li temenda d-Direttiva tal-Kunsill 91/414/KEE biex tinkludi l-benthiavalicarb, il-boscalid, il-carvone, il-fluoxastrobin, il-Paecilomyces lilacinus u l-prothioconazole bħala sustanzi attivi

Wara li kkunsidrat id-Direttiva tal-Kunsill 91/414/KEE tal-15 ta' Lulju 1991 dwar it-tqegħid fis-suq ta' prodotti għall-ħarsien tal-pjanti (1), u b'mod partikolari l-Artikolu 6(1) tagħha,

L-Anness I tad-Direttiva 91/414/KEE huwa emendat kif stipulat fl-Anness ta' din id-Direttiva.

1. L-Istati Membri għandhom jadottaw u jippubblikaw sal-31 ta' Jannar 2009 dawk il-liġijiet, regolamenti u dispożizzjonijiet amministrattivi meħtieġa biex tiġi mħarsa din id-Direttiva. Huma għandhom minnufih jikkomunikaw lill-Kummissjoni t-test ta’ dawn id-dispożizzjonijiet u tabella ta’ korrelazzjoni bejn dawn id-dispożizzjonijiet u din id-Direttiva.

Meta l-Istati Membri jadottaw dawn id-dispożizzjonijiet, għandu jkollhom referenza għal din id-Direttiva jew ikollhom magħhom din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir tali referenza.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.

1. L-Istati Membri għandhom, skond id-Direttiva 91/414/KEE u fejn meħtieġ, jemendaw jew jirtiraw l-awtorizzazzjonijiet eżistenti għal prodotti għall-ħarsien tal-pjanti li fihom il-benthiavalicarb, il-boscalid, il-carvone, il-fluoxastrobin, il-Paecilomyces lilacinus jew il-prothioconazole bħala sustanza attiva sal-31 ta' Jannar 2009. Sa din id-data huma għandhom b’mod partikolari jivverifikaw li jintlaħqu l-kundizzjonijiet fl-Anness I ta' din id-Direttiva relatati mal-benthiavalicarb, boscalid, carvone, fluoxastrobin, Paecilomyces lilacinus jew mal-prothioconazole, bl-eċċezzjoni ta’ dawk identifikati fil-parti B ta’ l-annotazzjoni dwar is-sustanza attiva, u li d-detentur ta’ l-awtorizzazzjoni jkollu f’idejh, jew ikollu aċċess għal, dossier li jissodisfa r-rekwiżiti ta’ l-Anness II ta’ din id-Direttiva skond il-kundizzjonijiet ta’ l-Artikolu 13(2) ta’ din id-Direttiva.

2. B’deroga minn paragrafu 1, għal kull prodott għall-ħarsien tal-pjanti li fih il-benthiavalicarb, boscalid, carvone, fluoxastrobin, Paecilomyces lilacinus jew il-prothioconazole bħala l-unika sustanza attiva jew bħala waħda minn bosta sustanzi attivi li huma kollha elenkati fl-Anness I tad-Direttiva 91/414/KEE sa mhux aktar tard mill-31 ta’ Lulju 2008, l-Istati Membri għandhom jerġgħu jevalwaw mill-ġdid il-prodott skond il-prinċipji uniformi li hemm imsemmija fl-Anness VI tad-Direttiva 91/414/KEE, fuq il-bażi ta’ dossier li jissodisfa r-rekwiżiti ta’ l-Anness III ta’ dik id-Direttiva u billi titqies il-parti B tad-daħla fl-Anness I ta’ dik id-Direttiva li tikkonċerna l-benthiavalicarb, il-boscalid, il-carvone, il-fluoxastrobin, il-Paecilomyces lilacinus jew il-prothioconazole. Fuq il-bażi ta' din il-valutazzjoni, għandhom jistabbilixxu jekk il-prodott jissodisfax il-kondizzjonijiet stipulati fl-Artikolu 4(1)(b), (ċ), (d) u (e) tad-Direttiva 91/414/KEE.

(6) Ir-Rapport Xjentifiku ta’ l-EFSA (2007) 102, 1-84, Konklużjoni dwar ir-reviżjoni esperta tal-valutazzjoni dwar ir-riskju marbut mal-pestiċidi tas-sustanza attiva fluoxastrobin (iffinalizzat: 13 ta' Ġunju 2007).

(7) Ir-Rapport Xjentifiku ta’ l-EFSA (2007) 103, 1-35, Konklużjoni dwar ir-reviżjoni esperta tal-valutazzjoni dwar ir-riskju marbut mal-pestiċidi tas-sustanza attiva Paecilomyces lilacinus strain 251 (iffinalizzat: 13 ta' Ġunju 2007).

(8) Ir-Rapport Xjentifiku ta’ l-EFSA (2007) 107, 1-81, Konklużjoni dwar ir-reviżjoni esperta tal-valutazzjoni dwar ir-riskju marbut mal-pestiċidi tas-sustanza attiva benthiavalicarb (iffinalizzat: 12 ta' Lulju 2007).

(9) Ir-Rapport Xjentifiku EFSA (2007) 106, 1-98, Konklużjoni dwar ir-reviżjoni esperta tal-valutazzjoni dwar ir-riskju marbut mal-pestiċidi tas-sustanza attiva prothioconazole (ffinalizzat: 12 ta' Lulju 2007).

ANNESS

Fl-Anness I għad-Direttiva 91/414/KEE, ir-ringieli li ġejjin huma miżjuda fl-aħħar tat-tabella:

Nru

Isem Komuni, Numri ta' Identifikazzjoni

Isem IUPAC

Purità (*)

Id-dħul fis-seħħ

Skadenza ta' l-inklużjoni

Dispożizzjonijiet speċifiċi

“169

Benthiavalicarb

Nru CAS 413615-35-7

Nru CIPAC 744

[(S)-1-{[(R)-1-(6-fluoro-1,3-benzothiazol-2-yl) ethyl]carbamoyl}-2-methylpropyl]carbamic acid

≥ 910 g/kg

L-impuritajiet manifatturati li ġejjin huma ta’ tħassib tossoloġiku u kull waħda minnhom ma għandhiex taqbeż ċertu ammont fil-materjal tekniku.

6,6′-difluoro-2,2′-dibenzothiazole: < 3,5 mg/kg

bis(2-amino-5-fluorophenyl) disulfide: < 14 mg/kg

1 ta’ Awwissu 2008

31 ta’ Lulju 2018

Parti A

L-użu bħala funġiċida biss jista’ jiġi awtorizzat.

Parti B

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-benthiavalicarb, b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-22 ta’ Jannar 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lis-sigurtà ta' l-operatur;

—	lill-ħarsien ta’ organiżmi artropodi mhux immirati.

Il-kundizzjonijiet għall-użu għandhom jinkludu miżuri għall-mitigazzjoni tar-riskju adegwati, fejn xieraq.

Waqt il-valutazzjoni ta’ l-applikazzjonijiet għall-awtorizzazzjoni tal-prodotti għall-ħarsien tal-pjanti li fihom il-benthiavalicarb għall-użu għajr dawk ta’ trattament fis-serer, l-Istati Membri għandhom joqogħdu partikolarment attenti għall-kriterji fl-Artikolu 4(1)(b), u għandhom jassiguraw li tiġi pprovduta kull data u tagħrif meħtieġ qabel ma tingħata awtorizzazzjoni bħal din.

L-Istati Membri għandhom jinfurmaw lill-Kummissjoni skond l-Artikolu 13(5) dwar l-ispeċifikazzjoni tal-materjal tekniku kif kummerċjalment manufatturat.

170

Boscalid

Nru CAS 188425-85-6

Nru CIPAC 673

2-Chloro-N-(4′-chlorobiphenyl-2-yl)nicotinamide

≥ 960 g/kg

1 ta’ Awwissu 2008

31 ta’ Lulju 2018

Parti A

L-użu bħala funġiċida biss jista’ jiġi awtorizzat.

Parti B

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-boscalid, u b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-22 ta’ Jannar 2008.

F'din il-valutazzjoni ġenerali l-Istati Membri jridu jagħtu attenzjoni partikolari:

—	lis-sigurtà ta' l-operatur;

—	lir-riskju fit-tul għall-għasafar u l-organiżmi tal-ħamrija;

—	lir-riskju ta’ l-akkumulazzjoni fil-ħamrija jekk is-sustanza hija użata f’uċuħ tar-raba' perenni jew fl-uċuħ suċċessivi tar-raba' fir-rotazzjoni tal-ħsad.

Il-kundizzjonijiet għall-użu għandhom jinkludu miżuri għall-mitigazzjoni tar-riskju adegwati, fejn xieraq.

171

Carvone

Nru CAS 99-49-0 (taħlita d/l)

Nru CIPAC 602

5-isopropenyl-2-methylcyclohex-2-en-1-one

≥ 930 g/kg bi proporzjon d/l ta’ mill-inqas 100:1

1 ta’ Awwissu 2008

31 ta’ Lulju 2018

Parti A

L-użu bħala regolatur għat-tkabbir tal-pjanti biss jista’ jiġi awtorizzat.

Parti B

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-carvone b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-22 ta’ Jannar 2008.

F’din il-valutazzjoni ġenerali l-Istati Membri jridu jagħtu attenzjoni partikolari għar-riskju ta’ l-operaturi.

Il-kundizzjonijiet għall-użu għandhom jinkludu miżuri għall-mitigazzjoni tar-riskju, fejn xieraq.

172

Fluoxastrobin

Nru CAS 361377-29-9

Nru CIPAC 746

(E)-{2-[6-(2-chlorophenoxy)-5-fluoropyrimidin-4-yloxy]phenyl}(5,6-dihydro-1,4,2-dioxazin-3-yl)methanone O-methyloxime

≥ 940 g/kg

1 ta’ Awwissu 2008

31 ta’ Lulju 2018

Parti A

L-użu bħala funġiċida biss jista’ jiġi awtorizzat.

Parti B

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-fluoxastrobin b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-22 ta’ Jannar 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lis-sigurtà ta' l-operatur, b'mod partikolari meta jittratta l-konċentrat mhux imħallat. Il-kondizzjonijiet ta’ l-użu għandhom jinkludu miżuri ta’ ħarsien adegwati, bħall-ilbies ta’ maskra ta’ protezzjoni għall-wiċċ;

—	lill-ħarsien ta' organiżmi akwatiċi. Miżuri ta' tnaqqis tar-riskju għandhom ikunu applikati, fejn hu xieraq;

—	il-livelli ta’ residwi tal-metaboliti tal-fluoxastrobin, meta t-tiben minn żoni ttrattati jintuża bħala għalf. Il-kondizzjonijiet ta’ l-użu għandhom jinkludu restrizzjonijiet għall-għalf ta' l-annimali, fejn xieraq;

—	lir-riskju ta’ l-akkumulazzjoni fil-ħamrija, jekk is-sustanza hija użata f’uċuħ tar-raba' perenni jew fl-uċuħ suċċessivi tar-raba' fir-rotazzjoni tal-ħsad.

Il-kundizzjonijiet għall-użu għandhom jinkludu miżuri għall-mitigazzjoni tar-riskju, fejn xieraq.

L-Istati Membri kkonċernati għandhom jitolbu l-preżentazzjoni ta’:

—	data li tippermetti li ssir evalwazzjoni tar-riskju komprensiva ta’ l-ilma fejn jitqies it-tifrix tal-bexx, il-fawran, id-dranaġġ u l-effettività ta’ miżuri ta’ tnaqqis potenzjali ta’ riskju;

—	data dwar it-tossiċità ta’ metoboliti mhux tal-firien jekk it-tiben miż-żoni ttrattati għandu jintuża bħala għalf.

Huma għandhom jiżguraw li n-notifikant li fuq talba tiegħu ġie inkluż il-fluoxastrobin f’dan l-Anness, jipprovdi studji bħal dawn lill-Kummissjoni fi żmien sentejn mid-dħul fis-seħħ ta’ din id-Direttiva ta’ inklużjoni.

173

Paecilomyces lilacinus (Thom)

Samson 1974 strain 251 (AGAL: nru 89/030550)

Nru CIPAC 753

Mhux applikabbli

1 ta’ Awwissu 2008

31 ta’ Lulju 2018

Parti A

L-użu bħala nematiċida biss jista’ jiġi awtorizzat.

Parti B

Għall-implimentazzjoni tal-prinċipji uniformi ta' l-Anness VI, għandhom jitqiesu l-konklużjonijiet tar-rapport ta' reviżjoni dwar il-Paecilomyces lilacinus u b'mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta' l-Annimali fit-22 ta’ Jannar 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lis-sigurtà ta' l-operatur (għalkemm ma kienx meħtieġ li jiġi stipulat AOEL, bħala regola ġenerali, il-mikroorganiżmi għandhom jitqiesu bħala sensitizzaturi potenzjali);

—	lill-ħarsien ta’ artropodi mhux immirati fejn jgħixu l-weraq.

Il-kundizzjonijiet għall-użu għandhom jinkludu miżuri għall-mitigazzjoni tar-riskju, fejn xieraq.

174

Prothioconazole

Nru CAS 178928-70-6

Nru CIPAC 745

RS)-2-[2-(1-chlorocyclopropyl)-3-(2-chlorophenyl)-2-hydroxypropyl]-2,4-dihydro-1,2,4-triazole-3-thione

≥ 970 g/kg

L-impuritajiet manifatturati li ġejjin huma ta’ tħassib tossoloġiku u kull waħda minnhom ma għandhiex taqbeż ċertu ammont fil-materjal tekniku.

—	Toluene: < 5 g/kg

—	Prothioconazole-desthio (2-(1-chlorocycloproyl)1-(2-chlorophenyl)-3-(1,2,4-triazol-1-yl)-propan-2-ol): < 0.5 g/kg (LOD)

1 ta’ Awwissu 2008

31 ta’ Lulju 2018

Parti A

L-użu bħala funġiċida biss jista’ jiġi awtorizzat.

Parti B

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-prothioconazole, u b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-22 ta’ Jannar 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lill-operatur tas-sigurtà fl-applikazzjonijiet ta’ bexx. Il-kundizzjonijiet ta’ l-użu għandhom jinkludu miżuri xierqa ta’ ħarsien;

—	lill-ħarsien ta' organiżmi akwatiċi. Miżuri ta' tnaqqis tar-riskju għandhom ikunu applikati, fejn hu xieraq;

—	lill-ħarsien ta’ l-għasafar u l-mammiferi żgħar. Miżuri ta' tnaqqis tar-riskju għandhom ikunu applikati fejn hu xieraq.

Il-kundizzjonijiet għall-użu għandhom jinkludu miżuri għall-mitigazzjoni tar-riskju, fejn xieraq.

L-Istati Membri kkonċernati għandhom jitolbu l-preżentazzjoni ta’:

—	tagħrif biex jippermetti li ssir evalwazzjoni ta’ l-esponiment tal-konsumaturi għad-derivattivi tal-metaboliti tat-tirazole fl-uċuħ ewlenin tar-raba', fir-rotazzjoni tal-ħsad, u fil-prodotti li joriġinaw mill-annimali;

—	tqabbil tal-mod ta’ azzjoni tad-derivattivi tal-metaboliti tal-prothioconazole u tat-triazole biex tkun tista’ ssir l-evalwazzjoni tat-tossiċità li tirrizulta mill-esponiment kombinat ta’ dawn il-komposti;

—	tagħrif li jkompli jindirizza r-riskju fit-tul għall-għasafar u l-mammiferi granivori li jiġi mill-użu tal-prothioconazole bħala trattament għaż-żerriegħa.

Huma għandhom jiżguraw li n-notifikant li fuq talba tiegħu ġie inkluż il-prothioconazole f’dan l-Anness, jipprovdi studji bħal dawn lill-Kummissjoni fi żmien sentejn mid-dħul fis-seħħ ta’ din id-Direttiva ta’ inklużjoni.”

(*) Iktar dettalji dwar l-identità u l-speċifikazzjoni ta' sustanzi attivi huma pprovduti fir-rapport ta' analiżi.