4.4.2008   

MT

Il-Ġurnal Uffiċjali ta’ l-Unjoni Ewropea

L 93/11

(1)

L-Artikolu 3 tar-Regolament tal-Kummissjoni (KE) Nru 1445/95 tas-26 ta’ Ġunju 1995 dwar regoli għall-applikazzjoni ta’ liċenzji ta’ importazzjoni u ta’ esportazzjoni fis-settur tal-laħam taċ-ċanga u l-vitella (2) jipprovdi li l-liċenzji ta’ importazzjoni huma validi 90 jum mid-data tal-ħruġ tagħhom.

(2)

Id-Deċiżjoni tal-Kummissjoni 2008/61/KE tas-17 ta’ Jannar 2008 li temenda l-Anness II mad-Deċiżjoni tal-Kunsill 79/542/KEE fir-rigward ta' l-importazzjonijiet ta' laħam frisk tal-bovini mill-Brażil (3) mmodifikat r-rekwiżiti ta’ importazzjoni għal-laħam bovin mill-Brażil. Dik id-Deċiżjoni tipprovdi li huwa biss possibbli li jibqgħu jitħallew l-importazzjonijiet fuq bażi żgura billi jissaħħu l-kontrolli u l-għassa ta’ l-impriżi fejn joriġinaw bhejjem eliġibbli għall-esportazzjoni lejn il-Komunità u billi tinħoloq lista provviżorja ta’ tali impriżi approvati mill-Brażil fejn jingħataw ċerti garanziji.

(3)

F’dawn l-aħħar snin il-Brażil kien il-fornitur ewlieni taċ-ċanga lejn is-suq tal-Komunità, li jgħodd madwar żewġ terzi ta’ l-importazzjonijiet totali Komunitarji tas-settur taċ-ċanga. B’riżultat ta’ l-applikazzjoni tad-Deċiżjoni 2008/61/KE, l-operaturi li ġabu l-liċenzji ta’ importazzjoni għall-importazzjoni tal-laħam bovin, qabel id-dħul fis-seħħ ta’ dik id-Deċiżjoni, fi ħdan tal-kwoti tariffarji ta' importazzjoni msemmija fl-Artikolu 2(d) tar-Regolament tal-Kummissjoni (KE) Nru 936/97 tas-27 ta' Mejju 1997 li jiftaħ u jipprovdi għall-amministrazzjoni ta' kwoti ta' tariffi għaċ-ċanga friska ta' kwalità għolja, imkessħa u ffriżata u għal-laħam tal-buflu ffriżat (4), ir-Regolament tal-Kummissjoni (KE) Nru 529/2007 tal-11 ta’ Mejju 2007 li jiftaħ u jipprovdi għall-amministrazzjoni ta' kwota tariffarja fuq l-importazzjoni ta’ laħam iffriżat ta' l-annimali bovini koperti mill-kodiċi NM 0202 u l-prodotti koperti mill-kodiċi NM 0206 29 91 (mill-1 ta' Lulju 2007 sat-30 ta' Ġunju 2008) (5) u r-Regolament tal-Kummissjoni (KE) Nru 545/2007 tas-16 ta’ Mejju 2007 li jiftaħ u jipprovdi għall-amministrazzjoni ta’ kwota tariffarja għall-importazzjoni taċ-ċanga ffriżata għall-ipproċessar (mill-1 ta’ Lulju 2007 sat-30 ta’ Ġunju 2008) (6), huma ffaċċati b’diffikultajiet prattiċi biex jinsabu l-prodotti fil-perjodu normali ta’ validità tal-liċenzji ta’ importazzjoni. Fid-dawl ta’ dawn iċ-ċirkostanzi partikolari, il-validità tal-liċenzji għandha tiġi estiża, fuq bażi temporarja, sa tmiem il-perjodu tal-kwota tariffarja ta’ importazzjoni.

(4)

Il-miżuri pprovduti f'dan ir-Regolament huma skond l-opinjoni tal-Kumitat tal-Ġestjoni taċ-Ċanga u tal-Vitella,