|
18.3.2008 |
MT |
Il-Ġurnal Uffiċjali ta’ l-Unjoni Ewropea |
L 75/49 |
REGOLAMENT TAL-KUNSILL (KE) Nru 241/2008
tas-17 ta’ Marzu 2008
dwar il-konklużjoni tal-Ftehim tas-Sħubija dwar is-Sajd bejn il-Komunità Ewropea u r-Repubblika tal-Ginea-Bissaw
IL-KUNSILL ta’ L-UNJONI EWROPEA,
wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 flimkien ma’ l-Artikolu 300(2) u (3), l-ewwel paragrafu,
Wara li kkunsidra l-proposta tal-Kummissjoni,
wara li kkunsidra l-opinjoni tal-Parlament Ewropew (1),
Billi:
|
(1) |
Il-Komunità nnegozjat mar-Repubblika tal-Ginea-Bissau Ftehim ta’ Sħubija dwar is-Sajd li jipprovdi lil bastimenti Komunitarji opportunitajiet ta’ sajd fl-ilmijiet li l-Ginea-Bissau għandha sovranità jew ġurisdizzjoni fuqhom f’dak li għandu x’jaqsam mas-sajd. |
|
(2) |
B’riżultat ta’ dawk in-negozjati ġie inizjalat Ftehim ta’ Sħubija dwar is-Sajd fit-23 ta’ Mejju 2007. |
|
(3) |
Huwa fl-interess tal-Komunità li tapprova dak il-Ftehim. |
|
(4) |
Huwa importanti li jiġi definit il-mod li bih jitqassmu l-opportunitajiet ta’ sajd bejn l-Istati Membri, |
ADOTTA DAN IR-REGOLAMENT:
Artikolu 1
Il-Ftehim tas-Sħubija dwar is-Sajd bejn il-Komunità Ewropea u r-Repubblika tal-Ginea-Bissaw (2) huwa approvat f’isem il-Komunità.
It-test tal-Ftehim huwa anness ma’ dan ir-Regolament.
Artikolu 2
1. L-opportunitajiet ta’ sajd stabbiliti bil-Protokoll għandhom jiġu allokati fost l-Istati Membri kif ġej:
|
(a) |
is-sajd għall-gambli:
|
|
(b) |
is-sajd għall-ħut u ċ-ċefalopodi:
|
|
(ċ) |
bastimenti bit-tartarun u bastimenti bil-konz tal-wiċċ li jistadu għat-tonn
|
|
(d) |
bastimenti bil-qasab u x-xlief:
|
2. Jekk l-applikazzjonijiet għal-liċenzji ta’ l-Istati Membri msemmija fil-paragrafu 1 ma jeżawrixxux l-opportunitajiet tas-sajd stabbiliti mill-Protokoll għall-Ftehim, il-Kummissjoni tista’ tqis applikazzjonijiet għal liċenzji mingħand kwalunkwe Stat Membru ieħor.
Artikolu 3
L-Istati Membri li l-bastimenti tagħhom jistadu skond il-Ftehim imsemmi fl-Artikolu 1 għandhom jinnotifikaw lill-Kummissjoni l-kwantitajiet ta’ kull stokk maqbuda fiż-żona tas-sajd tal-Ginea-Bissaw f’konformità mar-Regolament tal-Kummissjoni (KE) Nru 500/2001 ta’ l-14 ta’ Marzu 2001 li tistabbilixxi regoli dettaljati għall-applikazzjoni tar-Regolament tal-Kunsill (KEE) Nru 2847/93 dwar is-sorveljanza tal-qbid meħuda mid-dgħajjes tas-sajd tal-Komunità f’ibħra ta’ pajjiżi terzi u fl-ibħra miftuħa (3).
Artikolu 4
Il-President tal-Kunsill huwa awtorizzat jinnomina l-persuna jew persuni li jkollhom is-setgħa li jiffirmaw il-Ftehim sabiex b’hekk tintrabat il-Komunità.
Artikolu 5
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 17 ta’ Marzu 2008.
Għall-Kunsill
Il-President
I. JARC
(1) Opinjoni mogħtija fil-11 ta’ Marzu 2008.