11.4.2008   

MT

Il-Ġurnal Uffiċjali ta’ l-Unjoni Ewropea

L 101/7

(1)

L-Anness I tar-Regolament tal-Kummissjoni (KE) Nru 552/2007 tat-22 ta’ Mejju 2007 li jistabbilixxi l-kontribuzzjoni massima tal-Komunità għall-iffinanzjar ta' programmi ta' ħidma fis-settur taż-żejt taż-żebbuġa u għall-iffissar, għall-2007, tal-limiti finanzjarji għall-implimentazzjoni sħiħa jew parzjali ta' l-Iskema ta' Pagament Uniku u tal-pakketti finanzjarji annwali għall-Iskema ta' Pagament Uniku, stabbilita bir-Regolament tal-Kunsill (KE) Nru 1782/2003, u li jemenda dak ir-Regolament (2) jiffissa, għas-sena 2007, il-limiti finanzjarji għall-ħlasijiet diretti li għandhom jinqablu skond id-dispożizzjonijiet ta' l-Artikoli 66 sa 69 tar-Regolament (KE) Nru 1782/2003.

(2)

B’konformità ma’ l-Artikolu 64(1) tar-Regolament (KE) Nru 1782/2003, Franza ddeċidiet li tapplika parzjalment l-iskema ta’ pagament uniku bil-kundizzjonijiet iffissati partikolarment fl-Artikolu 68(2)(a)(i) tar-Regolament imsemmi f'dak li għandu x'jaqsam mal-pagament addizzjonali għaż-żamma tal-baqar li jreddgħu. Madankollu, bl-applikazzjoni ta' l-Artikolu 8 tar-Regolament tal-Kunsill (KE) Nru 1083/2006 (3) li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni, mill-1 ta’ Jannar 2007 'l quddiem, ir-reġjuni Franċiżi ta’ Korsika u Hainaut ma jistgħux jibqgħu jirċievu l-għajnuna tranżitorja pprovduta fl-Artikolu msemmi. Għaldaqstant, mill-2007 'l quddiem, il-Fond Agrikolu Ewropew ta' Garanzija (FAEG) ma jistax jiffinanzja l-primjum nazzjonali supplimentari għall-baqra li tredda' pprovdut fl-Artikolu 125(5) tar-Regolament (KE) Nru 1782/2003, mogħti lill-azjendi agrikoli li jinsabu fir-reġjuni Franċiżi ta’ Korsika u Hainaut. Bil-għan li tiġi żgurata t-tkomplija ta' l-għajnuna Komunitarja fis-settur tal-baqra li tredda', Franza talbet it-trasferiment ta' l-ammont korrispondenti għall-pagamenti li saru f’Korsika u Hainaut sa l-2006 bħala primjum nazzjonali supplimentari, mil-limitu stipulat għall-2007 fl-Anness I tar-Regolament (KE) Nru 552/2007 għall-primjum nazzjonali supplimentari għal-limitu stipulat fl-Anness imsemmi għall-primjum għall-baqra li tredda'. Għaldaqstant, il-limiti baġitarji msemmija għandhom jiġu aġġustati skond dan.

(3)

Għaldaqstant, jeħtieġ li r-Regolament (KE) Nru 552/2007 jiġi emendat.

(4)

Il-miżuri provduti f'dan ir-Regolament huma konformi ma’ l-opinjoni tal-Kumitat ta' Ġestjoni għall-Ħlasijiet Diretti,

(a)

l-ammont għall-“Primjum għall-baqra li tredda'” għal Franza għandu jinbidel bl-ammont “734 416”;

(b)

l-ammont għall-“Primjum supplimentari għall-baqra li tredda’” għal-Franza għandu jinbidel bl-ammont “0”.