|
1.10.2008 |
MT |
Il-Ġurnal Uffiċjali ta’ l-Unjoni Ewropea |
L 262/39 |
DEĊIŻJONI TAL-KUMMISSJONI
tad-29 ta' Settembru 2008
li tistabbilixxi, skond id-Direttiva 2006/66/KE tal-Parlament Ewropew u tal-Kunsill, metodoloġija komuni għall-kalkolu tal-bejgħ annwali ta' batteriji u akkumulaturi portabbli lil konsumaturi finali
(notifikata taħt id-dokument numru C(2008) 5339)
(Test b’relevanza għaż-ŻEE)
(2008/763/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2006/66/KE tal-Parlament Ewropew u tal-Kunsill tas-6 ta’ Settembru 2006 dwar batteriji u akkumulaturi u skart ta' batteriji u ta' akkumulaturi u li tħassar id-Direttiva 91/157/KEE (1), u b'mod partikolari, il-punt (b) ta’ l-Artikolu 10(4) tagħha,
Billi:
|
(1) |
Il-bejgħ annwali ta' batteriji u akkumulaturi portabbli lil konsumaturi finali għandhom ikunu espressi bħala l-piż ta' batteriji u akkumulaturi portabbli mqiegħda fis-suq fit-territorju ta' l-Istat Membru fis-sena kkonċernata, b'esklużjoni ta' kwalunkwe batteriji u akkumulaturi portabbli li jkunu ħallew it-territorju ta' l-Istat Membru dik is-sena qabel inbiegħu lil konsumaturi finali. |
|
(2) |
L-Istati Membri għandhom jibbażaw il-kalkolu tal-bejgħ annwali ta' batteriji u akkumulaturi portabbli lil konsumaturi finali fuq l-informazzjoni miġbura. Stimi statistikament sinifikanti msejsa fuq l-informazzjoni miġbura tista' ukoll tintuża għall-kalkolu. |
|
(3) |
Il-miżuri pprovduti f'din id-Deċiżjoni huma konformi ma' l-opinjoni tal-Kumitat stabbilit bl-Artikolu 18(1) tad-Direttiva 2006/12/KE tal-Parlement Ewropew u tal-Kunsill (2), |
ADOTTAT DIN ID-DEĊIŻJONI:
Artikolu 1
1. L-Istati Membri għandhom jikkalkolaw il-bejgħ annwali ta' batteriji u akkumulaturi portabbli lil konsumaturi finali għal sena partikolari, bħala l-piż ta' batteriji u akkumulaturi portabbli mqiegħda fis-suq fit-territorju ta' l-Istat Membru fis-sena kkonċernata, b'esklużjoni ta' kwalunkwe batteriji u akkumulaturi portabbli li ħallew it-territorju ta' l-Istat Membru dik is-sena qabel inbiegħu lil konsumaturi finali.
2. It-tqegħid fis-suq ta' kull batterija għandu jingħadd darba biss.
Artikolu 2
Il-kalkolu pprovdut fl-Artikolu 1 għandu jiġi msejjes fuq l-informazzjoni miġbura jew stimi statistikament sinifikanti abbażi ta' l-informazzjoni miġbura.
Artikolu 3
Din id-Deċiżjoni hija indirizzata lill-Istati Membri.
Magħmula fi Brussell, 29 ta’ Settembru 2008.
Għall-Kummissjoni
Stavros DIMAS
Membru tal-Kummissjoni
(1) ĠU L 266, 26.9.2006, p. 1.
(2) ĠU L 114, 27.4.2006, p. 9.