) |
Permezz ta' ittra datata l-1 ta' Marzu 2005, ref. WEH/1023/6-54/05, irreġistrata fit-3 ta' Marzu 2005 (SG/2005/A/226), il-Polonja nnotifikat lill-Kummissjoni Ewropea, skont l-Artikolu 88(3) tat-Trattat KE, b'abbozz dwar “ir-regoli li jirregolaw il-kopertura tal-ispejjeż li saru minn intrapriżi in konnessjoni mat-terminazzjoni bikrija tal-Ftehimiet tax-Xiri tal-Enerġija” (“l-Abbozz”). |
(2) |
Wara valutazzjoni preliminarja, il-Kummissjoni sabet li n-notifika ma kinitx kompleta u, permezz ta' ittra tas-27 ta' April 2005, talbet lill-Polonja tipprovdi informazzjoni addizzjonali dwar il-miżura. |
(3) |
Permezz ta' ittra tal-1 ta' Ġunju 2005, irreġistrata fit-2 ta' Ġunju 2005, il-Polonja ssottomettiet xi ftit mill-informazzjoni addizzjonali mitluba; l-informazzjoni li kien għad fadal kienet ipprovduta b'ittra tal-24 ta' Ġunju 2005, irreġistrata fit-28 ta' Ġunju 2005. |
(4) |
Fit-28 u d-29 ta' Ġunju 2005, fuq talba tal-Polonja, ġiet organizzata laqgħa teknika biex tiġi diskussa n-notifika. Il-laqgħa identifikat l-aspetti li kien għad fadal li jiġu ċċarati bil-miktub mill-Polonja sabiex il-Kummissjoni jkollha informazzjoni komprensiva għall-valutazzjoni tagħha. |
(5) |
Fin-nuqqas ta' risposta komprensiva, il-Kummissjoni fakkret lill-awtoritajiet Pollakki permezz ta' ittra tat-28 ta' Lulju 2005 (D/55776) dwar il-kjarifiki mitluba fil-laqgħa tat-28 ta' Ġunju 2005 u talbet lill-Polonja tipprovdi l-informazzjoni mitluba. |
(6) |
Permezz ta' ittra tas-7 ta' Settembru 2005, irreġistrata fid-9 ta' Settembru 2005, il-Polonja għarrfet lill-Kummissjoni li x-xogħol dwar l-abbozz kien waqaf għaliex it-terminu parlamentari kien intemm. |
(7) |
Permezz ta' ittra tat-23 ta' Novembru 2005, il-Kummissjoni għarrfet lill-Polonja li kienet iddeċidiet li tibda l-proċedura stabbilita fl-Artikolu 88(2) tat-Trattat KE fir-rigward tal-abbozz u fir-rigward tal-Ftehimiet dwar ix-Xiri tal-Enerġija (“PPAs” – Power Purchase Agreements) fis-settur Pollakk tal-elettriku. |
(8) |
Id-deċiżjoni tal-Kummissjoni li tibda l-proċedura ġiet ippubblikata f'Il-Ġurnal Uffiċjali tal-Unjoni Ewropea (2). Il-Kummissjoni talbet lill-partijiet interessati jissottomettu l-kummenti tagħhom. |
(9) |
Permezz ta' ittra tas-16 ta' Diċembru 2005 l-awtoritajiet Pollakki talbu li xi informazzjoni li kienet tinsab fid-deċiżjoni li tinbeda l-proċedura ma tiġix żvelata lill-partijiet terzi. Il-Kummissjoni rrispondiet għat-talba u, permezz ta' ittra tal-25 ta' Jannar 2006, ippreżentat il-proposta tagħha għall-verżjoni mhux kunfidenzjali tad-deċiżjoni, li ġiet aċċettata mill-awtoritajiet Pollakki permezz ta' e-Mail tas-16 ta' Frar 2006 irreġistrata fl-istess jum. |
(10) |
Il-Polonja pprovdiet lill-Kummissjoni l-ewwel parti tal-kummenti tagħha dwar il-bidu tal-proċedura fir-rigward tal-Abbozz dwar it-terminazzjoni bikrija tal-Ftehimiet dwar ix-Xiri tal-Enerġija permezz ta' ittra datata 28 ta' Diċembru 2005, irreġistrata mill-Kummissjoni fl-4 ta' Jannar 2006, li ddeskriviet l-azzjoni meħuda biex jittaffew l-ansjetajiet espressi mill-Kummissjoni dwar l-Abbozz. It-tieni, wara risposta għal estensjoni tat-terminu li l-Kummissjoni aċċettat fit-12 ta' Jannar 2006, l-awtoritajiet Pollakki pprovdew il-kummenti tagħhom dwar il-valutazzjoni mill-Kummissjoni tal-PPAs permezz ta' ittra datata 23 ta' Jannar 2006, irreġistrata mill-Kummissjoni fis-26 ta' Jannar 2006. |
(11) |
Bħala suppliment għall-ittra tagħhom tat-23 ta' Diċembru 2005, l-awtoritajiet Pollakki pprovdew, permezz ta' ittra tal-5 ta' April 2006, irreġistrata fis-6 ta' April 2006, deskrizzjoni ulterjuri dwar it-tibdil ippjanat għall-Abbozz dwar it-terminazzjoni bikrija tal-Ftehimiet dwar ix-Xiri tal-Enerġija sabiex dan ikun skont ir-regoli rilevanti dwar l-għajnuna mill-Istat. L-annessi għal dik l-ittra ġew ipprovduti permezz ta' ittra tas-6 ta' April 2006, irreġistrata fl-10 ta' April 2006. |
(12) |
Il-Kummissjoni rċeviet kummenti mill-partijiet interessati. Permezz ta' ittra datata 20 ta' Ġunju 2006 il-Kummissjoni bagħtet dawn il-kummenti lill-Polonja, li ngħatat l-opportunità li tirreaġixxi. |
(13) |
Id-deċiżjoni li tinbeda l-proċedura ġiet impunjata minn waħda mill-partijiet interessati quddiem il-Qorti tal-Prim'Istanza permezz ta' applikazzjoni ppreżentata fit-12 ta' Mejju 2006 u ngħatat in-numru ta' riferenza T-142/06. |
(14) |
Wara talba mill-awtoritajiet Pollakki datata 7 ta' Lulju 2006, irreġistrata fit-12 ta' Lulju 2006, il-parti l-kbira tal-kummenti ġew tradotti fil-Pollakk u trażmessi lill-awtoritajiet Pollakki permezz ta' ittra tat-23 ta' Frar 2007. B'risposta għal dik l-ittra, permezz ta' ittra datata 12 ta' Marzu 2007, irreġistrata fl-istess jum, l-awtoritajiet Pollakk għarrfu lill-Kummissjoni li ma kienx għadu meħtieġ li jiġu tradotti l-kummenti li kien għad fadal. |
(15) |
L-awtoritajiet Pollakki wara ssottomettew opinjoni dwar il-kummenti tal-partijiet interessati permezz ta' ittra datata 28 ta' Marzu 2007, irreġistrata mill-Kummissjoni fl-istess jum. |
(16) |
B'risposta għall-ittra tal-Kummissjoni datata 28 ta' April 2006, l-awtoritajiet Pollakki ssottomettew informazzjoni addizzjonali dwar il-miżura permezz ta' ittra tas-6 ta' Ġunju 2006 irreġistrata fit-8 ta' Ġunju 2006. Permezz ta' ittra tat-13 ta' Lulju 2006, irreġistrata fis-17 ta' Lulju 2006, l-awtoritajiet Pollakki ssottomettew kopji tal-PPAs bl-annessi u l-appendiċijiet korrispondenti (total ta' 609 dokument) fil-forma stampata. |
(17) |
Permezz ta' ittra rreġistrata fl-4 ta' Mejju 2006 l-awtoritajiet Pollakki talbu interpretazzjoni ta' wieħed mill-punti tal-Komunikazzjoni mill-Kummissjoni dwar il-metodoloġija biex tiġi analizzata l-għajnuna mill-istat marbuta ma' spejjeż li mhumiex irkuprabbli (stranded costs) (“il-Metodoloġija tal-Ispejjeż li Mhumiex Irkuprabbli”) (3). |
(18) |
Permezz ta' ittra tas-27 ta' Settembru 2006 il-Kummissjoni bagħtet lill-awtoritajiet Pollakki lista ta' punti li kienu ta' importanza kruċjali għall-abbozzar tal-Abbozz dwar it-terminazzjoni bikrija tal-Ftehimiet dwar ix-Xiri tal-Enerġija. |
(19) |
Verżjonijiet differenti tal-Abbozz dwar it-terminazzjoni bikrija tal-Ftehimiet dwar ix-Xiri tal-Enerġija fl-istadji differenti tal-proċedura leġiżlattiva fil-Polonja ġew sottomessi permezz ta' ittri rreġistrati fis-17 ta' Awwissu 2006, tal-5 ta' Jannar 2007 u tat-28 ta' Mejju 2007 u permezz ta' e-Mail irreġistrata fid-29 ta' Jannar 2007 (verżjoni Ingliża tal-Abbozz). |
(20) |
Fil-kors tal-proċedura, il-Polonja pprovdiet informazzjoni addizzjonali dwar il-miżura permezz ta' ittri rreġistrati fil-31 ta' Jannar 2007 u fl-4 ta' April 2007, permezz ta' e-Mails datati 2, 4, 7 u 11 ta' Jannar 2007 u permezz ta' ittra rreġistrata fis-6 ta' Ġunju 2007. |
(21) |
Permezz ta' ittra bid-data tat-3 ta' April 2007 il-Kummissjoni talbet lill-awtoritajiet Pollakki dwar il-progress bix-xogħol leġiżlattiv fuq l-Abbozz dwar it-terminazzjoni bikrija tal-Ftehimiet dwar ix-Xiri tal-Enerġija u dwar l-azzjoni meħuda mill-Polonja wara diskussjonijiet li kienu saru qabel mal-Kummissjoni. |
(22) |
Barra minn dan, fil-qafas tal-proċedura tal-investigazzjoni saru laqgħat mal-awtoritajiet Pollakki fil-5 ta' April 2006, fis-7 ta' Settembru 2006, fis-26 ta' Ottubru 2006, fit-2 ta' Frar 2007, fit-22 ta' Frar 2007, fis-26 ta' April 2007, fit-2 ta' Mejju 2007 u fl-14 ta' Mejju 2007. |
(23) |
Permezz ta' ittra tad-9 ta' Lulju 2007 il-Polonja ssottomettiet il-verżjoni finali tal- Abbozz dwar it-terminazzjoni bikrija tal-Ftehimiet dwar ix-Xiri tal-Enerġija, li ġie adottat mill-Parlament Pollakk u daħal fis-seħħ fl-4 ta' Awwissu 2007. Fit-18 ta' Lulju 2007 il-Polonja ssottomettiet it-traduzzjoni Ingliża tal-Att u lista tat-tibdiliet li saru lill-Att mill-Kamra Superjuri tal-Parlament, is-Senat, flimkien ma' memorandum ta' spjegazzjoni. |
2. DESKRIZZJONI TAL-GĦAJNUNA
2.1. Il-Ftehimiet dwar ix-Xiri tal-Enerġija
(24) |
F'nofs is-snin 90, il-gvern Pollakk iddeċieda li jibda programm maħsub li jimmodernizza s-settur tal-elettriku Pollakk u jġibu skont l-istandards tekniċi u ambjentali tal-Ewropa tal-Punent. |
(25) |
Sabiex jiġi implimentat dan il-programm, il-Polonja bdiet proċedura ta' sejħa għall-offerti bl-għan li tagħżel proġetti għall-impjanti ġodda jew modernizzati li jiġġeneraw l-elettriku. Dawn il-proġetti kienu se jingħataw PPAs għal żmien twil għall-kapaċità tagħhom li jiġġeneraw. Id-deċiżjoni li tinbeda proċedura ta' sejħa għall-offerti ttieħdet mill-Ministeru tal-Kummerċ u l-Industrija. Il-proċedura kienet organizzata taħt id-dikasteru tal-Ministru minn Polskie Sieci Elektroenergetyczne S.A. (“PSE”), l-operatur pubbliku Pollakk tan-netwerk tal-elettriku. |
(26) |
Id-dokumenti tekniċi u l-ispeċifikazzjonijiet għall-proċedura tas-sejħa għall-offerti ġew pubblikati f'Awissu u Settembru 1994. Id-dokument indikaw tliet għanijiet li kellhom jilħqu l-proġetti: il-ksib ta' elettriku rħis, iż-żamma ta' livell raġjonevoli ta' sigurtà ta' provvista u titjib tal-istandards ambjentali/prevenzjoni ta' deterjorazzjoni ambjentali, filwaqt li jitqiesu r-rekwiżiti tal-integrazzjoni bejn il-Polonja u l-Ewropa tal-Punent. |
(27) |
Intużaw bosta kriterji biex jiġu valutati l-offerti, inkluż: l-effiċjenza tal-proġett, il-volum tal-infiq kapitali, l-azzjoni pro-ambjentali u l-użu ta' teknoloġiji ppruvati u għejun sikuri tal-karburanti. |
(28) |
It-terminu għas-sottomissjoni tal-offerti kien il-5 ta' Jannar 1995. Daħlu 44 offerta. L-offerti l-inqas attraenti ġew eliminati. Bdew negozjati diretti mal-offerenti li kien għad fadal. Dawn in-negozjati wasslu għall-konklużjoni ta' PPAs ma' bosta kumpaniji jew gruppi ta' kumpaniji. |
(29) |
Il-PPAs ġew iffirmati bejn l-1996 u l-1998, bl-eċċezzjoni ta' wieħed minn seba' PPAs mal-grupp Południowy Koncern Energetyczny S.A. (“PKE”), li ġie ffirmat fit-12 ta' April 1995, u l-PPA ma' Elektrownia Turów, li ġie ffirmat fis-26 ta' Awwissu 1994. Il-PPA ma' Elektrownia Turów ma kienx kopert mid-deċiżjoni li tinbeda l-proċedura (4) u għalhekk mhuwiex kopert minn din id-Deċiżjoni. Din it-tabella li ġejja telenka l-kumpaniji kkonċernati. Tabella PPAs fil-Polonja
|
(30) |
It-terminu tal-PPAs ivarja minn 7 snin sa 20 sena, ikkalkolati mid-data li fiha tibda topera l-impjant tal-enerġija; il-parti kbira tagħhom ġew konklużi għal żmien itwal minn 15-il sena. L-aħħar PPA jiskadi fl-2027. |
(31) |
Il-PPAs kollha huma mirfudin mill-istess prinċipji bażiċi:
Iżda, ladarba l-kontenut finali tal-PPAs huwa r-riżultat ta' sett individwali ta' negozjati għal kull proġett, mhumiex għal kollox identiċi u d-dettalji jistgħu jkunu differenti. |
(32) |
Xi PPAs ġew emendati, xi wħud minnhom bosta drabi, minn mindu ġew iffirmati. Dawn l-emendi biddlu xi aspetti tal-kuntratt, iżda l-prinċipji ewlenin deskritti hawn fuq dejjem ġew imħarsa. |
2.2. Abbozz dwar it-terminazzjoni bikrija tal-PPAs li dwaru ttieħdet id-deċiżjoni li tinbeda l-proċedura
(33) |
L-Abbozz li dwaru ttieħdet id-deċiżjoni li tinbeda l-proċedura kien jipprovdi li l-ġeneraturi tal-enerġija elenkati fit-Tabella 1 jitterminaw volontarjament il-PPAs konklużi ma' PSE. Il-ġeneraturi tal-elettriku li jagħżlu li jidħlu fis-sistema jkunu intitolati għall-kumpens taħt il-kondizzjonijiet stabbiliti fl-Abbozz. |
(34) |
Il-kumpens jista' jkopri d-differenza bejn l-ispejjeż mitluba mill-kumpanija sabiex twettaq PPA u s-sehem tad-dħul iġġenerat mill-bejgħ tal-elettriku li l-kumpanija tista' tuża biex tkopri dawn l-ispejjeż. Minn hawn 'il-quddiem id-differenza hija msemmija bħala “d-differenza li tista' tiġi kkumpensata”. Dawn l-ispejjeż jinkludu wkoll spejjeż direttament marbutin mat-terminazzjoni tal-PPA, bħal spejjeż assoċjati mal-ħlas bikri ta' self. |
(35) |
Il-kumpens jieħu l-forma ta' ħlas inizzjali, u mbagħad aġġustamenti annwali sal-2016 u aġġustament finali f'dik is-sena. |
(36) |
Il-ħlas inizzjali huwa daqs id-differenza li tista' tiġi kkumpensata mill-2006 sal-aktar kmieni bejn l-2025 jew is-sena meta l-PPA in kwistjoni oriġinarjament kellu jiskadi, fuq bażi ta' tendenzi previsti fil-prezzijiet u l-ishma tas-suq f'dak il-perjodu. |
(37) |
Matul il-perjodu mid-dħul fis-seħħ tal-Abbozz sal-2014, l-ammont tad-differenza li tista' tiġi kkumpensata jiġi kkalkulat mill-ġdid fuq bażi tad-data ekonomika attwali u mqabbla mal-ammont oriġinarjament ikkalkolat fuq il-bażi tal-previżjoni. Jekk il-valur attwali huwa differenti mill-previżjoni, isir aġġustament li jista' jkun pożittiv jew negattiv u jagħti lok jew għal ħlas ulterjuri lir-reċipjent jew għall-ħlas lura mir-reċipjent, skont ma jkun xieraq. Għal raġunijiet prattiċi, b'mod partikolari ż-żmien meħtieġ sabiex tinġabar id-data kollha, il-komputazzjoni tal-aġġustamenti attwalment isseħħ sentejn kalendarji wara s-sena li għaliha tirreferi d-data ekonomika. |
(38) |
Fl-2016 se tiġi stabbilita previżjoni ġdida għal tendenzi fil-prezzijiet u fl-ishma tas-suq li tkopri l-perjodu mill-2015 sal-ewwel fost l-2025 jew is-sena meta l-PPA in kwistjoni oriġinarjament kellu jiskadi (“il-perjodu li jifdal”). L-ammont tad-differenza li tista' tiġi kkumpensata tul il-medda tal-perjodu li jifdal, ikkalkolat fuq il-bażi ta' din il-previżjoni, se jiġi mqabbel mal-valur ikkalkolat meta tintuża l-previżjoni oriġinali. Jekk dawn l-ammonti huma differenti, isir aġġustament finali li jkopri l-perjodu kollu li jifdal. Bħall-aġġustamenti ta' qabel, l-aġġustament finali jista' jkun pożittiv jew negattiv u jagħti lok għal ħlas ulterjuri lir-reċipjent jew ħlas lura mir-reċipjent, kif xieraq. |
(39) |
Il-kumpens totali mħallas, inklużi l-aġġustamenti, ma jistax jeċċedi dan l-ammont massimu li ġej. L-ammont massimu huwa ddeterminat għall-kumpaniji individwali jew, fejn il-kumpaniji jappartjenu għal grupp wieħed, għall-grupp (6): Tabella 2 Il-kumpens massimu pprovdut fil-pverżjoni tal-Abbozz analizzata fid-deċiżjoni li tinbeda l-proċedura
|
(40) |
Dan l-ammont massimu huwa daqs id-differenza li tista' tiġi kkumpensata kif ikkalkolata mill-2006 sal-2025 fuq bażi tal-ipoteżi li l-prezzijiet fis-suq tal-elettriku se jiżdiedu regolarment iżda bil-mod minn livell aktar baxx minn dak preżenti sal-livelli rreġistrati fl-Ewropa tal-Punent. F'dan ix-xenarju, il-prezzijiet medji tal-elettriku jibdew madwar Eur 22/MWh fl-2006, jiżdiedu bil-mod għal Eur 30/MWh fl-2015, imbagħad jiżdiedu aktar malajr għal madwar Eur 40/MWh fl-2018 u jistabbilizzaw madwar dan l-ammont, b'xi ċaqlieq 'il fuq jew 'l isfel, sal-aħħar tal-perjodu ta' referenza fl-2025. |
(41) |
Il-kumpens jitħallas minn PSE jew minn sussidjarja li hija għal kollox proprjetà tal-istat, u ffinanzjat mill-introduzzjoni ta' imposta fuq il-konsumaturi proporjzonata għall-abbonament tagħhom għan-netwerk tal-elettriku. Sabiex jiġi ffinanzjat il-ħlas inizzjali kbir, PSE u/jew is-sussidjarja tagħhom se tissekuritizza d-dħul mill-imposta. |
3. RAĠUNIJIET GĦALL-BIDU TAL-PROĊEDURA
(42) |
Fid-deċiżjoni tagħha li tibda l-proċedura, bl-għan li tivvaluta l-Abbozz innotifikat, il-Kummissjoni eżaminat kemm l-element tal-għajnuna tal-istat tal-PPAs infishom kif ukoll l-element tal-għajnuna tal-istat tal-kumpens imħallas fil-każ tat-terminazzjoni tal-PPAs. Kif spjegat fil-punt 3 tad-deċiżjoni li tinbeda l-proċedura, dawn iż-żewġ miżuri kienu konnessi fil-qrib. |
(43) |
Id-dubji mqajma fid-deċiżjoni li tinbeda l-proċedura huma mqassra fil-punti 3.1 u 3.2. hawn taħt. Għal valutazzjoni aktar dettaljata, il-Kummissjoni tirreferi għall-punt 3 tad-deċiżjoni li tinbeda l-proċedura. |
3.1. Il-Ftehimiet dwar ix-Xiri tal-Enerġija
(44) |
Fl-analiżi preliminarja tagħha, il-Kummissjoni kienet tal-fehma li l-PPAs x'aktarx kienu se jipprovdu vantaġġ kompetittiv lill-ġeneraturi tal-enerġija kuntraenti, li jfixkel il-kompetizzjoni u jaffettwa l-kummerċ bejn l-Istati Membri. |
(45) |
Il-Kummissjoni esprimiet il-fehma li l-PPAs ma kinux jikkostitwixxu għajnuna eżistenti għaliex – fuq bażi tat-Trattat tal-Adeżjoni – ebda mill-PPAs ma kien eliġibbli għal waħda mit-tliet kategoriji ta' għajnuna li kienu meqjusa, sa mill-adeżjoni, bħala għajnuna eżistenti fis-sens tal-Artikolu 88(1) tat-Trattat KE. (7) |
(46) |
B'mod partikolari, l-ewwelnett, ebda mill-PPAs (ħlief dak iffirmat ma' Elektrociepłownia Turów) ma kien daħal fis-seħħ qabel l-10 ta' Diċembru 1994. It-tieni, il-Kummissjoni ma kinitx ġiet avżata dwar il-PPAs taħt l-hekk imsejħa “proċedura interim” u, it-tielet, ebda mill-PPAs ma kien indikat fuq il-lista tal-għajnuna eżistenti annessa mat-Trattat tal-Adeżjoni. |
(47) |
Il-Kummissjoni ddikjarat li, ladarba l-PPAs ma kinux ġew notifikati lilha skont l-Artikolu 88(3) tat-Trattat KE, ikkostitwew għajnuna illegali fis-sens tal-Artikolu 1(f) tar-Regolament tal-Kunsill (KE) Nru 659/1999 tat-22 ta' Marzu 1999 li jistabbilixxi regoli dettaljati għall-applikazzjoni tal-Artikolu 93 tat-Trattat tal-KE. (8) |
(48) |
Il-Kummissjoni esprimiet il-fehma li t-termini u l-kondizzjonijiet tal-PPAs qiegħdu lill-ġeneraturi tal-enerġija li kienu parti għal PPA f'sitwazzjoni ekonomika aktar vantaġġjuża minn ġeneraturi tal-enerġija oħrajn li ma kinux partijiet għal PPA u kumpaniji f'setturi oħrajn komparabbli fejn tali ftehimiet għal żmien twil lanqas ma kienu ġew offruti lill-parteċipanti fis-suq. Il-miżura għalhekk instabet, fuq bażi preliminarja, li tagħti vantaġġ selettiv lil dawk il-ġeneraturi tal-enerġija. |
(49) |
Il-Kummissjoni nnutat ukoll li s-swieq tal-elettriku kienu nfetħu għall-kompetizzjoni u li l-elettriku kien ġie nnegozjat bejn l-Istati Membri għall-inqas mid-dħul fis-seħħ tad-Direttiva 96/92/KE tal-Parlament Ewropew u tal-Kunsill tad-19 ta' Diċembru 1996 dwar ir-regoli komuni għas-suq intern tal-elettriku. (9) Il-miżuri li jiffarovixxu lill-kumpaniji fis-settur tal-enerġija fi Stat Membru wieħed għalhekk ġew meqjusa bħala li potenzjalment ifixklu r-rieda ta' kumpaniji minn Stati Membri oħrajn li jesportaw l-elettriku lil dak l-Istat Membru, jew jiffavorixxu l-esportazzjonijiet tal-elettriku lit-tieni grupp ta' Stati Membri. |
(50) |
Il-Kummissjoni esprimiet il-fehma wkoll li dan il-vantaġġ kien jimplika l-użu tar-riżorsi tal-istat, għaliex id-deċiżjoni li jiġu ffirmati l-PPAs kienet konsegwenza ta' politika tal-istat implimentata permezz tal-operatur tan-netwerk PSE, li kienet għal kollox proprjetà tal-istat. Skond il-ġurisprudenza tal-Qorti tal-Ġustizzja tal-Komunitajiet Ewropej (“Qorti tal-Ġustizzja”), meta kumpanija statali tuża l-fondi tagħha b'mod li jista' jitqies li jikkostitwixxi azzjoni tal-istat, allura dawn il-fondi għandhom jitqiesu bħala riżorsi tal-istat fis-sens tal-Artikolu 87(1) tat-Trattat KE (10). |
(51) |
Il-Kummissjoni għalhekk ikkonkludiet li l-PPAs x'aktarx kienu jikkostitwixxu għajnuna mill-istat lill-ġeneraturi tal-enerġija fis-sens tal-Artikolu 87(1) tat-Trattat KE. |
(52) |
Il-Kummissjoni mbagħad iddikjarat li għandha tintuża l-Metodoloġija tal-Ispejjeż li Mhumiex Irkuprabbli biex tiġi analizzata l-għajnuna mill-istat li jirċievu l-ġeneraturi tal-enerġija. Fuq bażi tad-dokumenti fil-pussess tagħha dak il-ħin, il-Kummissjoni kellha dubji dwar il-kompatibbiltà tal-PPAs mal-kriterji stabbiliti fil-Metodoloġija tal-Ispejjeż li Mhumiex Irkuprabbli. |
(53) |
L-ewwel, il-Kummissjoni kellha dubji dwar jekk ir-regoli li jirregolaw PPA li għalaq parti sinjifikanti mis-suq setgħux jitqiesu kompatibbli mal-għanijiet fundamentali tal-Metodoloġija tal-Ispejjeż li Mhumiex Irkuprabbli, jiġifieri biex jiżdied il-pass tal-liberalizzazzjoni tas-settur billi jingħata kumpens xieraq għall-entitajiet li qabel kellhom monopolju li jiffaċċjaw kompetizzjoni inġusta. |
(54) |
It-tieni, il-Kummissjoni kellha dubji dwar jekk l-element tal-għajnuna mill-istat inkluż fil-PPAs ikunx kompatibbli mal-kriterji dettaljati tal-Metodoloġija tal-Ispejjeż li Mhumiex Irkuprabbli fir-rigward tal-kalkolu tal-ispejjeż li mhumiex irkuprabbli eliġibbli u l-attribuzzjoni ta' kumpens xieraq. |
3.2. Il-kumpens fil-każ tat-terminazzjoni bikrija tal-PPAs
(55) |
Fid-deċiżjoni li tinbeda l-proċedura l-Kummissjoni użat l-istess raġunament bħal dak spjegat hawn fuq biex tiddetermina jekk il-PPAs kienx fihom elementi ta' għajnuna. Wara hija kkonkludiet, fuq bażi provviżorja, li l-elementi tal-għjanuna kienu wkoll preżenti fil-każijiet ta' kumpens għat-terminazzjoni bikrija tal-PPAs (11). |
(56) |
Imbagħad il-Kummissjoni analizzat il-kompatibbiltà tal-element tal-għjanuna tal-kumpens mal-kriterji stabbiliti fil-Metodoloġija tal-Ispejjeż li Mhumiex Irkuprabbli. |
(57) |
Il-Kummissjoni kellha dubji dwar jekk il-kumpens kienx kompatibbli mal-kriterji dettaljati tal-Metodoloġija tal-Ispejjeż li Mhumiex Irkuprabbli fir-rigward tal-kalkolu tal-ispejjeż li mhumiex irkuprabbli eliġibbli u l-attribuzzjoni ta' kumpens xieraq. |
4. IL-KUMMENTI TAL-PARTIJIET INTERESSATI
(58) |
Wara l-pubblikazzjoni tad-deċiżjoni li tinbeda l-proċedura, u fit-terminu rilevanti jew, f'xi każijiet, wara estensjoni tat-terminu mitlub mill-partijiet interessati, il-Kummissjoni rċeviet kummenti minn:
|
(59) |
Il-kummenti sottomessi lill-Kummissjoni mill-partijiet huma simili ħafna, xi kultant virtwalment identiċi. Għal dik ir-raġuni, minflok ma tiddeskrivi l-kummenti ta' kull parti interessata separatament, il-Kummissjoni ġabrithom f'kategoriji ġenerali (ara hawn taħt). |
4.1. Il-kummenti dwar il-PPAs
(60) |
Il-partijiet interessati jargumentaw li l-PPAs m'għandhomx jitqiesu bħala li “għadhom jgħoddu wara l-adeżjoni” fis-sens tal-Anness IV, paragrafu 3, subparagrafu 1(c) tal-Att tal-Adeżjoni (14). |
(61) |
Il-partijiet interessati jargumentaw li l-miżuri li ġew stabbiliti skont il-liġi qabel l-adeżjoni m'għandhomx jiġu riveduti mill-Kummissjoni wara l-adeżjoni. Dan huwa skont il-prinċipju ġenerali ta' nuqqas ta' retroattività. Ir-regoli Komunitarji dwar l-għajnuna mill-Istat ma kellhomx jgħoddu sal-adeżjoni. |
(62) |
Il-partijiet interessati jirreferu għal deċiżjonijiet tal-Kummissjoni ta' qabel (15) fejn il-Kummissjoni ddikjarat li sistemi ta' għajnuna li, fil-perspettiva tagħhom, kienu simili għall-PPAs, ma kinux jgħoddu wara l-adeżjoni. |
(63) |
Fl-opinjoni tagħhom, kwalunkwe għajnuna taħt il-PPAs kienet tkun ingħatat qabel l-adeżjoni. Il-ħlasijiet annwali xorta kienu jridu jsiru iżda m'għandhomx jitqiesu bħala li jikkostitwixxu għajnuna ġdida. |
(64) |
Il-PPAs iffissaw il-volum ta' elettriku li għandu jinxtara minn PSE u l-prezz tax-xiri tal-elettriku fil-perjodu in kwistjoni. Fil-każ ta' għall-inqas xi affarijiet, il-prezzijiet ġew ikkalkolati b'tali mod li ma setgħux jeċċedu livell li kien ġie miftiehem qabel bejn il-partijiet jew il-varjazzjonijiet kienu jkunu limitati għal ammont raġonevoli meta mqabbel ma' prezzijiet tas-suq speċifiċi, jiġifieri l-istandard l-aktar oġġettiv possibbli. Il-prezzijiet attwali kultant kienu aktar baxxi, b'mod partikolari għaliex ir-regolatur Pollakk żamm kontroll indirett fuqhom. F'dan is-sens, l-espożizzjoni massima tal-istat kienet ukoll iddeterminata b'mod ċar mill-PPAs qabel l-adeżjoni. |
(65) |
Il-partijiet interessati jargumentaw li, ukoll kieku wieħed kellu jammetti li l-PPAs jikkostitwixxu għajnuna mill-istat fis-sens tal-Artikolu 87(1) tat-Trattat KE, din l-għajnuna mill-istat għandha titqies bħala għajnuna eżistenti fis-sens tal-Artikolu 1(b) tar-Regolament (KE) Nru 659/1999. |
(66) |
Il-partijiet interessati huma tal-fehma li deċiżjoni li tiddetermina jekk l-għajnuna mogħtija qabel l-adeżjoni u kontinwata wara l-adeżjoni għandhiex titqies “għajnuna ġdida” jew “għajnuna eżistenti” m'għandhiex tkun ibbażata biss fuq l-Anness IV tal-Att tal-Adeżjoni. Skond il-partijiet interessati, jekk din l-għajnuna ma tikkwalifikax bħala għajnuna eżistenti skont l-Anness IV tal-Att tal-Adeżjoni, għandha tiġi eżaminata fid-dawl tal-Artikolu 1(b)(ii) sa (v) tar-Regolament (KE) Nru 659/1999. |
(67) |
Il-partijiet interessati jargumentaw li l-Artikolu 1(b)(v) tar-Regolament (KE) Nru 659/1999 jgħodd għall-PPAs, u li għalhekk il-PPAs jikkostitwixxu “għajnuna eżistenti”. |
(68) |
Il-partijiet interessati jiddikjaraw ukoll li l-aħħar sentenza tal-Artikolu 1(b)(v) tar-Regolament (KE) Nru 659/1999 ma jgħoddx għall-PPAs għal tliet raġunijiet. |
(69) |
L-ewwel, fis-sentenza Alzetta Mauro (17), il-Qorti ddeċidiet li l-għajnuna li kienet teżisti f'ċertu suq li għall-ewwel kien magħluq għall-kompetizzjoni qabel ma ġie lliberalizzat għandha titqies bħala għajnuna eżistenti mill-ħin tal-liberalizzazzjoni. Skond il-partijiet interessati, din is-sentenza hija bbażata direttament fuq interpretazzjoni tal-Artikolu 88(1) tat-Trattat KE, u għalhekk tieħu preċedenza fuq ir-Regolament (KE) Nru 659/1999. |
(70) |
It-tieni, fi kwalunkwe każ, minħabba li r-Regolament (KE) Nru 659/1999 kien għadu ma daħalx fis-seħħ meta s-suq tal-elettriku ġie liberalizzat taħt id-Direttiva 96/92/KE jew meta l-PPAs ġew iffirmati, kienu jgħoddu r-regoli stabbiliti fis-sentenza ta' Alzetta Mauro, u mhux ir-Regolament (KE) Nru 659/1999. |
(71) |
It-tielet, tqabbil tal-kliem tal-kategoriji differenti fl-Artikolu 1(b) tar-Regolament (KE) Nru 659/1999 iwassal għall-konklużjoni li l-Artikolu 1(b)(v) jgħodd biss għall-iskemi tal-għajnuna mill-istat, ladarba l-għajnuna individwali ma ġietx imsemmija b'mod espliċitu. |
(72) |
B'sostenn ta' din il-kontenzjoni, il-partijiet interessati jindikaw ukoll li l-PPAs kienu ftehimiet ta' liġi privata u mhux miżuri tal-istat. Skond il-partijiet interessati, ikun riżultat pervers jekk kuntratt li huwa konkluż legalment u validament qabel l-adeżjoni tal-Polonja għall-UE u l-liberalizzazzjoni kellu jsir illegali wara l-adeżjoni. Il-partijiet interessati huma tal-fehma li din tkun interpretazzjoni espansiva u retroattiva tar-regoli dwar l-għajnuna mill-istat tat-Trattat KE li hija inkompatibbli mal-prinċipji rikonoxxuti internazzjonalment taċ-ċertezza legali u tal-aspettattivi leġittimi. |
(73) |
Il-banek issottomettew dawn il-kummenti li ġejjin. |
(74) |
Il-Banek jargumentaw li l-miżura ma tistax tiġi imputata lill-Istat, iżda lil PSE. Filwaqt li wieħed iżomm preżenti l-istat tas-settur Pollakk tal-elettriku meta l-PPAs ġew iffirmati, l-unika għażla ta' PSE kienet li tiffirma kuntratti għal perjodi twal. Dan kien ukoll ikun il-każ kieku PSE kienet operatur fis-suq li huwa proprjetà privata. Għalhekk kien fl-interess ta' kemm l-istat kif ukoll il-partijiet tal-ftehimiet li l-PPAs jiġu konklużi, minflok każ li l-istat jimponi deċiżjoni politika fuq PSE. |
(75) |
Il-parti l-kbira tal-partijiet interessati jargumentaw li l-PPAs ma jagħtu ebda vantaġġ ekonomiku. |
(76) |
Il-partijiet interessati jikkritikaw is-sejba preliminarja tal-Kummissjoni li l-prezzijiet stabbiliti taħt il-PPAs huma ogħla mill-prezzijiet bl-ingrossa fis-suq. Skond il-partijiet interessati, il-Kummissjoni m'għamlithiex ċara fid-deċiżjoni li tinbeda l-proċedura liema suq u liema prezzijiet kienet tirreferi għalihom id-deċiżjoni. B'mod partikolari, il-Borża tal-Enerġija Pollakka ma nfetħitx sa Diċembru 1999, meta ħafna PPAs kienu diġà ġew konklużi. Fl-opinjoni tal-partijiet interessati, l-interkonnetturi bejn il-Polonja u pajjiżi oħrajn kienu mblukkati dak iż-żmien. Il-Kummissjoni għamlet riferenza żbaljata għal prezz irreġistrat fil-Greċja fl-2003, jiġifieri f'kuntest ġeografiku u temporali totalment differenti. |
(77) |
L-enerġija mibjugħa taħt il-PPAs ma tistax tkun imqabbla mal-enerġija mibjugħa barra mill-PPAs, ukoll fil-Polonja. tal-ewwel tirrispetta l-istandards ambjentali moderni, filwaqt li tal-aħħar hija prodotta minn unitajiet li inqas iħarsu l-ambjent, li “jwettqu dumping” (19) tal-kapaċità żejda tagħhom bi spejjeż marġinali, taħt bosta mekkaniżmi, li l-ebda minnhom ma jiżgura prezzijiet li jkopru kemm spejjeż fissi kif ukoll dawk varjabbli. Il-ġeneraturi tal-enerġija li joperaw barra mill-PPAs kien wkoll sussidjati u ma kinux meħtieġa li jimmodernizzaw it-tagħmir tagħhom, b'mod differenti mill-ġeneraturi tal-enerġija taħt il-PPAs. Fi kwalunkwe każ ma setgħux jipproduċu biżżejjed elettriku biex ikopru t-talba totali fil-Polonja, b'mod partikolari fl-1997-1998. |
(78) |
Skond il-partijiet interessati, il-PPAs għandhom jiġu analizzati fid-dawl taċ-ċirkostanzi prevalenti fil-ħin meta ġew konklużi, jiġifieri sistema ċentralizzata, irregolata tal-elettriku bi klijent uniku, minflok sistema liberalizzata b'suq bl-ingrossa. |
(79) |
Il-PPAs kienu l-uniku mod biex jiġu żgurati l-investimenti li kienu jilħqu r-rekwiżiti għas-settur tal-elettriku fil-Polonja (b'mod partikolari, il-modernizzazzjoni fis-suq kollu, ħarsien tal-ambjent u sigurtà tal-provvista). Il-Banek ħtieġu lill-PPAs biex iservu bħala garanzija għas-self tagħhom. L-applikazzjoni tal-prinċipju tal-investitur privat fisser li jitqiesu dawn ir-rekwiżiti, u l-uniku mod biex jintlaħqu kienu l-PPAs. Il-partijiet interessati jinnutaw li l-PPAs jimponu obbligi ta' investiment u ta' disponibbiltà fuq il-ġeneraturi tal-enerġija. |
(80) |
Il-partijiet interessati jargumentaw li l-imġieba ta' PSE meta ffirmat il-PPAs m'għandhiex tiġi analizzata f'termini jekk kisbitx profitti fuq ż-żmien twil iżda jekk kinitx tiżgura l-profitabbiltà tal-investimenti fit-tul u – minn perspettiva ta' operatur ta' netwerk – jekk żguratx is-sigurtà stabbli tal-provvista u wettqitx id-dmirijiet ġenerali tas-servizz pubbliku tagħħa. Il-partijiet interessati jiddikjaraw li l-PPAs ġew konklużi permezz ta' proċedura tas-sejħa għall-offerti trasparenti u miftuħa, li saret b'mod mhux diskriminatorju u wasslet għall-prezz l-aktar baxx possibbli. Skond il-partijiet interessati, isegwi mill-ġurisprudenza tal-Qorti tal-Ġustizzja li dan fih innifsu huwa biżżejjed biex li jingħata vantaġġ ekonomiku jiġi eskluż (20). Qabel ma nbdiet il-proċedura għas-sejħa għall-offerti għall-PPAs, saret analiżi tal-ispejjeż l-aktar baxxi biex tiġi ddeterminata lista ta' prioritajiet ta' investiment fis-settur. |
(81) |
Il-partijiet interessati jargumentaw ukoll li ladarba PSE kienet qed topera f'sistema tal-elettriku rregolata, l-imġieba tagħha ma tistax tiġi mqabbla mal-imġieba ta' kumpaniji li joperaw taħt kondizzjonijiet normali tas-suq. Għalhekk, l-imġieba ta' PSE għandha tiġi evalwata b'riferenza għal elementi oġġettivi u verifikabbli li, skont il-partijiet interessati, huma kkostitwiti mill-ispejjeż magħmula mill-ġeneraturi tal-enerġija (21). L-imġieba ta' PSE hija kompatibbli mal-prinċipju tal-investitur privat għaliex il-PPAs ma jkopru xejn ħlief spejjeż fissi u spejjeż varjabbli u marġinu raġonevoli ta' qliegħ. |
(82) |
Jingħad li hija prattika ġeneralment aċċettata li l-operaturi fis-settur jikkonkludu kuntratti għal żmien twil bħall-PPAs. Huwa argumentat li dan huwa forma normali ta' tqassim tar-riskju bejn il-ġeneratur tal-enerġija u x-xerrej. Id-dewmien twil ta' kuntratt m'għandux jitqies bħala vantaġġ fih innifsu. Il-partijiet interessati jikkwotaw għadd ta' eżempji: kuntratt bejn Electricité de France u Péchiney fi Franza, żewġ kuntratti bejn Redes Energéticas Nacionais u Turbogás u Electricidade De Portugal u Pego fil-Portugall, u kuntratti konklużi minn Northern Ireland Electricity fir-Renju Unit. Il-partijiet interessati jirreferu wkoll għal kuntratt “IASB”, iżda r-riferenzi provduti ma kinux korretti u l-Kummissjoni ma setgħetx issib id-dokument (22). Il-partijiet interessati jallegaw li l-Kummissjoni ma esprimietx riżervazzjonijiet dwar it-tul ta' dawn il-kuntratti, għalkemm ammonta għal mhux inqas minn 15-il sena. Il-partijiet interessati jiddikjaraw li l-kuntratti għal żmien twil huma wkoll prattika ġeneralment aċċettata fl-Istati Uniti, iżda ma jipprovdu ebda eżempju speċifiku. |
(83) |
Il-partijiet interessati jallegaw ukoll li l-PPAs ma jiggarantixxux dħul lura fuq investiment. PSE u l-awtoritajiet regolatorji żammew il-mezzi legali biex jillimitaw id-dħul lura fuq l-investiment. B'mod partikolari, l-awtoritajiet regolatorji jistgħu jirrevedu l-prezzijiet u jiċħdu l-imposti eċċessivi jew mhux ġustifikati. PSE mhux dejjem użat il-kapaċità sħiħa tal-impjanti tal-enerġija, u inkorporat il-kisbiet li rriżultaw minn titjib fl-effiċjenza meta kkalkolat il-prezzijiet tal-elettriku fil-kuntratti. Il-ġeneraturi tal-kuntratti jiffaċċjaw ukoll għadd ta' riskji relatati, per eżempju, mal-finanzjament, il-kostruzzjoni, l-operat u l-manutenzjoni. |
(84) |
Ladarba l-PPAs ma jipprovdu ebda vantaġġ ekonomiku, huwa argumentat, ma jikkostitwux għajnuna mill-istat fis-sens tal-Artikolu 87(1) tat-Trattat KE. |
(85) |
Il-partijiet interessati li huma proprjetà privata wkoll jargumentaw li, ukoll jekk il-PPAs kien fihom xi vantaġġ ekonomiku, il-valur ta' dan il-vantaġġ ekonomiku kien ikun rifless fil-prezz tal-bejgħ miftiehem fil-ħin tal-privatizzazzjoni tal-impjant tal-enerġija. Il-PPAs kienu meħtieġa sabiex issir il-privatizzazzjoni, u kienu wieħed mill-prekundizzjonijiet bażiċi tal-ftehimiet tal-privatizzazzjoni għal dawn l-impjanti. Il-partijiet interessati jargumentaw li, skont is-sentenzi ta' Banks (23) u Falck tal-Qorti tal-Ġustizzja, iċ-ċirkostanzi msemmija hawn fuq jeskludu kwalunkwe element ta' vantaġġ ekonomiku mill-PPAs. |
(86) |
Il-partijiet interessati jargumentaw li l-ġeneraturi tal-enerġija li huma partijiet għall-PPAs jipprovdu servizzi ta' interess ekonomiku ġenerali (“SGEIs” – services of general economic interest). |
(87) |
L-għajnuna mill-istat taħt il-PPAs, jekk hemm, tilħaq l-erba' kriterji kumulattivi stabbiliti mill-Qorti fis-sentenza tagħha fil-każ C-280/00 (“is-sentenza ta' Altmark”) (25). |
(88) |
L-ewwel, il-ġeneraturi tal-enerġija li huma partijiet għall-PPAs ikunu fdati li jipprovdu l-SGEIs. Dan isegwi mill-Artikolu 1(2) tal-Att Pollakk tal-1997 dwar l-Enerġija, li jgħid li l-istat għandu jiżgura provvista kontinwa u mingħajr interruzzjoni tal-enerġija lill-utenti b'mod li huwa teknikament u ekonomikament ġustifikabbli, filwaqt li jitqiesu kif xieraq ir-rekwiżiti tal-ħarsien tal-ambjent. Il-partijiet interessati wkoll iqisu d-diversifikazzjoni tal-karburanti u t-tnaqqis tal-emissjonijiet tal-ossidu tan-nitroġenu qrib iż-żoni urbali bħala SGEIs li huma marbutin li jiprpovdu. L-Istati Membri għandhom marġinu wiesa' ta' diskrezzjoni biex jiddeterminaw liema servizzi jikkostitwixxu SGEIs. B'mod aktar preċiż, id-Direttiva 96/92/KE tagħmilha possibbli li s-sigurtà tal-provvista titqies bħala SGEI, li huwa kkonfermat mill-prattika tal-Kummissjoni tat-teħid tad-deċiżjonijiet. Il-ħarsien tal-ambjent, inklużi l-effiċjenza tal-enerġija u l-ħarsien tal-klima, ukoll tqieset bħala SGEI fid-Direttiva 2003/54/KE tal-Parlament Ewropew u tal-Kunsill tas-26 ta' Ġunju 2003 dwar ir-regoli komuni għas-suq intern fil-qasam tal-elettriku u li tħassar id-Direttiva 96/92/KE (26). Bħala tali, il-PPAs jitqiesu bħala strument legali użat mill-Istat biex jafda lill-ġeneraturi tal-enerġija bl-imsemmija SGEIs, kif ikkonfermat mill-kriterji tal-valutazzjoni tal-offerti. |
(89) |
It-tieni, il-PPAs, inklużi l-annessi, jistabbilixxu regoli preċiżi li jirregolaw il-kumpens għall-ispejjeż tal-SGEIs mill-bidu. Dan huwa parti min-negozjati għall-PPAs. Xi PPAs ġew emendati bosta drabi, ukoll wara l-adeżjoni tal-Polonja għall-Unjoni Ewropea, iżda dan ma kellux impatt sinjifikanti fuq ir-regoli tal-kumpens jew l-ammonti involuti. |
(90) |
It-tielet, il-kumpens imħallas fuq bażi tal-PPAs ma jeċċedix l-ispejjeż tal-SGEIs provduti. Il-PPAs ikopru biss l-ispejjeż biex jiġi ġġenerat l-elettriku mixtri (eż., spejjeż tal-kostruzzjoni, spejjeż fissi u varjabbli tal-operat u tal-manutenzjoni, spejjeż ġenerali [overheads]) u marġinu raġonevoli ta' qligħ. |
(91) |
Ir-raba', l-SGEIs ġew fdati lil kumpaniji magħżula permezz ta' proċedura tas-sejħa għall-offerti miftuħa, kompetittiva u mhux diskriminatorja għall-konklużjoni tal-PPAs. |
(92) |
Fid-dawl ta' dan ta' hawn fuq, il-partijiet interessati jikkonkludu li l-PPAs jilħqu l-erba' kriterji kumulattivi msemmija fis-sentenza ta' Altmark u għandhom jitqiesu bħala li ma jikkostitwixxux għajnuna fis-sens tal-Artikolu 87(1) tat-Trattat KE. |
(93) |
Il-partijiet interessati jargumentaw ukoll li wkoll jekk il-PPAs tqiesu li ma jilħqux l-erba' kriterji kumulattivi tas-sentenza ta' Altmark, xorta jistgħu jiġu ddikjarati kompatibbli mas-suq komuni taħt l-Artikolu 86(2) tat-Trattat KE. |
(94) |
Kif indikat fil-preambolu 88, il-PPAs fdaw lill-ġeneraturi tal-enerġija bl-SGEIs, li n-natura tagħhom hija stabbilita fil-liġi Pollakka. Il-PPAs jitqiesu bħala mezz neċessarju sabiex tiġi ggarantita l-fornitura tal-SGEIs; inkella, ma kinux jistgħu jinstabu għejun xierqa ta' finanzjament għall-iżvilupp tal-impjanti. L-għajnuna taħt il-PPAs hija proporzjonata għall-għan li jinkisbu l-SGEIs ladarba ma tkoprix aktar mill-ispejjeż kollha tal-ġenerazzjoni tal-elettriku, flimkien ma' marġinu raġonevoli ta' qligħ. Fil-qosor, minħabba l-għadd limitat ħafna ta' interkonnessjonijiet bejn in-netwerk tal-elettriku tal-Polonja u networks oħrajn tal-elettriku fl-Unjoni Ewropea, l-għajnuna ma setgħetx taffettwa l-iżvilupp tal-kummerċ bejn l-Istati Membri sa grad li huwa kuntrarju għall-interess komuni. |
(95) |
Il-partijiet interessati jqisu li s-sistema tal-PPAs ma tinkludix elementi ta' selettività. |
(96) |
Skond il-partijiet interessati, ma jistax jiġi awtomatikament assunt li miżura li tiffarovixxi biss settur wieħed tal-ekonomija hija selettiva. Il-partijiet interessati jargumentaw li l-Kummisjoni għandha dejjem tiddefinixxi s-suq rilevanti ġeografiku u tal-prodotti. Il-Kummissjoni mbagħad għandha tidentifika lill-kompetituri tar-reċipjenti tal-miżura tal-għajnuna f'dan is-suq sabiex tiddetermina jekk il-miżura hijiex selettiva. F'dan il-każ speċifiku, il-proċedura tas-sejħa għall-offerti biex jingħażlu l-partijiet tal-PPAs kienet miftuħa, trasparenti u mhux diskriminatorja, li jfisser li ma kienet involuta ebda selettività. |
(97) |
Il-partijiet interessati jargumentaw ukoll li l-miżuri li huma speċifiċi għas-settur jistgħu ma jkunux selettivi jekk huma purament ir-riżultat tal-forzi tas-suq. Il-miżuri eżaminati mill-Qorti fis-sentenza ta' Van der Kooy (28) huma eżempju tipiku ta' miżuri mhux selettivi ta' dan it-tip. |
(98) |
Il-partijiet interessati jindikaw ukoll li d-deċiżjoni li jiġu konklużi l-PPAs ittieħdet mhux mill-istat iżda minn PSE. Il-kriterju tas-selettività għandu jiġi sostitwit mill-prinċipju tal-investitur privat. |
(99) |
Il-partijiet interessati jargumentaw li l-Kummissjoni jmissha eżaminat jekk il-PPAS fixklux il-kompetizzjoni jew affettwawx il-kummerċ bejn l-Istati Membri fil-ħin meta ġew konklużi. |
(100) |
Il-PPAs ġew iffirmati fi żmien meta ma kien hemm ebda kompetizzjoni fis-suq tal-elettriku Pollakk. Id-Direttiva 96/92/KE ma kinitx tgħodd għall-Polonja dak iż-żmien. Il-Polonja kienet għada fi stadju bikri ħafna tan-negozjati tagħha għall-isħubija tal-UE – lanqas kien hemm terminu definittiv għall-adeżjoni. Il-prezzijiet dak iż-żmien kienu għal kollox irregolati, inklużi l-prezzijiet għall-ġeneraturi tal-elettriku li ma kinux partijiet għall-PPAs. Għalhekk il-PPAs ma setgħux jitqiesu bħala li fixklu l-kompetizzjoni f'dak iż-żmien. |
(101) |
Il-partijiet interessati josservaw ukoll li l-Polonja ma kinitx Stat Membru tal-Unjoni Ewropea fiż-żmien meta ġew iffirmati l-PPAs. Barra minn hekk, il-kapaċità tal-konnessjoni bejn il-Polonja u l-qraba tagħha kienet limitata, u l-elettriku ġġenerat taħt il-PPAs kien aktar għali mill-elettriku ġġenerat barra mill-PPAs. Għalhekk ma jistax jiġi argumentat li l-PPAs affettwaw il-kummerċ bejn l-Istati Membri fiż-żmien meta ġew konklużi. |
(102) |
Il-partijiet interessati jargumentaw li, kieku l-PPAs kienu għajnuna mill-Istat, kienu jistgħu jiġu ddikjarati kompatibbli mas-suq komuni skont l-Artikolu 87(3)(a) tat-Trattat KE. |
(103) |
Il-partijiet interessati jargumentaw li l-PPAs ma jistgħux jitqiesu bħala għajnuna għall-operat. L-għajnuna għall-operat (kuntrarjament għall-għajnuna għall-investiment) huwa “għajnuna li hija maħsuba li teħles lil intrapriża mill-ispejjeż li normalment ikollha tħallas fl-amministrazzjoni tagħha ta' kuljum jew fl-attivitajiet normali tagħha.” Il-ħlasijiet taħt il-PPAs ma jistgħux jitqiesu li jikkostitwixxu din l-għajnuna. Jikkostitwixxu l-prezz pagabbli għall-prodotti jew servizzi provduti taħt kuntratt ta' kummerċ. Barra minn dan, l-għan tal-PPAs huwa li jippermettu l-implimentazzjoni ta' proġett tal-investiment, li juri li huma miżuri għall-investiment (pjuttost milli għall-operat). |
(104) |
Il-partijiet interessati għandhom ukoll il-fehma li l-Kummissjoni għandha tagħraf l-eżistenza ta' ċirkostanzi eċċezzjonali li jistgħu jirriżultaw fl-awtorizzazzjoni tal-għajnuna għall-operat f'dan il-każ. Għandu jitqies kif xieraq l-istat tas-settur tal-elettriku Pollakk fis-snin 90. Huwa ċar li l-Polonja tista' titqies bħala wieħed mir-reġjuni msemmija fl-Artikolu 87(3)(a) tat-Trattat KE. Uħud mill-ġeneraturi tal-elettriku in kwistjoni kienu jinsabu f'oqsma fejn l-għeluq ikollu impatt sinjifikanti ħafna fuq il-komuntià sħiħa. Il-PPAs ukoll ippromwovew l-iżvilupp tas-settur tal-elettriku fil-Polonja u tal-ekonomija kollha, minħabba l-importanza ta' dan is-settur. |
(105) |
Il-partijiet interessati jargumentaw li, kieku l-PPAs kienu għajnuna mill-Istat, kienu jistgħu jiġu ddikjarati kompatibbli mas-suq komuni skont l-Artikolu 87(3)(b) tat-Trattat KE. |
(106) |
Skond il-partijiet interessati, meta l-PPAs ġew iffirmati l-istat tas-settur tal-elettriku Pollakk kien qed joħloq taħwid serju fl-ekonomija Pollakka. Huwa argumentat li l-PPAs kienu mod biex jiġi rrimedjat dan it-taħwid serju. |
(107) |
Il-partijiet interessati jargumentaw li, kieku l-PPAs kienu għajnuna mill-Istat, kienu jistgħu jiġu ddikjarati kompatibbli mas-suq komuni skont l-Artikolu 87(3)(c) tat-Trattat KE. |
(108) |
F'dak ir-rigward, il-partijiet interessati huma tal-fehma li l-PPAs m'għandhomx jiġu analizzat fid-dawl tal-Metodoloġija tal-Ispejjeż li mhumiex irkuprabbli, għaliex ma kinux iddiżinjati li jikkumpensaw dawn l-ispejjeż. Minflok, il-PPAs għandhom jiġu analizzati direttament fid-dawl tal-Artikolu 87(3)(c). |
(109) |
Il-partijiet interessati jallegaw li l-PPAs kienu ddiżinjati biex jippermettu l-iżvilupp tas-settur tal-enerġija Pollakk billi jiġbdu l-investiment barrani f'impjanti tal-enerġija moderni, li ma jagħmlux ħsara lill-ambjent. Għalhekk il-PPAs kienu maħsuba biex “jiffaċilitaw l-iżvilupp ta' xi attivitajiet ekonomiċi.” |
(110) |
Il-partijiet interessati jallegaw ukoll li l-PPAs kellhom ftit impatt fuq il-kummerċ fl-elettriku bejn l-Istati Membri. Għal raġunijiet tekniċi, l-interkonnessjonijiet bejn il-Polonja u pajjiżi oħrajn kienu limitati. L-importazzjonijiet iffaċċjaw ostakoli tekniċi u diġà kien sar użu sħiħ mill-ambitu tal-esportazzjonijiet, sabiex ma jistax jiġi allegat li l-PPAs introduċew restrizzjonijiet f'dan il-qasam. Skond il-partijiet interessati, fir-rapport inizzjali tagħha dwar is-suq tal-enerġija (33), il-Kummissjoni ma identifikatx lill-PPAs bħala ostakolu għall-integrazzjoni tas-swieq Ewropej tal-enerġija. Il-partijiet interessati jikkonkludu li l-PPAs ma kellhom “ebda effett negattiv fuq il-kondizzjonijiet tan-negozju b'tali mod li kien kuntrarju għall-interess komuni.” |
(111) |
Il-partijiet interessati jargumentaw ukoll li l-PPAs kellhom jiġu analizzati fid-dawl tal-linji gwida Komunitarji dwar l-għajnuna mill-istat għall-ħarsien tal-ambjent (34), filwaqt li jiġi miftakar li l-PPAs kienu b'mod speċifiku diżinjati li jġibu lill-ġeneraturi tal-enerġija fil-Polonja skont ir-rekwiżiti tad-Direttiva 2001/80/KE tal-Parlament Ewropew u tal-Kunsill tat-23 ta' Ottubru 2001 dwar il-limitazzjoni tal-emissjonijiet ta' ċertu tniġġis fl-arja minn impjanti kbar tal-kombustjoni (35). |
(112) |
Il-partijiet interessati jargumentaw li l-PPAs għandhom jiġu eżaminati taħt il-proċedura tal-għajnuna mill-istat Nru PL 1/03 (37), li nbdiet mill-Kummissjoni b'applikazzjoni tal-mekkaniżmu interim provdut fit-Trattat tal-Adeżjoni. |
(113) |
Il-Każ Nru PL 1/03 ittratta dwar in-notifika mill-Polonja tal-verżjoni inizzjali tal-abbozz għat-tħassir tal-PPAs. Il-partijiet interessati jqisu li, meta eżaminat in-notifika, il-Kummissjoni probabbilment laħqet l-istess konklużjoni dwar il-konnessjoni bejn il-PPAs u l-abbozz inizzjali bħal dwar il-konnessjoni bejn il-PPAs u l-Abbozz, jiġifieri li l-PPAs u l-abbozz huma “konnessi qrib.” |
(114) |
Skond il-partijiet interessati, il-konklużjoni loġika hija li l-Kummissjoni jmissha analizzat il-PPAs bl-istess proċedura li użat biex tanalizza l-abbozz inizzjali, jiġifieri l-proċedura Nru PL 1/03, kif għamlet fil-każ preżenti. |
(115) |
Il-partijiet interessati josservaw li d-deċiżjoni li tinbeda l-proċedura tħassar ukoll id-deċiżjoni tal-Kummissjoni dwar il-każ PL 1/03. Il-Kummissjoni ġġustifikat din id-deċiżjoni li tħassar għar-raġunijiet li l-Polonja kienet naqset milli timplimenta l-abbozz inizzjali qabel l-adeżjoni u li għalhekk il-proċeduri stabbiliti fit-Trattat tal-Adeżjoni ma kinux jgħoddu għalih. Il-partijiet interessati jargumentaw li dan jinjora r-relazzjoni intrinsika bejn l-abbozz inizzjali u l-PPAs. Kontra l-abbozz inizzjali, il-PPAs kienu jibqgħu fl-ambitu tal-proċeduri stabbiliti fit-Trattat tal-Adeżjoni. Il-Kummissjoni jmissha kompliet tanaliżża l-PPAs permezz tal-proċedura Nru PL 1/03, jiġifieri taħt il-proċeduri tat-Trattat tal-Adeżjoni, u ma jmisshiex bdiet proċedura ġdida taħt it-Trattat KE. |
(116) |
Il-partijiet interessati jargumentaw li t-terminazzjoni tal-PPAs tfisser li huma mċaħħda mid-drittijiet tagħhom (39) (mingħajr kumpens xieraq) (40). |
4.2. Kummenti dwar l-Abbozz
(117) |
ELCHO, il-Banek u PAK biss issottomettew kummenti dwar l-Abbozz. |
(118) |
Il-partijiet interessati jtennu l-fehma tagħhom li l-PPAs ma jikkostitwixxux vantaġġ ekonomiku (ara fuq). Jargumentaw li, għalhekk, il-ħlas tal-kumpens ekwu għat-terminazzjoni lanqas ma jista jikkostitwixxi vantaġġ. Il-partijiet interessati jirreferu għas-sentenza ta' Asteris (41). Il-kumpens imħallas taħt l-abbozz, huma jargumentaw, huwa bħal danni kumpensatorji, u barra minn hekk huwa garantit taħt id-dritt internazzjonali privat u l-Artikolu 10 tat-Trattat Karta dwar l-Enerġija |
(119) |
Il-partijiet interessati jargumentaw ukoll li l-Abbozz ma jinvolvix riżorsi tal-istat sa fejn l-imposta parafiskali li se tiffinanzjah ma jgħaddix minn PSE, iżda biss minn operatur wieħed privat jew kumpanija waħda privata jew aktar. |
(120) |
Il-partijiet interessati jargumentaw ukoll li l-Abbozz jista' jitqies kompatibbli mat-Trattat KE fid-dawl tal-Artikoli 87(3)(a)-(c) u 86(2). F'dan ir-rigward, il-partijiet interessati qed jinvokaw l-istess argumenti bħal dawk użati meta ġiet diskussal-kompatibbiltà tal-PPAs ma' dawn id-dispożizzjonijiet tat-Trattat. |
(121) |
Dwar il-kompatibbiltà tal-abbozz mal-Metodoloġija tal-Ispejjeż li mhumiex irkuprabbli, il-Banek jargumentaw li dan il-metodu ġie konċepit u adottat f'kuntest totalment differenti. L-għan tal-Metodoloġija tal-Ispejjeż li mhumiex irkuprabbli kien li tirriżolvi l-problema dwar kif jinġabru lura l-ispejjeż li ma jitħallsux lura wara l-liberalizzazzjoni. B'kuntrast, l-abbozz qies iċ-ċirkostanzi li kienu prevalenti fil-Polonja meta ġew iffirmati l-PPAs. Il-Banek jikkritikaw il-fatt li, fid-deċiżjoni tagħha li tibda l-proċedura, il-Kummissjoni kkwalifikat xi impjanti tal-enerġija fil-Polonja bħala “ineffiċjenti” u ppruvat tanalizza jekk l-Abbozz tal-Liġi kienx jirriżulta fiż-żamma tal-livell tad-dħul garantit qabel il-liberalizzazzjoni. Skond il-Banek, din il-loġika tirriżulta f'li kwalunkwe impjant tal-enerġija mibni qabel l-adeżjoni ta' Stat Membru ġdid għall-Unjoni Ewropea jitqies bħala ineffiċjenti, bil-konsegwenza li kwalunkwe kuntratt konkluż ma' dawn l-impjanti tal-enerġija jitqies awtomatikament bħala għajnuna mill-istat. Imbagħad dan iwassal għall-konklużjoni wiesgħa ħafna li l-kuntratti kollha jkollhom jiġu tterminati fid-data tal-adeżjoni u jiġu negozjati mill-ġdid. Dan ma jagħmel ebda sens legali jew ekonomiku. Il-Banek iżidu li l-Kummissjoni naqset li tipprovdi evidenza konvinċenti jew tanġibbli li l-impjanti tal-enerġija huma ineffiċjenti. |
(122) |
Fil-qosor, skont il-Banek, il-Kummissjoni għamlet distinzjoni żbaljata bejn l-impjanti tal-enerġija li kienu tlestew, jew kważi tlestew, fil-ħin tal-adeżjoni, u l-oħrajn. Meta għamlet dan, il-Kummissjoni injorat il-fatt li l-kumpens għandu jitħallas b'riferenza għar-regoli stabbiliti tal-liġi domestika u dik internazzjonali. Skond il-Banek, il-prezz li parteċipant ġdid huwa ppreparat li jħallas biex jidħol fis-suq huwa irrilevanti għal dawn il-kalkoli. |
5. KUMMENTI MILL-POLONJA DWAR ID-DEĊIŻJONI LI TINBEDA L-PROĊEDURA
5.1. Kummenti dwar il-PPAs
(123) |
Il-Polonja hija tal-fehma li l-istat għandu d-dmir li jiżgura s-sigurtà tal-enerġija, li jinkludi li jiġu żgutati l-provvisti tal-enerġija, filwaqt li jagħti konsiderazzjoni xierqa lir-rekwiżiti ambjentali. |
(124) |
Il-Polonja targumenta li l-PPAs kienu l-uniku mod biex jitwettaq dan id-dmir fil-Polonja fiż-żmien meta ġew iffirmati l-ftehimiet. Kien meħtieġ investiment sinjifikanti biex jiġi mmodernizzat is-suq Pollakk tal-elettriku, u l-kumpaniji tal-enerġija nfishom kellhom riżorsi limitati ħafna. Il-Banek għamlu l-għotja tas-self kontinġenti fuq ċertu livell ta' dħul iggarantit għal perjodu speċifikat. Il-PPAs kienu meqjusa bħala garanzija kollaterali għal dan is-self. |
(125) |
PSE kienet l-unika entità li kienet kapaċi li timplimenta l-PPAs. Meta tiġi analizzata l-imġieba ta' din il-kumpanija, għandu jiġi miftakar li l-għan ewlieni tal-istat mhuwiex li jiġġenera qligħ iżda li jwettaq dmirijietu fl-interess ġenerali. |
(126) |
Il-Polonja targumenta li, ladarba l-PPAs ġew konklużi permezz ta' proċedura tas-sejħa għall-offerti miftuħa, trasparenti u mhux diskriminatorja, il-parteċipazzjoni tal-istat fihom għandha titqies bħal li tirrappreżenta l-prezz tas-suq għat-twettiq tad-dmir fl-interess pubbliku, li jwassal għall-konklużjoni li mhemm ebda element ta' għajnuna mill-istat involut. Dan huwa kompatibbli mal-kunċett tal-isħubija bejn il-privat u l-pubbliku, li tippromwovi l-Kummissjoni. |
(127) |
Skond il-Polonja, il-PPAs ġew konklużi taħt termini tas-suq u l-forma tagħhom irriflettiet b'mod partikolari t-termini ta' kreditu offruti mill-banek lill-ġeneraturi tal-enerġija. |
(128) |
Barra minn dan, il-Polonja targumenta li, ladarba l-kunċetti ta' SGEIs u tal-isħubija bejn il-privat u l-pubbliku dejjem jirreferu għal settur speċifiku, il-PPAs ma jistgħux jitqiesu bħala strumenti li huma speċifiċi għas-settur aktar min-normal. |
(129) |
Il-Polonja targumenta wkoll li, fil-każijiet fejn l-impjanti tal-enerġija ġew privatizzati, il-prezz tal-bejgħ qies il-valur tal-PPA. Għalhekk dan jeskludi kwalunkwe element ta' vantaġġ ekonomiku biex tiġi ddefinita l-għajnuna mill-istat. |
(130) |
Il-Polonja hija wkoll tal-fehma li l-PPAs ma jikkostitwixxux għajnuna li tibqa' tgħodd wara l-adeżjoni. Il-Polonja tqis lill-PPAs bħala għajnuna individwali, u tiddikjara li l-implimentazzjoni tagħhom, ukoll wara l-adeżjoni, ma hija xejn ħlief it-trasferiment tal-għajnuna mogħtija qabel l-adeżjoni. Il-PPAs ukoll jindikaw b'mod ċar il-massimu li għalih kien espost l-istat. |
(131) |
Il-Polonja tgħid li fl-opinjoni tagħha, il-Metodoloġija tal-Ispejjeż li Mhumiex Irkuprabbli ma tistax tiġi applikata għall-PPAs infishom. Tgħodd biss wara li l-PPAs ikunu ġew itterminati. |
(132) |
B'konklużjoni, l-awtoritajiet Pollakki jlumu d-dikjarazzjoni li l-PPAs jiggarantixxu prezz definittiv għall-elettriku tul perjodu speċifikat. Il-Polonja targumenta li minflok, il-PPAs jiżguraw li l-ispejjeż tal-ġenerazzjoni tal-elettriku huma koperti u jippermettu għal marġinu żgħir ta' qligħ sal-livell meħtieġ biex jitħallas lura d-dejn. Skond il-Polonja, skont il-prinċipji tal-ekonomija tas-suq, il-prezz ta' prodott jew servizz għandu dejjem jirrifletti l-ispejjeż tal-kapital miksub biex jiġi ffinanzjat l-investiment. |
5.2. Kummenti dwar l-Abbozz
(133) |
Il-Polonja rrispondiet għad-dubji tal-Kummissjoni dwar l-Abbozz kif espressi fid-deċiżjoni li tinbeda l-proċedura billi pproponiet verżjoni emendata tal-Abbozz. L-Abbozz daħal fis-seħħ fl-7 ta' Awwissu 2007 u għalhekk jissemma minn hawn 'il quddiem bħala “l-Att”. |
(134) |
Dwar l-għajnuna mill-istat, tingħata deskrizzjoni hawn taħt tal-punti li fihom il-verżjoni l-ġdida tal-Att huma differenti mill-verżjoni oriġinali kif deskritt fit-taqsima 2.2. |
(135) |
Il-lista ta' reċipjenti tal-għajnuna u l-ammont massimu tal-kumpens ġew emendati. Il-lista l-ġdida ta' kumpens għal spejjeż mhux irkuprabbli għar-reċipjenti potenzjali hija kif ġej: Tabella 3 Il-livelli ta' kumpens fl-Att emendat
|
(136) |
Meta mqabbel kontra l-lista fit-Tabella 2, il-lista emendata ta' reċipjenti:
|
(137) |
Elektrociepłownia Kraków S.A. baqgħet eliġibbli għall-ħlasijiet taħt l-Att, iżda b'livell massimu ta' kumpens ekwivalenti għal zero. |
(138) |
Ir-regoli ewlenin dwar il-kalkolu tal-ammont massimu tal-kumpens ta' spejjeż mhux irkuprabbli elenkati fit-Tabella 3 hawn fuq huma stabbiliti fl-Artikolu 27 tal-Att. |
(139) |
L-ammonti massimi ta' kumpens ġew ikkalkolati bħala d-differenza bejn:
Dan l-ammont massimu ġie kkalkolat mill-2007 sa meta jiskadi l-PPA għal kull impjant tal-enerġija |
(140) |
Meta ġew ikkalkolati l-ammonti tal-kumpens, tqiesu biss dawk l-investimenti li kienu tlestew jew li kienu sa jitlestew sa mid-data tal-adeżjoni tal-Polonja għall-Unjoni Ewropea. “L-investimenti li kienu se jitlestew” tfisser investimenti li kien aktar ekonomiku li jitlestew u jitħaddmu milli tieqaf il-kostruzzjoni. L-valutazzjoni saret għas-sitwazzjoni fid-data tal-adeżjoni tal-Polonja għall-Unjoni Ewropea. |
(141) |
Il-varjazzjonijiet tal-kontanti fil-futur ġew ikkalkolati fuq il-bażi tal-istess tip ta' previżjonijiet tas-suq bħal dawk deskritti fid-deċiżjoni li tinbeda l-proċedura. L-awtoritajiet Pollakki ssostanzjaw il-previżjonijiet tagħhom. |
(142) |
L-Att m'għadux jipprovdi għal ħlas inizzjali kbir; minflok, hemm ħlasijiet annwali b'sistema ta' ħlas bil-quddiem li, b'mod partikolari, iqisu d-dejn tal-ġeneratur tal-enerġija. Il-mekkaniżmu ddiżinjat li jadatta l-ammonti tal-kumpens għal tibdil attwali fil-prezzijiet tal-elettriku ġie estiż sa t-terminazzjoni ppjanata oriġinarjament ta' kull PPA. Jikkorrispondi għall-perjodu msemmi fil-preambolu 139 użat biex jiġi kkalkolat l-ammont massimu tal-kumpens għal kull kumpanija. |
(143) |
L-Att jgħid li r-reċipjenti tal-kumpens ma jirċevux għajnuna tas-salvataġġ jew għar-ristrutturar għal perjodu ta' għaxar snin wara l-aħħar ħlas ta' kumpens ta' spejjeż mhux irkuprabbli provdut mill-Att. |
(144) |
L-Att jipprovdi wkoll għal kategorija ġdida ta' spejjeż mhux irkuprabbli għall-ġeneraturi tal-enerġija elenkati fit-Tabella 3 li kkonkludew kuntratt ta' proviżjon ta' gass għal żmien twil li fih klawżola “take or pay” relatata mal-operat tal-impjanti taħt il-PPA tagħhom. Il-kuntratti “take or pay” għal żmien twil huma kuntratti li fihom ix-xerrej jintrabat li jieħu ċerta kwantità ta' gass għal kull sena tal-kuntratt bil-prezz stabbilit permezz ta' formula u jrid iħallas multa jekk jonqos li jixtri l-kwantità in kwistjoni. |
(145) |
Il-kumpens massimu għal dawn il-kategoriji ta' spejjeż mhux irkuprabbli huwa ekwivalenti għall-volum massimu ta' elettriku li l-ġeneratur in kwistjoni jista' jipprovdi mill-gass kuntrattat taħt il-kondizzjonijiet ta' “take or pay”, multiplikat bid-differenza stmata bejn il-prezz għal kull unità ta' enerġija ta' dan il-gass u l-prezz medju għal kull unità ta' enerġija tal-faħam meħtieġ biex jiġi prodott l-istess ammont ta' elettriku, u b'koeffiċjenti li jirrifletti l-proporzjon bejn l-ispiża medja għal kull unità ta' enerġija tal-gass użat mill-ġeneraturi li ma jużawx il-gass mill-faċilitajiet tal-gass Pollakki (jekk il-ġeneratur ikkonċernat ma jużax gass Pollakk). |
(146) |
Din it-tabella tindika l-ħlasijiet massimi għall-kumpens marbutin mal-kuntratti “take or pay” taħt l-Att: Tabella 4 Il-kumpens massimu għal spejjeż mhux irkuprabbli marbutin mal-kuntratti “take or pay”
|
(147) |
Ġie implimentat mekkaniżmu biex jiġi aġġornat il-kumpens attwali mogħti kull sena lil kull wieħed minn dawn il-ġeneraturi għall-ispejjeż mhux irkuprabbli marbutin mal-kuntratti “take or pay”. |
(148) |
Il-kumpens attwali fi kwalunkwe sena huwa kompost minn żewġ affarijiet:
|
(149) |
Għal kull ġeneratur tal-enerġija, is-somma tal-kumpens attwali kif ikkalkolat skont il-metodoloġija stabbilita fil-preambolu 148 ma tistax teċċedi l-ammont massimu tal-kumpens provdut fit-Tabella 4. Il-pagamenti kollha għall-kumpens tal-ispejjeż mhux irkuprabbli marbutin mal-kuntratti “take or pay” jieqfu meta jiġi eċċedut dan il-massimu. Fi kwalunkwe każ, il-pagamenti jieqfu mhux aktar tard meta l-PPA itterminat oriġinarjament kellu jiskadi. |
(150) |
Id-dispożizzjonijiet imsemmija hawn fuq jgħoddu biss għal kwantitajiet tal-gass miksuba taħt kuntratti “take or pay” li kienu diġà ġew konklużi fil-ħin tal-adeżjoni tal-Polonja għall-Unjoni Ewropea. Kwantitajiet addizzjonali ta' gass kuntrattati taħt id-dispożizzjonijiet “take or pay” mill-istess ġeneratur tal-enerġija wara l-adeżjoni ma jikkwalifikawx għall-kumpens. Barra minn dan, jekk il-kwantità tal-gass miksub taħt id-dispożizzjonijiet “take or pay” titnaqqas wara l-adeżjoni, dan it-tnaqqis huwa rifless fil-ħlasijiet tal-kumpens. |
6. IR-RISPOSTA MILL-POLONJA DWAR IL-KUMMENTI MILL-PARTIJIET INTERESSATI
(151) |
Il-Polonja hija tal-fehma li l-PPAs m'għandhomx jtiqiesu bħala għajnuna mill-istat mill-Kummissjoni. Iżda, kieku kellhom jitqiesu bħala li jikkostitwixxu għajnuna mill-istat, għandhom jitqiesu bħala għajnuna mhux applikabbli wara l-adeżjoni. |
(152) |
Il-Polonja tinnota li l-eżenzjoni mill-obbligu li tissottometti t-tariffi lill-President tal-Uffiċċju għar-Regolamentar tal-Enerġija għall-approvazzjoni kienet intiża biex tħeġġeġ lill-ġeneraturi tal-enerġija jġibu ruħhom bħal operaturi tas-suq u jillimitaw l-ispejjeż tal-ġenerazzjoni tal-enerġija. |
(153) |
Il-Polonja tenfasizza li l-konklużjoni tal-PPAs kienet preċeduta minn proċedura tas-sejħa għall-offerti li kienet miftuħa u mhux diskriminatorja u indirizzata lill-ġeneraturi kollha (pubbliċi u privati ndaqs). Il-Kummissjoni hija wkoll mitluba tosserva li xi PPAs kienu marbutin mal-privatizzazzjoni u li l-prezz tal-intrapriża privatizzata rrefletta l-fatt li kien ġie konkluż PPA. |
(154) |
Jekk il-Kummisjoni tqis li l-PPAs jikkostitwixxu għajnuna mill-istat, il-Polonja tqis li l-għajnuna m'għandhiex tiġi kkwalifikata bħala għajnuna għall-operat, għaliex fil-prattika kienet marbuta mat-twettiq ta' dmirijiet pubbliċi li kienu inkarigati bihom il-ġeneraturi tal-enerġija. Il-PPAs kienu ddiżinjati biex jiżguraw is-sigurtà tal-provvista. |
(155) |
Il-Polonja reġgħet tenniet il-fehma tagħha li l-PPAs m'għandhomx jiġu evalwati fid-dawl tal-Metodoloġija tal-Ispejjeż mhux Irkuprabbli; il-Metodoloġija għandha tintuża biss għal spejjeż li jirriżultaw meta Stat Membru jonqos milli jwettaq l-obbligi u l-garanziji tiegħu vis-à-vis il-ġeneraturi. |
7. L-VALUTAZZJONI MILL-KUMMISSJONI
(156) |
Kif imsemmi fil-preambolu 133, l-awtoritajiet Pollakki ssottomettew l-Att lill-Kummissjoni bħala parti minn din il-proċedura sabiex jiġi evalwat taħt ir-regoli tal-għajnuna mill-istat. L-Att jipprovdi għall-kumpens marbut mat-terminazzjoni bikrija tal-PPAs u għalhekk ma jistax jiġi dissoċjat mill-PPAs infishom. Fid-deċiżjoni tagħha li tibda l-proċedura, il-Kummissjoni esprimiet dubji dwar l-elementi possibbli tal-għajnuna mill-istat u l-kompatibbiltà tal-PPAs mal-leġiżlazzjoni dwar l-għajnuna mill-istat. Il-PPAs għadhom fis-seħħ fid-data ta' din id-Deċiżjoni. Għalhekk il-Kummissjoni għandha dmir tevalwa l-PPAs elenkati fl-Appendiċi 1 tal-Att. |
7.1. Dwar il-PPAs
7.1.1. L-eżistenza tal-għajnuna mill-istat fis-sens tal-Artikolu 87(1) tat-Trattat KE
(157) |
Hawn taħt il-Kummissjoni tanalizza kull wieħed mill-erba' kriterji kumulattivi li jiffurmaw id-definizzjoni tal-għajnuna mill-istat fis-sens tal-Artikolu 87(1) tat-Trattat KE: l-involviment tar-riżorsi tal-istat, l-eżistenza ta' vantaġġ ekonomiku, is-selettività ta' vantaġġ u l-impatt fuq il-kummerċ. |
(158) |
Huwa importanti li din l-analiżi tiddetermina l-ħin li fihom huma eżaminati dawn il-kriterji u li, bħala riżultat, se jitqiesu għall-valutazzjoni tal-għajnuna tal-istat tal-PPAs. |
(159) |
Fil-kummenti tagħhom, il-partijiet interessati argumentaw (b'referenza għal bosta kriterji tal-valutazzjoni) li l-Kummissjoni għandha tqis biss is-sitwazzjoni prevalenti fil-ħin meta ġew iffirmati l-PPAs. Is-sejbiet ta' din l-analiżi mbagħad jestendu għat-terminu sħiħ ta' kull PPA, għall-inqas sakemm ġie sostanzjalment emendat. |
(160) |
Huwa veru li, meta ssir analiżi biex tiġi ddeterminata l-eżistenza tal-għajnuna f'każ speċifiku, il-Kummissjoni għandha teżamina s-sitwazzjoni prevalenti fil-ħin meta daħlet fis-seħħ il-miżura. |
(161) |
Iżda, dak ma jfissirx li l-valutazzjoni tal-erba' kriterji fid-definizzjoni tal-għajnuna mill-istat għandha tkun limitata għall-ħin preċiż li fih ingħatat l-għajnuna. Jekk, mill-bidu, l-għajnuna ngħatat għal terminu twil fil-forma ta' ħlasijiet suċċessivi – minflok ħlas ta' darba – il-Kummissjoni għandha tiddetermina jekk intlaħqux il-kriterji tul it-terminu ppjanat sħiħ tal-miżura. |
(162) |
F'dan il-każ, il-Kummissjoni laħqet il-konklużjoni li s-sejbiet tal-valutazzjoni kienu identiċi irrispettivament minn jekk il-PPAs tqisux li jikkostitwixxu għajnuna mill-istat meta ġew konklużi. Jekk l-Kummissjoni kellha tieħu l-pożizzjoni li l-erba' kriterji għall-għajnuna kienu preżenti meta ġew konklużi l-PPAs, il-miżura għandha tiġi evalwata skont it-Trattat tal-Adeżjoni. B'riżultat ta' din l-valutazzjoni (il-punt 7.1.2 hawn taħt), il-miżura tikkostitwixxi għajnuna ġdida sa mill-1 ta' Mejju 2004 u l-kompatibbiltà tagħha mas-suq komuni għandha tiġi evalwata minn dik id-data. Iżda jekk jiġi konkluż li l-PPAs ma kkostitwewx għajnuna mill-istat meta ġew iffirmati, il-Kummissjoni hija tal-fehma li saru għajnuna mill-istat fil-ħin tal-adeżjoni – mhux aktar tard mid-data tal-adeżjoni tal-Polonja għall-UE (il-punt 7.1.2 hawn taħt). Fuq il-bażi tat-Trattat tal-Adeżjoni u skont il-Artikolu 1(b)(v) tar-Regolament (KE) Nru 659/1999, il-Kummissjoni għandha tikkonkludi li l-miżura tikkostitwixxi għajnuna mill-istat ġdida sa mill-1 ta' Mejju 2004 u l-kompatibbiltà tagħha mas-suq komuni għandha tiġi evalwata minn dik id-data (il-punt 7.1.2 hawn taħt). |
(163) |
Għalhekk il-Kummissjoni qed tevalwa jekk, sa mid-data meta l-Polonja aċċediet għall-Unjoni Ewropea u minn dik id-data, il-miżura tilħaqx il-kriterji kollha għall-eżistenza tal-għajnuna mill-istat. |
(164) |
F'dan ir-rigward, il-Kummissjoni tixtieq tirrispondi għall-kummenti li ssottomettew il-partijiet interessati fis-sens li l-kuntratti tal-liġi privata ma jistgħux awtomatikament isiru nulli b'riżultat tal-adeżjoni u l-liberalizzazzjoni, għaliex dan ir-riżultat, skont il-partijiet interessati, imur kontra l-prinċipji taċ-ċertezza legali u l-aspettattivi leġittimi. |
(165) |
Il-Kummissjoni tiċħad dan l-argument. Il-Ftehim tal-Ewropa li jistabbilixxi assoċjazzjoni bejn il-Komunitajiet Ewropej u l-Istati Membri, min-naħa l-waħda, u r-Repubblika tal-Polonja, min-naħa l-oħra, li pprepara t-triq għall-adeżjoni, ġie ffirmat fis-16 ta' Diċembru 1991. Fil-ħin meta l-partijiet ikkonkludew dawn il-ftehimiet, kien ċar li l-Polonja kienet se taderixxi għall-UE u, għall-parti kbira minnhom, kien ukoll ċar li dan kien isir qabel id-data tat-tmiem tal-PPA. |
(166) |
Ir-Repubblika tal-Polonja ffirmat it-Trattat tal-Adeżjoni fis-16 ta' April 2003. It-Trattat tal-Adeżjoni daħal fis-seħħ fl-1 ta' Mejju 2004. Mid-data tal-adeżjoni, id-dispożizzjonijiet tat-Trattati oriġinali u dawk ta' leeġiżlazzjoni sekonndarja saru jorbtu fil-Polonja, skont l-Artikolu 2 tal-Att tal-Adeżjoni. (42) B'konsegwenza, l-hekk imsejjaħ acquis communautaire jgħodd għar-relazzjonijiiet kuntrattwali kollha fl-Istati Membri l-ġodda, u kwalunkwe eċċezzjoni għal din ir-regola tista' tirriżulta biss mit-Trattat tal-Adeżjoni nnifsu. L-Att tal-Adeżjoni anness mat-Trattat u l-Annessi tiegħu ma jipprovdi għal ebda eċċezzjoni taħt ir-regoli dwar l-għajnuna mill-istat li teżenta lill-PPAs jew lis-settur tal-enerġija b'mod ġenerali mill-applikazzjoni diretta tal-leġiżlazzjoni tal-UE dwar l–għajnuna mill-istat. |
(167) |
Il-Kummissjoni għandha dmir li tapplika l-liġi tal-kompetizzjoni tal-UE għall-Polonja bl-istess mod bħalma tagħmel għall-Istati Membri l-oħrajn kollha dwar is-settur tal-enerġija u s-setturi l-oħrajn kollha tal-ekonomija Pollakka. Il-Kummissjoni tosserva li l-forma tal-għajnuna (kuntratt tal-liġi privata bħal fil-każ tal-PPAs) mhijiex rilevanti mill-perspettiva tal-għajnuna mill-istat; huwa biss l-effett tal-miżura li huwa rilevanti għall-analiżi tal-Kummissjoni. Il-Kummissjoni għalhekk ma sabet ebda argument validu fil-kummenti tal-partijiet interessati li jispjega għaliex dina l-proċedura hija inkompatibbli mal-prinċipji taċ-ċertezza legali jew tal-aspettattivi leġittimi. |
(168) |
Il-garanzija tal-profitabbiltà, li hija l-bażi għall-PPAs, timmanifesta ruħha fil-prattika fl-obbligu li PSE tixtri l-elettriku bi prezz li kopri l-ispejjeż tal-investiment u l-operat u ċertu marġinu ta' qligħ. Il-prezz tax-xiri jitħallas kollu minn PSE, kumpanija li hija għal kollox proprjetà ta' u kkontrollata mit-Teżor. |
(169) |
Il-partijiet interessati argumentaw li d-deċiżjoni li jiġu konklużi l-PPAs saret minn PSE. |
(170) |
Sa fejn huma kkonċernati r-riżorsi tal-istat, il-Kummissjoni kkunsidrat ukoll l-applikazzjoni tas-sentenza ta' PreussenElektra (43), fejn il-Qorti tal-Ġustizzja eżaminat mekkaniżmu li bih il-kumpaniji li huma proprjetà privata kienu obbligati mill-istat jixtru l-elettriku minn produtturi speċifiċi bi prezz iffissat mill-istat li kien ogħla mill-prezz tas-suq. Il-Qorti ddeċidiet li, f'dan il-każ, ma kien hemm ebda trasferiment ta' riżorsi pubbliċi, u għalhekk ma kien hemm ebda għajnuna mill-istat. |
(171) |
Is-sitwazzjoni Pollakka hija differenti b'mod sinjifikanti mis-sistema eżaminata mill-Qorti fl-imsemmija sentenza. B'mod partikolari, id-differenza tinsab fl-istruttura tal-proprjetà tal-kumpaniji li għalihom jgħodd l-obbligu li jixtru l-elettriku. |
(172) |
Fil-każ ta' PreussenElektra, il-kumpanija li l-Istat irrikjeda li jixtri l-elettriku kienet ta' proprjetà privata, filwaqt li PSE hija għal kollox proprjetà ta' u kkontrollata mill-istat. PSE hija taħt il-kontroll tal-istat skont id-definizzjoni stabbilita fid-Direttiva tal-Kummissjoni 2006/111/KE tas-16 ta' Novembru 2006 dwar it-trasparenza tar-relazzjonijiet finanzjarji bejn l-Istati Membri u l-intrapriżi pubbliċi kif ukoll dwar it-trasparenza finanzjarja f'xi intrapriżi (44). Ir-riżorsi wżati għalhekk jappartjenu għal kumpanija għal kollox statali. |
(173) |
Fil-każ ta' PreussenElektra, meta l-fondi huma ttraċċjati mir-reċipjent lura lill-għajn, jirriżulta li fl-ebda ħin ma kienu taħt il-kontroll dirett jew indirett tal-istat. |
(174) |
B'kuntrast mas-sitwazzjoni deskritta fis-sentenza ta' PreussenElektra, fil-każ Pollakk il-fondi huma taħt il-kontroll tal-istat għaliex huma ttrasferiti għal kumpanija pubblika (ċjoè PSE) u għalhekk jitqiesu bħala riżorsi tal-istat. |
(175) |
Fuq bażi tas-sentenza tal-miżura u fid-dawl tas-sentenza msemmija hawn fuq, il-Kummissjoni tikkonkludi li l-PPAs ma jinkludux riżorsi tal-istat. |
(176) |
Dwar l-imputabbiltà, fis-sentenza ta' Stardust (45), il-Qorti ddikjarat li r-riżorsi allokati għall-kumpaniji li huma taħt il-kontroll tal-istat huma riżorsi tal-istat. Madankollu l-Qorti żiedet li huwa wkoll meħtieġ li jiġi eżaminat jekk l-użu ta' dawn ir-riżorsi huwiex imputabbli għall-istat b'mod konkret. |
(177) |
Skond is-sentenza ta' Stardust tal-Qorti tal-Ġustizzja, meta kumpanija statali tuża l-fondi tagħha b'mod li huwa imputabbli għall-istat, dawn il-fondi għandhom jitqiesu bħala riżorsi tal-istat fis-sens tal-Artikolu 87(1) tat-Trattat KE. |
(178) |
Jidher ċar mill-kummenti sottomessi mill-Polonja u mill-partijiet interessati li d-deċiżjoni li jinbeda programm biex jinġibdu l-investituri lejn is-settur tal-ġenerazzjoni tal-enerġija kienet diżinjata biex tippromwovi l-modernizzazzjoni tas-suq, jiġu aġġornati l-impjanti tal-enerġija sabiex jinġiebu skont l-istandards tal-UE u jiġi żgurat li l-provvisti tal-enerġija ikopru t-talba bis-sħiħ. Dan juri li l-PPAs ġew konklużi minn PSE mhux għal għanijiet kummerċjali iżda, kif rikonoxxut mill-awtoritajiet Pollakki nfishom, sabiex jiġu implimentati għadd ta' għanijiet importanti ta' politika. |
(179) |
Il-kontroll tal-istat fuq l-għotja tal-PPAs huwa ppruvat mill-fatt li l-istediniet li jiġu sottomessi l-offerti ntbagħtu lill-parteċipanti mill-Ministeru Pollakk tal-Industrija u l-Kummerċ. Barra minn dan, skont il-Kodiċi Kummerċjali Pollakk, il-Ministru tat-Teżor għandu l-awtorità sħiħa tal-Assemblea Ġenerali tal-Azzjonisti. |
(180) |
Il-prinċipju ewlieni li jirfed il-prezzijiet provduti fil-PPAs kien li għandhom ikopru l-ispejjeż tal-investiment u tal-operat u jiżguraw marġinu ta' qligħ. Dan il-qafas huwa ddiżinjat li jiżgura l-investimenti meħtieġa u wkoll jirrifletti deċiżjoni mill-awtoritajiet tal-istat implimentata permezz ta' PSE. |
(181) |
Fid-dawl tal-valutazzjoni ta' hawn fuq, il-Kummissjoni tqis li dawn l-elementi ta' hawn fuq jikkostitwixxu sett ta' indikaturi li, skont il-kriterji stabbiliti mill-Qorti tal-Ġustizzja fis-sentenza ta' Stardust, iwasslu għall-konklużjoni li l-użu tal-fondi ta' PSE fil-PPAs huwa imputabbli għall-istat u li għalhekk, minħabba l-argumenti stabbiliti, il-PPAs għandhom jitqiesu, għall-għanijiet tal-valutazzjoni, bħala li huma finanzjati mir-riżorsi tal-istat. |
(182) |
Jidher ċar għall-Kummissjoni li l-istat kien involut fil-konklużjoni tal-PPAs u fid-definizzjoni tar-regoli bażiċi dwar dawn il-ftehimiet. |
(183) |
Il-forma legali ta' PPA hija kuntratt konkluż bejn żewġ partijiet: PSE u l-ġeneraturi tal-enerġija. Kif spjegat fil-preambolu 172, PSE hija kumpanija għal kollox proprjetà tal-istat. |
(184) |
Sabiex jiġi ddeterminat jekk il-PPAs jipprovdux vantaġġ ekonomiku lill-ġeneraturi tal-enerġija, il-Kummissjoni għandha tevalwa jekk, permezz tal-PPAs, il-ġeneraturi jiksbux vantaġġi ekonomiċi li ma jiksbux mis-suq. |
(185) |
Il-PPAs jipprovdu lill-ġeneraturi eliġibbli b'vantaġġ jekk il-partijiet għal dawn il-ftehimiet jitqiegħdu f'pożizzjoni ekonomika aħjar minn kumpaniji oħrajn. |
(186) |
Għalkemm id-dettalji tal-PPAs individwali jistgħu jvarjaw, il-PPAs kollha huma strutturati madwar prinċipju ewlieni invarjabbli: ix-xiri obbligatorju minn PSE tal-parti l-kbira (kultant l-ammont kollu) tal-elettriku ġġenerat mill-kumpaniji kkonċernati, bi prezz rivedut perjodikament skont il-prinċipju li l-ispejjeż totali (fissi u varjabbli) tal-ġenerazzjoni tal-elettriku, flimkien ma' marġinu ta' qligħ, jitgħaddew lill-konsumatur. |
(187) |
Ir-regolatur tal-elettriku Pollakk, URE, indirettament għandu d-dritt li jivverifika jekk l-ispejjeż mitluba lil PSE humiex iġġustifikati u raġonevoli, iżda fil-prattika URE juża dan il-poter biss biex jivverifika li l-ispejjeż kienu tassew marbuta mal-ġenerazzjoni tal-enerġija. Barra minn dan, il-verifiki ta' URE huma indiretti biss, ladarba l-għan tagħhom huwa li tiġi vverifikata l-istruttura tal-ispejjeż ta' PSE bl-għan li jiġi ddefinit id-dhul ta' PSE minn klijenti li huma marbutin. Fiċ-ċirkostanza improbabbli li xi wħud mill-ispejjeż relatati mal-PPAs mitluba lil PSE jitqiesu minn URE li mhumiex ġustifikabbli, jista' biss jipprojbixxi lil PSE milli tgħaddi dawn l-ispejjeż lill-klijenti li huma marbutin. Dan jista' jagħmilha aktar diffiċli biex PSE twettaq l-obbligi tagħha taħt il-PPAs, iżda ma jfissirx li jkunu legalment annullati. |
(188) |
Il-prinċipju ewlieni deskritt hawn fuq huwa applikat għat-terminu sħiħ tal-PPA, li jdum minn 7 snin sa 20 sena mill-bidu tal-operat tal-impjanti, jiġifieri bejn 10 snin u 31 sena wara l-konklużjoni tal-PPAs u, fil-parti l-kbira tal-każijiet, aktar minn 15-il sena. |
(189) |
Dan ifisser li, matul dan il-perjodu, ir-riskju kummerċjali assoċjat mal-operat tal-impjanti tal-enerġija jaqa' fuq ix-xerrej tal-elettriku, jiġifieri PSE. Dan jinkludi r-riskju assoċjat mal-varjazzjonijiet fl-ispejjeż tal-ġenerazzjoni tal-elettriku u, b'mod partikolari, l-ispejjeż tal-karburanti, ir-riskju assoċjat mal-varjazzjonijiet fil-prezzijiet tal-elettriku għall-utent aħħari, u r-riskju assoċjat mal-varjazzjonijiet fit-talba għall-elettriku mill-konsumatur. Dawn huma r-riskji tipiċi li kwalunkwe ġeneratur tal-enerġija mingħajr PPA jerfa' huwa nnifsu. |
(190) |
Dan ifisser li l-impjanti tal-enerġija li kkonkludew PPAs (kemm-il darba huma ġestiti tajjeb minn perspettiva teknika) iggarantixxew profitti li jestendu fuq perjodu sinjifikanti ħafna ekwivalenti għal-ħajja mistennija tipika tal-assi kkonċernati jew id-deprezzament tagħhom. Aktar ma jkun twil il-perjodu, akbar ikun il-valur tal-garanzija, għaliex tipproteġi kontra risjku li l-okkorrenza tiegħu huwa dejjem aktar imprevedibbli. |
(191) |
Il-Kummissjoni tqis li din il-garanzija, li hija l-qalba tal-PPAs, tqiegħed lill-benefiċjarji f'sitwazzjoni ekonomika aħjar minn kumpaniji oħrajn fis-suq u għalhekk tipprovdi vantaġġ lill-impjanti tal-enerġija rilevanti. |
(192) |
Skond kemm l-awtoritajiet Pollakki kif ukoll il-partijiet interessati, il-banek ħtieġu li l-PPAs jiġu ffirmati bħala prekondizzjoni biex jagħtu self biex jiffinanzjaw l-assi. Electrabel tiddikjara li “L-istituzzjonijiet finanzjarji ma kinux lesti li jiffinanzjaw investimenti ġodda fis-settur tal-enerġija Pollakk mingħajr ma jibbenefikaw minn garanzija speċjali li s-sellief kien se jikseb dħul partikolari matul il-ħlas lura tas-self (46).” Isegwi minn dawn ir-rekwiżiti min-naħa tal-banek li l-garanziji mogħtija bħala parti mill-PPAS kellhom valur pożittiv fis-suq. Il-qbil tal-istituzzjonijiet finanzjarji li jiffinanzjaw l-investimenti kien għalhekk jiddependi fuq il-PPA. |
(193) |
Isegwi mill-konsiderazzjonijiet ta' hawn fuq li l-PPAs mhumiex forma tradizzjonali ta' garanzija iżda sempliċement jipprovdu għall-ħlas minn PSE, proprjetà tal-Istat u kkontrollata mill-Istat tal-ispejjeż tal-investiment u l-ispejjeż l-aktar importanti (jekk mhux kollha) tal-operat tal-impjanti tal-enerġija li huma partijiet għall-ftehimiet. Fil-prattika, din il-“garanzija” tfisser li, fi żmien madwar daqs il-perjodu sħiħ tad-deprezzament jew ħajja ppjanata tal-impjant, u irrispettivament minn kwalunkwe tibdil fil-kondizzjonijiet tas-suq, PSE tixtri kwantità fissa ta' elettriku bi prezz li għandu jiżgura l-vijabbiltà tal-impjant tal-enerġija. |
(194) |
Bl-għan li tiddetermina jekk jeżistix vantaġġ, il-Kummissjoni tanalizza bosta aspetti oħrajn f'dawn il-paragrafi li ġejjin. |
(195) |
L-ewwel, il-Kummissjoni tosserva li fil-Polonja l-PPAs ġew konklużi biss ma' ġeneraturi tal-enerġija magħżula. Fil-ħin meta ġew konklużi, kien hemm ġeneraturi tal-enerġija oħrajn li ma bbenefikawx mir-regoli tal-PPAs. Aktar ġew stabbiliti fis-snin ta' wara, u qed isiru investimenti ġodda mingħajr l-appoġġ tal-PPAs. |
(196) |
Fl-ewwel snin tal-PPAs, il-ġeneraturi tal-enerġija mingħajr PPA setgħu jbiegħu l-elettriku tagħhom bi prezzijiet ikkontrollati mill-Istat permezz ta' URE. Fit-28 ta' Ġunju 2001 bdiet issir eliminazzjoni ta' dan il-mekkaniżmu u dawn il-ġeneraturi tal-enerġija bdew ibiegħu l-elettriku tagħhom bi prezzijiet ħelsin u bbażati fuq is-suq. |
(197) |
Kif indikaw il-partijiet, l-ebda minn dawn il-mekkaniżmu (ikkontrollati permezz tal-prezz mill-istat jew prezz ħieles ibbażat fuq is-suq) ma ppermetta lill-ġeneraturi mingħajr PPAs ikopru l-ispejjeż kollha tagħhom. Ibiegħu l-elettriku tagħhom bi prezz li jikkorrispondi għall-ispejjeż marġinali, jiġifieri prezz li jiżgura biss li l-ispejjeż varjabbli tagħhom huma koperti. |
(198) |
Il-partijiet interessati ssuġġerew li l-elettriku prodott mill-ġeneraturi tal-enerġija mingħajr PPAs jagħmel aktar ħsara lill-ambjent mill-elettriku ġġenerat mill-benefiċjarji tal-PPAs, u li dan jiġġustifika li tal-ewwel jirċievu prezzijiet aktar baxx għall-elettriku tagħhom. Il-Kummissjoni tiċħad dan l-argument. L-ewwel, mhuwiex ċert li l-impjanti kollha tal-enerġija mingħajr PPAs jiġġeneraw elettriku “maħmuġ”. L-impjanti l-aktar ġodda fil-Polonja (mingħajr PPAs) jipproduċu l-elettriku bl-użu ta' teknoloġija skont is-sengħa u l-art. Barra minn dan, mhemm ebda raġuni ekonomika għaliex l-elettriku li jagħmel aktar ħsara għall-ambjent ikollu valur fis-suq inqas mill-elettriku li jagħmel inqas ħsara lill-ambjent. L-elettriku prodott huwa għal kollox sostitwibbli (lanqas ma huwa possibbli li ssir distinzjoni fiżika bejn iż-żewġ tipi), u l-valur tiegħu għas-settur huwa eżattament indaqs (47). |
(199) |
Il-Borża tal-Enerġija Pollakka bdiet topera fl-1999. Mill-2001, il-prezz medju tal-elettriku fuq il-Borża tal-Enerġija Pollakka baqa' stabbli u varja ġewwa firxa ta' 110 sa 125 PLN/MWh (48). Fl-2004, il-prezz medju fis-suq varja b'madwar 115 PLN/MWh; fl-2005 madwar 115 – 120 PLN/MWh; fl-2006 kien pjuttost stabbli madwar 125 u fl-2007 (sal-31 ta' Lulju 2007) varja bejn 110 u 122 PLN/MWh. B'paragun, l-informazzjoni li pprovdiet il-Polonja ppermettiet il-Kummissjoni tevalwa l-ispejjeż kollha li saru fl-2005 mill-impjanti tal-enerġija li kienu intitolati għall-kumpens taħt l-Att kif ġej: Tabella 5 L-ispejjeż totali stmati tal-ġenerazzjoni tal-elettriku fl-impjanti tal-enerġija li kkonkludew PPAs fl-2005
|
(200) |
Il-figuri fit-Tabella 5 hawn fuq juru kemm x'aktarx il-prezzijiet tas-suq – jiġifieri l-prezz li l-ġeneraturi mingħajr PPAs jitħallsu għall-elettriku tagħhom fis-suq – ma jkunux biżżejjed biex jipprovdu l-istess tip ta' garanzija ta' qligħ bħal dik offruta mill-PPAs. |
(201) |
L-eżempju tal-Borża tal-Enerġija Pollakka mhuwiex wieħed iżolat. Stati Membri oħrajn illiberalizzaw ukoll is-swieq tal-elettriku tagħhom u stabbilew skambji tal-enerġija li fihom ix-xerrejja u l-bejjiegħa jinnegozjaw l-elettriku taħt kondizzjonijiet tas-suq. |
(202) |
Fl-Inkjesta Settorali tagħha dwar is-swieq tal-elettriku fl-Ewropa (49), il-Kummissjoni eżaminat fid-dettall il-kondizzjonijiet li jirregolaw il-kummerċ fl-elettriku fis-swieq tal-ingrossa Ewropej. Id-data miġbura bħala parti minn din l-inkjesta turi li l-ebda suq liberalizzat ma jipprovdi garanzija lill-ġeneraturi li se jkopru l-ispejjeż kollha tagħhom fit-terminu twil. Fil-fatt, il-parti l-kbira tat-tranżazzjonijiet isiru fi żmien tliet snin. |
(203) |
Il-kummerċ fl-elettriku fuq il-boroż tal-enerġija dejjem ikun ibbażat fuq prezzijiet marġinali, li jiggarantixxu biss li l-ispejjeż marġinali fiż-żmien qasir huma koperti (50). Barra minn dan, il-perjodu ta' żmien għall-kuntratti fuq dawn is-swieq huwa iqsar milli għall-PPAs. Per eżempju, bħalissal-itwal kuntratti ġew konklużi għal: erba' snin f'NordPool (pajjiżi Skandinavi), tliet snin f'Powernext (Franza), ħames snin f'UKPX (Renju Unit) u sitt snin f'EEX (Ġermanja). Fuq xi boroż, bħal OMEL fi Spanja, ma ġew konklużi ebda kuntratti bil-quddiem. Sa mill-1 ta' April 2006 ma ġew konklużi ebda kuntratti bil-quddiem fuq il-Borża tal-Enerġija Pollakka wkoll. |
(204) |
Fis-swieq liberalizzati, l-elettriku jista' wkoll jiġi nnegozjat permezz ta' kuntratti bilaterali (suq “over the counter” jew OTC). Inkjesta dwar l-enerġija wriet li minħabba l-possibbiltà tal-arbitraġġ bejn il-boroż tal-enerġija u l-kuntratti bilaterali, il-kondizzjonijiet tal-kummerċ (b'mod partikolari l-prezzijiet u t-terminu tal-kuntratti) fis-suq OTC huma simili għal dawk prevalenti fil-boroż tal-enerġija. |
(205) |
Fil-PPAs, PSE intrabtet li tixtri volum minimu fiss ta' elettriku mill-ġeneraturi tal-enerġija bi prezz li jkopri l-ispejjeż kollha tagħhom sal-2007 għall-iqsar PPAs u sal-2027 għall-itwal PPAs. |
(206) |
Din id-deċiżjoni kienet imposta fuq PSE mill-Gvern Pollakk. Kif tindika ELCHO fil-kummenti tagħha, “il-Ministru Pollakk għall-Kummerċ u l-Industrija implimenta l-għanijiet politiċi li jiżgura s-sigurtà tal-provvista u jtejjeb l-istandards ambjentali tal-ġenerazzjoni tal-enerġija permezz ta' PSE (51).” |
(207) |
Il-fatt li l-Gvern Pollakk kien iddeċieda minflok PSE li l-investimenti l-ġodda kienu se jsiru u kienu se jibbenefikaw mill-PPAs juri ċar li din id-deċiżjoni kienet l-aktar ibbażata fuq kriterji minflok konsiderazzjonijiet oħrajn tal-investituri fis-suq. |
(208) |
Hemm żewġ raġunijiet ewlenin għaliex PSE ma kienx ikollha interess ekonomiku li tieħu din id-deċiżjoni mingħajr l-appoġġ tal-gvern. |
(209) |
L-ewwel, PSE xtrat kwantità ta' enerġija li diġà kienet taf li setgħet tkun żejda għall-bżonnijiet tagħha. |
(210) |
Billi tat il-PPAs, PSE intrabtet li tixtra kwantità fissa u sinjifikanti ta' elettriku (madwar 50 % tal-produzzjoni tal-elettriku fil-Polonja fl-2005 (52), u sa 70 % fil-perjodu in kwistjoni). |
(211) |
Fil-bidu nett (l-ewwel ftit snin tal-PPAs) PSE kienet l-uniku provditur fis-sistema tal-elettriku Pollakka, biex setgħet tbiegħ dan l-elettriku kollu lill-konsumaturi tagħha kollha. Iżda, mill-bidu nett, kien ċar li PSE dalwaqt kienet se tieqaf tkun l-uniku provditur tal-elettriku fil-Polonja. Il-PPAs ġew iffirmati bejn l-1996 u l-1998, ħlief wieħed mis-sitt PPAs ta' PKE, li ġie ffirmat fit-12 ta' April 1995. Kien diġà ċar f'dak il-ħin li l-Polonja x'aktarx kienet se taderixxi għall-Unjoni matul il-ħajja tal-parti l-kbira tal-PPAs jekk mhux kollha (fir-realtà, l-adeżjoni seħħet qabel it-tmiem tal-ewwel wieħed u 23 sena qabel it-tmiem tal-aħħar wieħed). B'mod partikolari, matul il-proċess ta' qabel l-adeżjoni, f'Diċembru 1991, il-gvern Pollakk kien iffirma l-Ftehim tal-Ewropa li kkostitwixxa sħubija ta' assoċjazzjoni bejn il-KE u r-Repubblika tal-Polonja. Aktar tard, fl-1994, il-Polonja ressqet l-applikazzjoni uffiċjali tagħha għall-isħubija tal-UE. In-negozjati dwar l-adeżjoni bdew fl-1998 u ntemmu fl-2002 meta l-Kunsill Ewropew ta' Kopenħagen sab li l-Polonja laħqet il-kriterji tal-adeżjoni. |
(212) |
Fil-fatt, il-partijiet interessati wkoll indikaw li wieħed mill-għanijiet tal-PPAs kien li jiżgura li l-ġeneraturi tal-enerġija Pollakki jħarsu xi direttivi tal-UE dwar it-tniġġiż tal-arja u, b'mod partikolari, id-direttivi dwar l-emissjonijiet ta' impjanti kbar tal-kombustjoni (53) li huwa prova oħra li dawn il-partijiet kienu konxji li l-Polonja dalwaqt kienet se taderixxi għall-Unjoni Ewropea. |
(213) |
Kien magħruf li l-adeżjoni tal-Polonja għall-Unjoni Ewropea kienet timplika l-integrazzjoni fis-suq intern tal-elettriku, li l-liberalizzazzjoni tiegħu bdiet bl-adozzjoni tad-Direttiva 96/92/KE (54). Dan fisser il-ftuħ tas-suq lil provdituri oħrajn li jikkompetu ma' PSE, u, għalhekk, li PSE tista' ma teħtieġx l-elettriku kollu provdut fil-PPAs fid-dawl tat-tibdiliet fis-suq tal-elettriku. |
(214) |
Il-pjanijiet tal-liberalizzazzjoni kienu implimentati malajr ħafna fil-Polonja, u l-ewwel klijenti bbenefikaw mill-ftħu tas-suq fl-1999. Il-Borża tal-Enerġija Pollakk fetaħ fl-istess sena. Sar aktar tibdil meta d-Direttiva 2003/54/KE ġiet adottata fis-26 ta' Ġunju 2003. Din id-Direttiva tipprovdi għal-liberalizzazzjoni tas-suq għall-konsumaturi professjonali kollha sal-1 ta' Lulju 2004 u għall-konsumaturi kollha sal-1 ta' Lulju 2007, u b'hekk bil-mod jitnaqqas is-sehem tas-suq marbut ta' PSE għal żero. |
(215) |
It-tieni, ukoll għas-sehem ta' elettriku li PSE attwalment kellha bżonn, ma kien jagħmel ebda sens li PSE, bħala xerrej, tintrabat li tħallas lill-impjanti tal-enerġija l-ispejjeż kollha li jiġġeneraw l-enerġija, flimkien ma' marġinu ta' qligħ stabbilit tant żmien 'il quddiem għalkemm kien diġà magħruf li l-liberalizzazzjoni kienet se tippermettiha li tagħżel bejn teknoloġiji u prezzijiet differenti, inkluż dawk offruti minn parteċipanti ġodda fis-suq bl-użu ta' teknoloġiji aktar effiċjenti. |
(216) |
Ix-xerrejja għandhom interess li jikkonkludu kuntratti fit-tul biss jekk dawn il-kuntratti jipprovduhom xi protezzjoni kontra l-varjazzjonijiet fis-suq tal-elettriku, u b'mod partikolari kontra tibdiliet marbuta ma' flussi fl-ispejjeż tal-karburanti. Għalhekk xerrej għandu jkollu interess ekonomiku f'kuntratt fit-tul ta' dan it-tip biss jekk il-bejjiegħ offra li jieħu parti mir-riskju assoċjat mal-varjazzjonijiet fl-ispejjeż tal-karburanti jew jekk it-teknoloġija tal-ġenerazzjoni żgurat spejjeż tal-karburanti stabbli, bħalma huwa l-każ bl-impjanti tal-idroenerġija u, f'xi kondizzjonijiet, l-impjanti nukleari. |
(217) |
Din il-loġika ekonomika hija kkonfermata mill-fatt li ma jidhirx li hemm eżempju ta' xerrejja privati li jieħdu kuntratti fit-tul mingħajr l-intervent tal-istat ma' impjanti li jużaw karburanti tal-fossili u li jkopru l-ispejjeż tal-produzzjoni għall-istess tul ta' żmien bħall-PPAs (aktar minn 10 snin). Il-Kummissjoni ma sabet xejn fl-inkjesta fis-settur tal-enerġija, u, minkejja l-pretensjonijiet tagħhom bil-kuntrarju, ebda mill-partijiet interessati ma ssottomettiet eżempju ta' kuntratt bħal dan lill-Kummissjoni, minkejja li wħud minnhom jappartjenu għal gruppi kbar ħafna b'attivitajiet f'bosta pajjiżi. |
(218) |
L-uniċi eżempji li jikkwotaw il-partijiet interessati mhumiex xierqa għar-raġunijiet indikati hawn taħt:
|
(219) |
Fl-aħħar, il-Kummissjoni tosserva li, minkejja d-dikjarazzjonijiet kuntrarji tal-partijiet interessati, mhuwiex veru li l-fatt li l-PPAs ġew konklużi wara proċedura kompetittiva huwa biżżejjed biex huma jitqiesu li ma jikkostitwixxux għajnuna. Dan ir-raġunament jgħodd meta Stat Membru jixtri prodotti jew servizzi għall-użu tiegħu stess. Fil-każ in kwistjoni, l-għan tal-proċedura kompetittiva kien li jservi l-għanijiet politiċi bħall-promozzjoni tal-investiment barrani fil-Polonja, il-ħarsien tal-ambjent u t-titjib fis-sigurtà tal-proviżjon, minflok biex jinxtraw prodotti u servizzi meħtieġa mill-istat. F'dawn il-każijiet, il-fatt li ġiet segwita proċedura kompetittiva jista' jwassal biss għall-konklużjoni li għajnuna hija limitata għall-minimu meħtieġ biex jinkisbu l-għanijiet politiċi; mhuwiex biżżejjed li tiġi eskluża l-preżenza tal-għajnuna mill-istat. |
(220) |
Il-ġeneraturi tal-enerġija li jappartjenu għal gruppi li huma proprjetà privata argumentaw li kwalunkwe għajnuna mill-istat taħt il-PPAs kienet tiġi emliminata mill-proċess tal-privatizzazzjoni għaliex il-prezz imħallas mill-kumpaniji li xtraw l-impjanti tal-enerġija kienu jqisu l-valur tal-PPAs. |
(221) |
Il-Kummissjoni tqis li dan ir-raġunament ma jgħoddx fil-każ preżenti. Fil-każ in kwistjoni, il-privatizzazzjoni tal-impjanti tal-enerġija ħadet il-forma ta' negozji tal-azzjonijiet. |
(222) |
Il-Qorti tal-Ġustizzja analiżżat kif tibdil fil-proprjetarji ta' kumpanija matul negozjat tal-azzjonijiet jaffettwa l-eżistenza tal-għajnuna u r-reċipjent tal-għajnuna mogħtija lill-kumpanija. Hija ddeċidiet li l-għajnuna illegali tibqa', u tibqa' mal-kumpanija li bbenefikat mill-għajnuna, minkejja t-tibdil fil-proprjetarji tagħha (56). It-trasferiment tal-azzjonijiet bil-prezz tas-suq sempliċement jiżgura li lanqas ix-xerrej ma bbenefika mill-għajnuna mill-istat. |
(223) |
Fil-każ in kwistjoni, dan ifisser li t-tibdil fil-proprjetà tal-impjanti tal-enerġija li bbenefikaw mill-PPAs ma biddilx il-fatt li l-PPAs jikkostitwixxu għajnuna mill-istat lil dawn l-impjanti tal-enerġija. Fir-realtà, l-impjanti tal-enerġija bbenefikaw mill-vantaġġi li jinstabu fil-PPAs, irrispettivament mill-istruttura tal-proprjetà tagħhom. |
(224) |
Dawn l-elementi kollha msemmija hawn fuq tal-vantaġġ ekonomiku u l-argumenti żviluppati hawn fuq jikkonċernaw il-ħin tal-adeżjoni tal-Polonja għall-UE u jibqgħu jgħoddu sad-data ta' din id-Deċiżjoni (fil-każ tal-PPAs li tterminaw qabel id-data ta' din id-Deċiżjoni, sad-data meta ntemmu). |
(225) |
Minħabba dan ta' hawn fuq, il-Kummissjoni tikkonkludi li l-PPAs jipprovdu vantaġġ lill-benefiċjarji. |
7.1.2. Servizz ta' interess ekonomiku ġenerali
(226) |
Il-partijiet interessati argumentaw li l-PPAs għandhom jitqiesu bħala li jimplimentaw l-SGEIs għall-iskopijiet li jiżguraw il-provvisti tal-elettriku u l-ħarsien tal-ambjent. Jingħad li jilħqu l-kriterji stabbiliti fis-sentenza ta' Altmark, li jfisser li ma jikkostitwixxux għajnuna fis-sens tal-Artikolu 87(1) tat-Trattat KE. |
(227) |
Il-Kummissjoni analizzat dawn l-argumenti u ma tistax taqbel magħhom għal dawn ir-raġunijiet: |
(228) |
L-Istati Membri għandhom marġinu ta' diskrezzjoni wiesa' biex jiddefinixxu l-ambitu tal-SGEIs. Iżda, l-eżistenza ta' dan il-marġinu ta' diskrezzjoni wiesa' ma jfissirx li kwalunkwe intervent mill-istat b'motivazzjoni politika jista' jiġi kkaratterizzat bħala SGEI. Per eżempju, fis-sentenza ta' Merci convenzionali porto di Genova (57), il-Qorti ċaħdet l-applikazzjoni tal-Artikolu 86(2) tat-Trattat KE għaliex “ma jidhirx […] li x-xogħol [fil-baċiri] huwa ta' interess ekonomiku ġenerali li juri karatteristiċi speċjali meta mqabbel mal-interess ekonomiku ġenerali ta' attivitajiet ekonomiċi oħrajn.” Il-Kummissjoni tqis ukoll li l-marġinu wiesa' ta' diskrezzjoni tal-Istati Membri fid-definizzjoni tal-ambitu tal-SGEIs huwa llimitat fl-oqsma fejn teżisti l-leġiżlazzjoni Komunitarja. |
(229) |
Il-partijiet interessati invokaw il-ħarsien tal-ambjent bħala wieħed mill-SGEIs li għandhom jimplimentaw il-PPAs. Aktar preċiżament, il-PPAs kellhom jappoġġjaw investiment diżinjat li jippermetti lill-impjanti Pollakki jadattaw għall-istandards ambjentali tal-UE. |
(230) |
Il-Kummissjoni tqis li r-rekwiżit li jintlaħqu l-istandards ambjentali ma juri ebda karatteristiċi speċjali meta mqabbel mal-limitazzjonijiet imposti fuq il-kumpaniji kollha attivi f'settur industrijali. Barra minn dan, li wieħed iqis it-twettiq tal-istandards ambjentali bħala SGEI imur direttament kontra l-prinċipju ta' min iniġġeż iħallas, li huwa wieħed mill-prinċipji ewlenin tal-liġi ambjentali Komunitarja, miktuba fil-leġiżlazzjoni primarja mill-Artikolu 174(2) tat-Trattat KE. |
(231) |
Il-Kummissjoni tinnota l-argument tal-partijiet interessati li l-ħarsien tal-ambjent huwa kkwotat bħala wieħed mill-oqsma possibbli għall-obbligi tas-servizz pubbliku fl-Artikolu 3 tad-Direttiva 96/92/KE. Madankollu, il-Kummissjoni hija tal-fehma li dan ma jimminax il-pożizzjoni stabbilita hawn fuq. Il-fatt li d-Direttiva tgħid li jista' jkun hemm obbligi ta' servizz pubbliku fil-qasam tal-ħarsien tal-ambjent ma jfissirx li mhemm ebda rekwiżit dwar il-kontenut attwali ta' dawn l-obbligi tas-servizz pubbliku. B'mod partikolari, dawn l-obbligi għandhom juru karatteristiċi speċjali meta mqabbla mal-ambjent kummerċjali normali ta' xi kumpaniji fis-settur, u ma jistgħux ikunu inkompatibbli mal-prinċipji li fuqhom hija bbażata l-politika Komunitarja tal-ħarsien tal-ambjent (eż., il-prinċipju ta' min iniġġeż iħallas). |
(232) |
Il-Kummissjoni tinnota wkoll li erba' mill-impjanti tal-enerġija kkonċernati mill-PPAs (f'Turów, Pątnów, Bełchatów u Jaworzno) jidhru fuq il-lista tal-WWF tat-tletin stazzjoni tal-enerġija fl-Ewropa li l-aktar iniġġżu (58), li jagħmel aktar relattivi l-pretensjonijiet tagħhom li jissodisfaw SGEI f'termini ta' ħarsien tal-ambjent. |
(233) |
Il-partijiet interessati jinvokaw ukoll is-sigurtà tal-provvista bħala wieħed mill-SGEIs li jimplimentaw il-PPAs. |
(234) |
Fil-prattika tagħha tat-teħid tad-deċiżjonijiet (59), il-Kummissjoni ħadet il-pożizzjoni li s-sigurtà tal-provvista tista' tkun SGEI, bla ħsara għar-restrizzjonijiet provduti fl-Artikolu 8(4) tad-Direttiva 96/92/KE (li jikkorrispondi għall-Artikolu 11(4) tad-Direttiva 2003/54/KE), jiġifieri, kemm-il darba l-ġeneraturi kkonċernati jużaw għejun indiġeni primarji tal-karburanti tal-enerġija, u li l-volum totali ta' enerġija fi kwalunkwe sena tal-kalendarju ma jeċċedix 15 % tal-enerġija primarja totali neċessarja għall-produzzjoni tal-elettriku kkonsmat fl-Istat Membru kkonċernat. |
(235) |
Fil-każ in kwistjoni, il-PPAs jikkonċernaw kwantitajiet ta' enerġija li għall-parti l-kbira huma aktar mill-15 % imsemmija fil-preambolu 234. Barra minn dan, ma jikkonċernawx biss il-ġeneraturi li jużaw enerġija tal-karburanti primarja indiġena. |
(236) |
Il-Kummissjoni tosserva li l-impjanti tal-enerġija kkonċernati mill-PPAs ma juru ebda karatteristika speċjali li tagħmilhom partikolarment adattati tajjeb biex jilħqu l-għanijiet tas-sigurtà tal-provvista. Fil-fatt, huma biss impjanti normali mqabbda man-netwerk, u għalhekk jikkontribwixxu għas-sigurtà ġenerali tal-provvista fil-Polonja bħal kwalunkwe impjant tal-enerġija ieħor fis-settur. |
(237) |
Minħabba dan ta' hawn fuq, il-Kummissjoni hija tal-fehma li mhemm ebda raġuni għal devjazzjoni mill-prattika normali tagħha f'dan il-qasam. Għalhekk għandha tiċħad il-pretensjoni li l-PPAs jimplimentaw SGEI fil-qasam tas-sigurtà tal-provvista. Fi kwalunkwe każ, l-ebda SGEI ma ġie ddefinit mill-Polonja f'dan il-kuntest sal-lum. |
(238) |
Minħabba dan ta' hawn fuq, il-Kummissjoni tikkonkludi li d-dispożizzjonijiet tat-Trattat KE dwar SGEIs ma jgħoddux għall-PPAs. |
(239) |
Il-Kummissjoni tinnota wkoll li l-PPAs ma jilħqux il-kriterji kollha stabbiliti fis-sentenza Altmark. |
(240) |
L-ewwel, taħt is-sentenza Altmark, l-intrapriża reċipjenti hija attwalment meħtieġa li twettaq obbligi ta' servizz pubbliku u dawk l-obbligi għandhom ikunu definiti b'mod ċar. |
(241) |
Fil-każ in kwistjoni, l-obbligi ta' servizz pubbliku allegati ma ġewx iddefiniti b'mod ċar. Il-partijiet interessati jsemmu l-ħarsien tal-ambjent u s-sigurtà tal-provvista, iżda dawn l-għanijiet huma ta' natura ġenerali ħafna. Ukoll, tista' tittieħed il-perspettiva li, sa ċertu grad, kwalunkwe ġeneratur fis-settur tal-elettriku jikkontribwixxi għar-realizzazzjoni ta' dawn l-għanijiet. Il-partijiet interessati naqsu li jissottomettu kwalunkwe dokument li jipprovdi definizzjoni aktar tanġibbli tat-tip ta' SGEI fdat lill-ġeneraturi individwali, wisq inqas dokument legali li jistabbilixxi l-obbligi tagħhom. |
(242) |
L-Artikolu 1(2) tal-Att dwar l-Enerġija Pollakk ġie invokat (60). Dan l-Artikolu jindika li l-istat għandu jiżgura provvista kontinwa u mhux interrotta tal-enerġija lill-konsumaturi b'mod li huwa teknikament u ekonomikament vijabbli u jqis kif xieraq ir-rekwiżiti tal-ħarsien tal-ambjent. Iżda dan l-Artikolu tal-Att ma jafdax lil xi kumpanija speċifika bl-obbligi ta' servizz pubbliku. Jinkariga d-dmirijiet lill-istat biss. |
(243) |
Fl-aħħar, il-partijiet interessati jargumentaw li l-PPAs huma dokumenti li jinkarigaw lill-ġeneraturi bl-SGEIs. Iżda lanqas il-PPAs ma fihom ebda definizzjoni tanġibbli ta' SGEIs, u lanqas ma jirreferu għal dawn l-obbligi jew għal dispożizzjonijiet legali li jistgħu jkunu bażi biex l-istat jafda lill-SGEIs lil entitajiet oħrajn. |
(244) |
It-tieni, il-parametri fuq il-bażi ta' liema l-kumpens huwa kkalkolat għandhom ikunu ġew stabbiliti minn qabel b'mod oġġettiv u trasparenti, u l-kumpens m'għandux jeċċedi dak li huwa meħtieġ biex jiġu koperti l-ispejjeż kollha jew parti minnhom magħmula fit-twettiq tal-obbligi tas-servizz pubbliku, filwaqt li jitqies id-dħul rilevanti u qligħ raġonevoli biex jitwettqu dawn l-obbligi (61). |
(245) |
Fin-nuqqas ta' definizzjoni ċara tal-SGEIs li għandhom jiġu pprovduti, b'mod partikolari wieħed li jagħmel distinzjoni ċara bejn is-servizz li għandu jingħata u l-operat normali kummerċjali tal-impjant, huwa impossibbli li jiġu stabbiliti parametri għall-kumpens u/jew li jiġi ddeterminat jekk il-kumpens jeċċedix l-ammont meħtieġ sabiex jiġu koperti l-ispejjeż magħmula fit-twettiq ta' dawn l-obbligi. Lanqas ma huwa possibbli li jiġi ddefinit bl-eżatt x'inhuwa l-kumpens. |
(246) |
L-eżistenza ta' xi parametri biex jiġu stabbiliti l-prezzijiet tal-PPAs mhijiex ekwivalenti għall-eżistenza ta' parametri preċiżi biex jiġi kkalkulat il-kumpens għall-SGEIs, ladarba l-prezz mhuwiex daqs il-kumpens. Barra minn dan, il-fatt li l-prezz ikopri biss l-ispejjeż tal-ġenerazzjoni tal-elettriku, flimkien ma' marġinu ta' qligħ, ma jfissirx li ma jinkludi ebda kumpens eċċessiv, ladarba ħafna mill-ispejjeż tal-ġenerazzjoni tal-elettriku jistgħu jkunu l-ispejjeż normali koperti minn kwalunkwe ġeneratur tal-elettriku, kuntrarjament għall-ispejjeż żejda assoċjati mal-SGEIs. |
(247) |
It-tielet, fejn il-kumpanija li għandha twettaq obbligi ta' servizz pubbliku ma tkunx intgħażlet bi proċedura tal-ksib pubbliku, il-livell tal-kumpens meħtieġ għandu jiġi ddeterminat fuq il-bażi ta' analiżi tal-ispejjeż li intrapriża tipika, immexxija sew u pprovduta b'mezzi xierqa tal-produzzjoni biex tilħaq ir-rekwiżiti tas-servizz pubbliku, tkun għamlet biex twettaq dawk l-obbligi, filwaqt li jitqies id-dħul assoċjat u qligħ raġonevoli talli twettaq l-obbligi tagħha. |
(248) |
Il-partijiet interessati jargumentaw li dawn il-kriterji għandhom jitqiesu li ntlaħqu awtomatikament għaliex saret proċedura mhux diskriminatorja u trasparenti biex jingħataw il-PPAs. Iżda, il-Kummissjoni tinnota li ġew applikati bosta kriterji fil-proċedura tas-sejħa għall-offerti, u mhux biss il-prezz jew kriterji assoċjati mal-għanijiet politiċi msemmija hawn fuq (il-ħarsien tal-ambjent, is-sigurtà tal-provvista). Il-Kummissjoni tqis li l-applikazzjoni ta' dawk il-kriterji l-oħrajn mhux marbuta mal-prezz jew mal-imsemmija għanijiet politiċi tagħmilha impossibbli li jiġi konkluż awtomatikament li l-livell tal-kumpens huwa korrett. Barra minn dan, il-fatt li ntużaw bosta kriterji differenti sabiex jiġu evalwati l-offerti u li l-ebda għan tanġibbli għall-SGEIs ma ġie ddefinit juri wkoll kemm huwa diffiċli wkoll li jiġi evalwat jekk l-SGEIs allegati humiex attwalment implimentati. Per eżempju, it-taħlit tal-kriterji tal-prezzijiet u tal-ambjent jista' jirriżulta fil-proponiment li jiġi ġġenerat l-elettriku għal prezz baxx ħafna iżda bil-ħarsien imnaqqas tal-ambjent magħżul minflok wieħed li jipproponi li jiġġenera l-elettriku ta' kwalità ambjentali aħjar iżda għal prezz ogħla. Dan iqajjem dubji dwar jekk il-ġeneraturi attwalment jilħqux SGEI u, fi kwalunkwe każ, jagħmilha aktar diffiċli li tiġi ddeterminata l-portata tal-SGEIs imwettqa. |
(249) |
Barra minn dan, la l-awtoritajiet Pollakki u lanqas il-partijiet interessati ma pprovdew analiżi tal-ispejjeż tal-ġeneraturi in kwistjoni biex isostnu l-kontenzjoni li jaqblu mal-ispejjeż magħmula minn intrapriża tipika. Fil-fatt l-istimi provduti mill-Polonja taħt l-Att għall-iskopijiet li jiġi kkalkolat il-kumpens lil ġeneraturi tal-enerġija individwali huma b'mod sinjifikanti ogħla minn dawk magħmula minn parteċipant ġdid tipiku fil-Polonja. |
(250) |
Fl-aħħar, il-Kummissjoni tosserva li fil-każ tal-PPA ma' EC Kraków ma ġiet organizzata ebda proċedura għas-sejħa għall-offerti. |
(251) |
Il-partijiet interessati argumentaw li l-Artikolu 86(2) tat-Trattat KE jista' jgħodd għall-PPAs ukoll fejn ma jilħqux għal kollix il-kriterji tas-sentenza ta' Altmark. |
(252) |
Il-Kummissjoni hija tal-fehma li l-konsiderazzjonijiet stabbiliti hawn fuq iwasslu għall-konklużjoni li l-Artikolu 86(2) ma jistax għodd għall-PPAs. |
(253) |
B'mod partikolari, l-Artikolu 86(2) jista' jgħodd biss għall-kumpaniji li huma fdati bil-proviżjon ta' SGEIs ġenwini, li mhuwiex il-każ f'din l-istanza partikolari, kif intwera fil-preamboli 228 sa 238. L-SGEIs, jekk hemm, għandhom jiġu fdati lil kumpaniji speċifiċi, li mhuwiex il-każ f'din l-istanza, kif intwera fil-preamboli 240 sa 243. Fl-aħħar, il-kumpens għall-proviżjon tal-SGEI għandu jkun proporzjonat għall-ispejjeż li saru. Fi kliem ieħor, għandu jkun possibbli li ssir valutazzjoni tal-ambitu tal-SGEIs sabiex jiġu kkalkolati l-ispejjeż assoċjati. Dan mhuwiex il-każ hawn, kif intwera fil-preamboli 245 u 246. |
(254) |
Il-PPAs huma ovvjament selettivi ladarba ġew konklużi ma' għadd limitat ta' kumpaniji. Meta ġew iffirmati dawn il-ftehimiet, kien hemm kumpaniji fis-settur tal-elettriku li ma bbenefikawx minn PPA. |
(255) |
Ir-referenza tal-partijiet interessati għall-imperattiva li jiġu ddefiniti s-swieq rilevanti hija inkorretta. Il-kunċett tas-selettività jinkludi miżuri li jibbenefikaw lil settur sħiħ, ukoll meta jibbenefikaw lill-kumpaniji kollha f'dak is-settur (li mhuwiex il-każ hawn ladarba xi kumpaniji fis-settur ma bbenefikawx mill-PPAs). |
(256) |
Dwar ir-riferenza għas-sentenza ta' Van der Kooy, il-Kummissjoni tiftakar li f'din is-sentenza, il-Qorti ma kellha ebda dubju dwar is-selettività tal-miżura tal-għajnuna. L-valutazzjoni li jirreferu għaliha l-partijiet interessati fil-kummenti tagħhom tikkonċerna l-preżenza ta' vantaġġ iżda ma jistax jiġi stabbilit jekk il-Qorti tal-Ġustizzja qisitx, jew kinitx tqis, il-miżura bħala li ma tilħaqx il-kriterju tas-selettività. |
(257) |
Fl-aħħar, b'risposta għall-allegazzjoni tal-partijiet interessati li l-kriterju tas-selettività għandu jiġi sostitwit mill-prinċipju tal-investitur fis-suq għal miżuri li mhumiex deċiżi mill-istat, il-Kummissjoni tosserva li l-prinċipju tal-investitur fis-suq huwa test biex jiġi vverifikat jekk huwiex preżenti vantaġġ, u mhux is-selettività. |
(258) |
Il-partijiet interessati jargumentaw li l-Kummissjoni jmissha eżaminat jekk il-PPAs għawġux il-kompetizzjoni jew affettwawx il-kummerċ bejn l-Istati Membri fil-ħin meta ġew konklużi. Kif spjegat hawn fuq, il-Kummissjoni hija tal-fehma li jekk il-PPAs ikkostitwewx għajnuna mill-istat meta ġew konklużi ma jinfluwenzax ir-riżultat tal-proċedura preżenti. Minħabba l-adeżjoni tagħha għall-UE, il-Polonja fetħet is-suq tagħha fi stadju bikri: l-ewwel klijenti saru eliġibbli biex jibdlu l-provditur tal-elettriku fl-1999 u l-Borża tal-Enerġija Pollakka fetħet fl-istess sena. Fl-1 ta' Mejju 2004, il-Polonja ssieħbet mas-suq intern liberalizzat. L-eżistenza ta' ftehimiet għal żmien twil ma' PSE li kienet kumpanija statali, inkluża garanzija għax-xiri tal-elettriku maħruġa minn dik il-kumpanija bi prezz li jkopri l-ispejjeż tal-impjant tal-enerġija flimkien ta' marġinu ta' qligħ, għandha l-potenzjal li tgħawweġ il-kompetizzjoni. |
(259) |
Il-miżuri li jiffavorixxu l-kumpaniji tas-settur tal-enerġija fi Stat MEmbru wieħed jistgħu jimpedixxu l-potenzjal għall-kumpaniji minn Stati Membri oħrajn li jesportaw l-elettriku lejn dak l-Istat Membri, jew jiffavorixxu l-esportazzjonijiet tal-elettriku lejn it-tieni grupp ta' Stati Membri. Dan huwa speċjalment veru għall-Polonja, li hija ċentralment lokata fl-Ewropa u hija mqabbda, jew titqabbad faċilment, ma' bosta Stati Membri kurrenti u futuri. |
(260) |
Is-suq tal-elettriku fil-Polonja (il-Borża tal-Enerġija Pollakka) infetaħ fl-1999; f'dik l-istess sena PSE issieħbet ma' UCTE (62). |
(261) |
Meta ġew iffirmati l-PPAs, kien ċar li kien qed iseħħ il-kummerċ fl-elettriku bejn il-Polonja u l-pajjiżi qrib. Il-kapaċità tat-trażmissjoni tal-interkonnetturi ma kinitx kbira ħafna (2 000 MW skont il-partijiet interessati) iżda ntużat kollha, l-aktar għall-esportazzjoni. |
(262) |
Fl-2005 il-Polonja esportat 14,3 TWh ta' elettriku u importat 3,1 TWh, bil-livelli ta' konsum domestiku ta' 144,8 TWh (63); madankollu, ħafna kummerċ li kien qed isir mar-Repubblika Ċeka, il-Ġermanja u Slovakkja (interkonneturi mal-Ukraina u Belarus għandhom kapaċità żgħira ħafna jew ma jaħdmux). |
(263) |
Isegwi minn dan ta' hawn fuq li l-PPAs kellhom il-potenzjal li jgħawġu l-kompetizzjoni qabel l-adeżjoni tal-Polonja għall-UE. Madamkollu, il-kriterji tal-effett fuq il-kummerċ bejn l-Istati Membri jistgħu jintlaqħu, minnhom infushom, biss wara l-adeżjoni. Ladarba l-adeżjoni u l-liberalizzazzjoni tas-settur tal-enerġija fil-Polonja saru fl-istess data (l-1 ta' Mejju 2004), il-Kummissjoni tikkonkludi li, sa mhux aktar tard mill-adeżjoni tal-Polonja għall-UE, il-vantaġġi li rriżultaw mill-PPAs kellhom il-potenzjal li jgħawġu l-kompetizzjoni u jaffettwaw il-kummerċ bejn l-Istati Membri u għandhom dan il-potenzjal tul il-ħajja kollha tal-PPAs. |
(264) |
Fuq il-bażi ta' dan ta' hawn fuq, il-Kummissjoni hija tal-fehma li l-PPAs jikkostitwixxu għajnuna mill-istat fis-sens tal-Artikolu 87(1) tat-Trattat KE. |
7.1.3. Il-PPAs bħala “għajnuna ġdida” kuntrarjament għal “għajnuna eżistenti” L-illegalità tal-għajnuna
(265) |
Skond l-Anness IV, Kapitolu 3 tat-Trattat tal-Adeżjoni, il-Kummissjoni kienet kompetenti biex tiskrutinizza l-miżuri (miżuri ta' għajnuna individwali u skemi ta' għajnuna) li daħlu fis-seħħ qabel l-adeżjoni, jibqgħu jgħoddu wara dik id-data u jikkostitwixxu għajnuna. |
(266) |
L-ewwel, ladarba l-PPAs ġew iffirmati bejn l-1994 u l-1998, jiġifieri qabel ma l-Polonja daħlet fl-Unjoni Ewropea, jilħqu l-kondizzjonijiet li jkunu daħlu fis-seħħ qabel l-adeżjoni. F'dak ir-rigward il-Kummissjoni tosserva li din id-deċiżjoni tikkonċerna biss dawk il-PPAs li kienu fis-seħħ fid-data tal-adeżjoni tal-Polonja għall-UE (l-1 ta' Mejju 2004). Ma tkoprix PPAs li ġew itterminati qabel dik id-data. |
(267) |
It-tieni, il-PPAs jgħoddu wara l-adeżjoni. Jiskadu bejn l-2006 u l-2027 – jiġifieri wara l-adeżjoni. L-espożizzjoni eżatta tal-istat minħabba l-PPAs ma kinitx magħrufa fid-data tal-adeżjoni. |
(268) |
F'dan il-kuntest, il-Kummissjoni ġeneralment tqis li dawn il-miżuri ta' għajnuna li ġejjin jgħoddu wara l-adeżjoni u li jikkostitwixxu għajnuna ġdida (64):
|
(269) |
Il-PPAs servew biex jiggarantixxu l-vijabbiltà tal-impjanti tal-enerġija. Iżda mhumiex forma klassika ta' garanzija: il-PPAs jipprovdu dħul lura li jħares 'il quddiem fuq l-investiment u profitabbiltà permezz ta' xirja ggarantita tal-enerġija bi prezz garantit (għalkemm varjabbli) għal żmien garantit, irrispettivament mill-kondizzjonijiet tas-suq. |
(270) |
L-espożizzjoni finanzjarja tal-istat taħt il-PPAs ma ġietx illimitata sa ammont massimu qabel l-adeżjoni u lanqas ma kienet l-għajnuna għall-ġeneraturi tal-enerġija definittivament u mingħajr kondizzjoni mogħtija f'ammont definit qabel l-adeżjoni. |
(271) |
Anzi, l-espożizzjoni ekonomika tal-istat taħt il-PPAs tiddependi fuq parametri li l-evoluzzjoni future tagħhom ma kinitx magħrufa fil-ħin tal-adeżjoni. Barra minn dan, il-PPAs iggarantixxu lill-ġeneraturi protezzjoni mill-varjazzjonijiet fl-ispejjeż li ma kinux relatati għal tranżazzjonijiet jew ġrajjiet ta' qabel l-adeżjoni iżda kkonċernaw żviluppi fil-futur u għalhekk ma kinux magħrufa fid-data tal-adeżjoni. |
(272) |
B'mod partikolari, il-fatt li l-espożizzjoni tal-istat taħt il-PPAs ma kinitx magħrufa fid-data tal-adeżjoni u li l-istat baqa' responsabbli wara l-adeżjoni jintwera minn dawn iċ-ċirkostanzi li ġejjin. |
(273) |
L-ewwel, il-prezzijiet tal-enerġija li bihom il-ġeneraturi tal-enerġija jbiegħu l-elettriku lil PSE ma ġewx stabbiliti fil-PPAs individwali. Il-prezzijiet huma r-riżultat tal-kalkoli magħmula bl-użu ta' formula magħmula minn serje ta' parametri li jvarjaw b'mod imprevedibbli. |
(274) |
Per eżempju, dawn il-formuli jinkludu parametri bħall-indiċijiet tal-Prezzijiet għall-Konsumatur fil-Polonja jew fl-Istati Uniti, il-prezzijiet għaż-żejt u l-faħam fis-swieq dinjin, is-salarji medji fil-Polonja jew ir-rata tal-kambju USD/PLN. Ovvjament, il-varjazzjonijiet f'dawn il-parametri kollha mhumiex kondizzjonati biss minn ġrajjiet li saru qabel l-adeżoni. Il-kalkoli tal-prezzijiet u xi kultant il-formuli nfishom jinbidlu kontinwament bis-saħħa ta' serje ta' annessi għall-PPAs, adottati, f'xi każijiet, fuq bażi annwali jew aktar spiss. |
(275) |
Fuq dan l-isfond, il-Kummissjoni hija tal-fehma li l-eżistenza tal-formula li tistabbilixxi l-prezz ma tikkostitwixxix limitu suffiċjenti fuq l-espożizzjoni ekonomika tal-istat. Is-sempliċi eżistenza ta' għadd ta' parametri li jevolvu fil-formula tagħmilha impossibbli li jiġi ddeterminat il-livell potenzjali tal-espożizzjoni ta l-istat bi preċiżjoni suffiċjenti. |
(276) |
Barra minn dan, differenti mill-garanziji klassiċi, il-PPAs ikopru l-ispejjeż ta'l –operat tal-benefiċjarji. Jipprovdu għax-xiri kontinwu ta' kwantità garantita ta' elettriku minn PSE u għal ħlas permanenti tal-ispejjeż tal-operat fissi jew varjabbli skont il-formuli tal-prezzijiet indikati. |
(277) |
Il-Kummissjoni qieset ukoll il-fatt li, minħabba l-għadd sinjifikanti ta' parametri li jiffurmaw il-formuli tal-prezz, ma jistax jiġi eskluż li r-reċipjent tal-għajnuna jista' huwa stess jinfluwenza l-prezz finali (permezz ta' xi elementi tal-ispejjeż tal-operat, eż., il-pagi tal-impjegati u tal-maniġers). |
(278) |
Bħala argument sussidjarju, l-espożizzjoni finanzjarja ta' PSE hija kontinġenti sew fuq it-talba. Hija ekwivalenti għad-differenza bejn il-prezz tax-xiri taħt il-PPAs u d-dħul li tista' tiġġenera PSE billi tbiegħ l-elettriku lill-konsumaturi. Il-prezz li bih PSE tbiegħ l-elettriku lill-konsumaturi ma jistax jiġi previst. Il-prezz tal-elettriku mibjugħ fuq is-suq marbut huwa stabbilit mill-istat fuq bażi annwali, filwaqt li l-prezzijiet fis-suq ħieles ivarjaw b'mod imprevedibbli. Dan iżid l-imprevedibbiltà tal-espożizzjoni tal-istat taħt il-PPAs. Jista' wkoll ikun il-każ li x-xiri minimu fiss tal-volum tal-enerġija kif provdut fil-PPAs ikun akbar mill-bżonnijiet reali ta' PSE, b'mod partikolari ladarba titlesta l-liberalizzazzjoni tas-suq tal-enerġija fl-2007. L-ammont żejjed tal-elettriku jista' jwassal għal spejjeż mhux magħrufa akbar, li jżid l-imprevedibbiltà tal-espożizzjoni tal-istat taħt il-PPAs aktar. |
(279) |
Għalhekk, il-ħlasijiet ta' PSE lill-ġeneraturi tal-enerġija wara l-adeżjoni mhumiex is-sempliċi ħlas ta' pagamenti (tranches) taħt limitu ġenerali fiss stabbilit qabel l-adeżjoni. Barra minn dan, il-PPAs kienu ġew riveduti b'annessi sussegwenti fuq bosta okkażjonijiet mid-data li fiha ġew iffirmatu l-kuntratti inizzjali. |
(280) |
Il-Kummissjoni tosserva li – fil-każijiet rilevanti – meta l-valutazzjoni tal-kompatibbiltà tal-miżuri mas-suq komuni tiġi ppreparata, għandha titqies kif xieraq l-għajnuna mogħtija qabel ma l-Istat Membru ssieħeb mal-Unjoni Ewropea u li tgħodd wara l-adeżjoni. |
(281) |
Skond id-dispożizzjonijiet imsemmija hawn fuq tat-Trattat tal-Adeżjoni, il-miżuri kollha li daħlu fis-seħħ qabel l-adeżjoni u li għadhom jgħoddu wara dik id-data li jikkostitwixxu għajnuna mill-istat u li ma jaqgħux taħt wieħed minn dawn il-kategoriji elenkati hawn taħt għandhom jitqiesu, sa mill-adeżjoni, bħala għajnuna ġdida fis-sens tal-Artikolu 88(3) tat-Trattat KE. |
(282) |
It-tliet kategoriji ta' għajnuna eżistenti msemmija fit-Trattat tal-Adeżjoni huma:
|
(283) |
Minħabba l-fatt li l-PPAs individwali ma jappartjenu għa; ebda mill-kategoriji ta' għajnuna eżistenti enumerati fit-Trattat, jikkostitwixxu għajnuna ġdida sa mid-data tal-adeżjoni. |
(284) |
Il-Kummissjoni tosserva li din il-kategorizzazzjoni hija wkoll skont l-aħħar sentenza tal-Artikolu 1(b)(v) tar-Regolament (KE) Nru 659/1999. Dan l-Artikolu jgħid li fejn il-miżuri jsiru għajnuna wara l-liberalizzazzjoni skont il-liġi Komunitarja (f'dan il-każ liberalizzazzjoni tas-suq tal-enerġija skont id-Direttiva 96/92/KE, li daħlet fis-seħħ fil-Polonja meta l-Polonja daħlet fl-Unjoni Ewropea), dawn il-miżuri ma jitqisux għajnuna eżistenti wara d-data fissa għal-liberalizzazzjoni, jiġifieri jiġu ttrattati bħala għajnuna ġdida. |
(285) |
B'riferenza għall-kummenti tal-partijiet interessati msemmija fil-preambolu 71, il-Kummissjoni tosserva li tittratta lill-PPAs bħala skema ta' għajnuna għar-raġunijiet stabbiliti fil-preambolu 31. Tqis ukoll il-fatt li deċiżjoni mill-istat li toffri lill-investituri PPAs li jiggarantixxu l-vijabbiltà tagħhom filwaqt li l-ftehimiet jibqgħu fis-seħħ hija denominatur komuni tal-PPAs kollha. |
(286) |
Il-partijiet interessati jargumentaw li l-PPAs ma kkostitwixxewx għajnuna mill-istat meta ġew konklużi u għalhekk ma jistgħux jitqiesu bħala għajnuna ġdid. Jinvokaw is-sentenza ta' Alzetta Mauro (66), u jargumentaw li l-għajnuna mogħtija f'suq li għall-ewwel kien magħluq għall-kompetizzjoni qabel il-liberalizzazzjoni għandha titqies bħala għajnuna eżistenti mid-data tal-liberalizzazzjoni. Irrispettivament minn dan ta' hawn fuq, l-Artikolu 1(b)(v) tar-Regolament (KE) Nru 659/1999 jikkonċerna kemm l-iskemi ta' għajnuna kif ukoll miżuri ta' għajnuna individwali. |
(287) |
Il-Kummissjoni tiċħad dan l-argument. Intwera li l-kriterji kollha li jirregolaw l-eżistenza tal-għajnuna mill-istat intlaħqu fid-data tal-adeżjoni tal-Polonja għall-UE. B'mod partikolari, intwera li l-enerġija ġiet negozjata bejn il-Polonja u l-pajjiżi qrib f'dan iż-żmien u li l-Borża tal-Enerġija Pollakka ilha topera mill-1999. Fi kwalunkwe każ, kien hemm dubji li, fid-data tal-adeżjoni, il-Polonja minnufih tissieħeb f'settur li kien infetaħ għall-kompetizzjoni. Il-Kummissjoni hija tal-fehma li l-għan tad-dispożizzjonijiet tal-istat misjuba fit-Trattat tal-Adeżjoni kien preċiżament li jiżgura li l-miżuri li jistgħu jgħawġu l-kompetizzjoni bejn l-Istati Membri sa mid-data tal-adeżjoni ġew mistħarrġa. B'kuntrast għat-trattati tal-adeżjoni ta' qabel l-1 ta' Mejju 2004, it-Trattat tal-Adeżjoni ffirmat mill-Polonja u disa' pajjiżi oħrajn huwa ddiżinjat li jirrestrinġi l-miżuri meqjusa li jikkostitwixxu għajnuna eżistenti għat-tliet każijiet speċifiċi deskritti hawn fuq. Is-sentenza ta' Alzetta Mauro ma tikkonċernax miżura koperta mit-Trattat tal-Adeżjoni u għalhekk ma tistax titqies li tgħodd f'dan ir-rigward għall-PPAs li qed jiġu evalwati. Fl-aħħar, il-Kummissjoni wkoll hija tal-fehma li s-sentenza ta' Alzetta Mauro tikkonċerna s-sitwazzjoni attwali kif deskritta fid-deċiżjoni tal-Kummissjoni datata qabel id-dħul fis-seħħ tar-Regolament (KE) Nru 659/1999. |
(288) |
Għalhekk fuq il-bażi tat-Trattat tal-Adeżjoni, il-Kummissjoni tikkonkludi li l-PPAs jikkostitwixxu għajnuna ġdida. |
(289) |
Minħabba li l-PPAs ma kinux notifikati lill-Kummissjoni skont ir-regoli proċedurali dwar l-għajnuna mill-istat, il-Kummissjoni hija tal-fehma li jikkostitwixxu għajnuna illegali. |
7.1.4. Id-dispożizzjonijiet applikabbli tat-Trattat
(290) |
Il-partijiet interessati argumentaw li l-Kummissjoni għandha tkun analizzat il-PPAs fid-dawl tal-mekkaniżmu interim tat-Trattat tal-Adeżjoni, flimkien mal-każ tal-għajnuna mill-istat PL 1/03 (67). |
(291) |
Il-Kummissjoni tiċħad din l-asserzjoni. |
(292) |
Taħt il-mekkaniżmu interim tat-Trattat tal-Adeżjoni il-poteri tal-Kummissjoni kienu limitati li tendorsja jew toġġezzjona għal deċiżjonijiet meħuda mill-awtoritajiet tal-kompetizzjoni fil-pajjiżi tal-adeżjoni li jikkonċernaw miżuri li kienu ġew implimentati u li kienu għadhom jgħoddu wara l-adeżoni. Il-każ PL 1/03 ikkonċerna deċiżjoni mill-awtorità tal-kompetizzjoni Pollakka dwar l-abbozz tal-liġi dwar il-kumpens mill-istat għat-terminazzjoni tal-PPAs. Ma kinitx tkopri l-għajnuna fil-PPAs infishom u l-awtoritajiet Pollakki ma nnotifikawx il-PPAs taħt il-proċedura interim; id-deċiżjoni rilevanti tal-Uffiċċju għall-Kompetizzjoni u l-Ħarsien tal-Kompetizzjoni lanqas ma kienet tkopri l-PPAs individwali. Il-Kummissjoni ma kellhiex poteri li tiddeċiedi b'mod unilaterali li testendi l-ambitu tal-każ fuq il-bażi tal-proċedura interim. |
(293) |
Barra minn dan, ukoll kieku l-Kummissjoni kellha l-poteri li testendi l-ambitu tal-każ b'mod unilaterali, dan ma kienx ikun possibbli f'din l-istanza partikolari għaliex il-liġi mistħarrġa taħt il-proċedura interim ipprovdiet għat-terminazzjoni obbligatorja tal-PPAs kollha qabel ma l-Polonja aderixxiet għall-UE. Ladarba l-istħarriġ tal-Kummissjoni seta' biss jindirizza l-kwistjonijiet tal-għajnuna mill-istat li kienu għadhom applikabbli wara l-adeżjoni, il-PPAs ma setgħux kienu inklużi fl-ambitu tiegħu. |
(294) |
Dwar it-trattati l-oħrajn bilaterali jew il-Karta tal-Enerġija, il-Kummissjoni tosserva li ma jipprojbixxux it-terminazzjoni ta' dawn il-kuntratti iżda tirrakkomanda kumpens xieraq li ma jibdilx in-natura ta' għajnuna mill-istat tal-PPAs. L-għan ta' dawn it-trattati huwa li jiżguraw bilanċ bejn l-għanijiet tal-liberalizzazzjoni u l-obbligu li jinżammu l-investimenti. Dwar il-kummenti tal-partijiet interessati dwar iċ-ċaħda tad-drittijiet, il-Kummissjoni hija tal-fehma li jekk il-PPAs kellhom jikkostitwixxu għajnuna mill-istat illegali u inkompatibbli, ikunu illegali. Għalhekk, it-terminazzjoni ta' dawn il-ftehimiet ma tistax titqies bħal li tikkostitwixxi ċaħda tad-drittijiet. Jekk din it-terminazzjoni titqies li tikkostitwixxi ċaħda tad-drittijiet, il-Kummissjoni hija tal-fehma li l-kumpens jista' jingħata u li l-kondizzjonijiet stabbiliti fil-Metodoloġija jiżguraw li l-kumpens huwa xieraq. |
7.1.5. Il-valutazzjoni tal-kompatibbiltà
(295) |
L-Artikolu 87(1) tat-Trattat KE jipprovdi għall-projbizzjoni ġenerali ta' għajnuna mill-istat ġewwa l-Komunità. |
(296) |
L-Artikoli 87(2) u 87(3) tat-Trattat KE jipprovdu għal eżenzjonijiet għar-regola ġenerali li din l-għajnuna hija inkompatibbli mas-suq komuni kif jingħad fl-Artikolu 87(1). |
(297) |
L-eżenzjonijiet fl-Artikolu 87(2) tat-Trattat KE ma jgħoddux fil-każ preżenti għaliex din il-miżura m'għandiex karattru soċjali, ma ngħatatx lil konsumaturi individwali, mhijiex diżinjata li tagħmel tajjeb id-dannu kkawżat minn diżastri naturali jew okkorrenzi eċċezzjonali u ma ngħatatx lill-ekonomija ta' xi żoni tar-Repubblika Federali tal-Ġermanja affettwati mid-diviżjoni ta' dak il-pajjiż. |
(298) |
Aktar eżenzjonijiet huma stabbiliti fl-Artikolu 87(3) tat-Trattat KE. |
(299) |
L-Artikolu 87(3)(a) jgħid li “għajnuna maħsuba biex tippromwovi l-iżvilupp ekonomiku ta' reġjun fejn il-livell tal-għajxien huwa baxx b'mod anormali jew fejn ikun hemm stat serju ta' nuqqas ta' impjieg” tista' tiġi ddikjarata kompatibbli mas-suq komuni. Il-parti kbira mill-Polonja, jekk mhux kollha, tista' titqies bħala żona bħal din. |
(300) |
Il-Kummissjoni adottat linji gwida għall-valutazzjoni ta' din l-għajnuna. Meta l-Polonja aderixxiet għall-UE il-linji gwida dwar l-għajnuna nazzjonali reġjonali (68) (“il-Linji Gwida Reġjonali”) kienu fis-seħħ. Dawn il-linji gwida rregolaw ukoll l-valutazzjoni tal-għajnuna reġjonali fid-dawl tal-Artikolu 87(3)(c) tat-Trattat KE. |
(301) |
Skond il-Linji Gwida Reġjonali, l-għajnuna mill-istat tista' bħala prinċipju tiġi awtorizzata biss għall-ispejjeż tal-investiment. L-għajnuna għall-operat kienet normalment ipprojbita (il-punt 4.15 tal-Linji Gwida Reġjonali), iżda setgħet tiġi awtorizzata eċċezzjonali f'reġjoni speċifiċi kemm-il darba kienet limitata fiż-żmien, u mnaqqsa progressivament. (69) |
(302) |
L-għajnuna ma tistax titqies bħala għajnuna għall-investiment. L-għajnuna għall-investiment hija ddefinita bl-użu ta' lista ta' spejjeż eliġibbli potenzjali li huma indikati fil-punti 4.5 u 4.6 tal-Linji Gwida Reġjonali. Huwa ċar li l-ħlasijiet taħt il-PPAs ikopru spejjeż oħrajn ukoll. L-eżempju l-aktar ċar huwa li l-PPAs jiggarantixxu l-ispejjeż tal-karburanti assoċjati bl-operat tal-impjanti tal-enerġija. L-ispejjeż tal-impjegati huma wkoll koperti mill-PPAs. Huwa ċar li dawn l-ispejjeż mhumiex eliġibbli għall-għajnuna għall-investiment. Kuntrarjament, jikkorrispondu għall-ispejjeż kurrenti tal-operatur u għandhom għalhekk jiġu inklużi fl-ispejjeż tal-operat kif definit fil-punt 4.15 tal-Linji Gwida Reġjonali. |
(303) |
L-għajnuna mogħtija taħt il-PPAs mhijiex soġġetta għal terminu raġonevoli. Il-PPAs huma konklużi għal perjodi twal ħafna, b'mod simili għall-ħajja mistennija ta' impjant tal-enerġija tipiku. Barra minn dan, il-PPAs ma jinkludu ebda dispożizzjoni għal tnaqqis gradwali fl-ammont tal-għajnuna. Il-volumi ggarantiti tal-elettriku mixtri mhumiex rigressivi, u l-prezzijiet huma indiċjati, li jfisser li jiżdiedu minflok jonqsu. Il-garanzija ta' qligħ u l-ambitu tagħha ma jonqsux maż-żmien lanqas. |
(304) |
Minħabba dan ta' hawn fuq, il-Kummissjoni tikkonkludi li l-għajnuna mhijiex eliġibbli għad-deroga provduta fl-Artikolu 87(3)(a) tat-Trattat KE. |
(305) |
L-Artikolu 87(3) (b) tat-Trattat KE jgħid li l-“għajnuna maħsuba biex tippromwovi l-eżekuzzjoni ta' proġetti fuq skala kbira ta' interess komuni Ewropew, jew biex tirrimedja taħwid serju fl-ekonomija ta' Stat Membru” tista' tiġi ddikjarata kompatibbli mas-suq komuni. |
(306) |
Il-Kummissjoni tonnta li l-għajnuna in kwistjoni mhijiex diżinjata li tippromwovi l-eżekuzzjoni ta' proġett importanti ta' interess komuni Ewropew. |
(307) |
Lanqas ma sabet il-Kummissjoni xi evidenza li hija ddiżinjata li tirrimedja taħwid serju fl-ekonomija Pollakka. Il-Kummissjoni tirrikonoxxi li l-elettriku huwa prodott importanti għall-ekonomija ta' kwalunkwe Stat Membru, u li kien hemm bżonn li jiġi mmodernizzat dan is-settur fil-Polonja fis-snin 90. |
(308) |
Madankollu, il-Kummissjoni hija tal-fehma li l-kunċett ta' “taħwid serju fl-ekonomija ta' Stat Membru” jirreferi għal każijiet ħafna aktar gravi. Sempliċi riferenza għall-konsegwenzi potenzjali għall-ekonomija ta' Stat Membru kif għamlu l-partijiet interessati mhijiex biżżejjed biex dawn id-dispożizzjonijiet tat-Trattat jitqiesu applikabbli għal miżura partikolari. Bħala minimu, ikunu meħtieġa deskrizzjoni u analiżi aktar dettaljati tal-probabbiltà li jseħħ dan it-tfixkil u l-iskala tal-konsegwenzi tiegħu. |
(309) |
Fl-aħħar, il-Kummissjoni tosserva li dan il-kunċett jinkludi ċerta nozzjoni ta' urġenza li hija inkompatibbli maċ-ċiklu li jieħu ż-żmien li jsiru l-offerti u jiġu nnegozjati l-PPAs. |
(310) |
Minħabba dan ta' hawn fuq, il-Kummissjoni tikkonkludi li l-għajnuna ma tikkwalifikax għad-deroga li tinsab fl-Artikolu 87(3)(b) tat-Trattat KE. |
(311) |
L-Artikolu 87(3)(d) tat-Trattat KE jgħid li l-għajnuna biex tiġi promossal-konservazzjoni tal-kultura u tal-eredità tista' tiġi ddikjarata kompatibbli mat-Trattat KE fejn din l-għajnuna ma taffettwax il-kondizzjonijiet u l-kompetizzjoni fil-Komunità sa grad li huwa kuntrarju għall-interess komuni. Dan l-Artikolu ovvjament ma jgħoddx għall-PPAs. |
(312) |
L-Artikolu 87(3)(c) jipprovdi għall-awtorizzazzjoni tal-għajnuna mill-istat biex jiġi ffaċilitat l-iżvilupp ta' xi attivitajiet ekonomiċi jew ta' xi oqsma ekonomiċi, fejn din l-għajnuna ma taffettwax b'mod avvers il-kundizzjonijiet tal-kummerċ sa grad li huwa kuntrarju għall-interess komuni. Il-Kummissjoni żviluppat bosta linji gwida u komunikazzjonijiet li jispjegaw kif se tapplika d-deroga li tinsab f'dan l-Artikolu. |
(313) |
Il-partijiet interessati invokaw l-applikazzjoni tal-Linji Gwida Reġjonali u tal-Linji Gwida Ambjentali. |
(314) |
Il-Preamboli 300 sa 304 jindikaw ir-raġunijiet għaliex l-għajnuna ma tistax titqies kompatibbli mas-suq komuni b'applikazzjoni tal-Linji Gwida Reġjonali (70). |
(315) |
Il-Kummissjoni tosserva li l-Linji Gwida Ambjentali, bħal-Linji Gwida Reġjonali, primarja jippermettu l-għajnuna tal-investiment. L-għajnuna għall-operat hija limitata għal għanijiet speċifiċi. L-ewwel hija għajnuna għall-immaniġġar tal-iskart u l-iffrankar tal-enerġija (taqsima E.3.1), li hija limitata għal massimu ta' 5 snin. It-tieni hija għajnuna fil-forma ta' tnaqqis jew eżenzjonijiet (taqsima E.3.2). It-tielet hija għajnuna għal għejun tal-enerġija li jistgħu jiġġeddu (taqsima E.3.3). Huwa ċar li ebda waħda minn dawn id-dispożizzjonijiet ma tgħodd fil-każ preżenti. |
(316) |
Ir-raba' u l-aħħar tip ta' għajnuna għall-operat li jista' jiġi awtorizzat hija għajnuna għall-produzzjoni kkombinata tal-enerġija u s-sħana (taqsima E.3.4). Xi wħud mill-ġeneraturi kkonċernati jipproduċu l-isħana u l-enerġija. Iżda la l-Polonja u lanqas xi ħadd mill-produtturi kkonċernati ma wrew li dawn l-impjanti jilħqu għal kollox il-kriterji ta' effiċjenza stabbiliti fil-Linji Gwida Ambjentali. Tassew, il-Polonja pprovdiet lill-Kummissjoni bid-data li turi li parti limitata biss tal-produzzjoni tista' titqies li tilħaq dawn il-kriterji tal-effiċjenza. Fil-fehma tal-Kummissjoni, dan ifisser li l-għajnuna li tkopri l-produzzjoni sħiħa tal-entitajiet in kwistjoni ma tistax tkun awtorizzata fuq il-bażi ta' dawn id-dispożizzjonijiet. |
(317) |
Mid-dokumenti msemmija fil-preambolu 312, l-uniku li seta' jgħodd f'dan il-każ hija l-Metodoloġija tal-Ispejjeż Mhux Irkuprabbli. Il-Metodoloġija tal-Ispejjeż Mhux Irkuprabbli tikkonċerna l-għajnuna mogħtija lill-entitajiet li kienu jgawdu monopolju li bnew impjanti tal-enerġija qabel il-liberalizzazzjoni tas-settur tal-elettriku u li jista' jkollhom diffikultajiet li joperawhom f'suq liberalizzat. |
(318) |
Fid-deċiżjoni li tibda l-proċedura, il-Kummissjoni qajmet għadd ta' dubij dwar il-possibbiltà li l-PPAs jiġu awtorizzati fuq il-bażi tal-Metodoloġija tal-Ispejjeż Mhux Irkuprabbli. |
(319) |
Wieħed minn dawn id-dubji qam mill-fatt li l-Metodoloġija tal-Ispejjeż Mhux Irkuprabbli tindika li l-Kummissjoni għandha d-dubji l-aktar serji dwar l-għajnuna maħsuba li tissalvagwardja d-dħul kollu jew ftit minnu ta' qabel ma daħlet fis-seħħ id-Direttiva 96/92/KE, mingħajr ma tqis strettament l-spejjeż mhux irkuprabbli eliġibbli li jistgħu jirriżultaw mill-introduzzjoni tal-kompetizzjoni (71). |
(320) |
Il-PPAs ġew preċiżament diżinjati li jissalvagwardjaw il-parti l-kbira tad-dħul ta' qabel ma daħlet fis-seħħ id-Direttiva 96/92/KE miksuba mill-ġeneraturi tal-enerġija u l-impjanti kkonċernati. Barra minn hekk, ikkonċernaw impjanti li kellhom sehem importanti ħafna tas-suq u għal żmien twil ħafna, li għall-parti l-kbira kien akbar mill-ħin meħtieġ għal tranżizzjoni raġonevoli lejn is-suq. |
(321) |
Fid-dawl ta' dan ta' hawn fuq, il-Kummissjoni tikkonkludi li l-PPAs huma inkompatibbli mal-kriterji stabbiliti fil-Metodoloġija tal-Ispejjeż mhux irkuprabbli. Imorru kontra l-prinċipji fundamentali tagħha, li kienu ddiżinjati li jippermettu tranżizzjoni progressiva iżda ġenwina lejn is-suq. |
(322) |
Il-partijiet interessati argumentaw li l-PPAs setgħu jiġu awtorizzati direttament taħt l-Artikolu 87(3)(c) tat-Trattat KE. Indikaw li l-PPAs iffaċilitaw l-iżvilupp ta-settur tal-enerġija Pollakk billi jiġbdu l-investiment barrani f'kapaċità tal-ġenerazzjoni tal-elettriku li hija moderna u li ma tagħmilx ħsara għall-ambjent. Il-PPAs kienu maħsuba li “jiffaċilitaw l-iżvilupp ta' xi attivitajiet ekonomiċi.” |
(323) |
Il-Kummissjoni tosserva li ż-żewġ għanijiet ta' politika msemmija hawn fuq: jiġifieri li jinġibed l-investiment u l-promozzjoni tal-kapaċità tal-ġenerazzjoni tal-elettriku li ma tagħmilx ħsara għall-ambjent, huma preċiżament l-għanijiet ta' politika msemmija fil-Linji Gwida Reġjonali u l-Linji Gwida Ambjentali. Il-Kummissjoni analizzat il-PPAs fid-dawl ta' dawn iż-żewġ settijiet ta' linji gwida u kkonkludiet li mhumiex kompatibbli ma' dawn ir-regoli. Il-Kummissjoni hija tal-fehma li l-possibbiltà li jiġi invokat l-Artikolu 87(3)(c) biex jiġu awtorizzati l-PPAs ġiet eżawrita. |
(324) |
Minħabba dan ta' hawn fuq, il-Kummissjoni tikkonkludi li l-PPAs huma inkompatibbli mas-suq komuni. |
7.1.6. Il-każ speċifiku ta' Żarnowiecka Elektrownia Gazowa Sp. z o.o.
(325) |
Il-PPA ma' Żarnowiecka Elektrownia Gazowa Sp. z o.o. ġie tterminat minn PSE fis-17 ta' Mejju 2006, qabel ma x-xogħol tal-kostruzzjoni fuq l-impjant tal-enerġija laħaq l-istadju avvanzat (72). Minħabba li l-impjant tal-enerġija ma kienx operattiv f'dak iż-żmien, ma bbenefikatx mill-PPA. Għalhekk ma bbenefikat minn ebda għajnuna mill-istat. |
(326) |
Għalhekk il-Kummissjoni hija tal-fehma li dan il-PPA ma pprovda ebda għajnuna lil Żarnowiecka Elektrownia Gazowa Sp. z o.o. |
7.2. Dwar l-Att
(327) |
Il-Kummissjoni analizzat l-erba' kriterji kumulattivi għall-eżistenza tal-għajnuna mill-istat fis-sens tal-Artikolu 87(1) tat-Trattat KE. |
(328) |
Il-Kummissjoni wettqet analiżi biex tiddetermina l-għajn tal-fondi li għandhom jintużaw għall-ħlasijiet provduti fl-Att. Ikkonkludiet li dawn il-fondi jkunu d-dħul ta' imposta parafiskali stabbilita taħt l-istess Att. |
(329) |
L-imposta ssir fuq il-konsumaturi kollha (l-Artikolu 8 tal-Att), u l-ammont tagħha huwa kontinġenti fuq id-daqs u l-karatteristiċi tal-konnessjoni tagħhom man-netwerk (l-Artikoli 10 u 11 tal-Att). L-ammont tal-imposta huwa stabbilit mill-URE (l-Artikolu 12 tal-Att). Id-dħul mill-imposta miġbura mill-provdituri huma mħallsa f'kont f'isem Zarządca Rozliczeń S.A. Din hija kumpanija b'għan speċjali, proprjetà sħiħa ta' u għal kollox ikkontrollata mill-Istat, imwaqqfa taħt il-Kapitolu 7 tal-Att. Zarządca Rozliczeń S.A tuża l-fondi biex tagħmel il-ħlasijiet lill-ġeneraturi eliġibbli skont il-Kapitolu 4 tal-Att, taħt is-sorveljanza amministrattiva ta' URE. |
(330) |
Il-Kummissjoni analizzat il-karatteristiċi ta' din l-imposta fid-dawl tal-prattika tagħha tat-teħid tad-deċiżjonijiet (73) u l-ġurisprudenza tal-Qorti tal-Ġustizzja (74). Għamlet dawn l-osservazzjonijiet li ġejjin. |
(331) |
L-ewwel, l-imposta hija kontribuzzjoni obbligatorja li hija imposta fuq il-konsumaturi kollha mill-istat. |
(332) |
It-tieni, id-dħul mill-imposta jitħallsu f'kont f'isem Zarządca Rozliczeń S.A. Mis-seba' membri tal-bord tas-superviżjoni ta' Zarządca Rozliczeń S.A, erba' inkluż iċ-Chairman, huma nnominati minn Ministri, tnejn huma nnominati minn presidenti ta' korpijiet pubbliċi (URE u l-Uffiċċju tal-Kompetizzjoni u l-Ħarsien tal-Konsumatur) u wieħed huwa nnominat mill-Assemblea Ġenerali tal-Azzjonisti, jiġifieri minn PSE. Il-Kummissjoni tikkonkludi li Zarządca Rozliczeń S.A hija għal kollox taħt il-kontroll tal-istat. Din il-konklużjoni hija msaħħa mill-fatt li Zarządca Rozliczeń S.A topera taħt id-dikasteru ta' URE, li hija korp statali. Id-dħul mill-imposta għalhekk huwa amministrat minn korp li huwa għal kollox ikkontrollat mill-istat. |
(333) |
It-tielet, Zarządca Rozliczeń S.A tuża l-fondi biex tagħmel ħlasijiet għall-benefiċċju ta' xi ġeneraturi, skont id-dispożizzjonijiet adottati mill-istat fl-Att. Skond l-Att, Zarządca Rozliczeń S.A. tħallas il-fondi lill-ġeneraturi tal-enerġija biex tkopri l-ispejjeż mhux irkuprabbli fil-forma ta' ħlas bil-quddiem għal dawn l-ispejjeż f'sena partikolari u fil-forma ta' aġġustamenti annwali. |
(334) |
Mit-tliet osservazzjonijiet hawn fuq, il-Kummissjoni tikkonkludi li d-dħul mill-imposta jikkostitwixxi riżorsi tal-istat. |
(335) |
L-Att jipprovdi għall-ħlasijiet lill-impjanti tal-enerġija li jagħżlu li japplikaw il-mekkaniżmu tiegħu. Dawn l-impjanti tal-enerġija jirċievu l-ħlasijiet biex huma jitterminaw il-PPA tagħhom ma' PSE. |
(336) |
Il-ħlasijiet skont l-Att jippermettu lill-impjanti tal-enerġija intitolati iħaffu l-oneru tal-ispejjeż magħmula. Il-formula biex jiġu kkalkolati t-tliet ħlasijiet tipprovdi b'mod partikolari biex l-istat ikopri t-telf assoċjat ma' xi tipi ta' spejjeż, flimkien ma' deprezzament u spejjeż tal-karburanti, jekk id-dħul miġbur fis-suq mhuwiex suffiċjenti għal dak l-iskop, bla ħsara għal xi kondizzjonijiet li x'aktarx jintlaħqu f'xenarju ekonomiku normali. Dan jimplika li l-ħlasijiet tal-istat ikopru l-ispejjeż normalment magħmula mill-ġeneraturi taħt kondizzjonijiet normali tas-suq. Dawn il-ħlasijiet għalhekk jikkostitwixxu vantaġġ ekonomiku. |
(337) |
Il-partijiet interessati jargumentaw li l-ħlasijiet ma jikkostitwixxux vantaġġ għaliex huma biss kumpens xieraq għat-terminazzjoni tal-PPAs. Dan ir-raġunament huwa bbażat fuq il-premessa li l-PPAs stess ma jikkostitwixxux vantaġġ ekonomiku, li mhuwiex il-każ, kif ġie spjegat fil-punt 7.1.1. |
(338) |
Ladarba l-benefiċjarji tal-Att huma l-istess impjanti tal-enerġija li jibbenefikaw mill-PPAs, jgħodd l-istess raġunament bħal dak stabbilit fil-preamboli 254 sa 257. |
(339) |
L-Att jipprovdi vantaġġ lil bosta kumpaniji li joperaw fis-suq tal-produzzjoni tal-enerġija. Dan is-suq huwa liberalizzat fl-UE. Il-miżuri li jiffavorixxu lill-kumpaniji tas-settur tal-enerġija fi Stat Membru wieħed jistgħu jillimitaw il-potenzjal biex kumpaniji minn Stati Membri oħrajn jesportaw l-elettriku lil dak l-Istat Membru, jew jiffavorixxu esportazzjonijiet tal-elettriku lit-tieni grupp ta' Stati Membri. Dan huwa speċjalment veru għall-Polonja, li hija ċentralment lokata fl-Ewropa u hija mqabbda, jew titqabbad faċilment ma', bosta Stati Membri. |
(340) |
Il-vantaġġ kompetittiv li jirriżulta mill-Att jista' jgħawweġ il-kompetizzjoni u jaffettwa l-kummerċ bejn l-Istati Membri. |
(341) |
Fid-dawl ta' dan ta' hawn fuq, il-Kummissjoni hija tal-fehma li s-sistema tal-kumpens provduta fl-Att tikkostitwixxi għajnuna mill-istat. |
7.2.1. L-għotja tal-għajnuna skont il-liġi
(342) |
L-Att daħal fis-seħħ fl-4 ta' Awwissu 2007. Il-Kummissjoni hija tal-fehma li, skont l-Artikolu 6(1) tal-Att, il-ġeneraturi tal-enerġija li jiddeċiedu li jibbenefikaw mill-iskema jirċievu fondi biex ikopru l-ispejjeż mhux irkuprabbli biss wara li l-ftehim li jittermina jkun ġie konkluż. Barra minn dan, skont l-Artikolu 22(4) tal-Att, l-ewwel ħlas bil-quddiem biex ikopri l-ispejjeż mhux irkuprabbli jitħallas lill-ġeneraturi tal-enerġija eliġibbli fil-ħames jum tax-xahar wara li jkun għadda żmien ta' 120 jum, li jibda mill-jum meta t-terminazzjoni bikrija tal-PPAs tkun seħħet permezz tal-ftehimiet tat-terminazzjoni. Fid-dawl ta' dan ta' hawn fuq, id-data li fiha jidħol fis-seħħ l-Att ma tistax titqies li hija d-data li fiha tingħata l-għajnuna lill-ġeneraturi tal-enerġiha, jiġifieri d-data li fiha l-benefiċjarju jirċievi awtorizzazzjoni tal-għajnuna li turbot legalment. Għalhekk il-Kummissjoni mhijiex tal-fehma li d-dħul fis-seħħ tal-Att qabel l-adozzjoni ta' din id-Deċiżjoni jikkostitwixxu nuqqas ta' ħarsien tal-obbligu msemmi fl-Artikolu 88(3) tat-Trattat KE. |
7.2.2. L-valutazzjoni tal-kompatibbiltà
(343) |
L-Artikolu 87(1) tat-Trattat KE jipprovdi għall-projbizzjoni ġenerali tal-għajnuna mill-istat fil-Komunità. |
(344) |
L-Artikolu 87(3)(c) jipprovdi għall-awtorizzazzjoni tal-għajnuna mill-istat biex jiġi ffaċilitat l-iżvilupp ta' xi setturi ekonomiċi, fejn din l-għajnuna ma taffettwax b'mod negattiv il-kondizzjonijiet kummerċjali sa grad li huwa kuntrarju għall-interess komuni. Il-Kummissjoni żviluppat bosta linji gwida u komunikazzjonijiet li jispjegaw kif se tapplika d-deroga li tinsab f'dan l-Artikolu. |
(345) |
Il-Metodoloġija tal-Ispejjeż mhux irkuprabbli hija ddiżinjata li tanalizza l-għajnuna mogħtija lill-entitajiet li qabel kellhom monopolju fis-settur tal-elettriku f'kuntest fejn xi deċiżjonijiet meħuda minn dawn l-entitajiet qabel il-liberalizzazzjoni m'għandhomx jagħmlu sens kummerċjali wara l-liberalizzazzjoni. |
(346) |
L-ewwel paragrafu tat-taqsima 3 tal-Metodoloġija tal-Ispejjeż Mhux Irkuprabbli jispjega li l-ispejjeż mhux irkuprabbli “jistgħu, fil-prattika, jieħdu bosta forom: kuntratti tax-xiri għal żmien twil, investimenti magħmula b'garanzija impliċita jew espliċita tal-bejgħ, investimenti magħmula barra mill-ambitu tal-attività normali, eċċ.” F'dan il-każ partikolari, l-għajnuna hija ppjanata għal investimenti fil-modernizzazzjoni jew l-espansjoni tal-impjanti tal-enerġija bil-PPAs bħala garanzija espliċita tal-bejgħ. Tindirizza l-konsegwenzi ta' kuntratti tax-xiri tal-gass għal żmien twil konklużi mal-ġeneraturi mmexxija bil-gass. Għalhekk il-Kummissjoni hija tal-fehma li l-għajnuna taqa' fl-ambitu tal-Metodoloġija tal-Ispejjeż Mhux Irkuprabbli. Għalhekk, hija analizzat l-għajnuna fid-dawl tal-Metodoloġija. |
(347) |
Il-Metodoloġija tal-Ispejjeż Mhux Irkuprabbli tipprovdi għal valutazzjoni f'żewġ stadji tal-għajnuna ppjanata għall-kumpens tal-ispejjeż mhux irkuprabbli. L-ewwel stadju, imsemmi fit-taqsima 3 tal-Metodoloġija, jikkonċerna d-definizzjoni ta' spejjeż eliġibbli, li jinvolvi b'mod partikolari l-kalkolu tal-kumpens massimu li jista' jingħata. It-tieni stadju, li huwa ttrattat fit-taqsima 4 tal-Metodoloġija, jikkonċerna l-mekkaniżmu għall-kalkolu tal-kumpens attwali li għandu jitħallas għall-ispejjeż mhux irkuprabbli, filwaqt li jitqies l-iżvilupp tal-kompetizzjoni fis-suq. |
(348) |
Il-Kummissjoni l-ewwel analizzat jekk l-għajnuna laħqitx il-kondizzjonijiet stabbiliti f'3.1 sa 3.12 tal-Metodoloġija tal-Ispejjeż Mhux Irkuprabbli. |
(349) |
Taħt il-punt 3.1 tal-Metodoloġija tal-Ispejjeż Mhux Irkuprabbli, il-ħlasijiet tal-kumpens massimu jqisu biss l-invsesimenti li tlestew qabel ma daħlet fis-seħħ id-Direttiva 96/92/KE fil-Polonja, jiġifieri d-data li fiha l-Polonja ssieħbet fl-UE, u tal-volum tal-gass kuntrattat skont ir-regola “take or pay” qabel dik id-data. Fil-każijiet eċċezzjonali, l-investimenti kuntrattati qabel id-data tal-adeżjoni tal-Polonja iżda li ma tlestewx fid-data tal-adeżjoni ġew meqjusa wkoll, iżda biss sa fejn il-Polonja setgħet tipprova lill-Kummissjoni li t-tlestija ta' dawn l-investimenti u l-ġenerazzjoni tad-dħul minnhom jirriżultaw fi spejjeż mhux irkuprabbli iżgħar milli kieku jitwaqqaf ix-xogħol tal-kostruzzjoni għal kollox. |
(350) |
Skond il-punt 3.2 tal-Metodoloġija tal-Ispejjeż Mhux Irkuprabbli, mhemm ebda dubju dwar l-eżistenza u l-validità tal-garanziji mogħtija lill-ġeneraturi tal-enerġija, għaliex jissemmew b'mod espliċitu fil-PPAs. |
(351) |
Skond il-punt 3.3 tal-Metodoloġija tal-Ispejjeż Mhux Irkuprabbli, l-investimenti involuti huma sinjifikanti ħafna u jistgħu jiġġeneraw telf kbir ħafna. Dan jgħodd ukoll għal kuntratti “take or pay” għal żmien twil. Il-Kummissjoni hija tal-fehma li, kieku dan it-telf ma jiġi kkumpensat bl-ebda mod, jista', fid-dawl tad-daqs tiegħu, iqiegħed fil-periklu l-vijabbiltà kontinwata tal-kumpaniji in kwistjoni. Din il-konklużjoni hija msaħħa mir-reazzjoni tal-istituzzjonijiet li ffinanzjaw l-investimenti, li għarrfu lill-Kummissjoni li n-nuqqas li jingħata kumpens xieraq jitqies bħala nuqqas taħt l-arranġamenti tal-finanzjament minħabba r-riskju sinjifikanti tal-falliment li jiffaċċja l-kumpanija in kwistjoni. |
(352) |
Il-Kummissjoni qiest ukoll il-fatt li l-impatt tal-ispejjeż mhux irkuprabbli huwa kkalkolat b'referenza għall-gruppi kkonsolidati. Dan jippermetti li jitqiesu l-effetti tal-liberalizzazzjoni, negattivi jew pożittivi, fuq il-grupp. Dan il-mekkaniżmu jeskludi investimenti ġodda jekk mhumiex biċ-ċar investimenti sostituttivi. Il-Kummissjoni tqis ukoll li l-investiment ġdid fis-settur huwa vitali jekk is-suq għandu jopera sew, u li l-kumpens għall-ispejjeż mhux irkuprabbli m'għandux jikkostitwixxi deterrent. |
(353) |
Skond il-punt 3.4 tal-Metodoloġija tal-Ispejjeż Mhux Irkuprabbli, l-ammonti riżervati mill-benefiċjarji huma impenjati fuq bażi irrevokabbli. Mhemm ebda mod ieħor biex jinġabru lura l-ispejjeż tal-investiment f'impjant tal-enerġija ħlief li titħaddem jew li tinbiegħ bi prezz li ma jistax jeċċedi d-dħul li tiġġenera l-impjant tal-enerġija billi tbiegħ l-elettriku tagħha fis-suq. Il-kuntratti “take or pay” ma jistgħux jiġu rrevokati unilateralment mill-ġeneraturi. |
(354) |
Skond il-punt 3.5 tal-Metodoloġija, l-ispejjeż mhux irkuprabbli assoċjati mal-investimenti fl-impjanti tal-enerġija mhumiex marbuta ma' ftehimiet bilaterali. Għalhekk mhemm ebda skop li jiġi vverifikat jekk dawn l-ispejjeż mhux irkuprabbli jirriżltawx minn garanziji li jorbtu lil żewġ kumpaniji fl-istess grupp. L-ispejjeż mhux irkuprabbli assoċjati mal-kuntratti “take or pay” ma jorbtux lill-kumpaniji li jiffurmaw parti mill-istess grupp. |
(355) |
Skond il-punt 3.6 tal-Metodoloġija tal-Ispejjeż Mhux Irkuprabbli, l-awtoritajiet Pollakki pprovdew lill-Kummissjoni lista ta' spejjeż li għandu jkopri l-kumpens fejn id-dħul ta' impjant tal-enerġija mhuwiex biżżejjed għal dak l-iskop. Meta analiżżat dawn il-kategoriji tal-ispejjeż, il-Kummissjoni kkonkludiet li l-kumpens ma jeċċedix dak li huwa mehtieġ biex ikopri n-nuqqas fid-dħul fuq l-investiment tul il-ħajja tal-assi ġodda, inkluż fejn meħtieġ marġinu raġonevoli ta' qligħ. Il-kalkolu tal-valur massimu tal-kumpens huwa bbażati fuq għadd ta' assunzjonijiet ekonomiċi, inkluż b'mod partikolari prezz bażi tas-suq daqs il-prezz li parteċipant ġdid fil-Polonja jkun ippreparat li joffri. L-assunzjoni hija li l-faħam ikun l-għajn primarju tal-enerġija ta' dan il-parteċipant il-ġdid. Il-Kummissjoni vverifikat li din l-assunzjoni dwar l-għajn tal-enerġija hija konsistenti mat-tendenzi preżenti f'investimenti ġodda fis-settur fil-Polonja, u li r-riżervi tal-faħam Pollakki huma suffiċjenti biex din it-tendenza tkompli fil-futur. Jekk il-prezz attwali fis-suq huwa aktar baxx mill-prezz bażi fis-suq previst, il-prezz bażi fis-suq jitqies għall-iskopijiet tal-kalkolu tal-kumpens. Il-Kummissjoni hija tal-fehma li din il-formula għall-kalkolu tal-ispejjeż mhux irkuprabbli, li hija identika għall-formula wżata fil-prattika kostanti tagħha (75), tqis l-ispejjeż ekonomiċi li jikkorrispondu għall-ammonti attwali investiti. Il-kumpens għall-kuntratti “take or pay” ġie kkalkolat fuq il-bażi tal-volumi attwali kkuntrattati u l-aħjar stima possibbli tat-tendenzi tal-prezzijiet fil-kuntratti. |
(356) |
Skond il-punt 3.7 tal-Metodoloġija tal-Ispejjeż Mhux Irkuprabbli, il-metodu wżat biex jiġi kkalkolat il-kumpens iqis id-dħul iġġenerat mill-assi in kwistjoni. L-ammont massimu tal-kumpens huwa l-ammont wara li jitnaqqas id-dħul iġġenerat mill-assi fl-imgħoddi u li huwa disponibbli biex jiġu koperti l-ispejjeż tal-investiment u l-fluss ta' kontanti tal-impjanti tal-enerġija mill-2007 sad-data tal-iskadenza tal-PPA li huwa disponibbli biex ikopri l-ispejjeż tal-investiment. Dan id-dħul kollu jitqies sa mid-data li fiha l-PPA ġie konkluż, u l-għajnuna mill-istat kollha rċevuta mill-1 ta' Mejju 2004 hija inkluża fl-ammonti mnaqqsa. |
(357) |
Skond il-punt 3.8 tal-Metodoloġija tal-Ispejjeż Mhux Irkuprabbli, the value of aid awarded in the past for the assets concerned, in particular investment aid, has been deducted from the maximum compensation. |
(358) |
Skond il-punt 3.9 tal-Metodoloġija tal-Ispejjeż Mhux Irkuprabbli, il-metodu wżat biex jiġu kkalkolati l-ispejjeż mhux irkuprabbli jqis it-tendenzi veri fil-prezzijiet tal-elettriku. L-aġġustament perjodiku fil-kumpens iqis id-differenza bejn il-prezz tal-elettriku previst użat fil-kalkolu tal-ammont massimu tal-kumpens u l-prezz attwali tal-elettriku. Il-ħlasijiet tal-kumpens għall-kuntratti “take or pay” iqisu l-użu attwali tal-gass u l-prezzijiet attwali tal-gass, iżda wkoll il-prezz attwali li bih inbiegħ l-elettriku ġġenerat fil-kumpanija. |
(359) |
Skond il-punt 3.10 tal-Metodoloġija tal-Ispejjeż Mhux Irkuprabbli, il-kumpens massiku huwa kkalkolat b'riferenza għall-ispejjeż deprezzati qabel ma daħlet fis-seħħ id-Direttiva 96/92/KE fil-Polonja. |
(360) |
Skond il-punt 3.11 tal-Metodoloġija tal-Ispejjeż Mhux Irkuprabbli, il-kumpens ġie kkalkolat fuq il-bażi tas-soluzzoni li tqum l-inqas flus għall-istat. Għall-assi li l-kostruzzjoni tagħhom bdiet qabel ma l-Polonja daħlet fl-Unjoni Ewropea iżda li ma tlestewx sal-adeżjoni, il-Polonja wriet li l-kumpens massimu ġie kkalkolat fuq il-bażi tal-irħas miż-żewġ xenarji possibbli: it-tlestija tal-kostruzzjoni u l-operat tal-assi l-ġodda biex jiġi ġġenerat id-dħul, jew it-twaqqif tax-xogħol tal-kostrizzjoni. Il-mekkaniżmu tal-kumpens għall-ispejjeż mhux irkuprabbli assoċjati mal-kuntratti “take or pay” ġie wkoll imfassal b'tali mod li jagħti inċentiva biex il-ġeneraturi tal-enerġija attwalment joperaw l-impjant biex jimmitigaw l-ispejjeż mhux irkuprabbli ġenerali, minflok ma jwaqqfu l-ġenerazzjoni u jħallsu l-penali kollha, li jirriżulta fi spejjeż mhux irkuprabbli ħafna ogħla. Il-Kummissjoni analizzat bosta xenarji provduti mill-Polonja bl-għan li jiddeterminaw jekk dan il-mekkaniżmu jgħinx biex jitnaqqas l-ammont ġenerali tal-kumpens. Fl-aħħar, jekk il-volum tal-gass ikkuntrattat taħt il-ftehimiet “take or pay” jiġi negozjat mill-ġdid u jitnaqqas matul l-iskema tal-kumpens, l-ammont attwali tal-ħlasijiet tal-kumpens jitnaqqas f'dan is-sens. |
(361) |
Skond il-punt 3.12 tal-Metodoloġija tal-Ispejjeż Mhux Irkuprabbli, il-perjodu tal-ħlas jestendi sal-2027. Il-punt 3.12 tal-Komunikazzjoni dwar l-Ispejjeż Mhux Irkuprabbli jgħid li “l-ispejjeż li jkollhom iħallsu xi intrapriżi wara t-terminu indikat fl-Artikolu 26 tad-Direttiva (18 ta' Frar 2006) ma jistgħux, bħala regola, jikkostitwixxu spejjeż mhux irkuprabbli eliġibbli fis-sens ta' din il-metodoloġija. Iżda fin-nota 5 tal-Metodoloġija tal-Ispejjeż Mhux Irkuprabbli l-Kummissjoni tgħid li “għandu jiġi miftiehem li l-investimenti li ma jistgħux jinġabru lura jew li mhumiex ekonomikament vijabbli b'riżultat tal-liberalizzazzjoni tas-suq intern fl-elettriku jistgħu jikkostitwixxu spejjeż mhux irkuprabbli fis-sens ta' din il-metodoloġija, inkluż f'każijiet fejn, bħala prinċipju, għandhom jestendu lil hinn mill-2006. Barra minn dan, impenji jew garanziji li assolutament għandhom ikomplu jiġu onorati wara t-18 ta' Frar 2006 għaliex nuqqas li jsir dan jista' jagħti lok għal riskji ewlenin dwar il-protezzjoni tal-ambjent, is-sigurtà pubblika, il-protezzjoni soċjali tal-ħaddiema jew is-sigurtà tan-netwerk tal-elettriku jistgħu, jekk debitament ġustifikati, jikkostitwixxu spejjeż mhux irkuprabbli eliġibbli fis-sens ta' din il-metodoloġija.” |
(362) |
L-ispejjeż mhux irkuprabbli msemmija fl-Att huma marbuta qrib mal-investimenti fl-impjanti tal-enerġija li ma jistgħux jinġabru lura b'riżultat tal-liberalizzazzjoni tas-suq intern fl-elettriku. Dan jgħodd ukoll għall-kuntratti “take or pay”, li ġew konklużi bl-għan li jiġu provduti l-impjanti tal-enerġija li jibbenefikaw mill-PPAs sa grad li huwa konsistenti mal-volum tal-elettriku koperti mill-PPAs. Minħabba n-nota 5 imsemmija hawn fuq, il-Kummissjoni tista' tawtorizza l-estensjoni tal-kumpens lil hinn mit-terminu jekk tqis dan bħala ġġustifikat fid-dawl taċ-ċirkostanzi tal-każ. |
(363) |
Il-Kummissjoni tosserva li l-investimenti in kwistjoni huma investimenti fl-impjanti tal-enerġija. Dawn huma investimenti għal żmien partikolarment twil (minn 15-il sena sa wkoll 30 sena), li huma sensittivi ħafna għat-tendenzi fil-prezzijiet tal-elettriku li huma diffiċli li jiġu previsti, b'mod partikolari matul tranżizzjoni għal suq għal kollox liberalizzat. L-ispejjeż ta' dawn l-investimenti ma jistgħux jinġabru lura fil-każijiet fejn il-prezzijiet tal-elettriku huma aktar baxxi mill-prezzijiet provduti meta nbnew l-impjanti tal-enerġija. |
(364) |
Taħt dawn iċ-ċirkostanzi, il-Kummissjoni hija tal-fehma, kif għamlet fil-fajls ta' qabel dwar il-Greċja (76) u l-Portugall (77), li n-nota 5 tal-Metodoloġija tal-Ispejjeż Mhux Irkuprabbli tgħodd għal dawn l-ispejjeż mhux irkuprabbli speċifiċi u tiġġustifika l-għotja tal-kumpens wara l-2006 u sal-aħħar tal-PPAs oriġinali. |
(365) |
Fid-dawl ta' dan ta' hawn fuq, il-Kummissjoni tikkonkludi li l-Att huwa skont il-kriterju stabbilit fil-punti 3.1 to 3.12 tal-Metodoloġija tal-Ispejjeż Mhux Irkuprabbli. Il-kumpens massimu għall-ispejjeż mhux irkuprabbli ma jeċċedix il-livell permezz mill-Metodoloġija tal-Ispejjeż Mhux Irkuprabbli. Għalhekk għandhom jitqiesu bħala eliġibbli fis-sens tal-Metodoloġija. |
(366) |
Il-Kummissjoni analizzat jekk l-għajnuna laħqitx il-kondizzjonijiet stabbiliti fil-punti 4.1 sa 4.6 tal-Metodoloġija tal-Ispejjeż Mhux Irkuprabbli. |
(367) |
Skond il-punt 4.1 tal-Metodoloġija tal-Ispejjeż Mhux Irkuprabbli, l-ammonti massimi tal-kumpens ġew ikkalkolati fuq il-bażi ta' impjanti tal-enerġija definiti ċar u individwali, u kuntratti “take or pay”. Il-kumpens attwalment imħallas ma jeċċedix dawn l-ammonti massimi. |
(368) |
Skond il-punt 4.2 tal-Metodoloġija tal-Ispejjeż Mhux Irkuprabbli, il-kumpens attwalment imħallas se jqis it-tendenzi attwali fid-data ekonomika, b'mod partikolari l-prezzijiet tal-elettriku u l-volumi tal-gass mixtrija taħt il-kuntratti “take or pay”. Per eżempju, jekk il-prezzijiet attwali tal-elettriku jkunu differenti mill-prezz bażi fis-suq imsemmi fil-preambolu 355, l-ammont tal-kumpens attwali jiġi emendat f'dan is-sens. L-ammonti attwali tal-kumpens għall-kuntratti “take or pay” se jqisu wkoll il-kondizzjonijiet attwali li fihom il-ġeneraturi tal-elettriku in kwistjoni jixtru l-gass tagħhom u jbiegħu l-elettriku tagħhom fis-suq. |
(369) |
Skond il-punt 4.3 tal-Metodoloġija tal-Ispejjeż Mhux Irkuprabbli, l-awtoritajiet Pollakki ntrabtu li jipprovdu lill-Kummissjoni rapport annwali dwar l-implimentazzjoni tal-Att. |
(370) |
Skond il-punt 4.4 tal-Metodoloġija tal-Ispejjeż Mhux Irkuprabbli, il-prezz bażi tas-suq ikkunsidrat fil-preambolu 355 jiżdied b'mod sinjifikanti maż-żmien, b'riżultat ta' liema l-ammont tal-kumpens pagabbli jonqos sa ċertu punt, li l-Kummissjoni tosserva b'mod favorevoli. |
(371) |
Skond il-punt 4.5 tal-Metodoloġija tal-Ispejjeż Mhux Irkuprabbli, l-ammont massimu tal-kumpens pagabbli lil kumpanija partikolari huwa ffissat minn qabel. Dan iqis il-qligħ futur tal-benefiċjarji li jirriżulta mill-kisbiet fil-produttività. In-notifika tal-għajnuna speċifikat b'mod partikolari kif il-kalkoli tal-ispejjeż mhux irkuprabbli se jqisu t-tibdil f'bosta fatturi ekonomiċi (bħall-prezzijiet, ishma tas-suq, jew fatturi oħrajn rilevanti indikati mill-Istati Membri u elenkati fil-Metodoloġija). |
(372) |
Skond il-punt 4.6 tal-Metodoloġija tal-Ispejjeż Mhux Irkuprabbli, l-awtoritajiet Pollakki ntrabtu li ma jagħtu ebda għajnuna tas-salvataġġ jew tar-ristrutturar lill-kumpaniji benefiċjarji skont l-Att għal żmien ta' għaxar snin wara l-aħħar ħlas lill-kumpaniji kkonċernati. Dan il-perjodu, li jestendi sal-2037 għal xi kumpaniji, huwa kompatibbli mal-prinċipju ta' “l-aħħar darba” kif interpretat mill-Kummissjoni fil-punt 73 tal-linji gwida dwar l-għajnuna mill-istat għas-salvataġġ u r-ristrutturar tal-kumpaniji fid-diffikoltà (78). Il-Kummissjoni hija tal-fehma li din is-soluzzjoni wkoll tipprovdi assigurazzjoni biżżejjed li ma ssirx il-kumulazzjoni indebita tal-għajnuna fil-qafas tal-Metodoloġija tal-Ispejjeż Mhux Irkuprabbli. |
(373) |
Fid-dawl ta' dan ta' hawn fuq, il-Kummissjoni tikkonkludi li l-Att huwa skont il-kriterji stabbiliti fil-punti 4.1 to 4.6 tal-Metodoloġija tal-Ispejjeż Mhux Irkuprabbli. Il-metodu biex jitħallsu l-pagamenti attwali tal-ispejjeż mhux irkuprabbli għalhekk huwa kompatibbli mal-Metodoloġija tal-Ispejjeż Mhux Irkuprabbli. |
(374) |
Fid-dawl ta' dan ta' hawn fuq, il-Kummissjoni tikkonkludi li l-Att huwa kompatibbli mal-Metodoloġija tal-Ispejjeż Mhux Irkuprabbli. L-għajnuna ddiżinjata li tħallas l-ispejjeż mhux irkuprabbli eliġibbli tħares il-kriterji stabbiliti fil-Metodoloġija u għalhekk tista' titqies bħala kompatibbli mas-suq komuni. |
(375) |
Il-ġeneraturi tal-enerġija eliġibbli ġew awtorizzat li jirċievu l-għajnuna skont il-Metodoloġija tal-Ispejjeż Mhux Irkuprabbli sa mill-1 ta' Mejju 2004. L-Att jipprovdi għal sistema ta' kumpens futur, iżda meta l-ammonti massimi tal-kumpens jiġu kkalkolati, l-ammonti ta' għajnuna li jirċievu l-ġeneraturi tal-enerġija huwa l-ammont wara li jitnaqqas id-dħul iġġenerat mill-assi fl-imgħoddi u li huwa disponibbli biex jiġu koperti l-ispejjeż tal-investiment. Kif indikat fil-preambolu 356, l-għajnuna mill-istat kollha rċevuta sa mill-1 ta' Mejju 2004 hija inkluża fid-dħul imnaqqas. Meta qieset l-Att kompatibbli mas-suq komuni, il-Kummissjon tqis ukoll l-ammonti ta' għajnuna rċevuti mill-benefiċjarji sa mill-1 ta' Mejju 2004 bħala kompatibbli mas-suq komuni. |
7.2.3. Il-każ speċifiku ta' Dalkia Poznań Zespół Elektrociepłowni S.A. u Electrabel Połaniec S.A.
(376) |
Iż-żewġ PPAs konklużi ma' Dalkia Poznań Zespół Elektrociepłowni S.A. u Electrabel Połaniec S.A. skadew fil-31 ta' Diċembru 2006. Għalhekk, dawn l-istazzjonijiet tal-enerġija mhumiex koperti mill-Att. Ladarba ebda minn dawn il-PPAs ma huwa kopert mill-Att, ma jaqawx taħt din id-Deċiżjoni u l-Kummissjoni se toħroġ deċiżjoni separata dwar iż-żewġ kumpaniji kkonċernati. |
8. KONKLUŻJONI
(377) |
Il-Kummissjoni tikkonkludi li:
|
(378) |
Kif spjegat fil-punt 7.1.1, l-element tal-għajnuna mill-istat provdut fil-PPAs jikkonsisti prinċipalment mill-fatt li l-PPAs jiggarantixxu x-xiri minn PSE ta' ċertu volum ta' elettriku bi prezz li jkopri l-ispejjeż kollha tal-ġenerazzjoni. |
(379) |
Ladarba l-għajnuna mill-istat huwa inkompatibbli mat-Trattat KE, għandha tintemm. Ladarba l-ġbir iggarantit u d-dispożizzjonijiet tal-garanzija li jkopru l-ispejjeż huma d-dispożizzjonijiet ewlenin tal-PPAs, il-Kummissjoni tikkonkludi li t-tmiem tal-għajnuna mill-istat jista' jinkiseb biss bit-terminazzjoni tal-PPAs infushom. |
(380) |
Il-Kummissjoni hija tal-fehma li t-tmiem tal-PPAs jimplika xogħol sinjifikanti min-naħa tal-partijiet, b'mod partikolari dwar qbil dwar it-termini li jirregolaw it-terminazzjoni tal-PPAs. Il-Kummissjoni hija tal-fehma li dan huwa neċessarju li jingħata żmien raġonevoli biex isir dan il-proċess sabiex jiġi żgurat li s-sigurtà tal-provvista tal-enerġija tibqa' xierqa u li t-tranżizzjoni għal suq għal kollox liberalizzat fil-Polonja ssir f'kondizzjonijiet tajbin. Dawn l-għanijiet huma wkoll fl-interess tal-Komunità. |
(381) |
Meta abbozzat l-Att fil-qafas tal-proċess leġiżlattiv nazzjonali tagħha, il-Polonja kkonsultat lill-partijiet interessati kollha dwar kwistjonijiet tekniċi marbuta mat-terminazzjoni volontarja tal-PPAs. B'riżultat, it-terminu stabbilit fl-Att biex jiġu konklużi l-ftehimiet dwar it-terminazzjoni għall-PPAs huwa ta' 150 jum sa mid-data tad-dħul fis-seħħ tal-Att, jiġifieri l-1 ta' Jannar 2008. Il-Kummissjoni hija tal-fehma li dan il-perjodu huwa wkoll xieraq biex jingħalqu l-PPAs kif meħtieġ minn din id-deċiżjoni. Il-Kummissjoni hija tal-fehma l, skont l-Artikolu 5 tal-Att, il-PPAs attwalment se jiġu tterminati fl-ewwel jum tax-xahar wara li jiskadi perjodu ta' 120 jum, li jibda mid-data tad-dħul fis-seħħ tal-Att (jiġifieri l-1 ta' April 2008). |
(382) |
Għalhekk, kif indikat fil-preamboli 356 u 375, l-ammonti ta' għajnuna rċevuti mill-benefiċjarji sa mill-1 ta' Mejju 2004 huma maqbuda mill-att u allura jitqiesu kompatibbli mas-suq komuni, |
(383) |
Fil-każ speċifiku ta' Żarnowiecka Elektrownia Gazowa Sp. z o.o. il-Kummissjoni tikkonkludi li l-impjant ma bbenefikax minn għajnuna taħt il-PPA tagħha. |
(384) |
Iż-żewġ PPAs konklużi ma' Dalkia Poznań Zespół Elektrociepłowni S.A. u Electrabel Połaniec S.A. mhumiex maqbuda minn din id-Deċiżjoni. Il-Kummissjoni se tittratta lil dawk iż-żewġ kumpaniji f'deċiżjoni separata. |
ADOTTAT DIN ID-DEĊIŻJONI:
Artikolu 1
1. Il-Ftehimiet tax-Xiri tal-Enerġija bejn Polskie Sieci Elektroenergetyczne S.A. u l-kumpaniji indikati fl-Anness 1 tal-Att dwar ir-regoli li jirregolaw il-ħlas tal-ispejjeż magħmula minn intrapriżi in konnessjoni mat-terminazzjoni bikrija tal-Ftehimiet tax-Xiri tal-Enerġija jikkostitwixxu għajnuna mill-istat fis-sens tal-Artikolu 87(1) tat-Trattat KE lill-ġeneraturi tal-elettriku.
2. L-għajnuna mill-istat imsemmija fl-Artikolu 1(1) ingħatat illegalment u hija inkompatibbli mas-suq komuni.
Artikolu 2
1. Il-Polonja għandha tittermina l-Ftehimiet tax-Xiri tal-Enerġija msemmija fl-Artikolu 1.
2. Il-ftehimiet ta' terminazzjoni għall-Ftehimiet tax-Xiri tal-Enerġija għandhom jiġu konklużi sal-1 ta' Jannar 2008 u għandhom jidħlu fis-seħħ mhux aktar tard mill-1 ta' April 2008.
Artikolu 3
Il-Ftehim tax-Xiri tal-Enerġija bejn Polskie Sieci Elektroenergetyczne S.A. u Żarnowiecka Elektrownia Gazowa Sp. z o.o. ma jikkostitwixxix għajnuna mill-istat fis-sens tal-Artikolu 87(1) tat-Trattat KE.
Artikolu 4
1. Il-kumpens provdut fl-att jikkostitwixxi għajnuna mill-istat fis-sens tal-Artikolu 7(1) tat-Trattat KE lill-ġeneraturi tal-elettriku elenkati fl-Appendiċi 2 ta' dak l-Att.
2. L-għajnuna mill-istat imsemmija fl-Artikolu 4(1) hija kompatibbli mas-suq komuni fuq il-bażi tal-Metodoloġija tal-Ispejjeż Mhux Irkuprabbli.
3. L-ammont massimu tal-kumpens provdut fl-Att għandu jkun l-ammont wara li jitnaqqas id-dħul totali ġġenerat mill-assi taħt il-PPAs u li huwa disponibbli biex jitħallsu l-ispejjeż tal-investiment.
Artikolu 5
1. L-awtoritajiet Pollakki għandhom jgħarrfu lill-Kummissjoni sal-31 ta' Jannar 2008 dwar il-miżuri li tkun ħadet il-Polonja biex timplimenta din id-Deċiżjoni.
2. L-awtoritajiet Pollakki għandhom jissottomettu lill-Kummissjoni rapporti annwali dwar l-implimentazzjoni tal-Att.
Artikolu 6
Din id-Deċiżjoni hija indirizzata lir-Repubblika tal-Polonja
Magħmul fi Brussell, il-25 ta' Settembru 2007.
Għall-Kummissjoni
Neelie KROES
Membru tal-Kummissjoni
(2) Ara n-nota ta' qiegħ il-paġna 1.
(3) Adottata mill-Kummissjoni fis-26 ta' Lulju 2001.
(4) Fid-dawl tal-Anness IV tal-Att dwar il-kondizzjonijiet tal-adeżjoni tar-Repubblika Ċeka, ir-Repubblika tal-Estonja, ir-Repubblika taċ-Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta' Malta, ir-Repubblika tal-Polonja, ir-Repubblika tal-Islovenija u r-Repubblika Slovakka, u l-emendi għat-Trattat li fuqhom hija msejsal-Unjoni Ewropea (“l-Att tal-Adeżjoni”), li jifforma parti integrali tat-Trattat tal-Adeżjoni tar-Repbbulika Ċeka, ir-Repubblika tal-Estonja, ir-Repubblika taċ-Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta' Malta, ir-Repubblika tal-Polonja, ir-Repubblika tal-Islovenija u r-Repubblika Slovakka għall-Unjoni Ewropea (“it-Trattat tal-Adeżjoni”) (ĠU L 236, 23.9.2003), l-għajnuna mogħtija qabel l-10 ta' Diċembru 1994 titqies bħala għajnuna eżistenti.
(5) Dan il-PPA ma ġiex iffirmat b'riżultat tal-proċedura tas-sejħa għall-offerti.
Għajn: Deċiżjoni li tinbeda l-proċedura.
(6) N.B.: din it-tabella hija bbażata fuq id-dokumentazzjoni pprovduta mill-awtoritajiet Pollakki fl-Appendiċi 1 għall-ittra tagħhom tat-2 ta' Ġunju 2005, li fiha aktar informazzjoni min-notifika oriġinali tal-abbozz.
(7) Punt 3(1)(i) tad-deċiżjoni li tinbeda l-proċedura.
(9) ĠU L 27, 30.1.1997, p. 20.
(10) Il-Każ C-482/99 Franza vs Il-Kummissjoni [2002] ECR I-04397.
(11) Ara l-punt 3 (1) (ii) tad-deċiżjoni li tinbeda l-proċedura.
(12) Fil-kuntest tat-talba tagħha għal laqgħa mal-Kummissjoni, West LB AG Fergħa ta' Londra wkoll talab xi kummenti addizzjonali permezz ta' ittra datata 27 ta' Diċembru 2006 (ara n-nota ta' qiegħ il paġna 38 hawn taħt) dwar l-Abbozz dwar it-terminazzjoni bikrija tal-PPAs li ġie adottat mill-Kabinett Pollakk f'Diċembru 2006. Laqgħa mar-rappreżentati ta' West LB AG Fergħa ta' Londra u l-Uffiċċju tar-Rappreżentant Permanenti Pollakk għall-UE saret fl-14 ta' Marzu 2007.
(13) Kumment sottomess minn BOT, ENS, ECZG, ECK, ELCHO u PAK.
(14) Ara n-nota ta' qiegħ il paġna 3 hawn fuq.
(15) Deċiżjonijiet tal-Kummissjoni CZ 52/2003 (Universal Banka), CZ 58/2003 (Evrobanka), CZ 46/2003 (Investicni a postowni banka).
(16) Kumment sottomess minn ECZG, ECK u l-Banek.
(17) Sentenza tal-Qorti tal-Prim'Istanza tal-15 ta' Ġunju 2000 fil-Każijiet Konġunti T-298/97, T-312/97, T-313/97, T-315/97, T-600/97 sa T-607/97, T-1/98, T-3/98 sa T-6/98 u T-23/98.
(18) Kummenti sottomessi minn BOT, ENS, ECZG, ECK, ELCHO, Rzeszów, il-Banek, PAK, Electrabel u PSE.
(19) Kliem użat mill-partijiet interessati.
(20) Referenza għas-sentenza tal-Qorti tal-Prim'Istanza fil-Każijiet Konġunti P&O European Ferries (Vizcaya), SA (T-116/01) u Diputación Foral de Vizcaya (T-118/01) v Il-Kummissjoni [2003] ECR II-02957, punt 118.
(21) Issir riferenza għas-sentenzi tal-Qorti fil-każijiet C-83/1 P, C-93/1 P u C-64/01 P Chronopost u oħrajn v Ufex u oħrajn [2003] ECR I-06993, paragrafi 38 u 39.
(22) L-awtoritajiet Pollakki ma żammewx dan l-argument fil-kummenti tagħhom.
(23) Il-każ C-390/98 H.J. Banks & Co. Ltd v L-Awtorità tal-Faħam u s-Segretarju tal-Istat għall-Kummerċ u l-Industrija [2001] ECR I-06117 u l-każijiet konġunti C-74/00 P u C-75/00 P Falck SpA u Acciaierie di Bolzano SpA v Il-Kummissjoni [2002] ECR I-07869.
(24) Kummenti sottomessi minn BOT, ENS, ACZG, ECK, ELCHO, PAK u PSE.
(25) Il-każ C-280/00 Altmark Trans GmbH u Regierungspräsidium Magdeburg v Nahverkehrsgesellschaft Altmark GmbH, u Oberbundesanwalt beim Bundesverwaltungsgericht [2003] ECR I-07747.
(26) ĠU L 176, 15.7.2003, p. 37.
(27) Kummenti sottomessi minn BOT, ENS, ECZG, ELCHO u l-Banek.
(28) Sentenza tal-Qorti tat-2 ta' Frar 1988, każijiet konġunti 67, 68 u 70/85 Van der Kooy BV u oħrajn v Il-Kummissjoni [1988] ECR 00219.
(29) Kummenti sottomessi minn BOT, ENS, ECK, ELCHO, il-Banek u PAK.
(30) Kummenti sottomessi minn BOT, ENS, ELCHO u PAK.
(31) Kummenti sottomessi minn ELCHO, PAK u PSE.
(32) Kummenti sottomessi minn BOT, ENS, ELCHO, PAK u PSE.
(33) http://europa.eu/comm/competition/antitrust/others/sector_inquiries/energy/po_1.pdf
(35) ĠU L 309, 27.11.2001, p. 1.
(36) Kummenti sottomessi minn ELCHO, il-Banek u PAK.
(37) Deċiżjoni tal-Kummissjoni tat-3 ta' Frar 2004 fil-każ tal-għajnuna mill-istat PL 1/03 – Polonja – Kumpens ta' spejjeż li mhumiex irkuprabbli fil-Polonja. Ittra C(2004) 167fin datata 3 ta' Frar 2004.
(38) Kummenti sottomessi minn Rzeszów and West LB AG Fergħa ta' Londra.
(39) Rzeszów naqset li tissostanzja dan l-argument f'aktar dettall. Iżda, fil-kummenti addizzjonali tiegħu, West LB AG Fergħa ta' Londra (ara n-nota 11) jgħid li, għalkemm l-abbozz dwar it-terminazzjoni bikrija tal-PPAS jipprovdi li l-PPAs jistgħu jiġi tterminati volontarjament, fil-prattika l-Att jagħmel din it-terminazzjoni obbligatorja. Barra minn dan, b'riżultat tal-likwidazzjoni tal-komponent tal-aġġustament tat-tariffi tas-sistema, PSE ma tibqax tirċievi fondi biex twettaq l-obbligi tagħha taħt il-PPAs wara li jidħol fis-seħħ l-Att – li x'aktarx jirriżulta f'li PSE jkollha diffikoltajiet sinjifikanti biex twettaq l-obbligi tagħha. Għalhekk, jekk il-ġeneraturi tal-enerġija jonqsu milli jitterminaw il-kuntratt volontarjament, ir-risjku li ma jirċevux l-ammont sħiħ tal-finanzjament għall-implimentazzjoni tal-kuntratt huwa ħafna akbar.
(40) Skond West LB AG Fergħa ta' Londra, il-mod li bih il-kumpens għal spejjeż li mhumiex irkuprabbli huwa kkalkolat u mħallas prattikament iċaħħad lill-istituzzjonijiet finanzjarji mill-għajn tal-ħlas lura tas-self negozjati taħt il-PPAs. L-istituzzjonijiet finanzjarji jkunu mċaħħda mid-drittijiet tagħhom mingħajr kumpens. West LB jargumenta li għalhekk l-abbozz għandu –bħala minimu – jipprovdi għal kumpens suffiċjenti biex jiżgura li l-istituzzjonijiet finanzarji jistgħu jiksbu ħlas lura minnufih tal-finanzjament kollu mogħti lill-ġeneraturi tal-enerġija
(41) Sentenza tal-Qorti tas-27 ta' Settembru 1988 fil-każijiet konġunti C-106 sa 120/87 Asteris AE u oħrajn v Il-Greċja [1988] ECR 05515, paragrafi 23 u 24.
(42) Ara n-nota ta' qiegħ il-paġna 3 hawn fuq.
(43) Il-każ C-379/98 PreussenElektra AG v Schleswag AG [2001] ECR I-02099.
(44) ĠU L 318, 17.11.2006, p. 17.
(45) Sentenza tal-Qorti tas-16 ta' Mejju 2002 fil-każ C-482/99 Franza v Il-Kummissjoni [2002] ECR I-04397.
(46) Il-kummenti ta' Electrabel dwar il-proċedura, il-punt 45, raba' sentenza.
(47) L-elettriku aħdar jista' jkun eċċezzjoni limitata ladarba l-klijenti jistgħu jkunu ppreparati li jħallsu aktar għall-elettriku li huwa ċċertifikat li ġie ġġenerat mill-għejun tal-enerġija li jistgħu jiġġeddu. Iżda, l-ebda mill-impjanti tal-enerġija li bbenefikaw minn PPAs ma tuża dawn l-għejun tal-enerġija.
(48) Għajn: Statistika ta' il-Borża tal-Enerġija Pollakk.
(*) Informazzjoni Kunfidenzjali.
Għajn |
: |
Stimi tal-Kummissjoni bbażati fuq id-data provduta mill-Polonja. Għal Pątnów II, il-valur huwa għall-2008, l-ewwel sena li fiha l-impjant għandu jkun operattiv. |
(49) http://ec.europa.eu/comm/competition/antitrust/others/sector_inquiries/energy/
(50) L-ispejjeż marġinali fiż-żmien qasir huma l-ispejjeż li l-ġeneraturi tal-enerġija jistgħu jevitaw bili jagħżlu li jieqfu jiġġeneraw l-elettriku fit-terminu l-qasir. Dawn l-ispejjeż huma pju o meno daqs l-ispejjeż varjabbli, ladarba ż-żewġ kunċetti huma primarjament immexxija mill-ispejjeż tal-karburanti.
(51) Il-kummenti ta' ELCHO dwar il-proċedura, paragrafu 1.4.1, tielet sentenza.
(52) Għajn: URE. Messaġġ mill-President tal-Uffiċċju Regolatorju dwar l-Enerġija fir-Rapport Annwali tal-2005. It-tieni paragrafu. http://www.ure.gov.pl/index_eng.php? dzial = 1&id = 6.
(53) L-aħħar verżjoni ta' din id-Direttiva hija d-Direttiva 2001/80/KE (ara n-nota ta' qiegħ il-paġna 34).
(54) Id-direttiva ġiet adottata fid-19 ta' Diċembru 1996 u kienet qed tiġi diskussa mill-preżentazzjoni mill-Kummissjoni tal-abbozz tal-proposta tagħha fl-14 ta' Marzu 1992.
(55) Deċiżjoni tal-Kummissjoni fil-każ dwar l-għajnuna mill-istat N 161/04 – Il-Portugall – Spejjeż mhux irkuprabbli fil-Portugall. ĠU C 250, 8.10.2005, p. 9.
(56) Il-każijiet konġunti C-328/99 u C-399/00 L-Italja u SIM 2 Multimedia v Il-Kummissjoni [2003] ECR I-4035, paragrafu 83.
(57) Sentenza tal-Qorti tal-10 ta' Diċembru 1991 fil-Każ C-179/90 Merci convenzionali porto di Genova SpA v Siderurgica Gabrielli SpA [1991] ECR I-05889, paragrafu 27.
(58) http://assets.panda.org/downloads/dirty30rankingfinal260905.pdf.
(59) Ara d-deċiżjonijiet tal-Kummissjoni fil-każijiet N 34/99 (ĠU C 5, 8.1.2002, p. 2), NN 49/99 (ĠU C 268, 22.9.2001, p. 7), N 6/A/01 (ĠU C 77, 28.3.2002, p. 26) u C 7/05 (għad mhux ippubblikata fil-Ġurnal Uffiċjali).
(60) Ġurnal tal-Liġijiet 1997/54, numru 348, kif emendat.
(61) Dawn huma attwalment it-tieni u t-tielet kriterji tas-sentenza Altmark.
(62) L-Unjoni għall-Koordinazzjoni tat-Trażmizzjoni tal-Elettriku (Union for the Co-ordination of Transmission of Electricity), għaqda ta' operaturi ta' sistemi tat-trażmizzjoni li jikkooperaw fin-netwerk interkonnettjata tal-Ewropa kontinentali.
(63) Ir-Rapport Annwali ta' PSE tal-2005, disponibbli fuq http://www.pse-operator.pl/uploads/kontener/Annual_Report_2005.pdf.
(64) Ara, per eżempju, id-Deċiżjoni tal-Kummissjoni tat-28 ta' Jannar 2004 għajnuna mill-istat CZ 14/03 – Repubblika Ċeka “Česka spořitelna, a.s.”.
(65) Li magħha l-PPA ġie ffirmat fis-26 ta' Awwissu 1994, kif indikat minn BOT fil-kummenti tagħħa dwar il-proċedura.
(66) Ara n-nota ta' qiegħ il-paġna 16.
(67) PL 1/03 – Spejjeż mhux irkuprabbli – Polonja, ara n-nota ta' qiegħ il-paġna 36.
(68) ĠU C 74, 10.3.1998, p. 9.
(69) Eċċezzjoni għal din ir-regola kienet provduta f'punt 4.16 tal-Linji Gwida Reġjonali, iżda biss għar-reġjuni l-aktar imbiegħda u r-reġjuni ta' densità baxxa tal-popolazzjoni, li jeskludi r-reġjuni li fihom jinsabu l-ġeneraturi tal-enerġija li jibbenefikaw mill-PPAs.
(70) Il-Linji Gwida Reġjonali huma bbażati kemm fuq l-Artikolu 87(3)(a) kif ukoll l-Artikolu 87(3)(c) tat-Trattat KE. Jipprovdu għall-istess tip ta' valutazzjoni għaż-żewġ Artikoli. Id-differenza fl-applikazzjoni ta' dawn iż-żewġ Artikolu hija marbuta mal-oqsma fejn jgħoddu u l-intensitajiet ammissibbli tal-għajnuna.
(71) Punt 4.8 tal-Metodoloġija tal-Ispejjeż mhux irkuprabbli.
(72) Ittra mill-awtoritajiet Pollakki tas-6 ta' Ġunju 2007.
(73) Ara per eżempju l-każ N 161/04 – Il-Portugall (ĠU C 250, 8.10.2005, p. 9).
(74) Ara per eżempju s-sentenza tat-2 ta' Lulju 1974 fil-każ C-173/73 L-Italja v Il-Kummissjoni [1974] ECR 709 u s-sentenza tat-22 ta' Marzu 1977 fil-każ C-78/76 Steinike & Weinlig v. Il-Ġermanja [1977] ECR 595.
(75) Ara b'mod partikolari l-każ NN 49/99 – Spejjeż mhux irkuprabbli fi Spanja (ĠU C 268, 22.9.2001, p. 7).
(76) Il-każ dwar l-għajnuna mill-istat N 133/01 – Spejjeż mhux irkuprabbli fil-Greċja (ĠU C 9, 15.1.2003, p. 6).
(77) Ara n-nota ta' qiegħ il-paġna 72.
(78) ĠU C 244, 1.10.2004, p. 2.