ANNESS I
“ANNESS III
Id-dikjarazzjoni tal-fornituri għal prodotti li m'għandhomx status ta' oriġini preferenzjali
Id-dikjarazzjoni tal-fornituri, li t-test tagħha qed jidher hawn taħt, għandha timtela f’konformità man-noti f’qiegħ il-paġna. Madankollu, in-noti f’qiegħ il-paġna m’hemmx għalfejn jerġgħu jinkitbu.
ID-DIKJARAZZJONI
Jiena, hawn taħt iffirmat, fornitur ta' l-oġġetti koperti mid-dokument anness, niddikjara li:
1. Il-materjali li ġejjin, li m'għandhomx status ta' oriġini preferenzjali, intużaw fil-Komunità għall-produzzjoni ta' dawn l-oġġetti:
Deskrizzjoni ta' l-oġġetti pprovduti (1)
Deskrizzjoni tal-materjali li ntużaw li ma joriġinawx mill-Komunità
Intestatura HS ta' materjali li ma joriġinawx fil-Komunità li ntużaw (2)
Il-valur tal-materjali li ma joriġinawx fil-Komunità li ntużaw (3)
Total:
2. Il-materjali kollha l-oħra użati fil-Komunità għall-produzzjoni ta' dawn l-oġġetti joriġinaw fi … (4) u jissodisfaw ir-regoli ta' l-oriġini li jiggvernaw il-kummerċ preferenzjali ma' … (5), u
Niddikjara li: (6)
Kumulazzjoni applikata ma’ … (isem tal-pajjiż/pajjiżi)
L-ebda kumulazzjoni ma tapplika
Nimpenja ruħi li nqiegħed għad-dispożizzjoni ta' l-awtoritajiet tad-dwana kwalunkwe dokument ta' prova li jeħtieġu.
… (7)
… (8)
… (9)
(1) Meta l-fattura, formola tat-twassil jew dokument kummerċjali ieħor li d-dikjarazzjoni hija mehmuża miegħu, tkun marbuta ma' varjetà ta' oġġetti, inkella oġġetti li ma jinkorporawx l-istess proporzjon ta' materjali li ma joriġinawx mill-Komunità, il-fornitur irid jiddifferenzja bejniethom b'mod ċar. Eżempju: Id-dokument ikopri mudelli differenti ta' mutur elettriku ta' l-intestatura 8501, għall-użu fil-manifattura tal-magni tal-ħasil tal-ħwejjeġ ta' l-intestatura 8450. In-natura u l-valur tal-materjali li ma joriġinawx fil-Komunità, użati fil-manifattura jvarjaw bejn mudell u ieħor. Il-mudelli jridu jiġu elenkati b'mod separat fil-kolonna 1 u l-informazzjoni fil-kolonni l-oħra trid titniżżel għal kull wieħed, sabiex il-manifattur tal-magni tal-ħasil tal-ħwejjeġ ikun jista' jivvaluta b'mod korrett l-istatus ta' l-oriġini ta' kull wieħed mill-prodotti tiegħu skond it-tip ta' mutur li tkun tinkorpora.
(2) Għandu jiġi kkompletat biss meta jkun rilevanti. Eżempju: Ir-regola għall-ħwejjeġ ta' l-ex Kapitlu 62 tippermetti l-użu ta' ħajt li ma joriġinawx fil-Komunità. Għalhekk, jekk manifattur tal-ħwejjeġ Franċiż juża materjal minsuġ fil-Portugal minn ħajt li ma joriġinax mill-Komunità, il-fornitur Portugiż jeħtieġ biss li jdaħħal ‘ħajt’ bħala materjal li ma joriġinax mill-Komunità fil-kolonna 2 tad-dikjarazzjoni tiegħu, l-intestatura HS u l-valur tal-ħajt huma irrelevanti. Kumpannija li timmanifattura l-wajer ta' l-intestatura HS 7217 minn vireg tal-ħadid li ma joriġinawx fil-Komunità trid iddaħħal biss ‘vireg tal-ħadid’ fil-kolonna 2. Jekk il-wajer ikun se jintuża f'magna li għaliha r-regola ta' l-oriġini tiffissa limitu ta' perċentwal fuq il-valur ta' materjali li ma joriġinawx mill-Komunità, li jintużaw, il-valur tal-vireg irid jiddaħħal fil-kolonna 4.
(3) ‘Valur’ tfisser il-valur doganali fil-mument ta' l-importazzjoni tal-materjali jew, jekk dan ma jkunx magħruf u ma jistax jiġi aċċertat, l-ewwel prezz aċċertabbli mħallas għall-materjali fil-Komunità. Għal kull tip ta' materjal mhux oriġinanti li jintuża, speċifika l-valur eżatt għal kull unità ta' l-oġġetti murija fil-kolonna 1.
(4) Il-Komunità, il-pajjiż, il-grupp ta' pajjiżi jew territorju minn fejn joriġinaw il-materjali. J.
(5) Pajjiż, grupp ta’ pajjiżi jew territorju kkonċernat
(6) Għandha timtela' fejn meħtieġ, għal oġġetti li għandhom status ta' oriġini preferenzjali biss fil-kuntest ta' relazzjonijiet kummerċjali preferenzjali ma' wieħed mill-pajjiżi msemmija fl-Artikoli 3 u 4 tal-Protokoll ta' l-oriġini rilevanti, li magħhom tapplika l-Kumulazzjoni ta' l-Oriġini Pan-Ewro-Mediterranja.
(7) Il-post u d-data.
(8) Isem u kariga, isem u indirizz tal-kumpannija.
(9) Firma.”
