|
10.4.2008 |
MT |
Il-Ġurnal Uffiċjali ta’ l-Unjoni Ewropea |
L 98/11 |
DEĊIŻJONI TAL-KUMMISSJONI
tat-18 ta’ Marzu 2008
li temenda d-Deċiżjoni 2004/452/KE li tistipula lista ta’ istituzzjonijiet li r-riċerkaturi tagħhom jista' jkollhom aċċess għal data kunfidenzjali għal għanijiet xjentifiċi
(notifikata taħt id-dokument numru C(2008) 1005)
(Test b’relevanza għaż-ŻEE)
(2008/291/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 322/97 tas-17 ta’ Frar 1997 dwar l-istatistika Komunitarja (1), u b'mod partikolari l-Artikolu 20(1) tiegħu,
Billi:
|
(1) |
Ir-Regolament tal-Kummissjoni (KE) Nru 831/2002 tas-17 ta’ Mejju 2002 li jimplimenta r-Regolament tal-Kunsill (KE) Nru 322/97 dwar l-Istatisika tal-Komunità, rigward fakoltà ta’ użu ta’ data kunfidenzjali għal skopijiet xjentifiċi (2), biex wieħed ikun jista' jasal għal konklużjonijiet ta’ statistika għal skopijiet xjentifiċi, jistabbilixxi l-kundizzjonijiet li taħthom jista’ jingħata aċċess għal data kunfidenzjali mgħoddija lill-awtorità tal-Komunità kif ukoll ir-regoli ta’ kooperazzjoni bejn l-awtoritajiet tal-Komunità u l-awtoritajiet nazzjonali ħalli jiġi ffaċilitat dan l-aċċess. |
|
(2) |
Id-Deċiżjoni tal-Kummissjoni 2004/452/KE (3) stabbiliet lista ta’ istituzzjonijiet li r-riċerkaturi tagħhom jistgħu jkollhom aċċess għal data kunfidenzjali għal għanijiet xjentifiċi. |
|
(3) |
Id-Direttorat għar-Riċerka, l-Istudji u l-Istatistika (Direction de l'Animation de la Recherche, des Études et des Statistiques – DARES) fil-Ministeru tax-Xogħol, Relazzjonijiet tax-Xogħol u Solidarjetà, Pariġi, Franza, ir-Research Foundation of State University of New York (RFSUNY), Albany, fl-Istati Uniti u ċ-Ċentru Finlandiż għall-Pensjonijiet, (Eläketurvakeskus – ETK), il-Finlandja, għandhom jitqiesu bħala korpi li jissodisfaw il-kondizzjonijiet rekwiżiti u għalhekk għandhom jiżdiedu mal-lista ta’ aġenżiji, organizzazzjonijiet u istituzzjonijiet imsemmija fl-Artikolu 3(1)(e) tar-Regolament (KE) Nru 831/2002. |
|
(4) |
Il-miżuri previsti f'din id-Deċiżjoni huma skond l-opinjoni tal-Kumitat dwar il-Kunfidenzjalità ta’ l-Istatistika, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2004/452/KE jinbidel bit-test stipulat fl-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, 18 ta’ Marzu 2008.
Għall-Kummissjoni
Joaquín ALMUNIA
Membru tal-Kummissjoni
(1) ĠU L 52, 22.2.1997, p. 1. Regolament kif emendat bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(2) ĠU L 133, 18.5.2002, p. 7. Ir-Regolament kif l-aħħar emendat bir-Regolament (KE) Nru 1000/2007 (ĠU L 226, 30.8.2007, p. 7).
(3) ĠU L 156, 30.4.2004, p. 1. Id-Deċiżjoni kif emendata mid-Deċiżjoni 2008/52/KE (ĠU L 13, 16.1.2008, p. 29).
ANNESS
“ANNESS
ISTITUZZJONIJIET LI R-RIĊERKATURI TAGĦHOM JISTA’ JKOLLHOM AĊĊESS GĦAL DATA KUNFIDENZJALI GĦAL SKOPIJIET XJENTIFIĊI
Il-Bank Ċentrali Ewropew
Il-Bank Ċentrali Spanjol
Il-Bank Ċentrali Taljan
University of Cornell (l-Istat ta’ New York, l-Istati Uniti ta’ l-Amerika)
Department of Political Science, Baruch College, New York City (l-Istat ta’ New York, l-Istati Uniti ta’ l-Amerika)
Il-Bank Ċentrali Ġermaniż
L-Unità ta’ l-Analiżi ta’ l-Impjiegi, id-Direttorat Ġenerali għall-Impjiegi, l-Affarijiet Soċjali u l-Opportunitajiet Indaqs tal-Kummissjoni Ewropea
L-Università ta’ Tel Aviv (Iżrael)
Il-Bank Dinji
Center of Health and Wellbeing (CHW) Woodrow Wilson School of Public and International Affairs at Princeton University, New Jersey, fl-Istati Uniti ta’ l-Amerika
The University of Chicago (UofC), Illinois, fl-Istati Uniti ta’ l-Amerika
L-Organizzazzjoni għal Kooperazzjoni u Żvilupp Ekonomiku (OECD)
Family and Labour Studies Division of Statistics Canada, Ottawa, Ontario, il-Kanada
L-Unità ta’ l-Ekonometrika u l-Appoġġ Statistiku Kontra l-Frodi (ESAF), id-Direttorat Ġenerali għaċ-Ċentru Konġunt ta’ Riċerka tal-Kummissjoni Ewropea
L-Unità ta’ l-Appoġġ liż-Żona Ewropea ta’ Riċerka (SERA – Support to the European Research Area), id-Direttorat Ġenerali, iċ-Ċentru Konġunt ta’ Riċerka tal-Kummissjoni Ewropea
Canada Research Chair School of Social Science Atkinson Faculty of Liberal and Professional Studies at York University, f'Ontario, il-Kanada
University of Illinois f'Chicago (UIC), Chicago, l-Istati Uniti ta’ l-Amerika
Rady School of Management fil-University of California, San Diego, l-Istati Uniti ta’ l-Amerika
Id-Direttorat għar-Riċerka, l-Istudji u l-Istatistika (Direction de l'Animation de la Recherche, des Études et des Statistiques - DARES) fil-Ministeru tax-Xogħol, ir-Relazzjonijiet mal-Ħaddiema u s-Solidarjetà, Pariġi, Franza
The Research Foundation of State University of New York (RFSUNY), Albany, l-Istati Uniti ta’ l-Amerika
Iċ-Ċentru Finlandiż għall-Pensjonijiet, (Eläketurvakeskus – ETK), il-Finlandja”