IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 104(12) tiegħu,

Wara li kkunsidra r-rakkomandazzjoni mill-Kummissjoni,

Billi:

(1)

Permezz tad-Deċiżjoni tal-Kunsill 2005/730/KE (1), wara rakkomandazzjoni mill-Kummissjoni skond l-Artikolu 104(6) tat-Trattat, ġie deċiż li kien jeżisti defiċit eċċessiv fil-Portugall. Il-Kunsill innota li d-defiċit ġenerali ppjanat tal-gvern għas-sena 2005 kien ta’ 6,2 % tal-PGD, ‘il fuq mit-3 % tal-valur ta’ referenza tal-PGD skond it-Trattat, filwaqt li d-dejn gross ġenerali tal-gvern kien mistenni li jilħaq is-66,5 % tal-PGD, ‘il fuq mis-60 % tal-valur ta’ referenza tal-PGD skond it-Trattat.

(2)

Fl-20 ta’ Settembru 2005, skond l-Artikolu 104(7) tat-Trattat u l-Artikolu 3(4) tar-Regolament tal-Kunsill (KE) Nru 1467/97 tas-7 ta’ Lulju 1997 dwar it-tħaffif u l-ikkjarifikar ta’ l-implimentazzjoni tal-proċedura ta’ defiċit eċċessiv (2), il-Kunsill, abbażi ta’ rakkomandazzjoni mill-Kummissjoni, għamel rakkomandazzjoni indirizzata lill-Portugall bil-għan li s-sitwazzjoni ta’ defiċit eċċessiv tinġieb fi tmiemha sa mhux aktar tard mill-2008. Ir-rakkomandazzjoni kienet ġiet ippubblikata.

(3)	Skond l-Artikolu 104(12) tat-Trattat, id-Deċiżjoni tal-Kunsill dwar l-eżistenza ta’ defiċit eċċessiv għandha tiġi abrogata meta d-defiċit eċċessiv fl-Istat Membru kkonċernat ikun, fil-fehma tal-Kunsill, ġie korrett.

(4)

Skond il-Protokoll dwar il-proċedura ta’ defiċit eċċessiv anness għat-Trattat, il-Kummissjoni tipprovdi d-data għall-implimentazzjoni tal-proċedura. Bħala parti mill-applikazzjoni tal-Protokoll, l-Istati Membri għandhom jinnotifikaw data dwar id-defiċits u d-dejn tal-gvern u fatturi varjabbli assoċjati oħra darbtejn fis-sena, jiġifieri qabel l-1 ta’ April u qabel l-1 ta’ Ottubru, skond l-Artikolu 4 tar-Regolament tal-Kunsill (KE) Nru 3605/93 tat-22 ta’ Novembru 1993 dwar l-applikazzjoni tal-Protokoll dwar il-proċedura ta’ defiċit eċċessiv anness għat-Trattat li jistabbilixxi l-Komunità Ewropea (3).

(5)

Abbażi tad-data pprovduta mill-Kummissjoni (Eurostat) skond l-Artikolu 8 g(1) tar-Regolament (KE) Nru 3605/93, wara n-notifika mill-Portugall qabel l-1 ta’ April 2008 u abbażi tat-tbassir tar-Rebbiegħa 2008 mis-servizzi tal-Kummissjoni, il-konklużjonijiet li ġejjin huma ġġustifikati:

—

id-defiċit ġenerali tal-gvern tnaqqas minn 6,1 % tal-PGD fl-2005 għal 3,9 % tal-PGD fl-2006 u għal 2,6 % tal-PGD fl-2007, li ġġibu taħt il-valur ta’ referenza tad-defiċit ta’ 3 % tal-PGD sena qabel l-iskadenza stabbilita mill-Kunsill. Dan ta’ l-aħħar jaqbel b’mira ta’ 3 % tal-PGD stabbilita fl-aġġornament ta’ Diċembru 2007 tal-programm ta’ stabbiltà tal-Portugall,

—

kemm proporzjon ta’ l-infiq tal-gvern li qed jaqa’ mal-PGD kif ukoll proporzjon ta’ dħul li qed jogħla mal-PGD ikkontribwew għat-titjib fil-bilanċ tal-gvern. Il-proporzjon ta’ l-infiq naqas b’ 1

punti perċentwali tal-PGD fl-2006 u kważi

ta’ punt perċentwali tal-PGD fl-2007. B’mod parallel, il-proporzjon tad-dħul tal-gvern żdied b’xi

ta’ punt perċentwali tal-PGD kemm fl-2006 kif ukoll l-2007. Il-konsolidazzjoni fiskali kienet tiddependi l-aktar fuq miżuri strutturali, b’kontribut marġinali minn operazzjoni ta’ darba li tiswa 0,1 % tal-PGD fl-2007. It-titjib fil-bilanċ strutturali (jiġifieri l-bilanċ nett ċiklikament aġġustat ta’ miżuri ta’ darba jew oħrajn temporanji) hu stmat għal żewġ punti perċentwali tal-PGD fl-2006 u punt perċentwali tal-PGD fl-2007, li hu konformi mar-rakkomandazzjoni tal-Kunsill skond l-Artikolu 104(7) għal tnaqqis tal-bilanċ strutturali b’ 1,5 % tal-PGD fl-2006 u, mill-inqas,

% tal-PGD fl-2007,

—

għall-2008, it-tbassir ekonomiku tar-rebbiegħa 2008 tas-servizzi tal-Kummissjoni, jipproġetta tnaqqis ieħor tad- defiċit, għal 2,2 % tal-PGD, prinċipalment instigat minn xi dħul addizzjonali, bl-eżekuzzjoni baġitarja li tibbenefika minn operazzjoni ta’ darba li tnaqqas id-defiċit b’0,2 % tal-PGD. B’mod ġenerali dan huwa konformi mal-miri tad-defiċit uffiċjali ta’ 2,4 % tal-PGD stabbiliti fl-aġġornament tal-programm ta’ stabbiltà tal-Portugall ta’ Diċembru 2007 u l-mira riveduta ta’ 2,2 % tal-PGD imħabbra mill-awtoritajiet Portugiżi lejn l-aħħar ta’ Marzu 2008. Għall-2009, it-tbassir tar-rebbiegħa jipproġetta, abbażi ta’ l-ebda bidla fil-politika, defiċit tal-gvern ta’ 2,6 % tal-PGD. Dan jindika li d-defiċit tnaqqas għal taħt il-valur ta’ referenza ta’ 3 % tal-PGD b’mod kredibbli u sostenibbli,

—

madankollu, il-bilanċ strutturali huwa stmat li jitjieb b’madwar

ta’ punt perċentwali tal-PGD fl-2008 u, abbażi ta’ l-ebda bdil fil-politika, li jmur għall-agħar b’

ta’ punt perċentwali tal-PGD fl-2009. Dan għandu jittieħed fl-isfond tal-ħtieġa li jsir progress lejn l-objettiv għall-perijodu medju (MTO) għall-pożizzjoni baġitarja, li għall-Portugall huwa defiċit strutturali ta’ 0,5 % tal-PGD,

—

id-dejn tal-gvern naqas minn 64,7 % tal-PGD fl-2006 għal 63,6 % tal-PGD fl-2007. It-tkabbir baxx tal-PGD u d-defiċits tal-gvern li għadhom relattivament għoljin previsti fit-tbassir ekonomiku tar-rebbiegħa 2008 tas-servizzi tal-Kummissjoni huma mistennija li jroddu dejn tal-gvern għal madwar 64

% tal-PGD fl-2009.

(6)	Fil-fehma tal-Kunsill, id-defiċit eċċessiv fil-Portugall ġie korrett u għaldaqstant id-Deċiżjoni 2005/730/KE għandha tiġi abrogata.

ADOTTA DIN ID-DEĊIŻJONI: