|
10.10.2008 |
MT |
Il-Ġurnal Uffiċjali ta’ l-Unjoni Ewropea |
L 269/11 |
DEĊIŻJONI TAL-KUMMISSJONI
tad-9 ta’ Ottubru 2008
li temenda d-Deċiżjoni 2005/56/KE li tistabbilixxi l-Aġenzija Eżekuttiva, Edukattiva, Awdjoviżiva u Kulturali għat-tmexxija tal-azzjoni komunitarja fl-oqsma tal-edukazzjoni, l-awdjoviżiv u l-kultura, fl-applikazzjoni tar-Regolament tal-Kunsill (KE) Nru 58/2003
(2008/785/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 58/2003 tal-Kunsill tad-19 ta’ Diċembru 2002 li jfassal l-istatut għall-aġenziji eżekuttivi li jridu jiġu fdati b’ċerti kompiti fit-tmexxija tal-programmi tal-Komunità (1), u b’mod speċjali l-paragrafu 1 tal-Artikolu 3 tiegħu,
Billi:
|
(1) |
L-Aġenzija eżekuttiva “Edukazzjoni, Awdjoviżiv u Kultura” (minn hawn ‘il quddiem imsejħa l-“aġenzija”) ġiet stabbilita mid-Deċiżjoni tal-Kummissjoni Nru 2005/56/KE (2). Hi tmexxi l-azzjoni Komunitarja fl-oqsma tal-edukazzjoni, tal-awdjoviżiv u tal-kultura, u dan jinkludi proġetti ffinanzjati mill-istrumenti tal-politika Ewropea rigward l-għajnuna esterna, mid-Disa’ Fond Ewropew tal-iżvilupp u minn ċerti ftehimiet konklużi mill-Komunità mal-Istati Uniti tal-Amerika u l-Kanada. |
|
(2) |
Fil-31 ta’ Diċembru 2006, it-tielet fażi tal-programm trans-Ewropew ta’ kooperazzjoni għall-edukazzjoni ta’ livell għoli (TEMPUS III) skadiet. Il-Kummissjoni ddeċidiet li ttawwal din l-azzjoni għall-perjodu 2007-2013 (Tempus IV) u li tiġi ffinanzjata mid-dispożizzjonijiet ta’ tliet strumenti tal-politika Ewropea rigward l-għajnuna esterna, jiġifieri l-istrument ta’ għajnuna ta’ qabel l-adeżjoni (IPA), l-Istrument Ewropew tal-Viċinat u ta’ Sħubija u l-istrument ta’ finanzjament tal-kooperazzjoni għall-iżvilupp. |
|
(3) |
Fuq il-bażi tal-inizjattivi mmexxija mill-Komunità Ewropea mal-Istati Uniti tal-Amerika u l-Kanada, il-Kummissjoni, barra minn hekk, iddeċidiet li ssaħħaħ il-kooperazzjoni fl-oqsma tal-edukazzjoni u taż-żgħażagħ mal-pajjiżi industrijalizzati u l-pajjiżi u t-territorji l-oħra bi dħul għoli. |
|
(4) |
Valutazzjoni esterna ffinalizzata f’April 2008 permezz tal-Kummissjoni wriet li l-użu tal-aġenzija jikkostitwixxi l-aħjar soluzzjoni għat-tmexxija tal-programm Tempus (ir-raba’ fażi tal-programm kif ukoll l-għeluq tat-tielet fażi) u ta’ dawn il-proġetti ffinanzjati mill-istrument ta’ kooperazzjoni mal-pajjiżi industrijalizzati u l-pajjiżi u t-territorji l-oħra bi dħul għoli. B’hekk, din il-valutazzjoni rrakkomandat l-estensjoni tal-ħidmiet tal-aġenzija għat-tmexxija ta’ dawn il-programmi u proġetti. |
|
(5) |
Għaldaqstant jeħtieġ li tiġi emendata d-Deċiżjoni 2005/56/KE. |
|
(6) |
Id-dispożizzjonijiet stabbiliti f’din id-Deċiżjoni huma konformi mal-opinjoni tal-Kumitat għall-Aġenziji Eżekuttivi, |
TIDDEĊIEDI:
Artikolu waħdieni
L-Artikolu 4(1) tad-Deċiżjoni 2005/56/KE jinbidel bit-test li ġej:
“1. L-Aġenżija hi responsabbli mit-tmexxija ta’ ċerti partijiet tal-programmi Komunitarji li ġejjin:
|
(1) |
il-proġetti tal-qasam tat-tagħlim superjuri li għandhom mnejn jiġu ffinanzjati mid-dispożizzjonijiet rigward l-għajnuna ekonomika favur ċerti pajjiżi tal-Ewropa ċentrali u tal-Lvant (Phare), approvati mir-Regolament tal-Kunsill (KEE) Nru 3906/89 (3); |
|
(2) |
il-programm ta’ tħeġġiġ għall-iżvilupp u t-tqassim ta’ xogħlijiet awdjoviżivi Ewropej (MEDIA II – Żvilupp u tqassim) (1996-2000), approvat mid-Deċiżjoni tal-Kunsill 95/563/KE (4). |
|
(3) |
il-programm ta’ taħriġ għall-professjonisti tal-industrija Ewropea tal-programmi awdjoviżivi (MEDIA II – Taħriġ) (1996-2000), approvat mid-Deċiżjoni tal-Kunsill 95/564/KE (5); |
|
(4) |
it-tieni fażi tal-programm ta’ azzjoni Komunitarja għal dak li għandu x’jaqsam mal-edukazzjoni ‘Socrates’ (2000-2006), approvata mid-Deċiżjoni 253/2000/KE tal-Parlament Ewropew u tal-Kunsill (6); |
|
(5) |
it-tieni fażi tal-programm ta’ azzjoni Komunitarja għal dak li għandu x’jaqsam mat-taħriġ professjonali ‘Leonardo da Vinci’ (2000-2006), approvata mid-Deċiżjoni tal-Kunsill 1999/382/KE (7); |
|
(6) |
il-programm ta’ azzjoni Komunitarja ‘YOUTH’ (2000-2006), approvat mid-Deċiżjoni Nru 1031/2000/KE tal-Parlament Ewropew u tal-Kunsill (8); |
|
(7) |
il-programm ‘Kultura 2000’ (2000-2006), approvat mid-Deċiżjoni 508/2000/KE tal-Parlament Ewropew u tal-Kunsill (9); |
|
(8) |
il-proġetti tal-qasam tal-edukazzjoni ta’ livell għoli li għandhom mnejn jiġu ffinanzjati mid-dispożizzjonijiet li għandhom x’jaqsmu mal-provvediment ta’ għajnuna għall-Istati msieħba tal-Ewropa orjentali u tal-Ażja ċentrali (2000-2006), stipulati mir-Regolament tal-Kunsill (KE, Euratom) Nru 99/2000 (10); |
|
(9) |
il-proġetti tal-qasam tat-tagħlim superjuri li għandhom mnejn li jiġu ffinanzjati mid-dispożizzjonijiet li għandhom x’jaqsmu mal-għajnuna lill-Albanija, lill-Bożnija Ħerżegovina, lill-Kroazja, lil dik li qabel kienet ir-Repubblika Federali Jugoslava tal-Maċedonja, lill-Montenegro, lis-Serbja u lill-Kosovo (UNSCR 1244) (2000-2006), approvati fil-qafas tar-Regolament tal-Kunsill (KE) Nru 2666/2000 (11); |
|
(10) |
il-proġetti tal-qasam tal-edukazzjoni ta’ livell għoli li għandhom mnejn li jiġu ffinanzjati mid-dispożizzjonijiet li għandhom x’jaqsmu mal-miżuri ta’ akkumpanjament finanzjarji u tekniċi (MEDA) għar-riforma tal-istrutturi ekonomiċi u soċjali fil-qafas tas-sħubija Ewro-Mediterranja, approvati mir-Regolament tal-Kunsill (KE) Nru 2698/2000 (12); |
|
(11) |
it-tielet fażi tal-programm trans-Ewropew ta’ kooperazzjoni għall-edukazzjoni ta’ livell għoli (Tempus III) (2000-2006), approvata mid-Deċiżjoni tal-Kunsill 1999/311/KE (13); |
|
(12) |
il-proġetti li għandhom mnejn li jiġu ffinanzjati mid-dispożizzjonijiet tal-ftehim bejn il-Komunità Ewropea u l-Istati Uniti tal-Amerika li jġeddu programm ta’ kooperazzjoni fil-qasam tat-tagħlim superjuri u tat-tagħlim u tat-taħriġ professjonali (2001-2005), approvat mid-Deċiżjoni tal-Kunsill 2001/196/KE (14); |
|
(13) |
il-proġetti li għandhom mnejn li jiġu ffinanzjati mid-dispożizzjonijiet tal-ftehim bejn il-Komunità Ewropea u l-Gvern tal-Kanada li jġeddu programm ta’ kooperazzjoni fil-qasam tal-edukazzjoni ta’ livell għoli u tat-taħriġ (2001-2005), approvat mid-Deċiżjoni tal-Kunsill 2001/197/KE (15); |
|
(14) |
il-programm ta’ tħeġġiġ għall-iżvilupp tax-xogħlijiet awdjoviżivi Ewropej (MEDIA Plus – Żvilupp, Tqassim u Promozzjoni) (2001-2006), approvat mid-Deċiżjoni tal-Kunsill 2000/821/KE (16); |
|
(15) |
il-programm ta’ taħriġ għall-professjonisti tal-industrija Ewropea tal-programmi awdjoviżivi (MEDIA-taħriġ) (2001-2006), approvat mid-Deċiżjoni Nru 163/2001/KE tal-Parlament Ewropew u tal-Kunsill (17); |
|
(16) |
il-programm multiannwali għall-integrazzjoni effiċjenti tat-teknoloġiji ta’ tagħrif u tal-komunikazzjoni (ICT) fis-sistemi tal-edukazzjoni u ta’ taħriġ fl-Ewropa (‘tagħlim onlajn’/‘e-learning’) (2004-2006) approvat mid-Deċiżjoni Nru 2318/2003/KE tal-Parlament Ewropew u tal-Kunsill (18); |
|
(17) |
il-programm ta’ azzjoni Komunitarja għall-promozzjoni taċ-ċittadinanza Ewropea attiva (sehem ċivili) (2004-2006), approvat mid-Deċiżjoni tal-Kunsill 2004/100/KE (19); |
|
(18) |
il-programm ta’ azzjoni Komunitarja għall-promozzjoni tal-entitajiet attivi fuq livell Ewropew fil-qasam taż-żgħażagħ (2004-2006), approvat mid-Deċiżjoni Nru 790/2004/KE tal-Parlament Ewropew u tal-Kunsill (20); |
|
(19) |
il-programm ta’ azzjoni Komunitarja għall-promozzjoni tal-entitajiet attivi fuq livell Ewropew u l-appoġġ tal-attivitajiet speċifiċi fil-qasam tal-edukazzjoni u tat-taħriġ (2004-2006), approvat mid-Deċiżjoni Nru 791/2004/KE tal-Parlament Ewropew u tal-Kunsill (21); |
|
(20) |
il-programm ta’ azzjoni Komunitarja għall-promozzjoni tal-entitajiet attivi fuq livell Ewropew fil-qasam tal-kultura (2004-2006), approvat mid-Deċiżjoni Nru 792/2004/KE tal-Parlament Ewropew u tal-Kunsill (22); |
|
(21) |
il-programm biex titjieb il-kwalità tal-edukazzjoni ta’ livell għoli u jitħeġġeġ il-fehim interkulturali permezz tal-kooperazzjoni mal-pajjiżi terzi (Erasmus Mundus) (2004-2008), approvat mid-Deċiżjoni Nru 2317/2003/KE tal-Parlament Ewropew u tal-Kunsill (23); |
|
(22) |
il-proġetti li għandhom mnejn li jiġu ffinanzjati mid-dispożizzjonijiet tal-ftehim bejn il-Komunità Ewropea u l-Istati Uniti tal-Amerika li jġeddu l-programm ta’ kooperazzjoni fil-qasam tal-edukazzjoni ta’ livell għoli u tat-tagħlim u tat-taħriġ professjonali (2006-2013), approvat mid-Deċiżjoni tal-Kunsill 2006/910/KE (24); |
|
(23) |
il-proġetti li għandhom mnejn li jiġu ffinanzjati mid-dispożizzjonijiet tal-ftehim bejn il-Komunità Ewropea u l-Gvern tal-Kanada li jistabbilixxu qafas ta’ kooperazzjoni fl-qasam tal-edukazzjoni ta’ livell għoli, tat-taħriġ u taż-żgħażagħ (2006-2013), approvat mid-Deċiżjoni tal-Kunsill 2006/964/KE (25); |
|
(24) |
il-programm ta’ azzjoni fil-qasam tal-edukazzjoni u tat-taħriġ kontinwu ‘Life Long Learning’ (2007-2013), approvat mid-Deċiżjoni Nru 1720/2006/KE tal-Parlament Ewropew u tal-Kunsill (26); |
|
(25) |
il-programm ‘Kultura 2007’ (2007-2013), approvat mid-Deċiżjoni Nru 1855/2006/KE tal-Parlament Ewropew u tal-Kunsill (27); |
|
(26) |
il-programm ‘L-Ewropa għaċ-ċittadini’ li għandu l-għan li jħeġġeġ iċ-ċittadinanza Ewropea attiva (2007-2013), approvat mid-Deċiżjoni Nru 1904/2006/KE tal-Parlament Ewropew u tal-Kunsill (28); |
|
(27) |
il-programm ‘Żgħażagħ Attivi’ (2007-2013), approvat mid-Deċiżjoni Nru 1719/2006/KE tal-Parlament Ewropew u tal-Kunsill (29); |
|
(28) |
il-programm ta’ appoġġ fis-settur awdjoviżiv Ewropew (MEDIA 2007) (2007-2013), approvat mid-Deċiżjoni Nru 1718/2006/KE tal-Parlament Ewropew u tal-Kunsill (30); |
|
(29) |
il-proġetti tal-qasam tal-edukazzjoni ta’ livell għoli li għandhom mnejn li jiġu ffinanzjati mid-dispożizzjonijiet li għandhom x’jaqsmu mal-għajnuna għall-kooperazzjoni ekonomika mal-pajjiżi li qegħdin jiżviluppaw fl-Ażja, approvati fil-qafas tar-Regolament tal-Kunsill (KEE) Nru 443/92 (31); |
|
(30) |
il-proġetti tal-qasam tal-edukazzjoni ta’ livell għoli u taż-żgħażagħ li għandhom mnejn li jiġu ffinanzjati mid-dispożizzjonijiet tal-istrument ta’ għajnuna għal qabel l-adeżjoni (IPA) stabbilit mir-Regolament tal-Kunsill (KE) Nru 1085/2006 (32); |
|
(31) |
il-proġetti tal-qasam tal-edukazzjoni ta’ livell għoli li għandhom mnejn li jiġu ffinanzjati mid-dispożizzjonijiet tal-Istrument Ewropew tal-Viċinat u tas-Sħubija, maħluq mir-Regolament (KE) Nru 1638/2006 tal-Parlament Ewropew u tal-Kunsill (33); |
|
(32) |
il-proġetti tal-qasam tal-edukazzjoni ta’ livell għoli li jiġu ffinanzjati mill-istrument ta’ finanzjament għall-kooperazzjoni għall-iżvilupp, stabbilit mir-Regolament (KE) Nru 1905/2006 tal-Parlament Ewropew u tal-Kunsill (34); |
|
(33) |
il-proġetti tal-qasam tal-edukazzjoni ta’ livell għoli u taż-żgħażagħ li għandhom mnejn li jiġu ffinanzjati mill-istrument finanzjarju tal-kooperazzjoni mal-pajjiżi industrijalizzati u l-pajjiżi u t-territorji l-oħra bi dħul għoli (IPI), stabbilit mir-Regolament tal-Kunsill (KE) Nru 1934/2006 (35); |
|
(34) |
il-proġetti fil-qasam tal-edukazzjoni ta’ livell għoli li għandhom mnejn li jiġu ffinanzjati mir-riżorsi tad-Disa’ Fond Ewropew tal-Iżvilupp (2000-2007) (36); |
Magħmul fi Brussell, 9 ta’ Ottubru 2008.
Mill-Kummissjoni
Ján FIGEĽ
Membru tal-Kummissjoni
(2) ĠU L 24, 27.1.2005, p. 35.