|
14.11.2008 |
MT |
Il-Ġurnal Uffiċjali ta’ l-Unjoni Ewropea |
L 303/5 |
REGOLAMENT TAL-KUMMISSJONI (KE) Nru 1123/2008
tat-12 ta’ Novembru 2008
li jiffissa persentaġġ uniku għall-aċċettazzjoni tal-ammonti li l-Istati Membri jgħarrfu lill-Kummissjoni dwar l-applikazzjonijiet għal primjum għall-qlugħ tad-dwieli
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 479/2008 tad-29 ta’ April 2008 dwar l-organizzazzjoni komuni tas-suq tal-inbid, li jemenda r-Regolamenti (KE) Nru 1493/1999, (KE) Nru 1782/2003, (KE) Nru 1290/2005, (KE) Nru 3/2008 u li jirrevoka r-Regolamenti (KEE) Nru 2392/86 u (KE) Nru 1493/1999 (1), u b’mod partikulari l-Artikolu 102(4) tiegħu,
Billi:
|
(1) |
L-applikazzjonijiet eliġibbli li l-Istati Membri għarrfu lill-Kummissjoni sal-15 ta’ Ottubru 2008 skont l-Artikolu 102(2) tar-Regolament (KE) Nru 479/2008 jaqbżu l-baġit massimu ta’ kull sena tal-iskema tal-qlugħ tad-dwieli għas-sena tal-inbid 2008/2009, jiġifieri EUR 464 miljun, kif stipulat fl-Anness VIII għal dak ir-Regolament. Għalhekk, għandu jkun iffissat persentaġġ uniku għall-aċċettazzjoni tal-ammonti mgħarrfa fir-realtà. |
|
(2) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTA DAN IR-REGOLAMENT:
Artikolu 1
Applikazzjonijiet għall-qlugħ tad-dwieli li l-Kummissjoni tkun innotifikata dwarhom fl-ambitu tal-Artikolu 102(2) tar-Regolament (KE) Nru 479/2008 se jkunu aċċettati għal 45.9% tal-ammonti koperti. Il-limiti tal-baġit għall-Istati Membri konċernati huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 12 ta’ Novembru 2008.
Għall-Kummissjoni
Mariann FISCHER BOEL
Membru tal-Kummissjoni
ANNESS
Limiti tal-baġit għall-Istati Membri għall-ħlasijiet għall-qlugħ tad-dwieli fis-sena tal-inbid 2008/2009
|
L-Istat Membru |
Baġit tal-iskema ta' qlugħ tad-dwieli (EUR) |
|
Il-Bulgarija |
0 |
|
Ir-Repubblika Ċeka |
17 543 |
|
Il-Ġermanja |
178 162 |
|
Il-Greċja |
7 135 657 |
|
Spanja |
236 056 395 |
|
Franza |
70 643 521 |
|
L-Italja |
116 113 326 |
|
Ċipru |
6 820 744 |
|
Il-Lussemburgu |
6 675 |
|
L-Ungerija |
9 812 320 |
|
Malta |
0 |
|
L-Awstrija |
1 875 586 |
|
Il-Portugall |
13 961 350 |
|
Ir-Rumanija |
49 920 |
|
Is-Slovenja |
198 093 |
|
Is-Slovakkja |
1 130 707 |