27.3.2008 |
MT |
Il-Ġurnal Uffiċjali ta’ l-Unjoni Ewropea |
L 85/8 |
DEĊIŻJONI TAL-KUNSILL
tas-17 ta’ Marzu 2008
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, rigward l-awditur estern ta’ Suomen Pankki
(2008/268/KE)
IL-KUNSILL TA’ L-UNJONI EWROPEA,
Wara li kkunsidra l-Protokoll dwar l-Istatut tas-Sistema Ewropea tal-Banek Ċentrali u tal-Bank Ċentrali Ewropew anness mat-Trattat li jistabbilixxi l-Komunità Ewropea, u b’mod partikolari l-Artikolu 27.1 tiegħu,
Wara li kkunsidra r-Rakkomandazzjoni BĊE/2008/1 tal-Bank Ċentrali Ewropew tat-28 ta’ Jannar 2008 lill-Kunsill ta’ l-Unjoni Ewropea dwar l-awditur estern ta’ Suomen Pankki (1),
Billi:
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali ta’ l-Eurosistema għandhom jiġu vverifikati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill ta’ l-Unjoni Ewropea. |
(2) |
Ġaladarba l-mandat ta’ l-awditur estern ta’ bħalissa ta’ Suomen Pankki jispiċċa wara l-verifika għas-sena finanzjarja 2007, jeħtieġ li jinħatar awditur estern mis-sena finanzjarja 2008. |
(3) |
Suomen Pankki għażel lill-KPMG Oy Ab bħala l-awdituri esterni tiegħu għas-snin finanzjarji 2008 sa 2012. |
(4) |
Il-Kunsill Regolatorju tal-BĊE irrakkomanda li KPMG Oy Ab għandu jinħatar bħala l-awditur estern ta’ Suomen Pankki għas-snin finanzjarji 2008 sa 2012. |
(5) |
Huwa xieraq li tiġi segwita r-rakkomandazzjoni tal-Kunsill Regolatorju tal-BĊE u li tiġi emendata d-Deċiżjoni tal-Kunsill 1999/70/KE (2) kif meħtieġ, |
IDDEĊIEDA KIF ĠEJ:
Artikolu 1
L-Artikolu 1(11) tad-Deċiżjoni 1999/70/KE għandu jiġi sostitwit b’dan li ġej:
“11. KPMG Oy Ab hija b’dan approvata bħala l-awditur estern ta’ Suomen Pankki għas-snin finanzjarji 2008 sa 2012.”
Artikolu 2
Din id-Deċiżjoni għandha tiġi nnotifikata lill-BĊE.
Artikolu 3
Din id-Deċiżjoni għandha tiġi pubblikata fil-Ġurnal Uffiċjali ta’ l-Unjoni Ewropea.
Magħmula fi Brussell, 17 ta’ Marzu 2008.
Għall-Kunsill
Il-President
I. JARC
(2) ĠU L 22, 29.1.1999, p. 69. Id-Deċiżjoni kif emendata l-aħħar bid-Deċiżjoni 2007/883/KE (ĠU L 346, 29.12.2007, p. 20).