19.11.2008 |
MT |
Il-Ġurnal Uffiċjali ta’ l-Unjoni Ewropea |
L 308/11 |
REGOLAMENT TAL-KUMMISSJONI (KE) Nru 1142/2008
tat-13 ta' Novembru 2008
li jikkonċerna l-klassifika ta’ ċerta merkanzija fin-Nomenklatura Magħquda
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b’mod partikolari l-Artikolu 9(1)(a) tiegħu,
Billi:
(1) |
Sabiex tiġi żgurata l-applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, jeħtieġ li jiġu adottati miżuri li jikkonċernaw il-klassifika tal-merkanzija msemmija fl-Anness ta’ dan ir-Regolament. |
(2) |
Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata, totalment jew parzjalment fuq in-Nomenklatura Magħquda jew li żżid magħha kwalunkwe subdiviżjoni addizzjonali u li hija stabbilita permezz ta’ dispożizzjonijiet Komunitarji speċifiċi, bil-ħsieb li jiġu applikati tariffi u miżuri oħrajn li għandhom x’jaqsmu mal-kummerċ tal-merkanzija. |
(3) |
Skont dawk ir-regoli ġenerali, il-merkanizja deskritta fil-kolonna 1 tat-tabella li tinsab fl-Anness għandha tkun ikklassifikata taħt il-kodiċi tan-NM indikat fil-kolonna 2, għar-raġunijiet imniżżla fil-kolonna 3 ta’ dik it-tabella. |
(4) |
Huwa xieraq li jkun stipulat li tagħrif tariffarju li jorbot u li jkun inħareġ mill-awtoritajiet doganali tal-Istati Membri, li hu marbut mal-klassifikazzjoni tal-prodotti fin-Nomenklatura Magħquda, iżda li mhuwiex skont dan ir-Regolament jista’, għal perjodu ta’ tliet xhur, ikompli jkun invokat mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (2). |
(5) |
Il-Kumitat tal-Kodiċi Doganali ma tax opinjoni fiż-żmien stipulat mill-President tiegħu, |
ADOTTAT DAN IR-REGOLAMENT
Artikolu 1
Il-merkanzija deskritta fil-kolonna 1 tat-tabella li hi mniżżla fl-Anness għandha tkun ikklassifikata fin-Nomenklatura Magħquda taħt il-kodiċi tan-NM indikat fil-kolonna 2 ta’ dik it-tabella.
Artikolu 2
Tagħrif tariffarju li jorbot maħruġ mill-awtoritajiet doganali tal-Istati Membri li mhux f’konformità ma’ dan ir-Regolament jista’ jkompli jiġi invokat għal perjodu ta’ tliet xhur skont l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 13 ta’ Novembru 2008.
Għall-Kummissjoni
László KOVÁCS
Membru tal-Kummissjoni
(2) ĠU L 302, 19.10.1992, p. 1.
ANNESS
Id-deskrizzjoni tal-merkanzija |
Il-klassifika (Il-kodiċi tan-NM) |
Ir-raġunijiet |
(1) |
(2) |
(3) |
Kejbil, twil bejn wieħed u ieħor 250 ċm, tat-tip li jintuża biss ma’ magna tal-logħob tal-vidjow/tal-kompjuter li taqa’ taħt l-intestatura 9504 . Il-kejbil huwa mgħammar b’konnettur wieħed iddiżinjat b’mod speċifiku għall-magna tal-logħob tal-vidjow/tal-kompjuter fuq naħa waħda u b’ħames konnetturi sabiex jitqabbad ma’ moniter jew ma’ sett tat-televiżjoni min-naħa l-oħra. Id-dejta tista’ tiġi ttrasferita mill-magna tal-logħob tal-vidjow/tal-kompjuter għall-moniter jew għas-sett tat-televiżjoni permezz tal-kejbil u tista’, skont il-kontenut, tiġi vviżwalizzata bħala logħba tal-vidjow/tal-kompjuter, vidjow jew immaġni fissa jew riprodotta bħala ħoss. |
8544 42 90 |
Il-klassifika hija ddeterminata mir-Regoli Ġenerali nri 1 u 6 għall-interpretazzjoni tan-Nomenklatura Magħquda, u mill-kliem tal-kodiċi tan-NM 8544 , 8544 42 u 8544 42 90 . Il-klassifika taħt l-intestatura 9504 bħala aċċessorju tal-magna tal-logħob tal-vidjow/tal-kompjuter hija eskluża, minħabba li l-intestatura 8544 tipprovdi l-iktar deskrizzjoni speċifika li tirreferi għall-kejbils u għal kondutturi elettriċi oħra. Il-prodott għandu għalhekk jiġi klassifikat taħt il-kodiċi NM 8544 42 90 bħala konduttur elettriku mwaħħal bil-konnekters. |