|
18.9.2008 |
MT |
Il-Ġurnal Uffiċjali ta’ l-Unjoni Ewropea |
L 249/12 |
REGOLAMENT TAL-KUMMISSJONI (KE) Nru 905/2008
tas-17 Settembru 2008
dwar il-ħruġ ta' liċenzji għall-importazzjoni għaz-zokkor tal-kannamieli mhux raffinat għall-irfinar, li joriġina mill-pajjiżi l-inqas żviluppati
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 980/2005 tas-27 ta' Ġunju 2005 li tapplika skema ta' preferenzi tariffarji ġeneralizzati (1),
Wara li kkunsidrat ir-Regolament tal-Kunsill (KE) Nru 318/2006 ta' l-20 ta' Frar 2006 dwar l-organizzazzjoni komuni tas-swieq fis-settur taz-zokkor (2),
Wara li kkunsidrat ir-Regolament tal-Kummissjoni (KE) Nru 1100/2006 tas-17 ta' Lulju 2006 li jistabbilixxi, għas-snin tas-suq 2006/2007, 2007/2008 u 2008/2009, regoli dettaljati għall-ftuħ u l-amministrazzjoni ta' kwoti tariffarji għaz-zokkor tal-kannamieli mhux raffinat għall-irfinar li joriġina mill-pajjiżi l-inqas żviluppati, kif ukoll regoli dettaljati li japplikaw għall-importazzjoni ta' prodotti ta' l-intestatura tariffarja 1701 li joriġinaw mill-pajjiżi l-inqas żviluppati (3), u partikolarment l-Artikolu 7(3) tiegħu,
Billi:
|
(1) |
Skond l-Artikolu 12(5) tar-Regolament (KE) Nru 980/2005, l-Artikolu 3(1) tar-Regolament (KE) Nru 1100/2006 jipprevedi, għal dak li għandu x'jaqsam ma' l-importazzjonijiet li joriġinaw mill-pajjiżi l-inqas żviluppati, il-ftuħ ta' kwoti tariffarji bla dazju għall-prodotti tal-kodiċi NM 1701 11 10, espressi f'ekwivalenti ta' zokkor abjad. |
|
(2) |
Matul il-ġimgħa mit-8 sat-12 ta' Settembru 2008, skond l-Artikolu 5 tar-Regolament (KE) Nru 1100/2006, ġew preżentati applikazzjonijiet għal liċenzji ta' l-importazzjoni lill-awtoritajiet kompetenti. It-totali msemmijin fl-Artikolu 7(2) ta' dan ir-Regolament juru li, wara dawn l-applikazzjonijiet, il-kwantità totali mitluba għas-sena tas-suq 2007/2008 tlaħħaq il-limitu ta' 178 030,75-il tunnellata prevista għal din is-sena għall-kwota 09.4361. |
|
(3) |
F'dawn iċ-ċirkostanzi, il-Kummissjoni għandha tinforma lill-Istati Membri li l-limitu kkonċernat intlaħaq u li mhux se tintlaqa' ebda applikazzjoni għal liċenzja oħra. |
ADOTTAT DAN IR-REGOLAMENT:
Artikolu 1
L-applikazzjonijiet għal-liċenzji ta' importazzjoni ppreżentati mit-8 sat-12 ta' Settembru 2008 skond l-Artikolu 5 tar-Regolament (KE) Nru 1100/2006 jintlaqgħu sa …% [100 % f'każ l-applikazzjonijiet huma daqs il-kwantitajiet] tal-kwantitajiet mitluba.
Artikolu 2
Il-limitu ta' 178 030,75-il tunnellata tal-kwota tariffarja 09.4361, previst mill-Artikolu 3(1) tar-Regolament (KE) Nru 1100/2006 ntlaħaq. Mhux se tintlaqa' ebda applikazzjoni għal-liċenzja ta' importazzjoni mressqa wara it-12 ta' Settembru 2008.
Artikolu 3
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament jorbot fl-intier tiegħu u japplika direttament f'kull Stat Membru.
Magħmul fi Brussell, 17 ta’ Settembru 2008.
Għall-Kummissjoni
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 169, 30.6.2005, p. 1.
(3) ĠU L 196, 18.7.2006, p. 3.