AZZJONI KONĠUNTA TAL-KUNSILL 2008/229/PESK

tas-17 ta’ Marzu 2008

li tememda l-Azzjoni Konġunta 2007/369/PESK dwar l-istabbiliment tal-Missjoni tal-Pulizija ta’ l-Unjoni Ewropea fl-Afganistan (EUPOL AFGHANISTAN)

IL-KUNSILL TA’ L-UNJONI EWROPEA,

Wara li kkunsidra t-Trattat dwar l-Unjoni Ewropea u b’mod partikolari l-Artikolu 14 tiegħu,

Billi:

(1)	Fit-30 ta’ Mejju 2007 l-Kunsill adotta l-Azzjoni Konġunta 2007/369/PESK li tistabbilixxi Missjoni tal-Pulizija ta’ l-Unjoni Ewropea fl-Afganistan (EUPOL AFGHANISTAN) (1) għal perijodu ta’ 3 snin. Il-fażi operattiva ta’ l-EUPOL AFGHANISTAN bdiet fil-15 ta’ Ġunju 2007.

(2)	L-ammont finanzjarju ta’ referenza previst fl-Artikolu 13(1) ta’ l-Azzjoni Konġunta 2007/369/PESK għandu jiġi estiż biex ikopri l-perijodu sat-30 ta’ Settembru 2008,

ADOTTA DIN L-AZZJONI KONĠUNTA:

Artikolu 1

L-Azzjoni Konġunta 2007/369/PESK hija b’dan emendata kif ġej:

(1)	Il-paragrafu 1 ta’ l-Artikolu 13 għandu jiġi sostitwit b’dan li ġej: “1. L-ammont finanzjarju ta’ referenza maħsub sabiex ikopri l-ispiża relatata ma’ l-EUPOL AFGHANISTAN sat-30 ta’ Settembru 2008 għandu jkun ta’ EUR 43 600 000.”;

(2)	Il-paragrafu 2 ta’ l-Artikolu 13 għandu jiġi sostitwit b’dan li ġej: “2. L-ammont finanzjarju ta’ referenza għall-kumplament tas-sena 2008, kif ukoll għas-snin 2009 u 2010 għall-EUPOL AFGHANISTAN għandu jkun deċiż mill-Kunsill.”

Artikolu 2

Din l-Azzjoni Konġunta għandha tidħol fis-seħħ fid-data ta’ l-adozzjoni tagħha.

Artikolu 3

Din l-Azzjoni Konġunta għandha tkun ippubblikata fil-Ġurnal Uffiċjali ta’ l-Unjoni Ewropea.

Magħmula fi Brussell, 17 ta’ Marzu 2008.

Għall-Kunsill

Il-President

I. JARC

(1) ĠU L 139, 31.5.2007, p. 33. Azzjoni Konġunta kif emendata bl-Azzjoni Konġunta 2007/733/PESK (ĠU L 295, 14.11.2007, p. 31).