25.7.2008 |
MT |
Il-Ġurnal Uffiċjali ta’ l-Unjoni Ewropea |
L 197/28 |
REGOLAMENT TAL-KUMMISSJONI (KE) Nru 710/2008
ta’ l-24 ta’ Lulju 2008
li jiffissa l-koeffiċjenti li għandhom jintużaw fil-kalkolu tal-prezz tas-suq Komunitarju tal-karkassi tal-majjal għas-sena tas-suq 2008/2009
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u partikolarment l-Artikolu 43 tiegħu,
Billi:
(1) |
Il-prezz tas-suq Komunitarju għall-karkassi tal-majjal, kif stipulat fl-Artikoli 17 u 37 tar-Regolament (KE) Nru 1234/2007, għandu jiġi stabbilit billi jiġu kkalkolati l-prezzijiet irreġistrati f'kull Stat Membru b'koeffiċjenti li jirriflettu d-daqs relattiv tal-popolazzjoni tal-majjali f'kull Stat Membru. |
(2) |
Dawn il-koeffiċjenti għandhom jiġu ddeterminati fuq l-għadd ta’ majjali magħduda fil-bidu ta’ Diċembru ta’ kull sena skond id-Direttiva tal-Kunsill 93/23/KEE ta’ l-1 ta’ Ġunju 1993 dwar stħarriġ ta’ statistika li jrid ikun imwettaq dwar il-produzzjoni tal-majjal (2). |
(3) |
Fid-dawl tar-riżultati taċ-ċensiment ta’ Diċembru 2007, għandhom jiġu stabbiliti koeffiċjenti ta’ kalkolu ġodda għas-sena tas-suq 2008/2009, u r-Regolament tal-Kummissjoni (KE) Nru 846/2009 għandu jitħassar (3). |
(4) |
Billi s-sena tas-suq 2008/2009 tibda fl-1 ta’ Lulju 2008, dan ir-Regolament għandu jiġi applikat minn din id-data. |
(5) |
Il-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Il-koeffiċjenti ta’ kalkolu msemmija fl-Artikoli 17 u 37 tar-Regolament (KE) Nru 1234/2007 huma stipulati fl-Anness għal dan ir-Regolament.
Artikolu 2
Ir-Regolament (KE) Nru 846/2007 huwa b'dan imħassar.
Artikolu 3
Dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Għandu japplika mill-1 ta’ Lulju 2008.
Dan ir-Regolament għandu japplika fl-intier tiegħu u huwa applikabbli direttament fl-Istati Membri kollha.
Magħmul fi Brussell, 24 ta’ Lulju 2008.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 510/2008 (ĠU L 149, 7.6.2008, p. 61).
(2) ĠU L 149, 21.6.1993, p. 1. Id-Direttiva kif emendata l-aħħar bir-Regolament tal-Parlament Ewropew u tal-Kunsill (KE) Nru 1882/2003 (ĠU L 284, 31.10.2003, p. 1).
(3) ĠU L 187, 19.7.2007, p. 3.
ANNESS
Il-koefiċċjenti li għandhom jintużaw fil-kalkolu tal-prezz tas-suq Komunitarju tal-karkassi tal-majjal għas-sena tas-suq 2008/2009
L-Artikoli 17 u 37 tar-Regolament (KE) Nru 1234/2007
Il-Belġju |
3,9 % |
Il-Bulgarija |
0,6 % |
Ir-Repubblika Ċeka |
1,7 % |
Id-Danimarka |
8,2 % |
Il-Ġermanja |
16,9 % |
L-Estonja |
0,2 % |
Il-Greċja |
0,6 % |
Spanja |
16,3 % |
Franza |
9,4 % |
L-Irlanda |
1,0 % |
L-Italja |
5,8 % |
Ċipru |
0,3 % |
Il-Latvja |
0,3 % |
Il-Litwanja |
0,6 % |
Il-Lussemburgu |
0,05 % |
L-Ungerija |
2,4 % |
Malta |
0,05 % |
L-Olanda |
7,3 % |
L-Awstrija |
2,0 % |
Il-Polonja |
11,0 % |
Il-Portugall |
1,5 % |
Ir-Rumanija |
4,1 % |
Is-Slovenja |
0,3 % |
Is-Slovakkja |
0,6 % |
Il-Finlandja |
0,9 % |
L-Iżvezja |
1,1 % |
Ir-Renju Unit |
2,9 % |