|
15.8.2008 |
MT |
Il-Ġurnal Uffiċjali ta’ l-Unjoni Ewropea |
L 220/30 |
DEĊIŻJONI TAL-KUMMISSJONI
tat-13 ta’ Awwissu 2008
li temenda d-Deċiżjoni 2007/683/KE li tapprova l-pjan għall-qerda tad-deni klassiku fil-ħnieżer slavaġ f’ċerti żoni ta’ l-Ungerija
(notifikata taħt id-dokument numru C(2008) 4321)
(It-test bl-Ungeriż biss huwa awtentiku)
(2008/674/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2001/89/KE tat-23 ta’ Ottubru 2001 dwar il-miżuri tal-Komunità għall-kontroll tal-marda ta’ l-infafet vesikolari (deni klassiku) tal-ħnieżer (1), u b’mod partikolari l-Artikolu 16(1) tagħha,
Billi:
|
(1) |
Id-Deċiżjoni tal-Kummissjoni 2007/683/KE (2) approvat pjan imressaq mill-Ungerija fil-11 ta’ Lulju 2007 għall-qerda tad-deni klassiku fil-ħnieżer slavaġ fiż-żoni ta' dak l-Istat Membru stabbilit fl-Anness ta' dik id-Deċiżjoni. |
|
(2) |
L-Ungerija infurmat lill-Kummissjoni bl-evoluzzjoni reċenti tad-deni klassiku fi ħnieżer slavaġ f'dak l-Istat Membru. Fid-dawl tat-tagħrif epidemjoloġiku disponibbli, il-miżuri tal-pjan stabbiliti għall-qerda tad-deni klassiku fil-ħnieżer slavaġ hemm bżonn li jiġu estiżi għal ċerti żoni tal-kontea ta' Heves u l-kontea ta' Borsod-Abaúj-Zemplén. |
|
(3) |
Fl-interess tat-trasparenza tal-leġislazzjoni Komunitarja, l-Anness tad-Deċiżjoni 2007/683/KE għandu jiġu sostitwit bit-test fl-Anness ta' din id-Deċiżjoni. |
|
(4) |
Id-Deċiżjoni 2007/683/KE għandha għalhekk tiġi emendata skont dan. |
|
(5) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2007/683/KE jinbidel bit-test fl-Anness ta' din id-Deċiżjoni.
Artikolu 2
Din id-Deċiżjoni hija indirizzata lir-Repubblika ta’ l-Ungerija.
Magħmula fi Brussell, 13 ta’ Awwissu 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 316, 1.12.2001, p. 5. Id-Direttiva kif emendata l-aħħar bid-Deċiżjoni tal-Kummissjoni 2007/729/KE (ĠU L 294, 13.11.2007, p. 26).
(2) ĠU L 281, 25.10.2007, p. 27. Id-Deċiżjoni kif emendata bid-Deċiżjoni 2008/159/KE (ĠU L 51, 26.2.2008, p. 21).
ANNESS
“ANNESS
Żoni fejn il-pjan għall-eradikazzjoni tad-deni klassiku fi ħnieżer slavaġ għandu jiġi implimentat
It-territorju tal-kontea ta' Nógrád u t-territorju tal-kontea ta' Pest li jinsabu fit-Tramuntana u fil-Lvant tad-Danubju, fin-Nofsinhar tal-fruntiera mas-Slovakkja, fil-Punent tal-fruntiera mal-kontea ta' Nógrád u fit-Tramuntana tal-awtostrada E71, it-territorju tal-kontea ta' Heves li jinsab fil-Lvant tal-fruntiera tal-kontea ta' Nógrád, fin-Nofsinhar u l-Punent tal-fruntiera mal-kontea ta' Borsod-Abaúj-Zemplén u fit-tramuntana tal-awtostrada E71, u t-territorju tal-kontra ta' Borsod-Abaúj-Zemplén li tinsab fin-Nofsinhar tal-fruntiera mas-Slovakkja, fil-Lvant tal-fruntiera mal-kontea ta' Heves, fit-Tramuntana u l-Punent tal-awtostrada E71, fin-Nofsinhar tat-triq prinċipali Nru 37 (il-parti bejn l-awtostrada E71 u t-triq prinċipali Nru 26) u fil-Punent tat-triq prinċipali Nru 26.”