|
23.8.2008 |
MT |
Il-Ġurnal Uffiċjali ta’ l-Unjoni Ewropea |
L 225/5 |
REGOLAMENT TAL-KUMMISSJONI (KE) Nru 834/2008
tat-22 ta’ Awwissu 2008
li jemenda r-Regolament (KE) Nru 1319/2006 dwar ċerti kommunikazzjonijiet reċiproki tal-Istati membri u tal-Kummissjoni fis-settur tal-laħam tal-majjal
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u partikolarment l-Artikolu 192(2) tiegħu flimkien mal-Artikolu 4 tiegħu,
Billi:
|
(1) |
Ir-Regolament (KE) Nru 1319/2006 tal-Kummissjoni (2) jistabbilixxi l-Ħamis ta' kull ġimgħa bħala l-jum sa liema l-Istati Membri għandhom jikkomunikaw ċerti kwotazzjonijiet lill-Kummissjoni, fir-rigward tal-ġimgħa preċedenti. |
|
(2) |
Sabiex l-informazzjoni tkun aġġornata kemm jista' jkun għall-ġestjoni tas-suq u waqt li jitqiesu l-progressi teknoloġiċi għat-trażmissjoni tal-informazzjoni, tinħass il-ħtieġa li titqassar din l-iskadenza għall-kommunikazzjoni. |
|
(3) |
Ir-Regolament (KE) Nru 1319/2006 għandu jkun emendat skont dan. |
|
(4) |
Sabiex l-Istati Membri jkunu jistgħu jadattaw għall-iskadenza l-ġdida għall-kommunikazzjoni, jeħtieġ li dan ir-Regolament jibda japplika mill-1 ta' Settembru 2008. |
|
(5) |
Il-miżuri pprovduti f’dan ir-Regolament huma skond l-opinjoni tal-kumitat ta’ ġestjoni għall-organizzazzjoni komuni tas-swieq agrikoli, |
ADOTTAT DAN IR-REGOLAMENT:
Artikolu 1
Fl-Artikolu 1(1) tar-Regolament (KEE) Nru 1319/2006, l-ewwel sentenza għandha tinbidel bit-test li ġej:
“L-Istati membri għandjom jikkomunikaw lill-Kummissjoni, sa mhux iktar tard mill-Erbgħa f'12:00 (ħin ta' Brussell) ta' kull ġimgħa, fir-rigward tal-ġimgħa preċedenti:”
Artikolu 2
Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu fil-Ġurnal Uffiċcjali tal-Unjoni Ewropea.
Għandu japplika mill-1 ta' Settembru 2008.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 22 ta’ Awwissu 2008.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 510/2008 (ĠU L 149, 7.6.2008, p. 61).