15.2.2008 |
MT |
Il-Ġurnal Uffiċjali ta’ l-Unjoni Ewropea |
L 41/7 |
REGOLAMENT TAL-KUMMISSJONI (KE) Nru 132/2008
ta’ l-14 ta’ Frar 2008
li jemenda r-Regolament tal-Kummissjoni (KE) Nru 745/2004 li jistabbilixxi miżuri fir-rigward ta’ l-importazzjoni ta’ prodotti li joriġinaw minn annimali għall-konsum personali
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (1), u b'mod partikolari t-tielet inċiż ta’ l-Artikolu 8(5) tagħha,
Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997, li tistabbilixxi l-prinċipji li jirregolaw l-organizzazzjoni tal-kontrolli veterinarji fuq prodotti li jidħlu fil-Komunità minn pajjiżi terzi (2), u b'mod partikolari l-Artikoli 3(5), 16(3) u 17(7) tagħha,
Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-kamp veterinarju (3), u b’ mod partikolari l-Artikolu 6(3) tagħha,
Billi:
(1) |
Ir-Regolament tal-Kummissjoni (KE) Nru 745/2004 (4) jistipula miżuri marbuta ma’ l-importazzjoni tal-laħam u prodotti tal-laħam u tal-ħalib u ta’ prodotti tal-ħalib għall-konsum personali. Dawk il-prodotti huma definiti b'referenza għal xi prodotti mniżżla fl-Anness tad-Deċiżjoni tal-Kummissjoni 2002/349/KE tas-26 ta’ April 2002 li tistabbilixxi l-lista ta’ prodotti li għandhom jiġu eżaminati fil-kmamar ta’ spezzjoni fuq il-fruntiera skond id-Direttiva tal-Kunsill 97/78/KE (5). |
(2) |
Wara r-revoka tad-Deċiżjoni 2002/349/KE mis-17 ta’ Mejju 2007 bid-Deċiżjoni tal-Kummissjoni 2007/275/KE tas-17 ta’ April 2007 rigward il-listi ta’ annimali u prodotti li se jibdew ikunu suġġetti għall-kontroll f'postijiet ta’ spezzjoni fuq il-fruntiera skond id-Direttiva tal-Kunsill 91/496/KEE u 97/78/KE (6) u sabiex tiġi assigurata l-kjarezza, il-koerenza u t-trasparenza, huwa neċessarju li fir-Regolament (KE) Nru 745/2004 ikun hemm lista tal-prodotti li jaqgħu fil-firxa tagħha. |
(3) |
Ir-Regolament (KE) Nru 745/2004 għandu għalhekk jiġi emendat skond dan. |
(4) |
Il-miżuri previsti f'dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 745/2004 għandu jiġi emendat kif ġej:
(1) |
Fl-Artikolu 1, il-paragrafu 1 għandu jinbidel b'dan li ġej: “1. Għall-finijiet ta’ dan ir-Regolament, ‘laħam u prodotti tal-laħam’ u ‘ħalib u prodotti tal-ħalib’ huma l-prodotti mniżżla fl-Anness V”. |
(2) |
It-test fl-Anness għal dan ir-Regolament jiżdied bħala l-Anness V. |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmula fi Brussell, 14 ta’ Frar 2008.
Għall-Kummissjoni
Markos KYPRIANOU
Membru tal-Kummissjoni
(1) ĠU L 18, 23.1.2003, p. 11.
(2) ĠU L 24, 30.1.1998, p. 9. Id-Direttiva kif emendata l-aħħar bid-Direttiva 2006/104/KE (ĠU L 363, 20.12.2006, p. 352).
(3) ĠU L 224, 18.8.1990, p. 19. Id-Deċiżjoni kif emendata l-aħħar bir-Regolament (KE) Nru 1791/2006 (ĠU L 363, 20.12.2006, p. 1).
(4) ĠU L 122, 26.4.2004, p. 1.
ANNESS
“ANNESS V
Laħam u prodotti tal-laħam u ħalib u prodotti tal-ħalib imsemmija f'Artikolu 1(1)
kodiċi NM |
Deskrizzjoni |
Kwalifika u spjega |
|||||||||
Ex Kapitolu 2 (0201 -0210 ) |
Laħam u ġewwieni li jittiekel. |
Jeskludi s-saqajn taż-żrinġijiet (kodiċi NM 0208 90 70 ) |
|||||||||
0401 -0406 |
Prodotti tal-ħalib |
Kollha |
|||||||||
0504 00 00 |
Imsaren, bżieżeq ta' l-urina u stonkijiet ta' l-annimali (għajr tal-ħut), sħaħ u biċċiet minnhom, friski, imkessħa, iffriżati, immellħa, fis-salmura, imqadda jew iffumigati. |
Kollha |
|||||||||
1501 00 |
Xaħam tal-ħnieżer (inkluż il-lardu) u xaħam tat-tjur, barra minn dak ta' l-intestatura 0209 jew 1503 . |
Kollha |
|||||||||
1502 00 |
Xaħmijiet ta’ annimali bovini, nagħaġ jew mogħoż, barra minn dawk ta’ l-intestatura 1503 . |
Kollha |
|||||||||
1503 00 |
Xaħam stearina, żejt tax-xaħam, oleostearin, żejt oleo, żejt tax-xaħam ta' dam, li mhux emulsifikat jew imħallat jew imħejji b'xi mod ieħor. |
Kollha |
|||||||||
1506 00 00 |
Xaħmijiet u żjut oħra mill-annimali u l-frazzjonijiet tagħhom, irfinuti jew le, iżda mhux immodifikati kimikament: |
Kollha |
|||||||||
1601 00 |
Zalzett u prodotti simili, ta' laħam, fdal tal-laħam jew demm; preparazzjonijiet ta' l-ikel ibbażati fuq dawn il-prodotti. |
Kollha |
|||||||||
1602 |
Laħam ieħor, fdalijiet oħra tal-laħam jew demm ippreparati jew ippreservati. |
Kollha |
|||||||||
1702 11 00 1702 19 00 |
Lattosju u ġulepp tal-lattosju. |
Kollha |
|||||||||
ex 1901 |
Estratt tax-xgħir; preparazzjonijiet ta’ l-ikel minn dqiq, xgħir u barli mitħun oħxon, trab tal-qamħ, lamtu jew estratt tax-xgħir, mingħajr kawkaw jew li fih anqas minn 40 % bħala piż ta’ kawkaw ikkalkolat kompletament bla xaħam, mhux speċifikati jew inklużi band’oħra; preparazzjonijiet ta’ l-ikel minn prodotti ta’ l-intestaturi 0401 sa 0404 , mingħajr kawkaw jew li fihom anqas minn 5 % bħala piż ta’ kawkaw ikkalkolat kompletament bla xaħam, mhux speċifikati jew inklużi band’oħra. |
Dawk il-preparazzjonijiet biss li fihom il-ħalib. |
|||||||||
ex 1902 |
Għaġin, imsajjar jew mhux, u mimli jew mhux (bil-laħam jew xi sustanzi oħra) jew ippreparat mod ieħor, bħal spagetti, imqarrun, taljarini, lażanja, injokki, ravjul, kannelloni; couscous, sew jekk ippreparat jew le. |
Dawk il-preparazzjonijiet biss li fihom il-laħam. |
|||||||||
ex 2004 |
Ħxejjex oħrajn ippreparati jew ippreservati mod ieħor milli bil-ħall jew bl-aċtu aċetiku, iffriżati, ħlief prodotti taħt l-intestatura 2006 . |
Dawk il-preparazzjonijiet biss li fihom il-laħam. |
|||||||||
ex 2005 |
Ħxejjex oħra ppreparati jew ippreservati b'mod ieħor milli bil-ħall jew bl-aċtu aċetiku, mhux iffriżati, ħlief għall-prodotti taħt l-intestatura 2006 : |
Dawk il-preparazzjonijiet biss li fihom il-laħam. |
|||||||||
ex 2103 |
Zlazi u preparazzjonijiet għal dan l-iskop; kondimenti mħallta u taħwir imħallat; dqiq u trab mitħun tal-mustarda u mustarda ppreparata. |
Dawk il-preparazzjonijiet biss li fihom il-laħam jew il-ħalib. |
|||||||||
ex 2104 |
Sopop u brodi u preparazzjonijiet għalihom; preparazzjonijiet omoġenizzati ta' ikel kompost. |
Dawk il-preparazzjonijiet biss li fihom il-laħam jew il-ħalib. |
|||||||||
ex 2105 00 |
Ġelat u silġ ieħor li jittiekel, sew jekk ikun fih il-kawkaw jew le. |
Dawk il-preparazzjonijiet biss li fihom il-ħalib. |
|||||||||
ex 2106 |
Preparazzjonijiet ta’ l-ikel mhux speċifikati jew inklużi band’oħra |
Dawk il-preparazzjonijiet biss li fihom il-laħam jew il-ħalib. |
|||||||||
ex 2309 |
Preparazzjonijiet ta’ tip li jintuża għall-għalf ta’ l-annimali. |
Ikel tal-pets, ikel li jomgħod il-kelb, u ikliet imħallta biss li fihom il-laħam jew il-ħalib. |
|||||||||
Noti:
|