5.8.2008   

MT

Il-Ġurnal Uffiċjali ta’ l-Unjoni Ewropea

L 207/32

(1)

Wara t-tifqigħa ta’ l-influwenza tat-tjur, ikkawżata minn razza tal-virus H5N1 b’patoġeniċità għolja, fix-Xlokk ta’ l-Ażja f’Diċembru 2003, il-Kummissjoni adottat bosta miżuri ta’ ħarsien marbuta ma’ l-influwenza tat-tjur. Dawn il-miżuri jinkludu b’mod partikolari d-Deċiżjoni tal-Kummissjoni 2005/692/KE tas-6 ta’ Ottubru 2005 li tikkonċerna ċerti miżuri ta’ ħarsien marbuta ma’ l-influwenza tat-tjur f’bosta pajjiżi terzi (3).

(2)

Id-Deċiżjoni tal-Kummissjoni 2007/777/KE tat-29 ta’ Novembru 2007 li tistabbilixxi l-kundizzjonijiet tas-saħħa ta’ l-annimali u tas-saħħa pubblika u l-mudelli taċ-ċertifikati għal importazzjonijiet ta’ ċerti prodotti tal-laħam u stonkujiet, vexxiki u msaren trattati għal konsum mill-bniedem minn pajjiżi terzi u li tirrevoka d-Deċiżjoni 2005/432/KE (4) awtorizzat l-importazzjoni fil-Komunità ta’ prodotti tal-laħam tat-tjur mill-Provinċja ta’ Shandong fiċ-Ċina li ġew trattati bis-sħana b’temperatura minima ta’ 70 oC.

(3)

Trattament tas-sħana bħal dan huwa biżżejjed biex jinattiva l-virus ta’ l-influwenza tat-tjur u r-riskju tas-saħħa ta’ l-annimali li jkun ġej mill-prodotti trattati bis-sħana jista’ għalhekk jitqies bħala negliġibbli.

(4)

Huwa għalhekk xieraq li tingħata deroga mis-sospensjoni ta’ l-importazzjoni tal-prodotti tal-laħam li jikkonsistu minn, jew li fihom il-laħam tat-tjur stipulat fid-Deċiżjoni 2005/692/KE, biex ikunu jistgħu jsiru importazzjonijiet ta’ prodotti tal-laħam tat-tjur bħal dawn sakemm ikunu ngħataw it-trattament bis-sħana b’konformità mad-Deċiżjoni 2007/777/KE.

(5)

Id-Deċiżjoni 2005/692/KE għandha għalhekk tiġi emendata skond dan.

(6)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,