4.9.2008   

MT

Il-Ġurnal Uffiċjali ta’ l-Unjoni Ewropea

L 237/90

(1)

Il-Kumitat Politiku u ta’ Sigurtà adotta d-Deċiżjoni BiH/1/2004 (1) fil-21 ta’ Settembru 2004 u d-Deċiżjoni BiH/3/2004 (2) fid-29 ta’ Settembru 2004.

(2)

B’segwitu għall-istedina tal-Ħonduras, il-Gwatemala, El Salvador u r-Repubblika Dominikana biex jipparteċipaw fl-operazzjoni ALTHEA, il-President tal-Kunsill Superjuri għall-Konferenza tal-Forzi Armati ta’ l-Amerika Ċentrali fl-ittra tiegħu tat-2 ta’ April 2008 ippreżenta offerta ta’ kontribuzzjoni f’isem dawn l-erba’ Stati.

(3)

B’segwitu għar-rakkomandazzjonijiet dwar il-kontribuzzjonijiet tagħhom mill-Kmandant ta’ l-Operazzjoni ta’ l-UE u l-Kumitat Militari ta’ l-Unjoni Ewropea, il-kontribuzzjonijiet mill-Ħonduras, il-Gwatemala, El Salvador u r-Repubblika Dominikana għandhom jiġu aċċettati.

(4)

B’segwitu għall-irtirar tal-kontribuzzjonijiet mill-Kanada, il-Marokk, in-New Zealand u n-Norveġja u wara l-adeżjoni tal-Bulgarija u tar-Rumanija ma’ l-Unjoni Ewropea, jeħtieġ li l-annessi għad-Deċiżjonijiet BiH/1/2004 u BiH/3/2004 jiġu riveduti ulterjorment.

(5)

Skond l-Artikolu 6 tal-Protokoll dwar il-pożizzjoni tad-Danimarka anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka ma tipparteċipax fl-elaborazzjoni u fl-implementazzjoni ta’ deċiżjonijiet u azzjonijiet ta’ l-Unjoni Ewropea li għandhom implikazzjonijiet ta’ difiża. Għalhekk, id-Danimarka ma tipparteċipax fil-finanzjament ta’ l-operazzjoni.

(6)

Il-Kunsill Ewropew ta’ Kopenħagen fit-12 u t-13 ta’ Diċembru 2002 adotta Dikjarazzjoni li stqarret li l-arranġamenti “Berlin Plus” u l-implementazzjoni tagħhom ser japplikaw biss għal dawk l-Istati Membri ta’ l-UE li huma wkoll membri tan-NATO jew partijiet għall-“Isħubija għall-Paċi”, u li konsegwentement ikkonkludew strumenti ta’ ftehim bilaterali ta’ sigurtà man-NATO,