2.4.2008   

MT

Il-Ġurnal Uffiċjali ta’ l-Unjoni Ewropea

L 90/3

(1)

L-ewwel subparagrafu ta’ l-Artikolu 80(2) tar-Regolament tal-Kummissjoni (KE) Nru 1580/2007 (2) jistabbilixxi limitu fuq l-irtirar mis-suq espress bħala proporzjon tal-volum tal-produzzjoni mqiegħda fis-suq ta’ kwalunkwe prodott fi kwalunkwe organizzazzjoni ta’ produtturi. Bil-għan li titħeġġeġ id-distribuzzjoni ħielsa bħala destinazzjoni għal tali rtirar, dak il-limitu ma għandux jinkludi prodotti mibgħuta għad-distribuzzjoni ħielsa.

(2)

It-tielet subparagrafu ta’ l-Artikolu 80(2) jipprovdi għal marġni ta’ żball ta’ 3 % fil-kalkolu tal-volum tal-produzzjoni mqiegħda fis-suq. Billi dawn it-termini aktarx jistgħu jitqiesu li mhumiex ċari biżżejjed, għall-finijiet taċ-ċarezza, din id-dispożizzjoni għandha tirreferi għal marġni ta’ eċċess ta’ 3 %.

(3)

L-Artikolu 55(3) tar-Regolament (KE) Nru 1182/2007 jipprovdi li l-programmi operattivi approvati qabel il-31 ta’ Diċembru 2007 jistgħu jiġu mmodifikati biex jilħqu r-rekwiżiti ta’ dak ir-Regolament. Madankollu, tali modifiki jeħtieġu li l-Istat Membru kkonċernat jadotta strateġija nazzjonali skond dak ir-Regolament, u dan jista’ jirrikjedi żmien twil fis-sena 2008.

(4)

Ma jistax isir irtirar mis-suq skond ir-Regolament tal-Kunsill (KE) Nru 2200/96 (3) wara l-31 ta’ Diċembru 2007, wara l-emendi li saru għal dak ir-Regolament permezz tar-Regolament (KE) Nru 1182/2007.

(5)

Barra minn hekk, jixraq li tkun permessa fl-2008 l-introduzzjoni rapida tal-miżuri l-ġodda ta’ prevenzjoni u ġestjoni ta’ kriżijiet, fejn dan ikun vijabbli mil-lat amministrattiv u jkunu jistgħu jsiru l-verifiki xierqa, partikolarment dawk li jirrigwardaw il-promozzjoni, il-komunikazzjoni u t-taħriġ.

(6)

Għaldaqstant, sabiex tkun permessa t-tranżizzjoni bla xkiel bejn l-iskemi rregolati mir-Regolament (KE) Nru 2200/96 u (KE) Nru 1182/2007, kif ukoll l-implimentazzjoni rapida ta’ dawk il-miżuri ġodda ta’ prevenzjoni u ġestjoni ta’ kriżijiet, u sabiex tiġi evitata l-interruzzjoni bla bżonn tal-miżuri ta’ rtirar mis-suq, jeħtieġ li l-Istati Membri jitħallew jagħmlu eliġibbli l-infiq fuq tali miżuri applikati mill-1 ta’ Jannar 2008, inkluż fejn operazzjoni fil-qafas ta’ miżura ssir qabel ma l-programm operattiv ikkonċernat ikun ġie mmodifikat biex jinkludi dik il-miżura. Għal raġunijiet simili, l-Istati Membri għandhom jitħallew jawtorizzaw modifiki għal miżuri fi programmi eżistenti skond l-Artikolu 55(3) tar-Regolament (KE) Nru 1182/2007 biex ikopru l-infiq li jsir mill-1 ta’ Jannar 2008.

(7)

Għall-iskopijiet ta’ tmexxija tajba, l-operazzjoni għandha tirrispetta wkoll il-kundizzjonijiet tar-Regolament (KE) Nru 1580/2007, filwaqt li l-istrateġija nazzjonali u l-programm operattiv għandhom jiġu mmodifikati biex ikopru l-miżura kkonċernata qabel ma ssir applikazzjoni għall-ħlas ta’ l-għajnuna korrispondenti.

(8)

Ir-Regolament (KE) Nru 1580/2007 għandu għalhekk jiġi emendat skond dan.

(9)

Il-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

1.

Fl-Artikolu 80(2), l-ewwel subparagrafu jinbidel b’li ġej:

“2.   L-irtirar mis-suq ma għandux jeċċedi 5 % bħala proporzjon tal-volum tal-produzzjoni mqiegħda fis-suq ta’ kwalunkwe prodott fi kwalunkwe organizzazzjoni ta’ produtturi. Madankollu, l-ammonti li jitqassmu skond wieħed mill-modi msemmija fil-punti (a) u (b) ta’ l-Artikolu 10(4) tar-Regolament (KE) Nru 1182/2007, jew bi kwalunkwe mod ieħor approvat mill-Istati Membri skond l-Artikolu 81(2), ma għandhomx jitqiesu f’dak il-proporzjon”.

2.

Fl-Artikolu 80(2), it-tielet subparagrafu jinbidel b’li ġej:

“Il-perċentwali msemmija fl-ewwel subparagrafu għandhom ikunu medji annwali fuq perjodu ta’ tlett snin, b’marġni annwali ta’ eċċess ta’ 3 %.”

3.

Fl-Artikolu 152(2), jiżdiedu s-subparagrafi li ġejjin:

“L-Istati Membri jistgħu jistipulaw li l-infiq fuq miżura waħda jew aktar ta’ prevenzjoni u ġestjoni ta’ kriżijiet, relatati ma’ l-irtirar mis-suq, il-promozzjoni, il-komunikazzjoni u t-taħriġ, li jsiru fl-2008 minn organizzazzjoni ta’ produtturi, ikun eliġibbli anki jekk il-programm operattiv ma jkunx għadu ġie modifikat biex ikopri l-miżuri kkonċernati. Biex dan l-infiq ikun eliġibbli:

L-Istati Membri jistgħu jistipulaw li modifika għal miżura fil-qafas ta’ programm operattiv eżistenti, imwettqa skond il-punt (b) ta’ l-Artikolu 55(3) tar-Regolament (KE) Nru 1182/2007, tkopri l-infiq fuq l-operazzjonijiet li jsiru fl-2008 anki qabel ma ssir dik il-modifika, sakemm il-kundizzjoniiet tal-punti (a), (b) u (ċ) tar-raba’ subparagrafu jkunu rispettati.”