|
18.6.2008 |
MT |
Il-Ġurnal Uffiċjali ta’ l-Unjoni Ewropea |
L 158/60 |
DEĊIŻJONI TAL-KUMMISSJONI
ta’ l-10 ta’ Ġunju 2008
li temenda d-Deċiżjoni 2006/139/KE dwar awtorità approvata biex iżżomm reġistru tal-bhejjem għall-ispeċi porċini fl-Istati Uniti
(notifikata taħt id-dokument numru C(2008) 2472)
(Test b’relevanza għaż-ŻEE)
(2008/453/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 94/28/KE tat-23 ta’ Ġunju 1994 li tistabbilixxi l-prinċipji dwar il-kundizzjonijiet żootekniċi u ġenealoġiċi applikabbli għall-importazzjonijiet minn pajjiżi terzi ta’ annimali, is-semen, l-ova u l-embrijoni tagħhom, u li temenda d-Direttiva 77/504/KEE dwar l-annimali ta’ razza pura ta’ l-ispeċi bovina mrobbija għar-riproduzzjoni (1), u b’mod partikolari l-Artikolu 3(3) tagħha,
Billi:
|
(1) |
Id-Deċiżjoni tal-Kummissjoni 2006/139/KE tas-7 ta’ Frar 2006, li timplimenta d-Direttiva tal-Kunsill 94/28/KE dwar lista ta’ awtoritajiet, f’pajjiżi terzi, approvati biex iżommu reġistru tal-bhejjem ta’ ċerti annimali (2), tipprevedi li l-Istati Membri jkunu awtorizzati li jimpurtaw annimali ta’ ċerti speċi imrobbija għar-riproduzzjoni, is-semen, l-ova u l-embrijoni tagħhom bħala “ta’ razza pura” jew “ta’ razza mħallta” biss fejn ikunu ddaħħlu jew ġew irreġistrati f’reġistru tal-bhejjem miżmum minn awtorità mniżżla f’dik id-Deċiżjoni. |
|
(2) |
L-Istati Uniti talbu li ma’ l-entrati għal dak il-pajjiż fl-Anness għad-Deċiżjoni 2006/139/KE tiżdied awtorità għall-ispeċi porċini. |
|
(3) |
L-Istati Uniti pprovdiet garanzija rigward il-konformità mar-rekwiżiti rilevanti stabbiliti fil-leġiżlazzjoni Komunitarja u, b’mod partikulari, fid-Direttiva 94/28/KE. |
|
(4) |
Għaldaqstant, l-Anness għad-Deċiżjoni 2006/139/KE għandu jiġi emendat kif jixraq. |
|
(5) |
Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar iż-Żootekniki, |
ADOTTAT DIN ID-DEĊIŻJONI:
Artikolu 1
L-Anness għad-Deċiżjoni 2006/139/KE hu emendat skond l-Anness għal din id-Deċiżjoni.
Artikolu 2
Din id-Deċiżjoni tapplika mill-1 ta’ Ġunju 2008.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, 10 ta’ Ġunju 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 178, 12.7.1994, p. 66.
(2) ĠU L 54, 24.2.2006, p. 34.
ANNESS
Taħt l-intestatura “Speċi: porċini” fil-punt VII ta’ l-Anness għad-Deċiżjoni 2006/139/KE, għandha tiżdied l-entrata li ġejja:
|
“PIC (Pig Improvement Company) North America |
|
100 Bluegrass Commons Boulevard |
|
Suite 2200 |
|
Hendersonville |
|
TN 37075 |
|
Tel.. (+ 1-615)265 2700 |
|
Internet http://www.pic.com” |