(1)

Mid-dħul fis-seħħ tar-Regolament tal-Kunsill (KEE) Nru 386/90 (1), għadd ta’ Stati Membri organizzaw mill-ġdid is-servizzi doganali tagħhom u dan wassal għal tnaqqis sinifikanti fl-għadd ta’ uffiċċji doganali. L-introduzzjoni tal-proċeduri ta’ l-esportazzjoni tad-dwana pproċessati b’mod elettroniku b’kontroll iċċentralizzat naqqset ir-rilevanza ta’ l-uffiċċju doganali ta’ l-esportazzjoni bħala l-bażi għall-applikazzjoni tar-rati ta’ l-iċċekkjar.

(2)

Barra minn hekk, l-użu tat-tekniki ta’ l-immaniġġar tar-riskju inkluż l-analiżi tar-riskju, għandu jwassal għal tixrid tal-kontrolli fiżiċi fost l-esportaturi kollha. Madankollu, l-allokazzjoni effiċjenti tal-kontrolli għas-setturi u l-esportaturi kollha fejn għandhom ikunu ta’ prijorità, qed tkun imfixkla mir-rekwiżit li jiġu allokati rati minimi ta’ kontrolli fuq il-livell ta’ l-uffiċċju doganali ta’ l-esportazzjoni. Għalhekk, fl-interess ta’ l-effiċjenza u s-sempliċità u skond il-prinċipju ta’ l-immaniġġar komuni, dawk l-Istati Membri li japplikaw l-analiżi tar-riskju f’konformità mal-liġi Komunitarja għandu jkollhom l-opportunità li japplikaw ir-rata minima ta’ kontroll fuq livell nazzjonali, iktar milli fuq livell ta’ l-uffiċċju doganali ta’ l-esportazzjoni.

(3)

Ir-Regolament (KEE) Nru 386/90 għandu għalhekk jiġi emendat kif meħtieġ,