|
13.6.2008 |
MT |
Il-Ġurnal Uffiċjali ta’ l-Unjoni Ewropea |
L 155/15 |
DEĊIŻJONI TAL-KUNSILL U L-KUMMISSJONI
ta’ l-14 ta’ Mejju 2008
dwar il-konklużjoni ta’ Protokoll mal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u l-eks-Repubblika Jugoslava tal-Maċedonja, min-naħa l-oħra, sabiex titqies l-adeżjoni tar-Repubblika tal-Bulgarija u tar-Rumanija fl-Unjoni Ewropea
(2008/438/KE, Euratom)
Il-KUNSILL TA’ L-UNJONI EWROPEA, U L-KUMMISSJONI TAL-KOMUNITAJIET EWROPEJ,
Wara li kkunsidraw it-Trattat li jistabbilixxi l-Komunitajiet Ewropej, u b’ mod partikolari l-Artikolu 310, flimkien mat-tieni sentenza ta’ l-Artikolu 300(2), l-ewwel subparagrafu, u t-tieni subparagrafu ta’ l-Artikolu 300(3) ta’ l-istess Trattat,
Wara li kkunsidraw it-Trattat li jistabbilixxi l-Komunità Ewropea ta’ l-Enerġija Atomika, u partikolarment it-tieni paragrafu ta’ l-Artikolu 101 tiegħu,
Wara li kkunsidraw l-Att ta’ Adeżjoni anness mat-Trattat ta’ Adeżjoni, u b’mod partikolari l-Artikolu 6(2) tiegħu,
Wara li kkunsidraw il-proposta mill-Kummissjoni,
Wara li kkunsidraw il-kunsens tal-Parlament Ewropew (1),
Wara li kkunsidraw l-approvazzjoni tal-Kunsill skond l-Artikolu 101 tat-Trattat li jistabbilixxi l-Komunità Ewropea dwar l-Enerġija Atomika,
Billi:
|
(1) |
Il-Protokoll għall-Ftehim ta’ Stabilizzazzjoni u Assoċjazzjoni bejn il-Komunitajiet Ewropej u l-Istati Membri tagħha, minn naħa waħda, u l-eks-Repubblika Jugoslava tal-Maċedonja, min-naħa l-oħra, sabiex titqies l-adeżjoni tar-Repubblika tal-Bulgarija u dik tar-Rumanija fl-Unjoni Ewropea, ġie ffirmat f’isem il-Komunità Ewropea u l-Istati Membri fit-18 ta’ Frar 2008 skond id-Deċiżjoni tal-Kunsill Nru 2008/273/KE (2). |
|
(2) |
Sakemm jidħol fis-seħħ, il-Protokoll ġie applikat fuq bażi temporanja sa mid-data ta’ l-adeżjoni. |
|
(3) |
Il-Protokoll għandu jkun konkluż, |
IDDEĊIDEW KIF ĠEJ:
Artikolu 1
Il-Protokoll mal-Ftehim ta’ Stabilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u l-eks-Repubblika Jugoslava tal-Maċedonja, min-naħa l-oħra, sabiex tibda titqies l-adeżjoni tar-Repubblika tal-Bulgarija u dik tar-Rumanija fl-Unjoni Ewropea, qiegħed b’dan jiġi approvat f’isem il-Komunità Ewropea, il-Komunità Ewropea ta’ l-Enerġija Atomika u l-Istati Membri.
It-test tal-Protokoll jinsab anness ma’ din id-Deċiżjoni (3).
Artikolu 2
Il-President tal-Kunsill, f’isem il-Komunità Ewropea u l-Istati Membri tagħha, għandu jiddepożita l-istrument ta’ approvazzjoni msemmi fl-Artikolu 11 tal-Protokoll. Il-President tal-Kummissjoni għandu fl-istess waqt jiddeppożita dan l-istrument ta’ approvazzjoni f’isem il-Komunità Ewropea ta’ l-Enerġija Atomika.
Magħmula fi Brussell, 14 ta’ Mejju 2008.
Għall-Kunsill
Il-President
A. BAJUK
Għall-Kummissjoni
Il-President
José Manuel BARROSO
(1) Kunsens tat-23 ta’ April 2008 (għadhu mhux ippublikat fil-Ġurnal Uffiċjali).