(1)

Il-marda ta’ Newcastle hija marda virali infettiva li tikkawża rata għolja ta’ mwiet fit-tjur.

(2)

Fil-każ ta’ tifqigħa tal-marda ta’ Newcastle, hemm ir-riskju li l-aġent tal-marda jista’ jinfirex f’irziezet oħra tat-tjur f’dak l-Istat Membru, imma wkoll fi Stati Membri oħra u f’terzi pajjiżi permezz tal-kummerċ fit-tjur ħajjin jew il-prodotti tagħhom.

(3)

Tifqigħa ta’ din il-marda tista’ għaldaqstant tieħu proporzjonijiet epidemiċi u tkun responsabbli li tnaqqas bil-kbir il-profitabbiltà tat-trobbija tat-tjur.

(4)

Id-Direttiva tal-Kunsill 92/66/KEE tal-14 ta’ Lulju 1992 li tintroduċi l-miżuri tal-Komunità għall-kontroll tal-marda ta’ Newcastle (2) tistipula miżuri li f’każ ta’ tifqigħa għandhom jiġu implimentati immedjatament mill-Istati Membri b’urġenza sabiex jiġi evitat aktar tixrid tal-vajrus.

(5)

Id-Deċiżjoni 90/424/KEE tistipula l-proċeduri li jirregolaw il-kontribut finanzjarju tal-Komunità għal miżuri veterinarji speċifiċi, inklużi miżuri ta’ emerġenza. Skont l-Artikolu 4(2) ta’ dik id-Deċiżjoni, l-Istati Membri għandhom jingħataw kontribut finanzjarju lejn l-ispejjeż ta’ ċerti miżuri għall-qerda tal-marda ta’ Newcastle.

(6)

L-Artikoli 3(5) u 4(2) tad-Deċiżjoni 90/424/KEE jistabbilixxu regoli dwar il-perċentwali tan-nefqa mġarrba mill-Istat Membru li tista’ tkun koperta mill-kontribut finanzjarju tal-Komunità.

(7)

Il-ħlas ta’ kontribut finanzjarju tal-Komunità għal miżuri ta’ emerġenza għall-qerda tal-marda Newcastle huwa soġġett għar-regoli stipulati fir-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għal miżuri urġenti u għall-ġlieda kontra ċertu mard tal-annimali kif imsemmi fid-Deċiżjoni tal-Kunsill 90/424/KEE (3).

(8)

Tifqigħat tal-marda ta’ Newcastle seħħew fil-Ġermanja fl-2008. Il-Ġermanja ħadet miżuri skont id-Direttiva 92/66/KEE u l-Artikolu 3(2) tad-Deċiżjoni 90/424/KEE, biex tiġġieled dawn it-tifqigħat.

(9)

Il-Ġermanja kienet konformi għal kollox mal-obbligi tekniċi u amministrattivi tagħha kif stipulati fl-Artikolu 3(3) tad-Deċiżjoni 90/424/KEE u l-Artikolu 6 tar-Regolament (KE) Nru 349/2005.

(10)

Fit-18 ta’ Ġunju 2008 u s-17 ta’ Lulju 2008, il-Ġermanja ppreżentat stima tal-ispejjeż imġarrba fit-teħid tal-miżuri biex tinqered il-marda ta’ Newcastle.

(11)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,