|
9.4.2008 |
MT |
Il-Ġurnal Uffiċjali ta’ l-Unjoni Ewropea |
L 97/85 |
REGOLAMENT TAL-KUNSILL (KE) Nru 301/2008
tal-17 ta' Marzu 2008
li jadatta l-Anness I għar-Regolament (KE) Nru 882/2004 dwar il-kontrolli uffiċjali mwettqa biex tiġi żgurata l-verifika tal-konformità mal-liġi ta’ l-għalf u l-ikel, mas-saħħa ta’ l-annimali u mar-regoli dwar il-welfare ta’ l-annimali
(Test b’rilevanza għaż-ŻEE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidrat it-Trattat ta’ l-2003 u b’mod partikolari l-Artikolu 57(2) tiegħu,
Wara li kkunsidra l-proposta mill-Kummissjoni,
Billi:
|
(1) |
Ir-Regolament (KE) Nru 882/2004 tal-Parlament Ewropew u tal-Kunsill (1) jistabbilixxi qafas armonizzat ta’ regoli ġenerali għall-organizzazzjoni ta’ kontrolli uffiċjali biex tiġi żgurata l-verifika tal-konformità mal-liġi dwar l-għalf tal-bhejjem u l-ikel, saħħet l-annimali u r-regoli tal-benessri ta’ l-annimali. |
|
(2) |
Issa jinħass il-bżonn, minħabba l-adeżjoni fl-2004 ta’ Stati Membri ġodda, li tiġi kompluta l-lista ta’ territorji fl-Anness I tar-Regolament (KE) Nru 882/2004 sabiex tinkludi lill-Istati Membri kollha. |
|
(3) |
Għalhekk, ir-Regolament (KE) Nru 882/2004 għandu jiġi emendat kif xieraq, |
ADOTTAT DAN IR-REGOLAMENT:
Artikolu 1
L-Anness I tar-Regolament (KE) Nru 882/2004 huwa sostitwit bit-test fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fil- jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan għandu japplika mill-1 ta’ Mejju 2004 fir-rigward tat-territorju tar-Repubblika Ċeka, ta’ l-Estonja, ta’ Ċipru, tal-Litwanja, ta’ l-Ungerija, ta’ Malta, tal-Polonja, tas-Slovenja, u tas-Slovakkja.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmula fi Brussell, 17 ta' Marzu 2008.
Għall-Kunsill
Il-President
I. JARC
(1) ĠU L 165, 30.4.2004, p. 1; verżjoni kkoreġuta fil-ĠU L 191, 28.5.2004, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 180/2008 (ĠU L 56, 29.2.2008, p. 4).
ANNESS
“ANNESS I
IT-TERRITORJI REFERITI FL-ARTIKOLU 2 (15)
|
1. |
It-territorju tar-Renju tal-Belġju |
|
2. |
It-territorju tar-Repubblika tal-Bulgarija |
|
3. |
It-territorju tar-Repubblika Ċeka |
|
4. |
It-territorju tar-Renju tad-Danimarka bl-eċċezzjoni tal-Gżejjer Faroe u ta’ Greenland |
|
5. |
It-territorju tar-Repubblika Federali tal-Ġermanja |
|
6. |
It-territorju tar-Repubblika ta’ l-Estonja |
|
7. |
It-territorju ta’ l-Irlanda |
|
8. |
It-territorju tar-Repubblika Ellenika |
|
9. |
It-territorju tar-Renju ta’ Spanja bl-eċċezzjoni ta’ Ceuta u Melilla |
|
10. |
It-territorju tar-Repubblika Franċiża |
|
11. |
It-territorju tar-Repubblika Taljana |
|
12. |
It-territorju tar-Repubblika ta’ Ċipru |
|
13. |
It-territorju tar-Repubblika tal-Latvja |
|
14. |
It-territorju tar-Repubblika tal-Litwanja |
|
15. |
It-territorju tal-Gran Dukat tal-Lussemburgu |
|
16. |
It-territorju tar-Repubblika ta’ l-Ungerija |
|
17. |
It-territorju tar-Repubblika ta’ Malta |
|
18. |
It-territorju tar-Renju ta’ l-Olanda fl-Ewropa |
|
19. |
It-territorju tar-Repubblika ta’ l-Awstrija |
|
20. |
It-territorju tar-Repubblika tal-Polonja |
|
21. |
It-territorju tar-Repubblika tal-Portugall |
|
22. |
It-territorju tar-Rumanija |
|
23. |
It-territorju tar-Repubblika tas-Slovenja |
|
24. |
It-territorju tar-Repubblika tas-Slovakkja |
|
25. |
It-territorju tar-Repubblika tal-Finlandja |
|
26. |
It-territorju tar-Renju ta’ l-Iżvezja |
|
27. |
It-territorju tar-Renju Unit tal-Gran Brittanja u l-Irlanda ta’ Fuq” |