23.12.2008 |
MT |
Il-Ġurnal Uffiċjali ta’ l-Unjoni Ewropea |
L 347/1 |
REGOLAMENT TAL-KUMMISSJONI (KE) Nru 1285/2008
tal-15 ta' Diċembru 2008
dwar l-introduzzjoni fil-Komunità ta' kunsinni personali ta' prodotti li joriġinaw mill-annimali u li jemenda r-Regolament (KE) Nru 136/2004
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997, li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (1), u b'mod partikolari l-Artikoli 3(5), 16(3) u 17(7) tagħha,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (2), u b'mod partikolari t-tielet inċiż tal-Artikolu 8(5) tagħha,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex tiġi żgurata l-verifika tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (3), u b'mod partikolari l-Artikolu 25(2)(c) u (d) tiegħu,
Billi:
(1) |
Id-Direttiva 97/78/KE tistipula l-verifiki veterinarji fuq kunsinni ta' ċerti prodotti li joriġinaw mill-annimali introdotti fil-Komunità minn pajjiżi terzi. |
(2) |
Skont l-Artikolu 3(1) u (2) tad-Direttiva, l-Istati Membri għandhom jiżguraw li ebda kunsinna minn pajjiż terz ma għandha tiġi introdotta fil-Komunità mingħajr ma tkun ġiet suġġetta għall-kontrolli veterinarji xierqa (kontrolli sistematiċi), u li l-kunsinni jkunu ġew introdotti fil-Komunità permezz ta' stabbilimenti ta' spezzjoni fil-fruntieri. |
(3) |
Skont l-Artikolu 16 tad-Direttiva 97/78/KE, dawk ir-rekwiżiti ma għandhomx japplikaw għal prodotti li jagħmlu parti mill-bagalja ta' min jivvjaġġa u huma maħsuba għall-konsum personali tagħhom, dment li l-kwantità tagħhom ma taqbiżx kwantità li għandha tiġi ddefinita skont il-proċedura deskritta fid-Direttiva. Barra minn hekk, dawk ir-rekwiżiti ma għandhomx japplikaw għal prodotti mibgħuta f'kunsinni żgħar lil persuni privati, dment li l-prodotti mhumiex qed jiġu impurtati għal kummerċ, sakemm il-kwantità tagħhom ma taqbiżx kwantità li għandha tiġi ddefinita skont il-proċedura deskritta f'dik id-Direttiva. |
(4) |
Id-Deċiżjoni tal-Kummissjoni 2007/275/KE tas- 17 ta' April 2007 rigward listi ta' annimali u prodotti soġġetti għal kontrolli f'postijiet ta' spezzjoni fil-fruntiera skont id-Direttivi 91/496/KEE u 97/78/KE (4) tniżżel il-prodotti li joriġinaw mill-annimali li huma suġġetti għal kontrolli veterinarji fi stabbilimenti ta' spezzjoni fil-fruntieri. |
(5) |
L-Artikolu 8 tar-Regolament tal-Kummissjoni (KE) Nru 136/2004 li jistabbilixxi proċeduri għal kontrolli veterinarji f'postijiet ta' spezzjoni fuq il-fruntieri tal-Komunità fuq prodotti importati minn pajjiżi terzi (5) jistipula limitu ta' piż ta' 1 kg għall-eżenzjoni mill-kontrolli veterinarji sistematiċi għall-prodotti maħsuba għall-konsum mill-bniedem minn pajjiżi approvati jew partijiet tagħhom. Dak l-Artikolu jistipula wkoll limiti fuq il-piż għal prodotti speċifiċi oħra li joriġinaw minn annimali introdotti fid-Danimarka, inter alia, minn Greenland u mill-Gżejjer Faeroe, u fir-rigward ta' ċerti ħut introdotti fil-Finlandja u l-Iżvezja mir-Russja. |
(6) |
L-Anness II tad-Deċiżjoni 2007/25/KE iniżżel prodotti komposti li huma eżenti mill-kontrolli veterinarji. Għalhekk, dawn il-prodotti għandhom jiġu eżenti wkoll mill-kontrolli veterinarji sistematiċi meta jagħmlu parti mill-bagalji ta' min jivvjaġġa u huma maħsuba għall-konsum personali tagħhom jew meta jintbagħtu f'kunsinni żgħar lil persuni privati. |
(7) |
Ir-rekwiżiti u b'mod partikolari l-limitu tal-piż għall-introduzzjoni tal-kunsinni tal-prodotti li joriġinaw mill-annimali għall-konsum personali huma għalhekk stipulati f'bosta testi leġiżlattivi. Madankollu, dawk ir-rekwiżiti jeħtieġu li jinftiehmu faċilment mill-awtoritajiet tal-infurzar, minn dawk li jivvjaġġaw u mill-pubbliku ġenerali. Għalhekk jeħtieġ li t-tipi u l-kwantitajiet ta' prodotti, li joriġinaw mill-annimali li għalihom tista' tingħata eżenzjoni mill-verifiki veterinarji stipulati għall-importazzjonijiet kummerċjali, jiġu simplifikati u jinġabru f'Regolament wieħed. |
(8) |
Ir-riskju possibbli tal-introduzzjoni ta' mard tal-annimali fil-Komunità permezz tal-introduzzjoni ta' prodotti li joriġinaw mill-annimali għandhom dejjem jitqiesu meta jiġu stipulati miżuri li jirregolaw tali introduzzjonijiet. Il-livell ta' riskju għas-saħħa tal-annimali jvarja skont fatturi differenti, bħat-tip tal-prodott, l-ispeċi tal-annimal li minnu joriġinaw il-prodotti, u l-possibbiltà li jkun hemm aġent pateġeniku preżenti. |
(9) |
Waħda mill-aktar mard perikolużi li tista' potenzjalment tiġi introdotta fil-Komunità hi l-marda tal-ilsien u d-dwiefer (MLD). L-Awtorità Ewropea għas-Sikurezza Alimentari (EFSA) ivvalutat ir-riskju tal-introduzzjoni tal-MLD fil-Komunità. Il-valutazzjoni turi b'mod ċar li l-introduzzjoni tal-laħam u l-prodotti tal-laħam u tal-ħalib u l-prodotti tal-ħalib huma mezzi potenzjali kif il-vajrus MLD jidħol fil-Komunità. |
(10) |
Sabiex tiġi evitata l-introduzzjoni ta' tali mard, il-Komunità stabbiliet, għal bosta snin, sensiela sħiħa ta' regoli li jirregolaw l-importazzjonijiet ta' annimali ħajjin u l-prodotti li joriġinaw mill-annimali għall-użu kummerċjali. |
(11) |
Ir-Regolament tal-Kummissjoni (KE) Nru 745/2004 (6) jistipula miżuri marbuta mal-importazzjoni tal-laħam u prodotti tal-laħam u tal-ħalib u ta' prodotti tal-ħalib għall-konsum personali. Skont dak ir-Regolament, laħam u prodotti tal-laħam u tal-ħalib u ta' prodotti tal-ħalib ma jistgħux jiġu introdotti fil-Komunità minn dawk li jivvjaġġaw sakemm dawn il-prodotti ma jikkonformawx bis-sħiħ mar-regoli ta' importazzjoni kummerċjali tal-Komunità. |
(12) |
Dak il-prinċipju għandu jinżamm fil-ġejjieni sabiex jiżgura li l-Komunità żżomm l-istat mingħajr MLD tagħha. Għalhekk, il-kwantità tal-laħam u prodotti tal-laħam u tal-ħalib u tal-prodotti tal-ħalib li tinġarr mill-passiġġieri li għandha tiġi eżentata mill-kontrolli veterinarji sistematiċi fil-fruntieri stipulata mid-Direttiva 97/78/KE għandha tiġi ffissata għal żero. |
(13) |
Il-miżuri stipulati f'dan ir-Regolament għandhom ikunu mingħajr ħsara għal-leġiżlazzjoni veterinarja Komunitarja li għandha bħala għan il-kontroll u l-qerda tal-mard tal-annimali, jew li tikkonċerna ċerti miżuri ta' ħarsien. |
(14) |
Il-miżuri stipulati f'dan ir-Regolament għandhom ikunu mingħajr ħsara għal-leġiżlazzjoni li timplimenta r-Regolament tal-Kunsill (KE) Nru 338/97 dwar il-protezzjoni ta' speċi ta' fawna u flora slavaġġi billi jkun regolat il-kummerċ fihom (7). |
(15) |
Jeħtieġ ukoll li jiġi żgurat li t-tagħrif dwar il-kontrolli veterinarji u r-regoli applikabbli għall-introduzzjoni ta' prodotti li joriġinaw mill-annimali jiġu pprovduti lil min jivvjaġġa u lill-pubbliku ġenerali. |
(16) |
Ċerti pajjiżi terzi, minħabba l-qrubija ġeografika u l-istatus ta' saħħet l-annimali tagħhom, jistgħu jitqiesu bħala ta' riskju minimali għal saħħet l-annimali fl-UE. Kwantitajiet limitati ta' laħam u prodotti tal-laħam u ta' ħalib u prodotti tal-ħalib minn dawn il-pajjiżi għandhom għaldaqstant jissoktaw ikunu eżenti minn kontrolli veterinarji. |
(17) |
Barra minn dan, ċerti pajjiżi terzi ġirien għandhom ftehim veterinarji speċifiċi mal-Komunità fir-rigward ta' aspetti relevanti tal-leġiżlazzjoni veterinarja tal-Komunità. |
(18) |
Il-kunsinni personali tal-prodotti li joriġinaw mill-annimali fi kwantitajiet inqas minn ċertu limitu minn dawn il-pajjiżi membri għandhom għalhekk jibqgħu barra l-ambitu tal-kontrolli veterinarji sistematiċi stipulati mid-Direttiva 97/78/KE. Madankollu, għall-informazzjoni xierqa tal-passiġġieri, dawn il-pajjiżi terzi għandhom jiġu indikati bħala pajjiżi eżenti fuq il-materjal pubbliċitarju relevanti kollu. |
(19) |
B'mod ġenerali, l-istat ta' saħħet l-annimali tal-Kroazja jista' jitqies li jippreżenta riskju ta' saħħet l-annimal minimu għall-Komunità. Prodotti li joriġinaw mill-annimali fi kwantitajiet inqas minn ċertu limitu li jagħmlu parti mill-bagalja tal-passiġġier jew mibgħuta f'kunsinni żgħar lil konsumaturi mill-Kroazja għandhom jibqgħu barra mill-ambitu tal-kontrolli veterinarji sistematiċi stipulati mid-Direttiva 97/78/KE. Biex jiġi żgurat li jingħata tagħrif eżatt lill-passiġġieri, il-Kroazja għandha tiġi indikata bħala pajjiż eżenti fuq il-materjal pubbliċitarju relevanti kollu stipulat minn dan ir-Regolament. |
(20) |
Madankollu, minħabba l-qagħda attwali tad-deni klassiku tal-ħnieżer fil-Kroazja, il-laħam tal-majjal u l-prodotti tal-laħam tal-majjal jista' jkun ta' riskju possibbli ta' saħħet l-annimali għall-UE. Biex tindirizza din il-kwistjoni, il-Kroazja qablet li tieħu miżuri xierqa biex tiżgura li tali prodotti maħsuba għall-Komunità u li jinġarru minn dawk li jivvjaġġaw jew mibgħuta bil-posta lill-individwi privati ma jitilqux mit-territorju tagħhom. |
(21) |
Barra minn hekk, għandu jiġi ċċarat li d-dispożizzjonijiet li japplikaw għal ċerti prodotti li joriġinaw mill-annimali maħsuba għall-konsum mill-bniedem għandhom japplikaw ukoll għal prodotti li joriġinaw mill-annimali maħsuba għall-għalf tal-annimali domestiċi, sabiex jiġi evitat li min jivvjaġġa jew il-konsumaturi jduru mar-regoli stipulati f'dan ir-Regolament. |
(22) |
Għandu jibqa' jkun hemm diżinċentiva li tipprevjeni l-introduzzjoni ta' kunsinni, ta' prodotti li joriġinaw mill-annimali, li mhumiex kummerċjali u li mhumiex f'konformità mar-rekwiżiti tas-saħħa Komunitarji, fil-Komunità mingħajr ma jkollhom l-awtorizzazzjoni veterinarja meħtieġa. L-Istati Membri għandhom għalhekk jissoktaw li jimponu tali spejjeż u pieni kif meħtieġ, kif ukoll spejjeż għat-tneħħija tal-prodotti, fuq persuni responsabbli mill-ksur tar-regoli fuq l-introduzzjoni fil-Komunità ta' prodotti li joriġinaw mill-annimali. |
(23) |
L-Istati Membri se jissoktaw jipprovdu tagħrif xieraq lill-Kummissjoni dwar il-mekkaniżmi li waqqfu għall-infurzar tar-regoli stipulati f'dan ir-Regolament. Barra minn hekk, it-tagħrif ipprovdut jista' wara jintuża biex jiġu riveduti r-regoli stipulati f'dan ir-Regolament. |
(24) |
Biex jiġi żgurat li t-tagħrif dwar ir-rekwiżiti rigward l-introduzzjoni fil-Komunità ta' prodotti li joriġinaw mill-annimali qiegħed jingħadda b'mod effettiv lil min jivvjaġġa u lill-pubbliku ġenerali, l-Istati Membri u l-operaturi internazzjonali tat-trasport tal-passiġġieri għandhom iressqu r-rekwiżiti quddiem għajnejn il-pubbliku ġenerali u l-passiġġieri li jittieħdu fil-Komunità. |
(25) |
Fid-dawl tad-diffikultajiet fil-ġbir tat-tagħrif rigward l-imħażen tal-posta, għandu jingħata aktar ħin lill-Istati Membri biex iressqu dan it-tagħrif. |
(26) |
Għal raġunijiet ta' konsistenza u ċarezza tal-leġiżlazzjoni Komunitarja, jeħtieġ li jiġi emendat l-Artikolu 8 tar-Regolament (KE) Nru 136/2004 u li jitħassar ir-Regolament (KE) Nru 745/2004. |
(27) |
Il-miżuri stipulati f'dan ir-Regolament huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Is-Suġġett
1. Dan ir-Regolament jistipula r-regoli rigward l-introduzzjoni fil-Komunità ta' kunsinni personali, ta' prodotti li joriġinaw mill-annimali, li mhumiex kummerċjali li jagħmlu parti mill-bagalja ta' min jivvjaġġa, jew li jintbagħtu f'kunsinni żgħar lil persuni privat, jew li huma ordnati mill-bogħod (pereżempju, bil-posta, bit-telefown jew permezz tal-Internet) u mwassla lill-konsumatur.
2. Dan ir-Regolament ma għandux japplika għal kunsinni personali mill-Andorra, il-Liechtenstein, in-Norveġja, San Marino u l-Iżvizzera. Barra minn hekk, dan ir-Regolament ma għandux japplikaw għall-kunsinni personali tal-prodotti tas-sajd mill-Gżejjer Faeroe u l-Iżlanda. Madankollu, għall-informazzjoni xierqa tal-passiġġieri, dawn il-pajjiżi terzi għandhom jiġu indikati bħala pajjiżi eżenti fil-materjal pubbliċitarju relevanti kollu.
3. Dan ir-Regolament għandu japplika mingħajr ħsara għal-leġiżlazzjoni veterinarja Komunitarja li għandha bħala għan il-kontroll u l-qerda tal-mard tal-annimali, jew li tikkonċerna ċerti miżuri ta' ħarsien.
4. Dan ir-Regolament għandu japplika mingħajr ħsara għar-regoli rilevanti dwar l-iċċertifikar li jinsabu fi ħdan il-leġiżlazzjoni li timplimenta r-Regolament tal-Kunsill (KE) Nru 338/97 dwar il-protezzjoni tal-ispeċi ta' fawna u flora slavaġġ billi jirregolaw il-kummerċ fiha.
Artikolu 2
Regoli rigward l-introduzzjoni fil-Komunità ta' kunsinni personali ta' prodotti li joriġinaw mill-annimali
1. Il-kunsinni personali tal-prodotti li joriġinaw mill-annimali, għall-konsum personali mill-bniedem, kif imsemmi fl-Artikolu 16(1)(a), (b), u (d), u fl-Artikolu 16(4) tad-Direttiva 97/78/KE, ma għandhomx ikunu suġġetti għar-regoli stipulati fil-Kapitolu I ta' dik id-Direttiva, dment li huma:
(a) |
elenkati fil-Parti 1 tal-Anness I u mhumiex koperti mill-Artikolu 6(1) tad-Deċiżjoni 2007/275/KE, u li l-kwantità konġunta tagħhom ma taqbiżx il-limitu fil-piż ta' 0 kilogramma; |
(b) |
elenkati fil-Parti 1 tal-Anness II u l-kwantità konġunta tagħhom ma taqbiżx il-limitu fil-piż ta' 2 kilogrammi; |
(c) |
prodotti tas-sajd imnaddfa mill-ġewwieni u friski jew ippreparati, jew prodotti tas-sajd ipproċessati, skont it-tifsira tal-punti 3.5, 3.6 jew 7.4 tal-Anness I tar-Regolament (KE) Nru 853/2004, u l-kwantità konġunta tagħhom ma taqbiżx il-limitu fil-piż ta' 20 kilogramma jew il-piż ta' ħuta waħda, ikun liema jkun l-itqal piż; |
(d) |
prodotti għajr dawk imsemmija fil-Paragrafi (a), (b), (c) jew fl-Artikolu 6(1) tad-Deċiżjoni 2007/275/KE, u li l-kwantità konġunta tagħhom ma taqbiżx il-limitu fil-piż ta' 2 kilogrammi. |
2. Il-kunsinni personali ta' prodotti tal-annimali għall-għalf tal-annimali domestiċi, ma għandhomx ikunu suġġetti għar-regoli stipulati fil-Kapitolu I tad-Direttiva 97/78/KE, dment li huma:
(a) |
elenkati fil-Parti 2 tal-Anness I u l-kwantità konġunta tagħhom ma taqbiżx il-limitu fil-piż ta' 0 kilogramma; |
(b) |
elenkati fil-Parti 2 tal-Anness II u l-kwantità konġunta tagħhom ma taqbiżx il-limitu fil-piż ta' 2 kilogrammi. |
3. Bħala deroga mill-Paragrafi 1(a), 1(b), 1(d) u 2, il-kunsinni personali tal-prodotti tal-annimali, li ġejjin mill-Kroazja, mill-Gżejjer Faeroe, Greenland jew l-Iżlanda, ma għandhomx ikunu suġġetti għar-regoli stipulati fil-Kapitolu I ta' dik id-Direttiva, dment li huma:
(a) |
elenkati fl-Anness I u mhumiex koperti mill-Artikolu 6(1) tad-Deċiżjoni 2007/275/KE, u li l-kwantità konġunta tagħhom ma taqbiżx il-limitu fil-piż ta' 10 kilogrammi; |
(b) |
elenkati fl-Anness II u l-kwantità konġunta tagħhom ma taqbiżx il-limitu fil-piż ta' 10 kilogrammi; |
(c) |
prodotti għajr dawk imsemmija fil-Paragrafi 1 (c), 3(a), 3(b) ta' dan l-Artikolu jew fl-Artikolu 6(1) tad-Deċiżjoni 2007/275/KE, u li l-kwantità konġunta tagħhom ma taqbiżx il-limitu fil-piż ta' 10 kilogrammi. |
Artikolu 3
Tagħrif li għandu jingħata mill-Istati Membri lil min jiv- vjaġġa u lill-pubbliku ġenerali
1. L-Istati Membri għandhom jiżguraw li fil-punti relevanti kollha ta' dħul fil-Komunità, il-kundizzjonijiet veterinarji applikabbli għall-kunsinni personali introdotti fil-Komunità jiġi ppreżentati quddiem dawk li jivvjaġġaw li jaslu minn pajjiżi terzi.
2. It-tagħrif mogħti lil min jivvjaġġa skont il-paragrafu 1 għandu jinkludi mill-inqas it-tagħrif f'wieħed mill-posters stipulati fl-Anness III muri minn avviżi prominenti mqiegħda f'postijiet fejn jidhru faċilment.
3. L-Istati Membri jistgħu jikkomplimentaw dak it-tagħrif b'tagħrif supplimentari, inkluż:
(a) |
it-tagħrif imniżżel fl-Anness IV; |
(b) |
tagħrif xieraq għall-kundizzjonijiet lokali, u bid-dispożizzjonijiet nazzjonali tagħhom adottati skont id-Direttiva 97/78/KE. |
4. It-tagħrif stipulat fil-paragrafi 2 u 3 għandu jitfassal:
(a) |
f'mill-inqas lingwa uffiċjali tal-Istat Membri ta' introduzzjoni fil-Komunità; |
(b) |
it-tieni lingwa meqjusa xierqa mill-awtorità kompetenti; li t-tieni lingwa tista' tkun il-lingwa użata fil-pajjiż ġar jew, fil-każ tal-ajruporti jew il-portijiet, il-lingwa l-aktar probabbli li tintuża minn passiġġieri li jaslu hemm. |
L-Istati Membri għandhom jiżguraw li l-pubbliku ġenerali hu konxju mir-rekwiżiti rigward l-introduzzjoni fil-Komunità ta' prodotti li joriġinaw mill-annimali li jintbagħtu f'kunsinni żgħar lil persuni privati jew li huma ordnati mill-bogħod mill-konsumaturi finali.
Artikolu 4
Tagħrif li għandu jintbagħat mill-operaturi tat-trasport tal-passiġġieri internazzjonali u mis-servizzi postali lill-klijenti tagħhom
L-operaturi tat-trasport tal-passiġġieri internazzjonali, kif ukoll l-operaturi tal-ajruport u tal-port u l-aġenziji tal-ivvjaġġar, kif ukoll servizzi postali se jiġbdu l-attenzjoni tal-klijenti tagħhom għar-regoli stipulati f'dan ir-Regolament, b'mod partikolari billi jipprovdulhom it-tagħrif stipulat fl-Annessi III u IV, kif stipulat fl-Artikolu 3.
Artikolu 5
Kontrolli
1. L-awtorità jew l-awtoritajiet kompetenti, u dawk li jagħmlu kontrolli uffiċjali, f'kooperazzjoni mal-operaturi tal-port u tal-ajruport u l-operaturi responsabbli għal punti ta' dħul oħra għall-kunsinni personali ta' prodotti li joriġinaw mill-annimali, se jorganizzaw kontrolli effettivi f'punti ta' dħul fil-Komunità.
2. Il-kontroli stipulat fil-paragrafu 1 se jimmiraw li jiskopru l-preżenza ta' kunsinni personali ta' prodotti li joriġinaw mill-annimali u biex jivverifikaw li l-kundizzjonijiet stipulati fl-Artikolu 2 huma ssodisfati.
3. Il-kontrolli stipulati fil-paragrafu 1 jistgħu jiġu organizzati permezz ta' strateġija bbażata fuq ir-riskju, inkluż, jekk jitqies meħtieġ mill-awtorità kompetenti tal-Istat Membru, l-użu ta' għajnuniet ta' skoperta effettivi, bħal tagħmir tal-iskanjar u klieb imħarrġa, biex jeżaminaw volumi kbar ta' bagalji personali għall-preżenza ta' kunsinni personali ta' prodotti li joriġinaw mill-annimali.
Artikolu 6
Il-pieni
1. L-awtorità jew l-awtoritajiet kompetenti, li jagħmlu kontrolli uffiċjali se:
(a) |
jidentifikaw il-kunsinni personali li qegħdin jiksru r-regoli stipulati f'dan ir-Regolament; |
(b) |
jaħtfu u jeqirdu tali kunsinni skont il-liġi nazzjonali. |
2. L-awtorità jew l-awtoritajiet kompetenti, li jagħmlu kontrolli uffiċjali, jistgħu jimponu spejjeż jew pieni għall-persuni responsabbli għal kwalunkwe kunsinna personali li tinstab fi vjolazzjoni tar-regoli stipulati f'dan ir-Regolament.
3. L-Istati Membri se jiżguraw li l-leġiżlazzjoni nazzjonali applikabbli għall-qbid u l-qerda tal-kunsinni personali tidentifika l-persuna naturali jew legali responsabbli għall-ispejjeż tal-qerda ta' kull kunsinna personali bħal din li tinqabad.
Artikolu 7
Obbligi ta' rappurtar
1. Kull sena, l-Istati Membri se jippreżentaw lill-Kummissjoni, l-aktar tard fl-1 ta' Mejju, rapport li jagħti taqsira tat-tagħrif rilevanti dwar il-miżuri meħuda biex jirriklamaw u jinfurzaw ir-regoli stipulati f'dan ir-Regolament, u fuq ir-riżultati tagħhom.
2. Ir-rapport se jkun fis-sura ta' tabella mimlija kif stipulat fl-Anness V.
Artikolu 8
Emendi
L-Artikolu 8 tar-Regolament (KE) Nru 136/2004 jinbidel b'dan li ġej:
“Artikolu 8
Regoli speċifiċi għal prodotti li jkunu fil-bagalji ta' min jivvjaġġa jew li jintbagħtu bħala kunsinni lil persuni privati
Prodotti li joriġinaw mill-annimali li jkunu fil-bagalja ta' min jivvjaġġa jew li jintbagħtu bħala kunsinni żgħar lil persuni privati għandhom jikkonformaw mar-rekwiżiti stipulati fir-Regolament tal-Kummissjoni (KE) Nru 1285/2008.”
Artikolu 9
Ir-revoka
Ir-Regolament (KE) Nru 745/2004 hu mħassar.
Referenzi għar-Regolament imħassar għandhom jiġu mifhuma bħala referenzi għal dan ir-Regolament u għandhom jiġu kkorrelati skont it-tabella li tinsab fl-Anness VII.
Artikolu 10
Id-dispożizzjonijiet ta' tranżizzjoni
Bħala deroga mill-paragrafu 2 tal-Artikolu 7, l-Istati Membri se jippreżentaw lill-Kummissjoni tabella mimlija kif stipulata fl-Anness VI, għall-perjodu ta' rappurtar qabel l-1 ta' Jannar 2011.
Artikolu 11
Dħul fis-seħħ u applikazzjoni
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu fil-Ġurnal Uffiċjali tal-Unjoni Ewropea.
Dan ir-Regolament għandu japplika mill-1 ta' Mejju 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 15 ta' Diċembru 2008.
Għall-Kummissjoni
Androulla VASSILIOU
Membru tal-Kummissjoni
(2) ĠU L 18, 23.1.2003, p. 11.
(3) ĠU L 165, 30.4.2004, p. 1.
(5) ĠU L 21, 26.4.2004, p. 11.
(6) ĠU L 122, 26.4.2004, p. 1.
ANNESS I
IL-PARTI 1
Lista ta' prodotti li joriġinaw mill-annimali kif imsemmi fl-Artikolu 2(1)(a)
Kodiċi NM |
Deskrizzjoni |
Kwalifika u spjega |
ex Kapitolu 2 (0201 -0210 ) |
Laħam u ġewwieni li jittiekel |
Jeskludi s-saqajn taż-żrinġijiet (kodiċi NM 0208 90 70 ) |
0401 -0406 |
Prodotti tal-ħalib |
Kollha |
0504 00 00 |
Imsaren, bżieżeq tal-urina u stonkijiet tal-annimali (għajr tal-ħut), sħaħ u biċċiet minnhom, friski, imkessħa, iffriżati, immellħa, fis-salmura, imqadda jew iffumugati |
Kollha, għajr l-imsaren |
1501 00 |
Xaħam tal-majjal (inkluż il-lardu) u xaħam tat-tjur, għajr dak tat-titolu 0209 jew 2 |
Kollha |
1502 00 |
Xaħmijiet ta' annimali tal-ifrat (bovini), tan-nagħaġ jew tal-mogħoż, għajr dawk tal-intestatura 1503 |
Kollha |
1503 00 |
Xaħam stearina, żejt tax-xaħam, oleostearin, żejt oleo, żejt tax-xaħam ta' dam, li mhux emulsifikat jew imħallat jew imħejji b'xi mod ieħor |
Kollha |
1506 00 00 |
Xaħmijiet u żjut oħra mill-annimali u l-frazzjonijiet tagħhom, irfinuti jew le, iżda mhux modifikati kimikament |
Kollha |
1601 00 |
Zlazet u prodotti simili, tal-laħam, tal-ġewwieni tal-annimali jew tad-demm; preparazzjonijiet tal-ikel ibbażati fuq dawn il-prodotti |
Kollha |
1602 |
Laħam ieħor, fdalijiet oħra tal-laħam jew demm ippreparati jew ippriservati |
Kollha |
1702 11 00 1702 19 00 |
Lattożju u xropp tal-lattożju |
Kollha |
ex 1901 |
Estratt tax-xgħir; preparazzjonijiet ta' ikel tad-dqiq, ħafur, pasta, lamtu jew estratt tax-xgħir, li jkunx fihomx kawkaw jew li fihom anqas minn 40 %, bil-piż, kawkaw ikkalkulat fuq bażi kompletament bla xaħam, mhux speċifikati jew inklużi band'oħra; preparazzjonijiet tal-ikel minn prodotti tal-intestaturi 0401 sa 0404 , mingħajr kawkaw jew li fihom anqas minn 5 % bħala piż ta' kawkaw ikkalkolat kompletament bla xaħam, mhux speċifikati jew inklużi band'oħra |
Dawk il-preparazzjonijiet biss li fihom il-laħam jew il-ħalib |
ex 1902 |
Għaġin, kemm jekk imsajjar u kemm jekk le jew mimli (bil-laħam jew xi sustanzi oħra) jew ippreparat mod ieħor, bħal spagetti, imqarrun, taljatelli, lażanja, injokki, ravjul, kannelloni; kuskus, ippreparat jew le |
Dawk il-preparazzjonijiet biss li fihom il-laħam jew il-ħalib |
ex 1905 90 |
Ħobż, għaġina, kejkijiet, gallettini u oġġetti oħrajn tal-furnara, li fihom il-kakaw jew le ostji għat-tqarbin, siġilli vojta ta' tip xieraq għall-użu farmaċewtiku, ostji għas-siġilli u prodotti simili |
Dawk il-preparazzjonijiet biss li fihom il-laħam jew il-ħalib |
ex 2004 |
Ħxejjexoħrajn ippreparati jew ippreservati mod ieħor milli bil-ħall jew bl-aċtu aċetiku, iffriżati, ħlief prodotti taħt l-intestatura 2006 |
Dawk il-preparazzjonijiet biss li fihom il-laħam jew il-ħalib |
ex 2005 |
Ħxejjexoħra ppreparati jew ippreservati mod ieħor milli bil-ħall jew bl-aċtu aċetiku, mhux iffriżati, għajr il-prodotti tal-intestatura 2006 |
Dawk il-preparazzjonijiet biss li fihom il-laħam jew il-ħalib |
ex 2103 |
Zlazi u preparazzjonijiet għal dan l-iskop; kondimenti mħallta u taħwir imħallat; dqiq u trab mitħun tal-mustarda u mustarda ppreparata |
Dawk il-preparazzjonijiet biss li fihom il-laħam jew il-ħalib |
ex 2104 |
Sopop u brodi u preparazzjonijiet għalihom; preparazzjonijiet tal-ikel komposti omoġenizzati |
Dawk il-preparazzjonijiet biss li fihom il-laħam jew il-ħalib |
ex 2105 00 |
Ġelat u silġ ieħor li jittiekel, sew jekk ikun fih il-kawkaw jew le |
Dawk il-preparazzjonijiet biss li fihom il-ħalib |
ex 2106 |
Preparazzjonijiet tal-ikel mhux speċifikati jew inklużi band'oħra |
Dawk il-preparazzjonijiet biss li fihom il-laħam jew il-ħalib |
IL-PARTI 2
Lista ta' prodotti li joriġinaw mill-annimali kif imsemmi fl-Artikolu 2(2)(a)
Kodiċi NM |
Deskrizzjoni |
Kwalifika u spjega |
0511 |
Prodotti tal-annimali li mhumiex imsemmija jew inklużi band'oħra; annimali mejtin tal-Kapitoli 1 jew 3, li mhumiex tajba għall-konsum mill-bniedem |
|
Noti:
1. |
Kolonna 1: F'każ li huma biss ċerti prodotti taħt kwalunkwe kodiċi li hemm bżonn jiġu eżaminati taħt sorveljanza veterinarja, u ma teżisti ebda subdiviżjoni speċifika taħt din il-kodiċi fin-nomenklatura tal-oġġetti, il-kodiċi hi mmarkata “ex” (pereżempju ex 1901: huma biss dawk il-preparazzjonijiet li fihom laħam jew ħalib li jridu jiġu inklużi). |
2. |
Kolonna 2: Id-deskrizzjoni tal-oġġetti hi dik kif imniżżla fil-kolonna ta' deskrizzjoni tal-Anness I tar-Regolament (KEE) Nru 2658/87. Għal aktar spjegazzjoni ta' xi tkopri eżatt it-Tariffa Komuni Doganali, jekk jogħġbok irreferi għall-aktar emenda riċenti ta' dak l-Anness. |
3. |
Kolonna 3: Din il-kolonna tagħti d-dettalji tal-prodotti koperti. |
ANNESS II
PARTI 1
Kunsnni personali ta' prodotti li joriġinaw mill-annimali kif imsemmi fl-Artikolu 2(1)(b)
Ħalib trab tat-trabi, ikel tat-trabi u ikel speċjali meħtieġ għal raġunijiet mediċi, taħt il-kondizzjonijiet li dawn il-prodotti:
(i) |
ma jeħtiġux tkessiħ qabel il-ftuħ, |
(ii) |
huma prodotti tad-ditta ppakkjati għall-bejgħ dirett lill-konsumatur finali, u |
(iii) |
li l-imballaġġ ma tqattax sakemm mhux użat attwalment. |
PARTI 2
Kunsnni personali ta' prodotti li joriġinaw mill-annimali kif imsemmi fl-Artikolu 2(2)(b)
Għalf tal-annimali domestiċi speċjali għal raġunijiet mediċi, taħt il-kundizzjonijiet li dawn il-prodotti:
(i) |
ma jeħtieġx tkessiħ qabel il-ftuħ, |
(ii) |
huma prodotti tad-ditta ppakkjati għall-bejgħ dirett lill-konsumatur finali, u |
(iii) |
li l-imballaġġ ma tqattax sakemm mhux użat attwalment. |
ANNESS III
(L-avviżi jistgħu jinstabu fuq: http://ec.europa.eu/food/fs/ah_pcad/ah_pcad_importposters_en.html).
ANNESS IV
Tagħrif imsemmi fl-Artikoli 3 u 4
Il-Parti 1 — Il-fuljett
|
Żomm mard tal-annimali li jittieħed barra mill-UE! Prodotti li joriġinaw mill-annimali jistgħu jkollhom patoġeni li jikkaġunaw mard li jittieħed |
Minħabba r-riskju tal-introduzzjoni ta' mard fl-Unjoni Ewropea (UE), hemm proċeduri stretti għad-dħul ta' ċerti prodotti tal-annimali fl-UE. Dawn il-proċeduri ma japplikaw għall-movimenti tal-prodotti tal-annimali bejn is-27 Stat Membru tal-UE, jew għal prodotti tal-annimali li ġejjin minn Andorra, il-Liechtenstein, in-Norveġja, San Marino, u l-Iżvizzera.
Kull prodott tal-annimali li ma jikkonformax ma' dawn ir-regoli għandu jingħata malli jidħol fl-UE sabiex jintrema uffiċjalment. Nuqqas ta' dikjarazzjoni ta' tali oġġetti jista' jirriżulta f'ċitazzjoni jew prosekuzzjoni kriminali.
1. Kwantitajiet żgħar ta' laħam u prodotti tal-ħalib
Ma tistax iġġib jew tibgħat lill-UE kwalunkwe laħam jew prodotti tal-ħalib għall-użu personali mill-bniedem jew għall-għalf tal-annimali domestiċi bl-eċċezzjoni ta' dawn li ġejjin:
— |
prodotti li ġejjin mill-Kroazja, mill-Gżejjer Faeroe, Greenland, l-Iżlanda, il-Liechtenstein jew l-Iżvizzera dment li l-piż tagħhom ma jaqbiżx l-10 kilogrammi għal kull persuna, |
— |
ħalib trab tat-tfal, ikel tat-tfal u ikel speċjali jew għalf tal-annimali domestiċi speċjali meħtieġ għal raġunijiet mediċi dment li l-kwantità konġunta tagħhom ma taqbiżx il-limitu ta' piż ta' 2 kilogrammi għal kull persuna jew għal kull annimal domestiku, u li:
|
2. Kwantitajiet żgħar ta' prodotti tal-ħut għall-konsum personali tal-bniedem
Tista' biss iddaħħal jew tibgħat lill-UE, kunsinni personali ta' prodotti tal-ħut (frisk, niexef, imsajjar, ippreservat jew affumikat) dment li:
— |
ħut frisk ikun imnaddaf mill-ġewwieni, |
— |
il-piz tal-prodotti tal-ħut ma jaqbiżx, għal kull persuna, 20 kilogramma jew il-piż ta' ħuta waħda, ikun xi jkun l-itqal piż. |
Dawn ir-restrizzjonijiet ma japplikawx għall-prodotti tas-sajd li ġejjin mill-Gżejjer Faeroe jew l-Iżlanda.
3. Kwantitajiet żgħar ta' prodotti tal-annimali għall-konsum personali tal-bniedem
Tista' biss ġġib jew tibgħat lill-UE prodotti tal-annimali oħrajn, bħall-għasel pereżempju, dment li l-piż tagħhom ma jaqbiżx iż-2 kilogrammi għal kull persuna.
4. Kwantitajiet akbar tal-prodotti tal-annimali
Tista' biss ġġib jew tibgħat lill-UE kwantitajiet ikbar ta' prodotti tal-annimali jekk jissodisfaw ir-rekwiżiti għall-kunsinni kummerċjali, li jinkludu:
— |
rekwiżiti ta' ċertifikazzjoni, kif stipulat fiċ-ċertifikat xieraq veterinarju uffiċjali tal-KE; |
— |
il-preżentazzjoni tal-oġġetti, bid-dokumentazzjoni ġusta, għal stabbiliment ta' spezzjoni fuq il-fruntiera awtorizzat tal-UE għal kontroll veterinarju, malli jaslu fl-UE. |
5. Prodotti tal-annimali eżenti
Il-prodotti li ġejjin huma eżenti mir-regoli spjegati qabel:
— |
Ħobż, kejkijiet, biskuttini, ċikkulata u ħlewwiet (inkluż il-ħelu) mhux imħallta jew mimlija bi prodotti tal-laħam; |
— |
Supplimenti tal-ikel ippakkjati għall-konsumatur finali; |
— |
Estratti tal-laħam u konċentrati tal-laħam; |
— |
Żebbuġ mimli bil-ħut; |
— |
Għaġin u taljarini mhux imħallta jew mimlija bi prodotti tal-laħam. |
— |
Pizzez mingħajr laħam; |
— |
Stokkijiet u ħwawar tas-sopop ippakkjati għall-konsumatur finali. |
— |
Kwalunkwe prodotti tal-ikel ieħor, li ma fih l-ebda laħam u inqas minn 50 % ta' kwalunkwe tip ta' prodott tal-annimali pproċessat ieħor, bħall-bajd, prodotti tal-ħalib u tas-sajd. |
6. Prodotti tal-annimali minn speċi protetta
Jista' jkun hemm restrizzjonijiet oħra għal ċerti speċi protetti. Pereżempju għall-kavjar tal-ispeċi tal-isturjun, il-limitu fil-piż hu massimu ta' 125 gramma għal kull persuna.
Il-Parti 2 — Vidjow
It-tagħrif stipulat fil-Parti 1 tista' tingħadda permezz ta' vidjow, bħal dak ippubblikat mill-Kummissjoni Ewropea f'din il-webpejġ:
http://ec.europa.eu/food/animal/animalproducts/personal_imports/index_en.htm
ANNESS V
Ċifri dwar ir-riżultati tal-infurzar tar-regoli dwar l-introduzzjoni tal-kunsinni personali tal-prodotti li joriġinaw mill-annimali
Din l-informazzjoni trid titressaq lill-Kummissjoni Ewropea mhux aktar tard mill-ewwel jum ta' Mejju tas-sena minnufih wara t-tmiem ta' kull perjodu ta' rappurtar annwali.
Il-perijodu ta' rappurtar għandu jibda mill-1 ta' Jannar sal-31 ta' Diċembru u l-informazzjoni trid titressaq sa l-ewwel jum ta' Mejju tas-sena minnufih wara t-tmiem tal-perjodu ta' rappurtar annwali msemmi qabel.
It-tagħrif fil-qosor u t-tagħrif rranġat u miġbur flimkien jista' jinstab fil-websajt tal-Kummissjoni Ewropea fuq:
http://ec.europa.eu/food/animal/animalproducts/personal_imports/index_en.htm.
ANNESS VI
Ċifri mir-riżultati tal-infurzar tar-regoli dwar l-importazzjoni personali ta' laħam u ħalib
Din l-informazzjoni trid titressaq lill-Kummissjoni Ewropea mhux aktar tard mill-ewwel jum ta' Marzu tas-sena minnufih wara t-tmiem ta' kull perjodu ta' rappurtar annwali.
Il-perjodu ta' rappurtar għandu jibda mill-1 ta' Jannar sal-31 ta' Diċembru u l-informazzjoni trid titressaq sa l-ewwel jum ta' Marzu tas-sena minnufih wara t-tmiem tal-perjodu ta' rappurtar annwali msemmi qabel.
ANNESS VII
Tabella ta' korrispondenza
Ir-Regolament (KE) Nru 745/2004 |
Dan ir-Regolament |
L-Artikolu 1(1) |
— |
L-Artikolu 1(2) |
— |
L-Artikolu 1(3) |
L-Artikolu 2(1)(a) |
L-Artikolu 1(4) |
L-Artikolu 1(2) |
L-Artikolu 2 |
L-Artikolu 2(1)(b) L-Artikolu 2(3)(a) |
L-Artikolu 3(1) |
L-Artikolu 3(1) u 3(2) |
L-Artikolu 3(2) |
L-Artikolu 4 |
L-Artikolu 4(1) |
L-Artikolu 5 |
L-Artikolu 4(2) |
L-Artikolu 6(1) |
L-Artikolu 4(3) |
L-Artikolu 6(2) u 6(3) |
L-Artikolu 5(1) |
L-Artikolu 7 |
L-Artikolu 5(2) |
L-Annessi IV, V u VI |
L-Artikolu 6 |
— |
L-Artikolu 7(1) |
L-Artikolu 11 |
L-Artikolu 7(2) |
L-Artikolu 11 |
L-Artikolu 7(3) |
— |
L-Anness I |
L-Anness II |
L-Anness II |
L-Anness III |
L-Anness III |
L-Anness IV |
L-Anness IV |
L-Annessi V u VI |
L-Anness V |
L-Anness I |