24.7.2008 |
MT |
Il-Ġurnal Uffiċjali ta’ l-Unjoni Ewropea |
L 195/6 |
REGOLAMENT TAL-KUMMISSJONI (KE) Nru 696/2008
tat-23 ta' Lulju 2008
li jistabbilixxi regoli ddettaljati għall-applikazzjoni tar-Regolament tal-Kunsill (KE) Nru 104/2000 dwar l-estensjoni għal min mhux membru ta’ ċerti regoli addottati mill-organizzazzjonijiet tal-produtturi fis-settur tas-sajd
(Verżjoni kodifikata)
IL-KUMMISSJONI TAL-KOMUNITAJIET EWROPEJ,
Wara li kkusidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 104/2000 tas-17 ta’ Diċembru 1999 dwar l-organizzazzjoni komuni tas-swieq tas-sajd u tal-prodotti ta’ l-akwakultura (1), u b’mod partikolari l-Artikolu 7(10) tiegħu,
Billi:
(1) |
Ir-Regolament tal-Kummissjoni (KE) Nru 1886/2000 tas-6 ta’ Settembru 2000 li jistabbilixxi regoli ddettaljati għall-applikazzjoni tar-Regolament tal-Kunsill (KE) Nru 104/2000 dwar l-estensjoni għal min mhux membru ta’ ċerti regoli addottati mill-organizzazzjonijiet tal-produtturi fis-settur tas-sajd (2) ġie emendat (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat. |
(2) |
Huwa meħtieġ illi jiġu definiti kriterji sabiex jiġi stmat il-grad tar-rappreżentanza ta’ l-organizzazzjonijiet tal-produtturi fil-qasam tal-qabda li r-regoli tagħhom huma proposti li jiġu estiżi għal min mhux membru. Dawn il-kriterji għandhom jinkludu kemm il-proporzjon tal-kwantitajiet totali kummerċjalizzati ta’ l-ispeċi kkonċernata meqjusa mill-membri ta’ l-organizzazzjoni u l-proporzjon tas-sajjieda fis-settur involut li huma membri ta’ l-organizzazzjoni. Huwa wkoll meħtieġ li jkunu definiti kriterji speċifiċi fis-settur ta' l-akwakultura fejn għandha x’taqsam ir-rappreżentanza. |
(3) |
Sabiex tiġi armonizzata l-implimentazzjoni ta’ dawn il-miżuri, għandhom jiġu definiti r-regoli tal-produzzjoni u tal-kummerċjalizzazzjoni li jistgħu jiġu estiżi għal min mhux membru fis-setturi tal-qabda u ta’ l-akwakultura. Għall-istess għan, għandu jiġi speċifikat l-istadju li għalih japplikaw dawn ir-regoli estiżi. |
(4) |
Għandu jiġi stabbilit perijodu minimu sabiex jiġu applikati r-regoli fil-kwistjoni sabiex tinżamm ċerta stabbilità fil-kondizzjonijiet li fuqhom ikunu kummerċjalizzati l-prodotti tas-sajd. |
(5) |
L-Istati Membru li jiddeċiedu li jagħmlu obbligatorji r-regoli addottati minn organizazzjoni tal-produtturi huma obbligati li jissottomettuhom lill-Kummissjoni għal eżami. Huwa għalhekk meħtieġ illi jiġi speċifikat liema informazzjoni għandha tintbagħat lill-Kummissjoni. |
(6) |
Huwa meħtieġ illi l-Istati Membri u l-Kummissjoni jippubblikaw l-informazzjoni dwar l-estensjoni tar-regoli li jista’ jaffettwa lis-settur. |
(7) |
Kull emenda għar-regoli estiżi għal min mhux membru għandha tkun suġġetta għall-istess ħtiġijiet ta' notifika lill-Kummissjoni u ta' pubblikazzjoni bħall-estensjoni oriġinali. |
(8) |
Il-miżuri stabbiliti f’dan ir-Regolament huma skond l-opinjoni tal-Kumitat ta’ Ġestjoni tal-Prodotti tas-Sajd, |
ADOTTAT DAN IR-REGOLAMENT:
Artikolu 1
1. L-attivitajiet tal-produzzjoni u tal-kummerċjalizzazzjoni ta’ organizzazzjoni tal-produtturi fis-settur tal-qabda għandhom ikunu kkunsidrati bħala rappreżentati b’mod suffiċjenti fil-qasam li fiha huwa propost li jkunu estiżi r-regoli jekk:
(a) |
il-kummerċjalizzazzjoni mill-organizzazzjoni tal-produtturi jew mill-membri tagħha ta’ l-ispeċi li għalihom ir-regoli jkunu japplikaw, tkun tammonta għal aktar minn 65 % in-ġenerali tal-kwantitajiet kummerċjalizzati, u |
(b) |
in-numru ta’ sajjieda li jkun hemm abbord bastimenti mħaddma mill-membri ta’ l-organizzazzjoni tal-produtturi ikun aktar minn 50 % tan-numru totali ta’ sajjieda stabbiliti fil-qasam li għaliha jkunu japplikaw ir-regoli li jistgħu jiġu estiżi. |
2. Għall-għanijiet tal-paragrafu 1(a), għandhom ikunu kkunsidrati l-kwantitajiet kummerċjalizzati matul is-sena tas-suq ta’ qabel.
3. Għall-għan li jkun ikkalkulat il-perċentaġġ imsemmi fil-paragrafu 1(b), is-sajjieda abbord bastimenti, li t-tul ġenerali tagħhom ikun inqas minn jew ugwali għal 10 metri, għandhom ikunu kkunsidrati fi proporzjon għar-relazzjoni bejn il-kwantitajiet kummerċjalizzati minn dawn is-sajjieda u l-kwantitajiet totali kummerċjalizzati fil-qasam in kwistjoni.
4. L-attivitajiet tal-produzzjoni u tal-kummerċjalizzazzjoni ta’ organizzazzjoni tal- produtturi fis-settur ta’ l-akwakultura, kif definit fl-Artikolu 3(d) tar- Regolament tal-Kunsill (KE) Nru 1198/2006 (4), għandhom ikunu kkunsidrati bħala li jkunu rappreżentattivi b’mod suffiċjenti fil-qasam li fiha huwa propost li jkunu estiżi r-regoli, jekk il-produzzjoni mill-organizzazzjoni tal-produtturi jew mill-membri tagħha ta’ l-ispeċi li għalihom ikunu qed japplikaw ir-regoli tkun tammonta għal aktar minn 40 % tal-kwantitajiet prodotti.
5. Għall-għan biex ikun applikat il-paragrafu 4, għandhom ikunu kkunsidrati l-kwantitajiet prodotti matul is-sena tas-suq ta’ qabel.
Artikolu 2
1. Ir-regoli tal-produzzjoni u tal-kummerċjalizzazzjoni msemmija fl-Artikolu 7(1)(a) tar-Regolament (KE) Nru 104/2000 għandhom jinkludu dawn l-elementi li ġejjin:
(a) |
il-kwalità, id-daqs jew il-piż u l-preżentazzjoni tal-prodotti offruti għall-bejgħ; |
(b) |
il-kampjuni, ir-reċipjenti wżati għal finijiet ta' bejgħ, l-imballaġġ u l-ittikkettjar u l-użu tas-silġ; |
(c) |
il-kondizzjonijiet ta’ l-ewwel tpoġġija fis-suq, li jistgħu jinkludu regoli fuq id-disponiment razzjonali tal-produzzjoni biex ikun stabbilizzat is-suq. |
2. Fis-settur ta’ l-akwakultura, ir-regoli msemmija fil-paragrafu 1 jista’ jkollhom miżuri dwar it-tqegħid taż-żgħar jew ta’ intervent, fi stadji oħra, taċ-ċiklu tal-ħajja ta’ l-ispeċi ta’ l-akwakultura li għalihom r-regoli jkunu japplikaw, u, b’mod partikolari, dispożizzjonijiet fuq il- ħsad jew il-ħażna, inkluż l-iffriżar, ta’ kwalunkwe produzzjoni żejda.
Artikolu 3
Il-perijodu minimu sabiex jiġu applikati r-regoli li għandhom estiżi għal min mhux membru għandu jkun ta’ 90 jum.
Artikolu 4
Fejn Stat Membru jiddeċiedi illi jestendi ċerti regoli addottati minn organizzazzjoni tal-produtturi għal min mhux membru, in-notifika lill-Kummissjoni msemmija fl-Artikolu 7(3) tar-Regolament (KE) Nru 104/2000 għandha tinkludi mill-anqas:
(a) |
l-isem u l-indirizz ta’ l-organizzazzjoni tal-produtturi kkonċernata; |
(b) |
l-informazzjoni kollha meħtieġa biex juri illi l-organizzazzjoni hija rappreżentattiva, b’mod partikolari b’referenza għall-kriterji stabbiliti fl-Artikolu 1 ta’ dan ir-Regolament; |
(c) |
ir-regoli involuti; |
(d) |
il-ġustifikazzjoni għar-regoli, appoġġjati minn data xierqa; |
(e) |
iż-żona ġeografika fejn ikun maħsub li r-regoli jsiru obbligatorji; |
(f) |
it-tul taż-żmien ta' validita' ta’ dawn ir-regoli; |
(g) |
id-data tad-dħul fis-seħħ. |
Artikolu 5
L-Istati Membri għandhom jippubblikaw ir-regoli li jkunu ddeċidew li jagħmlu obbligatorji, mill-anqas tmint ijiem qabel id-dħul fis-seħħ tagħhom.
Artikolu 6
Kull bdil fir-regoli estiżi għal min mhux membru għandu jkun suġġett għall-Artikoli 4 u 5.
Artikolu 7
Il-Kummissjoni għandha tippubblika fil-Ġurnal Uffiċjali ta’ l-Unjoni Ewropea id-deċiżjonijiet tagħha, li bihom tiddikjara estensjoni tar-regoli bħala nulla u mingħajr effett skond it-tieni inċiż tat-tieni paragrafu ta’ l-Artikolu 7(3) u ta’ l-Artikolu 7(5) tar-Regolament (KE) Nru 104/2000.
Artikolu 8
Ir-Regolament (KE) Nru 1886/2000 hu mħassar.
Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni fl-Anness II.
Artikolu 9
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, 23 ta’ Lulju 2008.
Għall-Kummissjoni
Il-President
José Manuel BARROSO
(1) ĠU L 17, 21.1.2000, p. 22. Ir-Regolament kif emendat l-aħħar bir-Regolament (KE) Nru 1759/2006 (ĠU L 335, 1.12.2006, p. 3).
(2) ĠU L 227, 7.9.2000, p. 11. Ir-Regolament kif emendat bir-Regolament (KE) Nru 1812/2001 (ĠU L 246, 15.9.2001, p. 5).
(3) Ara l-Anness I.
(4) ĠU L 223, 15.8.2006, p. 1.
ANNESS I
Regolament imħassar flimkien ma’ l-emendi suċċessivi tiegħu
Regolament tal-Kummissjoni (KE) Nru 1886/2000 |
|
Regolament tal-Kummissjoni (KE) Nru 1812/2001 |
ANNESS II
Tabella Ta’ Korrelazzjoni
Regolament (KE) Nru 1886/2000 |
Dan ir-Regolament |
Artikolu 1 |
Artikolu 1 |
Artikolu 2 |
Artikolu 2 |
Artikolu 3 |
Artikolu 3 |
Artikolu 4 |
Artikolu 4 |
Artikolu 5 |
Artikolu 5 |
Artikolu 6 |
Artikolu 6 |
Artikolu 7 |
Artikolu 7 |
Artikolu 8 |
— |
— |
Artikolu 8 |
Artikolu 9 |
Artikolu 9 |
— |
Anness I |
— |
Anness II |