|
1.8.2008 |
MT |
Il-Ġurnal Uffiċjali ta’ l-Unjoni Ewropea |
L 205/47 |
DEĊIŻJONI TAL-KUMMISSJONI
tat-12 ta’ Ġunju 2008
li temenda d-Deċiżjoni 2005/56/KE biex tiġi ffurmata l-Aġenzija Eżekuttiva ta’ l-Edukazzjoni, l-Awdjoviżiv u l-Kultura (EACEA) għall-immaniġġjar ta’ l-azzjoni tal-Komunita' fil-qasam ta’ l-edukazzjoni, is-settur awdjoviżiv u l-kultura fl-applikazzjoni tar-Regolament tal-Kunsill (KE) Nru 58/2003
(2008/629/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 58/2003 tad-19 ta’ Diċembru 2002 li jistabbilixxi kif l-aġenziji eżekuttivi jistgħu jiġu mogħtija ċertu xogħol fl-immaniġġjar ta’ programmi tal-Komunità (1), u b’mod partikolari fl-Artiklu 3(1),
Billi:
|
(1) |
Taħt l-Artiklu 4(1) tad-Deċizjoni tal-Kummissjoni 2005/56/KE (2), l-Aġenzija Eżekuttiva ta’ l-Edukazzjoni, l-Awdjoviżiv u l-Kultura (EACEA) (minn hawn 'il quddiem irreferuta bħala “l-Aġenzija”) ingħatat l-inkarigu biex timmaniġġja uħud mil-linji ta’ programmi tal-Komunita' fil-qasam ta’ l-edukazzjoni, is-settur awdjoviżiv u l-kultura, u b’mod partikolari l-immaniġġjar tal-programm ta’ appoġġ għas-settur awdjoviżiv Ewropew MEDIA 2007 (2007-2013), li ġie stabbilit bid-Deċiżjoni Nru 1718/2006/KE tal-Parlament u tal-Kunsill (3), il-programm li jinkoraġġixxi l-iżvilupp ta’ xogħlijiet awdjoviżivi Ewropej, MEDIA Plus – Żvilupp, Distribuzzjoni u Promozzjoni (2001-2006), stabbilit mid-Deċiżjoni tal-Kunsill 2008/21/KE (4), u bi programm ta’ taħriġ għall-professjonisti ta’ l-indusrija awdjoviżiva bil-programm MEDIA-Training (2001-2006), stabbilit bid-Deċiżjoni Nru 163/2001/KE tal-Parlament Ewropew u tal-Kunsill (5). |
|
(2) |
Wara l-Artiklu 4(3) tad-Deċiżjoni 2005/56/KE, l-Aġenzija ġiet inkarigata mill-Kummissjoni, wara li rċeviet l-opinjoni tal-Kumitat għall-Aġenziji Eżekuttivi, biex twettaq iktar xogħlijiet ta’ l-istess tip taħt il-programmi tal-Komunita' fil-qasam ta’ l-edukazzjoni, fis-settur awdjoviżiv u fil-kultura. |
|
(3) |
Il-mandat ta’ l-Aġenzija għandu jkopri ukoll l-immaniġġjar u l-għeluq ta’ proġetti taħt il-programm ta’ taħriġ għall-professjonisti fil-programm Ewropew għall-industrija awdjoviżiva MEDIA II- Taħriġ (1996-2006) approvat mid-Deċiżjoni tal-Kunsill 95/564/KE (6); u l-programm li jinkoraġġixxi l-iżvilupp u d-distribuzzjoni ta’ xogħlijiet Ewropej MEDIA II – Żvilupp u distribuzzjoni (1996-2000) approvat mid-Deċiżjoni tal-Kunsill 95/563/KE (7). |
|
(4) |
Id-Deċiżjoni 2005/56/KE konsegwentament għandha tiġi emendata. |
|
(5) |
Il-proviżjonijiet kif stabbiliti mid-Deċiżjoni huma skond l-opinjoni tal-Kumitat għall-Aġenziji Eżekuttivi, |
IDDEĊIDIET KIF ĠEJ:
Artikolu
Fid-Deċiżjoni 2005/56/KE il-punti 29 u 30 li ġejjin se jiġu miżjuda ma’ l-Artiklu 4(1):
|
“29) |
il-programm ta’ taħriġ għall-professjonisti fil-programm Ewropew għall-industrija awdjoviżiva (MEDIA II – Training) (1996-2000), stabbilit mid-Deċiżjoni tal-Kunsill 95/564/KE (*); |
|
30) |
il-programm li jinkoraġġixxi l-iżvilupp u d-distribuzzjoni ta’ xogħlijiet awdjoviżivi Ewropej (MEDIA II – Żvilupp u Distribuzzjoni) (1996-2000), stabbilit mid-Deċiżjoni tal-Kunsill 95/563/KE (**). |
Magħmula fi Brussell, 12 ta’ Ġunju 2008.
Għall-Kummissjoni
Viviane REDING
Membru tal-Kummissjoni
(2) ĠU L 24, 27.1.2005, p. 35. Id-Deċiżjoni kif emendata bid-Deċiżjoni 2007/114/KE (ĠU L 49, 17.2.2007, p. 21).
(3) ĠU L 327, 24.11.2006, p. 12.
(4) ĠU L 336, 30.12.2000, p. 82. Id-Deċiżjoni kif emendata l-aħħar bid-Deċiżjoni tal-Kummissjoni (KE) Nru 885/2004 (ĠU L 168, 1.5.2004, p. 1).
(5) ĠU L 26, 27.1.2001, p. 1. Id-Deċiżjoni kif emendata l-aħħar bir-Regolament (KE) Nru 885/2004.
(6) ĠU L 321, 30.12.1995, p. 33.
(7) ĠU L 321, 30.12.1995, p. 25.