—

Tiġi żgurata l-konformità ma' l-obbligi ġejjiena taħt il-Ftehim ta' Stabbilizzazzjoni u Assoċjazzjoni (FSA) u b'mod partikolari l-Ftehim Interim (FI).

—

Tiġi żgurata kooperazzjoni sħiħa mat-Tribunal Kriminali Internazzjonali għal dik li qabel kienet il-Jugoslavja (ICTY).

—

Issir kooperazzjoni kostruttiva f'kwistjonijiet relatati mal-Kosovo.

—

Jiġi żgurat li l-kostituzzjoni u l-liġi kostituzzjonali jiġu implimentati f'konformità ma' l-istandards Ewropej.

—

Jissuktaw l-isforzi għall-implimentazzjoni tar-riforma ta' l-amministrazzjoni pubblika, inkluża s-sistema ta' ħlas tas-servizz ċivili, sabiex jiġu żgurati reklutaġġ u promozzjoni trasparenti kif ukoll professjonaliżmu u responsabbiltà, it-tisħiħ ta' l-istrutturi ta' integrazzjoni Ewropea, it-titjib tal-koordinazzjoni fil-livelli kollha ta' l-amministrazzjoni pubblika u l-Parlament u tingħata attenzjoni partikolari għall-koordinazzjoni tal-politika.

—

Jittejjeb il-funzjonament tal-ġudikatura, jiġu garantiti l-indipendenza, ir-responsabbiltà, il-professjonaliżmu u l-effiċjenza tagħha u jiġi żgurat li l-progress fil-karriera u r-reklutaġġ ta' mħallfin u prosekuturi jkunu bbażati fuq kriterji tekniċi u professjonali u jkunu ħielsa minn kull indħil politiku. Jiġi żgurat it-tħaddim xieraq tal-Qorti Kostituzzjonali.

—

Isir progress fil-ġlieda kontra l-korruzzjoni fil-livelli kollha u tiġi żviluppata sistema pubblika komprensiva ta' kontroll finanzjarju sabiex tiżdied it-trasparenza u r-responsabbiltà fl-użu tal-finanzi pubbliċi.

—

Jiġi ffinalizzat il-proċess ta' privatizzazzjoni jew, fejn xieraq, tal-likwidazzjoni ta' impriżi ta' appartenenza soċjali u impriżi statali.

—

Isir allinjament tal-leġislazzjoni u l-istituzzjonijiet mal-Kostituzzjoni l-ġdida.

—

Titkompla r-riformi tal-qafas legali dwar l-elezzjonijiet (inkluż ir-reġistru tal-votanti), il-konformità tiegħu ma' rekwiżiti kostituzzjonali ġodda u tiġi żgurata trasparenza u responsabbiltà tal-finanzjament tal-partiti politiċi, inkluża r-reviżjoni tal-leġislazzjoni eżistenti sabiex jiġi previst livell suffiċjenti ta' monitoraġġ u sanzjonijiet.

—

Jiġi stabbilit uffiċċju ta' l-ombudsman li jkun jiffunzjona bis-sħiħ, b'konformità mal-ħtiġiet leġislattivi u jiġi żgurat li r-rakkomandazzjonijiet mill-ombudsman ikunu segwiti b'mod xieraq.

—

Tiġi żgurata superviżjoni demokratika akbar billi jissaħħaħ il-kontroll parlamentari u tiġi stabbilita ġestjoni finanzjarja aktar trasparenti.

—

Tiġi żgurata l-indipendenza sħiħa tal-qrati u tas-sistema ta' prosekuzzjoni.

—

Jissaħħaħ l-uffiċċju tal-prosekutur għall-kriminalità tal-gwerra.

—

Jiġi implimentat il-pjan ta' azzjoni dwar l-istrateġija tar-riforma ġudizzjarja.

—

Tiġi adottata u implimentata leġislazzjoni dwar it-taħriġ mandatorju kemm inizjali kif ukoll kontinwu għall-imħallfin, prosekuturi u l-persunal ta' sostenn fil-qorti, u jiġu msaħħa ċ-ċentri ta' taħriġ.

—

Ir-razzjonalizzar tas-sistema tal-qorti, l-immodernizzar tal-proċedimenti, l-introduzzjoni ta' sistema effettiva għall-ġestjoni tal-qorti, u jiġu stabbiliti qrati amministrattivi u ta' l-appell.

—

Jinħoloq netwerk ta' l-IT għall-prosekuturi fil-livelli kollha, jiġi żgurat l-infurzar tad-deċiżjonijiet tal-qorti u jissokta t-tisħiħ tal-kapaċità għas-smigħ domestiku ta' reati tal-gwerra f'konformità sħiħa ma' l-obbligi internazzjonali ta' l-ICTY.

—

L-implimentazzjoni tal-pjan ta' azzjoni dwar l-istrateġija kontra l-korruzzjoni u l-istabbiliment ta' aġenzija indipendenti u effikaċi kontra l-korruzzjoni.

—

Jiġu ratifikati l-konvenzjonijiet internazzjonali kontra l-korruzzjoni.

—

Jissoktaw il-kjarifika u l-infurzar tar-regolamenti relatati mal-prevenzjoni ta' kunflitti ta' interess, f'konformità ma' standards internazzjonali.

—

Tiġi żviluppata u implimentata sistema ta' dikjarazzjoni ta' l-assi ta' uffiċjali pubbliċi.

—

Jiġu osservati l-obbligi kollha li joħorġu mis-sħubija tal-Kunsill ta' l-Ewropa.

—

Tiġi żgurata l-konformità mad-dispożizzjonijiet dwar id-drittijiet tal-bniedem tal-kostituzzjoni l-ġdida.

—

Jitkomplew id-de-istituzzjonalizzazzjoni, is-servizzi bbażati fuq il-komunità u l-għajnuna lill-persuni dipendenti, inkluż fil-qasam tas-saħħa mentali.

—

Tiġi riveduta l-leġislazzjoni rilevanti li tikkonċerna d-drittijiet reliġjużi biex ikun żgurat li hija konformi mal-Kostituzzjoni.

—

Tittieħed azzjoni dwar każijiet allegati ta' trattament ħazin u jissaħħu s-servizzi ta' kontroll intern li jaġixxu fir-rigward tat-trattament ħażin minn aġenti ta' l-infurzar tal-liġi.

—

Jittejbu l-kondizzjonijiet fil-ħabs, jiġi żgurat il-monitoraġġ xieraq tal-kondizzjonijiet tal-ħabs għall-priġunieri li jservu perijodi twal u għall-priġunieri li nstabu ħatja ta' kriminalità organizzata u jiġi żgurat taħriġ ulterjuri għall-persunal tal-ħabs u jittejbu l-faċilitajiet għal nies bi bżonnijiet speċjali.

—

Tittejjeb il-ħidma tal-Kunsill tax-Xandir f'konformità ma' l-istandards internazzjonali, u tiġi żgurata l-allokazzjoni ġusta u trasparenti ta' frekwenzi tax-xandir reġjonali u lokali għall-operaturi tal-medja.

—

Tiġi implimentata bis-sħiħ il-Liġi dwar l-aċċess ħieles għall-informazzjoni u jissaħħaħ l-uffiċċju tal-Kummissarju għall-Aċċess Ħieles għall-Informazzjoni sabiex jiġi żgurat l-infurzar tad-deċiżjonijiet/rakkomandazzjonijiet.

—

Tiġi adottata l-liġi dwar l-assoċjazzjonijiet, l-istatus legali ta' l-NGOs, jitħeġġeġ l-iżvilupp ta' l-organizzazzjonijet tas-soċjetà ċivili u d-djalogu regolari mas-soċjetà ċivili dwar l-inizjattivi tal-politika.

—

Jissaħħaħ l-aċċess għall-ġustizzja.

—

Tiġi adottata leġislazzjoni kontra d-diskriminazzjoni u jiġi żgurat appoġġ istituzzjonali xieraq għall-vittmi.

—

Tiġi adottata leġislazzjoni xierqa dwar ir-restituzzjoni tal-proprjetà u tiġi żgurata l-implimentazzjoni sħiħa tagħha.

—

Titjieb il-protezzjoni tad-drittijiet tan-nisa u tat-tfal.

—

Jiġi żgurat ir-rispett għad-dispożizzjonijiet kostituzzjonali dwar id-drittijiet kulturali u dawk tal-minoranzi u l-protezzjoni tal-minoranzi u jiġu implimentati bis-sħiħ l-istrateġiji u l-pjanijiet ta' azzjoni rilevanti għall-integrazzjoni tar-Roma, inklużi dawk li jiġu lura.

—

Jissoktaw l-isforzi għall-promozzjoni ta' relazzjonijiet inter-etniċi tajbin, inklużi miżuri fil-qasam ta' l-edukazzjoni, tissaħħaħ il-ħidma tal-kunsilli nazzjonali minoritarji, inkluża l-adozzjoni tal-leġislazzjoni pendenti, issir il-promozzjoni tal-parteċipazzjoni tal-minoranzi fil-ġudikatura u fl-entitajiet ta' l-infurzar tal-iġi u jissoktaw l-attivitajiet ta' sensibilizzazzjoni, inkluż l-użu ta' l-ilsna minoritarji.

—

Tiġi aġġustata l-leġislazzjoni rilevanti għall-kostituzzjoni l-ġdida u tiġi żgurata implimentazzjoni sħiħa tad-drittijiet tal-minoranzi, b'mod partikolari dwar l-edukazzjoni fil-lingwa materna.

—

Tiġi adottata leġislazzjoni ġdida dwar ir-refuġjati u tissokta l-implimentazzjoni ta' l-istrateġija nazzjonali dwar ir-refuġjati.

—

Jissokta r-rispett għall-Ftehim ta' Dayton/Pariġi.

—

Jittieħdu miżuri għall-konformità mas-sentenza tal-Qorti Internazzjonali tal-Ġustizzja ta' Frar 2007 dwar il-każ li tressaq mill-Bosnja-Ħerzegovina kontra s-Serbja u l-Montenegro dwar l-applikazzjoni tal-Konvenzjoni dwar il-Prevenzjoni u l-Pieni tar-Reat ta' Ġenoċidju.

—

Tingħata kontribuzzjoni għat-tisħiħ tal-kooperazzjoni reġjonali, ir-rikonċiljazzjoni u relazzjonijiet tajba mal-ġirien, inkluż bil-promozzjoni tat-tranżizzjoni mill-Patt ta' Stabbiltà għal qafas ta' kooperazzjoni b'dimensjoni aktar reġjonali u l-implimentazzjoni effettiva tal-Ftehim dwar il-Kummerċ Ħieles ta' l-Ewropa Ċentrali (CEFTA).

—

Jiġi ffinalizzat u implimentat ftehim mal-pajjiżi ġirien dwar il-kooperazzjoni transkonfini, il-ġlieda kontra l-kriminalità organizzata, it-traffikar u l-kuntrabandu, il-kooperazzjoni ġudizzjarja, il-ġestjoni mal-fruntieri u l-ambjent.

—

Jingħata kontribut għar-riżolviment ta' kwistjonijiet pendenti dwar il-fruntieri mal-Kroazja u l-Bosnja-Ħerzegovina.

—

Jiġi żgurat id-dritt għal għażla vera bejn ir-ritorn sostenibbli u l-integrazzjoni u jsir kontribut għall-iżgurar ta' l-implimentazzjoni sħiħa tad-Dikjarazzjoni ta' Sarajevo.

—

Tiġi implimentata politika fiskali orjentata lejn l-istabbiltà, inkluża politika tas-salarji tas-settur pubbliku, bil-għan tal-konsolidazzjoni fiskali u li twassal għal inflazzjoni baxxa u sostenibbiltà esterna.

—

Jissuktaw ir-riformi tal-ġestjoni tal-finanzi pubbliċi sabiex jissaħħu l-kontroll, it-trasparenza, ir-responsabbiltà u l-effiċjenza.

—

Titħaddem politika monetarja li twassal għall-objettiv ta' l-istabbiltà tal-prezzijiet sabiex tnaqqas u tistabbilizza l-antiċipazzjonijiet inflazzjonarji.

—

Jittejbu l-proċeduri tal-falliment sabiex jitħaffef il-ħruġ mis-suq ta' impriżi mhux vijabbli u titrawwem bidla strutturali.

—

Tiġi ffinalizzata l-liberalizzazzjoni tal-prezzijiet amminsitrati pendenti bil-għan li tittejjeb l-effiċjenza tal-mekkaniżmi tas-suq u l-allokazzjoni tar-riżorsi.

—

Tissaħħaħ ulterjorment is-superviżjoni finanzjarja sabiex tiġi żgurata l-istabbiltà tas-settur finanzjarju.

—

Tiġi żviluppata ulterjorment u implimentata r-riforma tas-sistema tal-pensjoni u tissokta r-riforma tas-sistema ta' assigurazzjoni tas-saħħa u jitħaffu r-ristrutturar u l-privatizzazzjoni tas-settur ta' l-assigurazzjoni.

—

Jissoktaw l-isforzi għall-ifformalizzar ta' l-ekonomija li ma tidhirx (grey economy) u tiġi implimentata sistema ta' ġestjoni tan-nefqa pubblika u riformi fiskali.

—

Ikun żviluppat suq ta' art/proprjetà immobbli stabbli u li jiffunzjona u titħejja leġislazzjoni tar-reġistrazzjoni ta' l-art.

—

Jissoktaw l-isforzi għall-promozzjoni ta' l-impjieg, inkluż permezz ta' taħriġ vokazzjonali u riformi tas-suq tax-xogħol, jittejbu s-servizzi ta' impjieg pubbliku u tiġi implimentata l-istrateġija dwar l-impjiegi ta' persuni b'diżabbiltà.

—

Jissokta l-allinjament tal-qafas legali dwar l-istandardizzazzjoni, iċ-ċertifikazzjoni, il-metroloġija, l-akkreditazzjoni u l-konformità ma' l-istandards Ewropej. Ikomplu jiġu adottati standards Ewropej u tiġi stabbilita entità nazzjonali ta' koordinazzjoni għall-infrastruttura ta' kwalità li tkun responsabbli mit-tisħiħ tal-qasam kollu.

—

Tiġi stabbilita struttura ta' sorveljanza tas-suq u tiġi żgurata l-koordinazzjoni xierqa fost l-awtoritajiet ta' sorveljanza tas-suq.

—

Jiġu aġġustati s-sistema kummerċjali u l-leġislazzjoni rilevanti għall-fini ta' konformità ma' l-obbligi li joħorġu mid-WTO, l-FSA u s-CEFTA.

—

Jiġu stabbiliti mekkaniżmi ta' konsultazzjoni u ta' notifika interni għal regolamenti tekniċi ġodda qabel ma jiġu adottati miżuri li jħallu impatt fuq il-kummerċ.

—

Tissaħħaħ il-kapaċità amministrattiva fil-qasam tal-protezzjoni tal-konsumatur.

—

Jissokta l-iżvilupp ta' sistema ta' operazzjonijiet ta' ħlasijiet internazzjonali f'konformità mar-regoli internazzjonali u jiġi stabbilit trattament nazzjonali għall-akkwisti ta' proprjetà immobbli.

—

Jiġi ffinalizzat il-proċess ta' allinjament tal-leġislazzjoni doganali meħtieġa għall-implimentazzjoni xierqa tal-FSA, tissaħħaħ il-kapaċità ta' l-amministrazzjoni doganali għall-ġielda kontra l-korruzzjoni, il-kriminalità transkonfini u l-evażjoni fiskali u tissaħħaħ il-kapaċità ta' infurzar, speċjalment fl-oqsma ta' l-analiżi tar-riskju u l-kontroll ta' wara r-rilaxx.

—

Tissokta l-approssimazzjoni tal-leġislazzjoni fiskali ma' l-acquis, tiġi implimentata l-leġislazzjoni fiskali, b'mod partikolari dwar il-ġbir u l-kontroll tad-dħul sabiex titnaqqas il-frodi fiskali u tiżdied il-kapaċità ta' infurzar.

—

Jiġu assunti l-prinċipji tal-Kodiċi tal-Kondotta fil-qasam tat-tassazzjoni ta' l-intrapriżi u jiġi żgurat li miżuri ġodda tat-taxxa jkunu konformi ma' dawn il-prinċipji.

—

Isir titjib fil-leġislazzjoni eżistenti dwar l-anti-trust f'konformità mal-ħtiġiet tal-FSA u tissaħħaħ il-kapaċità amministrattiva tal-Kummissjoni tal-Kompetizzjoni biex jiġi żgurat infuzar effikaċi u indipendenti tar-regoli f'konformità ma' l-acquis ta' l-UE.

—

Tiġi stabbilita awtorità li tissorvelja l-għajnuna mill-istat li tkun kemm indipendenti u tiffunzjona b'mod sħiħ.

—

Jiġu mtejba l-proċeduri ta' kontroll tal-mergers sabiex tissaħħaħ l-effiċjenza tal-Kummissjoni dwar il-Kompetizzjoni.

—

Jiġi stabbilit qafas legali xieraq għall-għajnuna mill-Istat konformi mal-ħtiġiet tal-FSA.

—

Isseħħ l-implimentazzjoni ta' sistema konsistenti u effettiva ta' akkwisti pubbliċi, tiġi żgurata l-indipendenza ta' l-entitajiet ta' l-akkwisti pubbliċi, jiġu żgurati proċeduri trasparenti, indipendentement mill-valur tal-kuntratt ikkonċernat, u ma ssirx diskriminazzjoni bejn il-fornituri Serbi u dawk ta' l-UE u tissaħħaħ il-kapaċità ta' infurzar f'dan is-settur.

—

Jissokta t-tisħiħ tal-protezzjoni tad-drittijiet tal-proprjetà intellettwali (IPR) u tissaħħaħ il-kapaċità amministrattiva għall-għoti ta' privattivi u l-implimentazzjoni sostenibbli u l-infurzar ta' l-IPRs.

—

Jiġu żviluppati strutturi amministrattivi xierqa u kapaċità fil-qasam tal-protezzjoni tas-saħħa.

—

Jissoktaw l-isforzi għal titjib fis-sistema edukattiva; jiġu stabbiliti rabtiet aħjar bejn l-edukazzjoni vokazzjoni u l-edukazzjoni għola u s-suq tax-xogħol u l-ħtiġijiet ekonomiċi; tissaħħaħ il-kapaċità amministrattiva u tittejjeb il-koordinazzjoni bejn l-entitajiet rilevanti.

—

Tiġi ratifikata l-Konvenzjoni dwar il-Protezzjoni u l-Promozzjoni tad-Diversità ta' l-Espressjonijiet Kulturali ta' l-UNESCO.

—

Jissoktaw it-tħejjijiet għall-adeżjoni mad-WTO.

—

Tiġi implimentata l-Karta Ewropea dwar l-Impriżi Żgħar u ta' daqs Medju u jitnaqqsu l-ostakoli amministrattivi għall-SMEs.

—

Tiġi adottata strateġija ġdida għall-SMEs u politika industrijali ġdida fuq perijodu medju, segwita minn pjan ta' azzjoni operattiv.

—

Jissaħħaħ il-Kunsill ta' l-SMEs bħala strument ta' kooperazzjoni bejn entitajiet pubbliċi u privati u ta' kooperazzjoni inter-ministerjali sabiex jinfluwenza t-tfassil u t-tħaddim ta' linji politiċi ta' l-SMEs.

—

Tissaħħaħ il-kapaċità amministrattiva meħtieġa għat-tfassil u l-implimentazzjoni tal-politika agrikola u l-politika dwar l-iżvilupp rurali.

—

Tiġi aġġornata l-leġislazzjoni u jissaħħu l-implimentazzjoni u l-kontrolli fl-oqsma tas-sigurtà alimentari u fi kwistjonijiet veterinarji u fitosanitrarji.

—

Jiġu estiżi l-identifikazzjoni u r-reġistrazzjoni għall-ispeċi rilevanti kollha.

—

Jissokta t-titjib tal-laboratorji veterinarji, fitosanitarji, ta' l-inbid u ta' dawk sanitarji, l-ispettorati u l-kontrolli fil-fruntieri esterni.

—

Jitħaffef il-proċess ta' l-approssimazzjoni tal-leġislazzjoni u l-istandards ma' l-acquis ta' l-UE.

—

Tiġi implimentata l-leġislazzjoni adottata, prinċipalment dwar il-valutazzjoni ta' l-impatt ambjentali.

—

Tinbeda l-implimentazzjoni tal-Protokoll ta' Kyoto.

—

Jiġu adottati u implimentati l-istrateġija nazzjonali dwar il-protezzjoni ambjentali u strateġija għall-iżvilupp sostenibbli.

—

Tissaħħaħ il-kapaċità amministrattiva ta' l-entitajiet responsabbli mill-ippjanar, il-permessi, l-ispezzjoni u l-monitoraġġ, kif ukoll proġetti ta' ġestjoni, tissaħħaħ il-kapaċità fil-livell lokali u tiġi żgurata l-koordinazzjoni bejn il-livelli ċentrali u lokali.

—

Titkompla l-implimentazzjoni tal-Memorandum ta' Ftehim dwar l-Iżvilupp ta' Netwerk Prinċipali tat-Trasport Reġjonali ta' l-Ewropa tax-Xlokk u tisaħħaħ il-kooperazzjoni ma' l-Osservatorju tat-Trasport ta' l-Ewropa tax-Xlokk.

—

Tiġi adottata u implimentata strateġija nazzjonali dwar it-trasport. Jittieħdu miżuri sabiex jittejbu l-kondizzjonijiet tas-sigurtà fuq it-toroq.

—

Jiġu implimentati l-impenji li ttieħdu taħt l-ewwel fażi tranżitorja tal-Ftehim dwar l-Ispazju Komuni Ewropew ta' l-Avjazzjoni.

—

Iseħħ ir-ristrutturar tas-settur ferrovjarju u jiġu stabbiliti istituzzjonijiet ferrovjarji.

—

Jiġi żviluppat trasport permezz ta' passaġġi ta' l-ilma interni, inkluż bl-istabbiliment ta' servizzi ta' informazzjoni dwar ix-xmajjar.

—

Jiġu rrispettati l-obbligi li joħorġu mill-qafas tat-Trattat Komunitarju dwar l-Enerġija fir-rigward ta' l-implimentazzjoni sħiħa ta' l-acquis dwar is-suq intern tal-gass u l-elettriku u dwar l-iskambji transkonfini ta' l-elettriku.

—

Tiġi emendata u implimentata l-Liġi dwar l-Enerġija u tiġi żgurata l-ħidma mingħajr xkiel ta' l-aġenzija regolatorja ta' l-enerġija.

—

Jissoktaw il-verifiki ambjentali fuq l-impjanti ta' enerġija, tittieħed azzjoni fir-rigward ta' min iniġġes l-aktar, tiġi żgurata s-separazzjoni bil-għan tar-ristrutturar u l-ftuħ tas-suq u jsir progress ulterjuri sabiex jinkiseb suq reġjonali ta' l-enerġija, b'mod partikolari billi tittejjeb l-interkonnettività mal-pajjiżi ġirien.

—

Issir l-adeżjoni mal-Konvenzjonijiet internazzjonali rilevanti relatati mas-sigurtà nukleari u jiġu stabbiliti aġenziji regolatorji xierqa.

—

Jissokta l-iżmuntar tal-reattur ta' riċerka ta' Vinca.

—

Tissaħħaħ il-kapaċità amministrattiva fi ħdan il-ministeri rilevanti.

—

Tiġi żgurata l-liberalizzazzjoni sħiħa tas-settur tal-komunikazzjoni elettronika u l-indipendenza ta' l-entitajiet regolatorji; jiġi żgurat li l-istrateġija adottata tiġi implimentata, inkluża l-adozzjoni u l-implimentazzjoni tal-liġijiet u l-linji politiċi meħtieġa, u tissaħħaħ il-kapaċità amministrattiva.

—

Tinbeda l-approssimazzjoni ma' l-acquis fis-settur awjdoviżiv u tittejjeb it-trasparenza u r-responsabbiltà, b'mod partikolari ta' l-Aġenzija Repubblikana tax-Xandir.

—

Tiġi ffirmata u ratifikata l-Konvenzjoni Ewropea dwar il-Televiżjoni Transkonfini.

—

Tiġi adottata u implimentata politika pubblika ta' kontroll finanzjarju intern.

—

Jiġu żviluppati proċeduri u kapaċità amministrattiva sabiex tiġi żgurata protezzjoni effettiva ta' l-interessi finanzjarji ta' l-UE.

—

Tiġi emendata l-Liġi dwar l-istatistika u tiżdied il-kooperazzjoni u l-koordinazzjoni fi ħdan is-sistema nazzjonali ta' l-istatistika.

—

Jitwettaq ċensiment agrikolu, jinħoloq reġistru agrikolu u jissokta l-iżvilupp tal-kontijiet nazzjonali skond l-ESA 95 inkluż it-titjib tas-sorsi ta' data.

—

Isseħħ l-implimentazzjoni ta' l-istrateġija integrata għall-ġestjoni tal-fruntieri (IBM) u tissaħħaħ il-kooperazzjoni fost l-aġenziji ta' l-IBM.

—

Tittejjeb il-kooperazzjoni transkonfini bejn il-pulizija skond l-aħjar prattiċi, tissaħħaħ il-kapaċità tal-pulizija tal-fruntieri u jiġu pprovduti infrastruttura u tagħmir moderni għall-pulizija tal-fruntieri, b'mod partikolari fil-qasam ta' l-IT.

—

Isir l-allinjament tas-sistema tal-viża ma' l-acquis u jiġi implimentat il-ftehim bejn l-UE u s-Serbja dwar l-iffaċilitar tal-viża.

—

Tiġi żgurata implimentazzjoni effettiva tal-ħtiġiet għall-għoti ta' dokumenti ta' l-ivvjaġġar u ta' l-identità ta' kwalità għolja.

—

Tiġi adottata u implimentata leġislazzjoni dwar l-asil, jiġi żgurat il-funzjonament taċ-ċentru li jilqa' lil dawk li qed ifittxu l-asil u jiġi żgurat il-ħolqien ta' entità operattiva għall-applikazzjonijiet ta' asil.

—

Jiġi implimentat il-ftehim bejn l-UE u s-Serbja dwar id-dħul mill-ġdid.

—

Tiġi adottata strateġija għall-integrazzjoni mill-ġdid ta' min jirritorna, inkluż l-indirizzar tal-kondizzjonijiet soċjo-ekonomiċi.

—

Jiġu adottati l-leġislazzjoni meħtieġa u strateġija nazzjonali, inkluża skeda taż-żmien, kontra l-money laundering u l-finanzjament tat-terroriżmu, jissaħħu l-entitajiet lokali għall-ġlieda kontra l-money laundering u tittejjeb il-kooperazzjoni bejn l-aġenziji kif ukoll il-kooperazzjoni internazzjonali.

—

Tiżdied il-kapaċità fil-ġlieda kontra t-traffikar tad-drogi, tiġi żviluppata u tinbeda l-implimentazzjoni ta' strateġija nazzjonali dwar id-drogi f'konformità ma' l-istrateġija ta' l-UE dwar id-drogi u tittejjeb il-kooperazzjoni internazzjonali.

—

Tiġi żgurata l-implimentazzjoni sħiħa tal-Liġi dwar il-pulizija għall-istabbiliment tal-professjonaliżmu u r-responsabbilità, tittejjeb it-trasparenza, jiġi żviluppat korp tal-pulizija modern mingħajr indħil politiku eċċessiv u tiżdied il-kapaċità permezz ta' taħriġ speċjalizzat.

—

Jittieħdu l-passi meħtieġa għall-konklużjoni ta' ftehim ta' kooperazzjoni ma' l-Europol.

—

Tiġi adottata l-leġislazzjoni pendenti, tiġi żviluppata l-kapaċità għall-qbid ta' assi, tiġi implimentata strateġija nazzjonali kontra l-kriminalità organizzata u tissaħħaħ l-intelligence kriminali.

—

Tissokta l-ġlieda kontra t-traffikar tal-bnedmin, inkluża l-implimentazjoni ta' l-istrateġija għall-prevenzjoni tat-traffikar u l-għoti ta' għajnuna u protezzjoni xierqa lill-vittmi.

—

Tiżdied l-effiċjenza tal-kooperazzjoni internazzjonali u ta' l-implimentazzjoni tal-konvenzjonijiet internazzjonali rilevanti dwar it-terroriżmu.

—

Tittejjeb il-kooperazzjoni u l-iskambju ta' informazzjoni bejn il-fergħat kollha tas-servizzi tas-sigurtà u ma' stati oħra u jiġu ostakolati l-finanzjament u t-tħejjija ta' atti terroristiċi.

—

Issir reviżjoni tal-qafas legali, jiġu ffirmati l-konvenzjonijiet internazzjonali rilevanti u tiġi stabbilita awtorità superviżorja indipendenti.

—

Tiġi msaħħa ulterjorment il-kapaċità għal integrazzjoni Ewropea fi ħdan l-amministrazzjoni pubblika, u jiġu integrati l-istrutturi meħtieġa fi ħdan il-ministeri kkonċernati u mal-gvern kollu kemm hu, u jittejbu l-mekkaniżmi ta' kooperazzjoni mad-dipartimenti kollha relatati ma' l-integrazzjoni Ewropea.

—

Tissokta l-implimentazzjoni sħiħa tas-servizz pubbliku u tal-liġijiet ta' l-amministrazzjoni pubblika, jiġu implimentati l-miżuri ta' żvilupp tar-riżorsi umani fis-servizz pubbliku, tissaħħaħ il-kapaċità ta' tfassil tal-politika u l-koordinazzjoni ta' l-amministrazzjoni pubblika fil-livelli governattivi u dawk lokali, tiġi stabbilita sistema ċentralizzata għall-ħlas tal-pagi, jiġu implimentati d-dispożizzjonijiet kostituzzjonali relatati mad-deċentralizzazzjoni u jiġu żgurati r-riżorsi għall-gvernijiet lokali.

—

Jissoktaw il-proċessi tar-ristrutturar u r-riforma tal-forzi armati u jiżdiedu t-trasparenza u s-superviżjoni ċivili tal-forzi armati.

—

Jitnaqqas ix-xogħol pendenti fil-qrati u jiżdiedu ulterjorment l-effiċjenza u l-professjonaliżmu tal-qrati.

—

Jiġu introdotti standards uniformi għall-ġbir ta' data affidabbli dwar il-ġudikatura.

—

Tiġi żgurata konformità sħiħa mal-Konvenzjoni tan-Nazzjonijiet Uniti fil-ġlieda kontra l-korruzzjoni. Tissaħħaħ ulterjorment il-kapaċità ta' l-entitajiet ta' kontra l-korruzzjoni.

—

Tiġi implimentata l-leġislazzjoni kontra d-diskriminazzjoni.

—

Jissoktaw l-isforzi għall-integrazzjoni u t-titjib tal-kondizzjonijiet għat-tfal b'diżabbiltà. Issir riforma tas-sistema tal-kura tat-tfal u tiġi żgurata edukazzjoni regolari għat-tfal ta' minoranzi.

—

Tiġi faċilitata l-integrazzjoni għar-refuġjati li jagħżlu li ma jmorrux lura.

—

Tissaħħaħ il-konsolidazzjoni fiskali u jitnaqqas ir-rwol tas-settur statali, ikkalkolat permezz ta' paragun bejn l-infiq u l-PGD, sabiex jinħoloq spazju għall-iżvilupp u t-tkabbir tas-settur privat.

—

Titħaffef il-privatizzazzjoni, u fejn xieraq, il-likwidazzjoni ta' impriżi statali sabiex tissaħħaħ il-governanza korporattiva, jitnaqqas it-telf kważi-fiskali, jingħata kontribut għall-konsolidazzjoni fiskali u jiżdied is-sehem ta' l-attività tas-settur privat.

—

Titnaqqas ir-riġidità strutturali li tfixkel il-funzjonament tas-suq tax-xogħol, b'mod partikolari b'rabta mar-regolamentazzjoni tas-suq tax-xogħol, sabiex jiżdiedu r-rati tal-parteċipazzjoni u ta' l-impjieg.

—

Titnaqqas l-għajnuna mill-Istat f'paragun mal-PGD u tissaħħaħ il-politika tal-kompetizzjoni sabiex tingħata opportunità għal kompetizzjoni mingħajr distorsjonijiet għall-benefiċċji tal-konsumaturi Serbi.

—

Tittejjeb is-sistema edukattiva bil-għan li jiżdiedu l-kapaċitajiet li jrawmu opportunitajiet ta' impjieg u tkabbir ekonomiku fit-tul.

—

Jittejjeb l-ambjent tal-kummerċ biex jiżdiedu l-investimenti diretti barranin f'oqsma ġodda.

—

Jissokta l-iżvilupp ta' l-istandardizzazzjoni u, issir it-tħejjija għal adeżjoni sħiħa ma' l-organizzazzjonijiet Ewropej ta' l-istandardizzazzjoni.

—

Il-liberalizzazzjoni ulterjuri ta' movimenti ta' kapital fuq perijodi qosra u medji.

—

Jiġi żgurat l-issoktar ta' l-approssimazzjoni ma' l-acquis tal-leġislazzjoni doganali, kif ukoll tat-tassazzjoni u tal-leġislazzjoni fiskali oħra biex tkompli tissaħħaħ il-kapaċità amministrattiva għall-implimentazzjoni ta' din il-leġislazzjoni u l-ġlieda kontra l-korruzzjoni, il-kriminalità transkonfini, u l-evażjoni fiskali.

—

It-titjib tat-trasparenza u l-iskambju ta' informazzjoni ma' l-UE għall-faċilitazzjoni ta' l-infurzar tal-miżuri li jiprevjenu l-evitar jew l-evażjoni tat-taxxi.

—

Tiġi implimentata l-leġislazzjoni dwar l-għajnuna mill-Istat u jiġi żgurat l-iffunzjonar effikaċji ta' l-awtorità għall-monitoraġġ ta' l-għajnuna mill-Istat.

—

Jiġu adottati miżuri biex jiżdiedu l-għadd ta' tfal mill-kommunitajiet kollha li jirreġistraw fl-iskejjel għall-edukazzjoni sekondarja.

—

Jiġu żviluppati aktar il-linji politiċi ta' l-inklużjoni soċjali u l-protezzjoni soċjali.

—

Jiġi żgurat djalogu soċjali li jiffunzjona u rappreżentattiv.

—

Isiru sforzi ulterjuri sabiex tittejjeb is-sitwazzjoni tal-persuni b'diżabbiltà.

—

Jiġi adottat qafas nazzjonali ta' kwalifiki għal taħriġ vokazzjonali u edukattiv; issir il-promozzjoni ta' kooperazzjoni reġjonali fil-qasam ta' l-edukazzjoni għola.

—

Tiġi adottata politika integrata ta' riċerka.

—

It-tkomplija ta' l-implimentazzjoni tal-Karta Ewropea għall-Impriżi ż-Żgħar.

—

Jissoktaw l-isforzi għat-tisħiħ ta' l-istrutturi u l-kapaċità amministrattivi meħtieġa għat-tfassil u l-implimentazzjoni tal-linji politiċi agrikoli u ta' żvilupp rurali.

—

Jissokta t-tisħiħ tal-leġislazzjoni u l-kontrolli veterinarji, sanitarji, fitosanitarji u tal-leġislazzjoni u l-kontrolli tas-sigurtà alimentari.

—

Jittejjeb l-immaniġġjar ta' l-iskart u jitnaqqas it-tniġġis agrikolu.

—

Jissokta t-titjib ta' l-istabbilimenti li jipproċessaw l-ikel sabiex jilħqu l-ħtiġiet ta' l-UE.

—

Jiġu żgurati l-implimentazzjoni u l-infurzar bis-sħiħ tal-leġislazzjoni approssimata mal-leġislazzjoni ta' l-UE.

—

Jiġu implimentati l-konvenzjonijiet internazzjonali rilevanti u l-Protokoll ta' Kyoto.

—

Jiġu adottati u jibdew jitwettqu strateġiji dwar it-tniġġiż ta' l-arja, l-ġestjoni ta' l-iskart u l-protezzjoni tan-natura.

—

Tiġi implimentata l-istrateġija nazzjonali għall-protezzjoni ta' l-ambjent u l-istrateġija ta' l-ilma.

—

Tissaħħaħ ulterjorment il-kapaċità amministrattiva ta' l-istituzzjonijiet ambjentali kemm fuq il-livell nazzjonali kif ukoll dak lokali.

—

Jiġi implimentat pjan multi-annwali għall-finanzjament tal-politika għall-protezzjoni ambjentali, inkluż l-investiment.

—

Tkun finalizzata l-kostruzzjoni ta' faċilità għat-trattament u għar-rimi sigur ta' skart perikoluż.

—

Jitwettaq il-Memorandum ta' Ftehim dwar l-Iżvilupp ta' Netwerk Prinċipali tat-Trasport Reġjonali ta' l-Ewropa tax-Xlokk u tisaħħaħ il-kooperazzjoni ma' l-Osservatorju tat-Trasport ta' l-Ewropa tax-Xlokk.

—

Tissaħħaħ ulterjorment il-kapaċità amminsitrattiva, inkluża t-tħejjija ta' proġetti għal investimenti kbar u l-manutenzjoni ta' l-infrastruttura.

—

Tiġi żgurata l-approssimazzjoni ulterjuri tal-leġislazzjoni ma' l-acquis tat-trasport, notevolment fir-rigward ta' l-istandards tekniċi u tas-sikurezza (inkluża l-implimentazzjoni tat-takografija diġitali).

—

Jiġu implimentati l-impenji skond it-tieni fażi tranżitorja tal-Ftehim dwar l-Ispazju Komuni Ewropew ta' l-Avjazzjoni.

—

Tiġi adottata u implimentata strateġija fuq terminu twil għall-politika ta' l-enerġija ambjentalment sostenibbli.

—

Titkompla l-implimentazzjoni ta' l-impenji reġjonali u internazzjonali f'dan il-qasam bil-ħsieb li jiġi stabbilit suq reġjonali kompetittiv ta' l-enerġija.

—

Jitkompla l-iżmuntar tar-reattur ta' riċerka ta' Vinca.

—

Tinbeda l-implimentazzjoni tal-qafas il-ġdid ta' l-UE għall-komunikazzjoni elettronika jitkompla l-allinjament ma' l-acquis ta' l-UE għas-settur awdjoviżiv.

—

Jiġu żviluppati u implimentati l-prinċipji ta' kontabblità maniġerjali diċentralizzata u sistema ta' verifika interna li taħdem b'mod indipendenti skond l-istandards aċċettati internazzjonalment l-aħjar prattiki ta' l-UE.

—

Jiġu żviluppati aktar proċeduri u kapaċità amministrattiva biex tiġi żgurata il-protezzjoni effettiva ta' l-interessi finanzjarji tal-KE.

—

Tiġi żviluppata aktar is-sistema ta' ġestjoni tal-kwalità; tiġi attwata l-istatistika agrikola u jiġu żviluppati aktar l-oqsma kollha ta' statistika settorjali.

—

Jitkompla it-tisħiħ tal-kapaċità tal-pulzija tal-fruntieri u tas-servizzi doganali, isir titjib fil-faċilitajiet fil-postijiet tal-fruntiera, u tittejjeb il-kooperazzjoni mal-pajjiżi ġirien fil-ġlieda kontra t-traffikar tal-bnedmin.

—

Jiġu provduti soluzzjonijiet sostenibbli għall-integrazzjoni tal-persuni li jiġu riammmessi.

—

Tiġi implimentata bis-sħiħ strateġija nazzjonali fil-ġlieda kontra l-abbuż tad-droga.

—

Jitkompla ir-ristrutturar tas-servizzi tal-pulizija u tiġi żgurata t-trasparenza u r-responsabbiltà, issir riforma ta' l-edukazzjoni tal-pulizija u tiġi żgurata l-kooperazzjoni u l-koordinazzjoni bejn l-aġenziji ta' l-infurzar tal-liġi.

—

Jiġi żgurat li tiddaħħal fis-seħħ sistema effettiva ta' protezzjoni tax-xhieda, tittejjeb il-kooperazzjoni reġjonali, tissaħħaħ il-ġlieda kontra l-kriminalità ekonomika u finanzjarja (inklużi l-laundering tal-flus, u l-iffalsifikar tal-flus), il-frodi u l-korruzzjoni, tiġi ffaċilitata l-ħatra ta' uffiċjali ta' kollegament, issekondati mill-Istati Membri ta' l-UE, fil-korpi rilevanti ta' l-istat involuti fil-ġlieda kontra l-kriminalità organizzata u tiġi implimentata l-Konvenzjoni ta' Palermo dwar il-kriminalità organizzata tranżnazzjonali.

—

Tissaħħaħ il-kapaċità tal-Ministeru ta' l-Intern (partikolarment id-Dipartiment tal-kriminalità organizzata) u jiġu żviluppati proċeduri u l-kapaċità għall-iskambju ta' intelligence bejn l-aġenziji.

—

Titkompla l-ħidma mill-qrib mat-timijiet ta’ ppjanar responsabbli mit-tħejjija tal-missjoni internazzjonali/ta’ l-UE prevista biex tkun tista’ ssir l-implimentazzjoni sħiħa ta’ ftehim.

—

Issir kooperazzjoni kostruttiva dwar kwistjonijiet relatati mas-Serbja.

—

Tiġi żgurata kooperazzjoni sħiħa mat-Tribunal Internazzjonali Kriminali għal dik li qabel kienet il-Jugoslavja.

—

Jiġi żgurat ir-rispett sħiħ għall-Istat tad-dritt, id-drittijiet tal-bniedem u l-protezzjoni tal-minoranzi u s-segwitu ta' politika li ma tittollerax il-korruzzjoni, il-kriminalità organizzata u l-kriminalità finanzjarja.

—

Tiġi żgurata governanza demokratika ta', u l-provdiment ta' servizzi pubbliċi lill-poplu kollu tal-Kosovo, li tistabbilixxi amministrazzjoni pubblika professjonali, responsabbli, aċċessibbli, rappreżentattiva ħielsa minn interferenza politika bla bżonn.

—

Tiġi avvanzata r-riforma ta' tmexxija awtonoma u tittejjeb il-kapaċità amministrattiva għall-iffaċilitar tad-deċentralizzazzjoni, b'konsiderazzjoni għall-fehmiet u l-interessi tal-komunitajiet kollha fil-Kosovo, jiġi adottat il-qafas leġislattiv u jiġu allokati riżorsi baġitarji xierqa.

—

Tinħoloq klima ta' rikonċiljazzjoni, tolleranza inter-etnika u multietniċità sostenibbli li twassal għar-ritorn ta' persuni spostati. Jiġi żgurat ir-rispett, is-sigurtà, il-libertà tal-moviment u l-parteċipazzjoni tal-komunitajiet kollha. Jiġi kkundannati b'mod espliċitu l-manifestazzjonijiet kollha ta' sentiment kontra l-minoranzi. B'mod vigoruż ssir prosekuzzjon tal-kriminalità kollha inter-etnika.

—

Jiġi żgurat ir-rispett sħiħ għal-libertà tar-reliġjon. Tiġi żgurata l-protezzjoni tal-wirt kulturali u reliġjuż u jittieħdu miżuri għall-prevenzjoni u l-prosekuzzjoni ta' attakki fuq il-postijiet.

—

Tinħoloq soċjetà ħielsa minn kull xorta ta' diskriminazzjoni u l-promozzjoni ta' l-integrazzjoni ta' gruppi żvantaġġati.

—

Jitkompla t-tisħiħ tad-drittijiet ta' proprjetà, il-qafas legali u l-aċċessibbiltà għall-qrati, bil-għan tal-promozzjoni ta' ambjent kummerċjali pożittiv.

—

Jiġi żgurat il-fuzjonament effikaċji ta' l-assemblea u l-kumitati tagħha, tal-gvern u l-muniċipalitajiet, inkluż ir-rispett sħiħ lejn ir-regoli ta' proċedura rispettivi u l-kodiċi ta' kondotta, u d-drittijiet u l-interessi tal-komunitajiet kollha.

—

Tiżdied is-superviżjoni eżekuttiva mill-, u r-responsabbiltà u t-trasparenza fi ħdan, l-assemblea. Tissaħħaħ il-kapaċità amministrattiva proprja ta' l-assemblea.

—

Tiġi ppubblikata l-Gazzetta Uffiċjali f'manjiera f'waqtha u l-iżgurar li tkun totalment korretta. Jitjiebu l-kontrolli dwar il-verżonijiet lingwistiċi rispettivi biex jiġi żgurat li jkunu identiċi u jiġi żgurat l-aċċess għall-pubbliku tal-Gazzetta Uffiċjali.

—

Iżdied aktar ir-rappreżentanza tal-minoranzi fl-istituzzjonijiet kollha u fis-servizz ċivil fil-livell muniċipali u ċentrali.

—

Jinżammu elezzjonijiet liberi u ġusti. Tissaħħaħ il-Kummissjoni Elettorali Ċentrali indipendenti u multi-etnika biex jiġu amministrati l-elezzjonijiet f'maniera f'waqtha.

—

Ikun żgurat li siti adegwati għall-votazzjoni, miżuri ta' sigurtà u oħrajn jiġu provduti lill-komunitajiet kollha għall-eżerċitar tad-drittijiet tal-vot tagħhom. Persuni spostati internament u r-refuġjati jkunu jistgħu jipparteċipaw fl-elezzjonijiet anke jekk il-kapaċità tagħhom ta' ritorn lejn il-Kosovo tkun limitata.

—

Jittejbu l-kontrolli dwar il-kompattibbilta tal-leġislazzjoni l-ġdida kollha ta' l-UE.

—

Tissaħħaħ il-kapaċità tal-kordinazzjoni mill-gvern u d-definizzjoni b'mod aktar preċiż tar-responsabbiltajiet ta' l-awtoritajiet ċentrali u lokali għall-iżgurar tal-konsistenza fl-implimentazzjoni tal-linji politiċi. Tissaħħaħ l-effiċjenza tal-funzjonijiet tal-gvern għall-monitoraġġ tal-prestazzjoni tas-servizz pubbliku.

—

Jiġu infurzati b'mod rigoruż proċeduri trasparenti dwar ir-reklutaġġ, it-trasferiment, il-valutazzjoni, il-promozzjoni, il-kondotta u t-tkeċċija tal-ħaddiema taċ-ċivil, inklużi l-pulizija, il-persunal tas-sistema ġudizzjarja u tal-ġestjoni finanzjarja.

—

Jittejjeb l-iffunzjonar u tissaħħaħ l-indipendenza tal-Bord Indipendenti ta' Sorveljanza u l-Kumitat tal-Ħatriet Pubbliċi Għolja.

—

Titjieb il-kwalità u d-disponibbiltà tas-servizzi pubbliċi bażiċi għall-komunitajiet kollha, inkluż kontribut għat-tnaqqis fid-domanda għas-servizzi provduti minn strutturi paralleli.

—

Isir progress fil-proċess ta' deċentralizzazzjoni u jiġi adottati, fost l-oħrajn, liġijiet dwar il-gvern lokali u l-fruntieri muniċipali.

—

Jiġu żgurati qrati u uffiċċji ta' prosekuzzjoni effikaċi, indipendenti, responsabbli u imparzjali ħielsa mill-influwenza politika.

—

Jissaħħaħ l-Uffiċċju tal-Prosekutur biex jiġi żgurat li huwa kapaċi jikkonforma mal-prinċipji ta' l-awtonomija u l-imparzjalità. Jitkompla t-tisħiħ ta' l-Uffiċċju tal-Prosektur Speċjali. Tiġi żgurata l-implimentazzjoni ta' skema effikaċi għall-protezzjoni tax-xhieda.

—

Jiġu approvati u implimentati liġijiet dwar il-qrati u l-prosekuzzjoni. Tiġi żviluppata sistema ta' ġustizzja amministrattiva u jiġu organizzati l-leġislazzjoni u l-kompetenzi rilevanti.

—

Tiġi implimentata b'mod sħiħ sistema ta' ġestjoni awtomatizzata tal-każi fil-qrati u fl-uffiċċji ta' prosekuzzjoni kollha. Jitnaqqas ix-xogħol pendenti ta' każi u jsir l-infurzar tad-deċiżjonijiet tal-qorti ċivili.

—

Jissaħħu l-qrati muniċipali u l-azzjoni tal-pulizija għall-indirizzar, il-prevenzjoni u s-sanzjoni kontra x-xogħol illegali, isir użu u bini ta' proprjetà b'mod imparzjali.

—

Ikomplu jiġu żviluppati l-edukazzjoni u t-taħriġ legali, partikolarment għall-imħallfin, il-prosekuturi u l-persunal amministrattiv. L-Istitut Ġudizzjarji jinbidel f'istituzzjoni vijabbli responsabbli mit-taħriġ ġudizzjarju.

—

Tiġi żviluppata l-kapaċità fil-gvern ħieles minn influwenza politika bla bżonn biex jieħu r-responsabbilitajiet fl-oqsma tal-ġustizzja u ta' l-intern. Tiġi implimentata sistema ta' ħatriet, tkeċċija u promozzjoni tal-karriera għall-imħallfin u l-prosekuturi skond l-istandards Ewropej, ħielsa minn interferenza politika.

—

Jiżdiedu l-isforzi biex jintlaħqu standards internazzjonali fl-ittrattar ta' talbiet ta' assistenza legali reċiproka f'affarijiet kriminali u talbiet għall-estradizzjoni.

—

Jissaħħaħ l-aċċess għall-ġustizzja tal-komunitajiet ta' monoranzi u jissaħħu mekkaniżmi bħall-Uffiċċji ta' Kollegament tal-qrati.

—

Jibqgħu jittieħdu miżuri biex tkun faċilitatat rappreżentanza etnika ekwitabbli ta' imħallfin.

—

Tissaħħaħ il-kapaċità amministrattiva, il-koordinazzjoni u l-effikaċja tal-ġudikatura u l-aġenziji kollha tar-rinfurzar tal-liġi. Tiġi żgurata l-vijabbiltà ta' sistema komprensiva ta' għajnuna legali.

—

Tiġi implimentata l-liġi għat-trażżin tal-korruzzjoni u l-pjan kontra l-korruzzjoni. Tissaħħaħ l-aġenzija kontra l-korruzzjoni u jittieħdu miżuri sabiex jiġu żgurati bis-sħiħ l-indipendenza u l-finzjonament tagħha.

—

Jiġu integrati l-kompetenzi ta' l-Aġenzija kontra l-Korruzzjoni, ta' l-Uffiċċju għal Governanza Tajba u tal-Kunsill kontra l-Korruzzjoni.

—

Jitlesta l-qafas leġislattiv u jittejjeb ir-rispett lejn il-mekkaniżmi għall-ħarsien tad-drittijet tal-bniedem u tal-minoranzi skond ir-rakkomandazzjonijiet tal-Kunsill ta' l-Ewropa. Tiġi adottata u implimentata Strateġija għad-Drittijiet tal-Bniedem komprensiva.

—

Jissaħħaħ il-qafas legali fir-rigward tal-libertà ta' l-espressjoni. Il-kummissjoni indipendenti dwar il-medja tingħata r-riżorsi rilevanti sabiex jiġu rrispettati d-dispożizzjonijiet leġislattivi. Titneħħa kwlaunkwe ambigiwità legali fir-rigward ta' l-insult u l-malafama.

—

Jiġi elett ombudsman u jiġu adottati dispożizzjonijiet legali li jiżguraw l-implimentazzjoni tar-rakkomandazzjonijiet ta' l-ombudsman.

—

Jiġi definit u adottat programm governattiv biex jiġu promossi d-drittijiet tan-nisa fil-Kosovo.

—

Tiġi implimentata b'mod effettiv il-leġislazzjoni kontra d-diskriminazzjoni. B'mod partikolari, l-unitajiet tad-drittijiet tal-bniedem isiru operattivi b'mod sħiħ, u jiġu żgurati l-indipendenza u l-koordinazzjoni tagħhom ma' l-attivitajiet ta' l-Ombudsman. Jiġu organizzati kampanji ta' sensibilizzazzjoni sabiex is-settur privat, is-soċjetà ċivili u ċ-ċrieki akkademiċi jiġu mgħarrfa dwar din il-liġi. Tiġi monitorjata l-implimentazzjoni tal-liġi u jsiru rapporti dwar dan.

—

Jiġu żviluppati servizzi bbażati fil-komunità u għajnuna lil persuni dipendenti, inkluż fil-qasam tas-saħħa mentali.

—

Jiġu promossi linji politiċi kontra d-diskriminazzjoni fil-pajjiż kollu, li jindirizzaw lil gruppi kollha f'riskju.

—

Tiġi adottata u implimentata leġislazzjoni adegwata biex tiġi żgurata protezzjoni legali għat-tfal.

—

Tiġi infurzata bis-sħiħ il-liġi dwar il-lingwi uffiċjali kif ukoll dwar il-wirt kulturali u jiġi stabbilit mekkaniżmu effikaċi għall-monitoraġġ ta' l-implimentazzjoni tagħha.

—

Jiġu regolarizzati l-insedjamenti informali. Jinstabu soluzzjonijiet sostenibbli għall-għoti ta' djar u l-integrazzjoni tal-komunitajiet ta' Roma li qed jgħixu f'kondizzjonijiet perikolużi f'kampijiet u għall-gruppi ta' persuni spostati internament li jgħixu f'ċentri informali.

—

Jissaħħu l-istrutturi amministrattivi u l-mekkaniżmi ta' responsabbiltà fil-Ministeru tal-Komunitajiet u Persuni li Jirritornaw. Tiġi ċċarata d-diviżjoni tar-responsabbiltajiet fir-rigward tal-persuni li jirritornaw bejn il-Ministeru tat-Governanza Lokali u l-Ministeru tal-Komunitajiet u l-Persuni li Jirritornaw, fuq livelli ċentrali u lokali. Ikompli jiġi żviluppat u implimentat il-qafas strateġiku konġunt dwar il-komunitajiet u l-persuni li jirritornaw u jiġu żviluppati mekkaniżmi fil-livell muniċipali biex tiġi faċilitata l-integrazzjoni sostenibbli tal-persuni li jirritornaw u tal-komunitajiet eżistenti tal-minoranzi.

—

Jiġi faċilitat u mħeġġeġ ir-ritorn tar-refuġjati u tal-persuni spostati mill-komunitajiet kollha u tiġi finalizzata r-riabilitazzjoni ta' proprjetajiet, inklużi s-siti storiċi u reliġjużi, li ġarrbu ħsara jew inqerdu waqt l-avvenimenti ta' Marzu 2004.

—

Jissaħħu l-kooperazzjoni reġjonali u r-relazzjonijiet tajbin tal-viċinat.

—

Jiġi implimentat il-Ftehim ta' Kummerċ Ħieles ta' l-Ewropa Ċentrali (CEFTA) u jittieħed sehem attiv fl-inizjattivi reġjonali rilevanti kollha, fost l-oħrajn, taħt l-awspiċi tal-Patt ta' Stabbiltà, inkluż il-proċess tat-transizzjoni tagħha lejn qafas ta' kooperazzjoni mfassal b'mod aktar partikolari għar-reġjun.

—

Jinżammu linji politiċi fiskali sodi, u partikolarment, jiġi żgurat li l-politiki soċjali li jindirizzaw il-faqar u l-esklużjoni soċjali jkunu konformi mas-sostenibbiltà dejjiema tal-finanzi pubbliċi.

—

Jiġu stabbiliti miri annwali għar-rati tal-ġbir tal-kontiijiet ta' l-utilitajiet pubbliċi u jiġu definiti u jiġu implimentati strateġiji biex jintlaħqu dawk il-miri.

—

Isir progress sinifikanti tal-privatizzazzjoni ta' ex-impriżi pubbliċi skond l-iskeda ta' l-Aġenzija Fiduċjarja.

—

Jittejbu t-tmexxija, l-effiċjenza u s-sostenibbiltà finanzjarja ta' l-impriżi pubbliċi. Tissaħħaħ ulterjorment l-indipendenza operattiva u finanzjarja ta' l-awtoritajiet regolatorji bil-għan li tissaħħaħ it-trasparenza u l-kompetizzjoni fis-setturi rispettivi.

—

Jiġu żviluppati u implimentati politiki li jiffaċilitaw it-trasferiment minn impjieg mhux irreġistrat għal impjieg reġistrat sabiex jinħoloq suq uffiċjali tax-xogħol u biex tittejjeb l-effikaċja tal-politiki dwar is-suq tax-xogħol.

—

Jiġi adottat il-qafas leġislattiv orizzontali sabiex tiġi stabbilita l-infrastruttura meħtieġa għall-operazzjoni korretta u s-segregazzjoni tad-diversi funzjonijiet (regolatorji, ta' standardizzazzjoni, metroloġija ta' l-akkreditazzjoni, valutazzjoni tal-konformità u sorveljanza tas-suq) meħtieġa sabiex l-acquis jiġi applikat għall-moviment liberu tal-merkanzija.

—

Jiġu adottati l-ħtiġiet prudenti adegwati u jissaħħaħ il-proċess superviżorju fis-settur finanzjarju.

—

Il-leġislazzjoni doganali tiġi approssimata ulterjorment ma' l-acquis u jitkomplew l-isforzi biex tittejjeb il-kapaċità ta' l-amministrazzjoni doganali għall-ġlieda kontra l-korruzzjoni, l-iffalsifikar u l-kriminalità transkonfini. Tissaħħaħ il-kapaċità ta' l-unità ta' investigazzjoni kriminali.

—

Jiġu osservati l-obbligi marbutin ma' l-implimentazzjoni ta' miżuri kummerċjali preferenzjali, partikolarment fir-rigward ta' l-oriġini.

—

Titkompla l-approssimazzjoni tal-leġislazzjoni tat-taxxa ma' dik ta' l-acquis ta' l-UE u tissaħħaħ il-kapaċità amministrattiva ta' l-amministrazzjoni tat-taxxa. Tissaħħaħ il-kapaċità tal-ġbir ta' l-amministrazzjoni tat-taxxa u jiżdied id-dħul mit-taxxi.

—

Jittieħed l-impenn għall-prinċipji tal-Kodiċi tal-Kondotta għat-tassazzjoni tan-negozju u jiġi żgurat li miżuri ġodda tat-taxxa jikkonformaw ma' dawn il-prinċipji.

—

Jiġi adattat il-qafas ta' l-akkwisti pubbliċi billi tiġi adottata l-leġislazzjoni implimentattiva meħtieġa biex tiġi żgurata l-kompattibbiltà ma' l-acquis. Jiġi pprovdut qafas istituzzjonali dwar l-akkwisti pubbliċi bil-kapaċità amministrattiva u l-indipendenza titwettaq il-missjoni tiegħu.

—

Tiġi pprovduta l-kapaċità amministrattiva u ġudizzjarja għall-implimentazzjoni tal-liġi dwar il-proprjetà intellettwali u għall-infurzar tad-drittijiet tal-proprjetà intellettwali.

—

Tiġi adottata strateġija dwar l-impjieg, inkluż it-titjib tal-ġbir tad-data dwar kwistjonijiet ta' l-impjieg.

—

Tittejjeb l-informazzjoni pubblika dwar l-aċċess għal sistemi ta' sigurtà soċjali u jittejbu l-kapaċitajiet muniċipali fi kwistjonijiet dwar assistenza soċjali.

—

Tiġi emendata l-leġislazzjoni dwar l-assigurazzjoni soċjali u l-iskema dwar il-pensjonijiet.

—

Issir ir-reviżjoni ta' l-iskema dwar il-benefiċċji soċjali sabiex tiġi żgurata non-diskriminazzjoni rigward il-benefiċjarji.

—

Jiżdied il-baġit għall-edukazzjoni, b'mod partikolari biex tittejjeb l-infrastruttura skolastika, jintemmu x-xiftijiet tat-tagħlim u jiġi indirizzat in-nuqqas ta' materjal u tagħmir.

—

Jiġu żviluppati pjanijiet ta' azzjoni għall-implimentazzjoni ta' l-istrateġiji edukattivi b'aktar djalogu u koordinazzjoni bejn il-livelli kollha u l-partijiet interessati kollha u jiġu allokati r-riżorsi meħtieġa.

—

Tiġi implimentata bis-sħiħ il-leġislazzjoni dwar it-taħriġ vokazzjonali u tinbeda l-implimentazzjoni tal-liġi dwar qafas nazzjonali ta' kwalifiki.

—

Jitkompla l-iżvilupp ta' qafas nazzjonali għall-monitoraġġ u l-evalwazzjoni tat-tagħlim.

—

Jiġi żgurat involviment aħjar fil-programmi ta' l-UE ta' l-edukazzjoni għolja.

—

Tiġi implimentata strateġija fuq terminu medju għall-appoġġ ta' l-iżvilupp ta' l-SMEs, inkluż it-tisħiħ ta' l-aġenżija għall-appoġġ ta' l-SMEs u ta' l-aġenzija għall-promozzjoni ta' l-investiment. Titkompla l-implementazzjoni tal-Karta Ewropea għall-Intrapriżi Żgħar.

—

Jiġu ddeterminati responsabbiltajiet ċari fi ħdan is-servizzi differenti fis-settur agrikolu (inklużi l-amministrazzjoni veterinarja u fitosanitarja) u r-relazzjonijiet tagħhom mal-Ministru ta' l-Agrikoltura, Forestrija u Żvilupp Rurali, il-gvernijiet lokali u fuq il-livell muniċipali.

—

Tiġi adottata l-liġi dwar l-ikel u l-leġislazzjoni implimentattiva konsegwenti, u tiġi stabbilita l-aġenzija rilevanti biex tiġi implimentata u rinfurzata l-liġi.

—

Tiġi żgurata l-istruttura operattiva tas-sistema għall-identifikar ta' l-annimali u r-reġistrazzjoni tal-movimenti tagħhom.

—

Jitfassal pjan għat-titjib ta' l-istabbilimenti agroalimentari.

—

Tiġi implimentata l-liġi dwar il-valutazzjoni ta' l-impatt ambjentali adottata mill-Assemblea.

—

Jiġi implimentat pjan ta' azzjoni ambjentali komprensiv, partikolarment b'rabta ma' kwistjonijiet tas-saħħa pubblika.

—

Titkompla l-approssimazzjoni ma' l-istandards Ewropej fil-qasam ta' l-ambjent.

—

Jitkomplew l-isforzi biex tiżdied is-sensibilizzazzjoni pubblika u l-parteċipazzjoni tas-soċjetà ċivili fi kwistjonijiet ambjentali.

—

Titkompla l-implimentazzjoni tal-Memorandum ta' Ftehim dwar l-iżvilupp ta' Netwerk Prinċipali tat-Trasport Reġjonali ta' l-Ewropa tax-Xlokk (SEE) li jinkludi l-addendum dwar Żona ta' Trasport Ferrovjarju ta' l-SEE.

—

Jiġu implimentati l-liġijiet dwar it-trasport bit-triq u dwar is-sigurtà fuq it-toroq u tiġi żviluppata strateġija multimodali tat-trasport.

—

Jitkompla t-titjib tal-ġestjoni ta' l-assi bbażata fuq id-data għall-manutenzjoni u r-riabilitazzjoni ta' l-infrastrutturi tat-trasport. Tiġi żgurata l-konformità mal-qafas leġislattiv ta' l-UE għall-konċessjonijiet u jittieħdu miżuri biex jiġu atrratti investituri, inkluż permezz ta' sħubiji pubbliċi-privati, għall-kofinanzjament ta' xogħlijiet infrastrutturali kbar u strateġiċi.

—

Jiġi żgurat li l-iżvilupp tas-settur ferrovjarju jkun kompattibbli ma' l-istrateġija għall-iżvilupp ekonomiku.

—

Jiġi żguat li l-ajruport ta' Pristina jopera fl-livell adegwat ta' sigurtà u jkollu ġestjoni soda u responsabbli.

—

Tiġi riveduta u mtejba s-sistema tal-liċenzji tas-sewqan u ta' l-ispezzjoni teknika tal-vetturi.

—

Jiġu żgurati l-vijabbiltà u s-sostenibbiltà tal-utilità ta' l-elettriku, notevolment billi jiżdied sostanzjalment il-ġbir tad-dħul u tiġi promossa l-governanza tajba.

—

Titkompla l-implimentazzjoni ta' l-impenji meħudin fil-qafas tat-Trattat Komunitarju dwar l-Enerġija. Titkompla t-tħejjija tal-proġett “Kosovo C” għall-ġenerazzjoni u l-forniment ta' l-elettriku b'konformità sħiħa ma' l-acquis kif previst fit-Trattat Komunitarju dwar l-Enerġija.

—

Tiġi adottata u tinbeda l-implimentazzjoni tal-politika dwar in-netwerks u s-servizzi tal-komunikazzjoni elettronika bil-għan li tiġi nfurzata liberalizzazzjoni sħiħa u jinħoloq ambjent miftuħ u kompetittiv sabiex jiġi mħajjar l-investiment barrani u tittejjeb il-kwalità tas-servizz.

—

Tissaħħaħ il-kapaċità amministrattiva ta' l-awtoritajiet regolatorji. Tissaħħaħ il-pożizzjoni tagħha u tiġi żgurata l-indipendenza operattiva u finanzjarja tagħha.

—

Jiġi żgurat l-iffinanzjar stabbli u sostenibbli tax-Xandar tas-Servizz Pubbliku RTK, il-Kummissjoni Indipendenti tal-Medja u l-fond tal-medja.

—

Jitkomplaw l-isforzi biex tiġi implimentata l-istrateġija pubblika ta' kontroll finanzjarju intern u l-liġijiet rilevanti għat-twettiq tal-prijoritajiet ta' terminu medju f'dan il-qasam.

—

Tissaħħaħ il-kapaċità amministrattiva ta' l-Uffiċċju ta' l-Istatistika u tittejjeb l-indipendenza operattiva u finanzjarja tagħha. Tiġi żgurata l-affidabbiltà ta' l-istatistika inkluż li minn iwieġeb għall-istħarriġ jipprovdi lill-uffiċċju ta' l-istatiska, data ta' kwalità, f'manjiera f'waqtha u mingħajr ħlas.

—

Jitkompla l-iżvilupp ta' l-istatistika ekonomika u jiġi aċċellerat l-iżvilupp ta' l-istatistika soċjali.

—

Tittejjeb l-effiċjenza tal-kontroll tal-fluss tal-persuni fil-fruntieri u tittejjeb l-effikaċja u t-trasparenza tad-dipartiment tal-pulizija tal-fruntieri.

—

Tissaħħaħ il-kooperazzjoni bejn l-aġenziji ta' ġestjoni tal-fruntieri u mal-pajjiżi ġirien.

—

Jiġu stabbiliti postijiet ta' kenn u faċilitajiet ta' lqugħ għal min ifittex l-asil.

—

Tiġi adottata liġi dwar il-migrazzjoni skond l-istandards Ewropej. Titfassal strateġija u pjan ta' azzjoni dwar il-migrazzjoni, li jindirizzaw b'mod partikolari d-dħul u l-integrazzjoni mill-ġdid tal-persuni li jirritornaw minn barra l-pajjiż.

—

Tittejjeb il-kapaċità ta' l-Unità ta' l-Investigazzjoni Finanzjarja fid-direttorat tal-kriminalità organizzata tas-Servizz tal-Pulizija tal-Kosovo (KPS). Jitħarrġu prosekuturi u mħallfin speċjalizzati. Jiġu integrati l-kompetenzi fil-qasam tal-money laudering fl-istituzzjonijiet differenti involuti.

—

Tiġi żviluppata strateġija għall-prevenzjoni tad-droga u pjan ta' azzjoni rilevanti għall-implimentazzjoni tagħha. Tkompli tissaħħaħ il-kapaċità lokali fit-taqsima ta' l-investigazzjoni dwar id-droga.

—

Tiġi adottata l-liġi dwar il-pulizija.

—

Tissaħħaħ l-effettività ta' l-investigazzjonijiet dwar il-kriminalità. Tiġi adottata u implimentata l-leġislazzjoni li tistabilixxi l-KPS u jissaħħu l-kapaċitajiet investigattivi u ta' kontroll intern. Tissaħħaħ it-tmexxija tiegħu.

—

Tiġi adottata strateġija għat-tnaqqis tal-kriminalità u ssir l-implimentazzjoni tagħha. Tiġi żviluppata strateġija għall-ġbir ta' armi, titlesta u tiġi infurzata l-leġislazzjoni relatata ma' l-armi żgħar.

—

Jiġu stabbiliti strateġija u pjan ta' azzjoni għall-ġlieda kontra l-kriminalità organizzata u t-terroriżmu.

—

Jitkompla l-qafas leġislattiv dwar il-kriminalità organizzata.

—

Tkompli tissaħħaħ il-kapaċità lokali fid-direttorat għall-kriminalità organizzata fil-KPS.

—

Jiġi implimentat il-pjan ta' azzjoni u jissaħħu d-dispożizzjonijet u l-istrutturi leġislattivi għal ġlieda aktar effiċjenti kontra t-traffikar tal-bnedmin.

—

Tiġi żviluppata u implimentata liġi komprensiva dwar il-protezzjoni tad-data personali b'konformità ma' l-acquis, b'mod partikolari mad-Direttiva dwar il-Protezzjoni tad-Data (95/46/KE). Tiġi stabbilita awtorità superviżorja indipendenti għall-protezzjoni tad-data, b'setgħat suffiċjenti kif ukoll b'riżorsi finanzjarji u umani suffiċjenti.

—

Tipproċedi b'riforma sostenibbli għall-amministrazzjoni pubblika waqt li jiġu rispettati l-limiti baġitarji. Tittejjeb il-kapaċità ta' l-amministrazzoni lokali li tagħti servizzi b'mod ekwitabbli u effettiv lill-kostitwenzi tagħhom.

—

Jiġi definit u konsolidat korp komplet ta' liġijiet li jirrispetta d-drittijiet u l-interessi tal-komunitajiet kollha, li jitfassal mis-sorsi legali kollha attwalment applikabbli fil-Kosovo.

—

Jiġi żviluppat mekkaniżmu alternattiv għar-riżoluzzjoni tal-kunflitti.

—

Tissaħħaħ is-sistema penitenzjarja b'attenzjoni partikolari għas-sigurtà, il-kontroll, il-ġestjoni, it-taħriġ vokazzjonali u l-iskemi għar-riintegrazzjoni, kif ukoll il-kondizzjonijiet tal-faċilitajiet.

—

Jiġu żviluppati pjani ta' azzjoni settorjali għall-ġlieda kontra l-korruzzjoni u tiżdied is-sensibilizzazzjoni dwar il-problema tal-korruzzjoni fl-amministrazzjoni pubblika kif ukoll fis-soċjetà ċivili.

—

Jiġu stabbiliti riżultati tajbin fil-ġlieda kontra l-korruzzjoni.

—

Tiġi żgurata l-eżistenza vijabbli tal-komunitajiet tal-minoranza u l-parteċipazzjoni non- diskriminatorja tagħhom fis-soċjetà, waqt li jittieħdu miżuri konkreti biex jiżguraw is-sigurtà, il-libertà tal-moviment kif ukoll il-proviżjoni ġusta ta', u l-aċċess għas-servizzi pubbliċi u universali.

—

Tiġi implimentata l-liġi dwar l-ugwaljanza bejn is-sessi. Tiġi żgurata l-integrazzjoni tad-drittijiet tan-nisa fil-politika u fil-leġislazzjoni kollha eżistenti.

—

Tiġi żviluppata politika integrata ta' konservazzjoni għall-wirt kulturali. Jittieħed impenn attiv fiż-żieda tas-sensibilizzazzjoni ġenerali u r-rispett għall-wirt kulturali.

—

Jiġi żgurat li l-Aġenzija Kadastrali u l-uffiċċji muniċipali kadastrali joffru aċċess trasparenti u non-diskriminatorju għar-rekords kollha tal-proprjetà u jkollhom mekkaniżmi responsabbli li jiffunzjonaw.

—

Ikomplu jissaħħu l-mekkaniżmi ta' kooperazzjoni reġjonali u internazzjonali, inkluż fil-qasam ta' l-infurzar tal-liġi, inkluż it-trasferiment tal-persuni suspettati u tal-persuni kkundannati u l-assistenza legali reċiproka.

—

Ikomplu jissaħħu id-drittijiet ta' proprjetà, l-sstat tad-dritt, u l-aċċessibbiltà għall-qrati, bil-għan li jiġi promoss ambjent kummerċjali pożittiv.

—

Tiġi żviluppata strateġija għall-privatizzazzjoni, u r-ristrutturar fejn meħtieġ, ta' l-impriżi pubbliċi, bil-għan li jissaħħu t-tmexxija u l-prestazzjoni korporattivi ta' dawn l-impriżi u jitnaqqsu s-sussidji lis-settur ta' l-impriżi.

—

Jitfasslu u jiġu implimentati linji politiċi attivi tas-suq tax-xogħol f'kooperazzjoni mill-qrib mal-komunità kummerċjali lokali bil-għan li jittejjeb il-proċess ta' tqabbil bejn is-swieq tax-xogħol, u jiżdied is-sehem tal-ħaddiema kapaċi fl-għadd globali ta' ħaddiema.

—

Jiġu implimentati linji politiċi adatti għal żieda fil-kwantità u l-kwalità ta' l-edukazzjoni fil-livelli kollha.

—

Tissaħħaħ il-kapaċità ta' l-esportazzjoni.

—

Titkompla l-approssimazzjoni mad-direttivi b'approċċ globali l-ġdid u dawk b'approċċ antik.

—

Jiġu adottati l-bqija ta' l-Istandards Ewropej (ENs)

—

Tiġi stabbilita struttura ta' sorvelljanza tas-suq.

—

Titkompla l-approssimazzjoni tal-leġislazzjoni tat-taxxa u doganali ma' dik ta' l-acquis UE. Tittejjeb ulterjorment il-kapaċità amministrattiva tas-servizzi tat-taxxa u doganali għat-tisħiħ tal-leġislazzjoni u għall-ġlieda kontra l-korruzzjoni, il-kriminalità transkonfinali u l-evażjoni tat-taxxa.

—

Jiġi żgurat li r-regoli dwar l-akkwisti pubbliċi jitwettqu effettivament fil-livelli kollha minn awtorijatjiet u entitajiet kontraenti, inkluż permezz ta' l-iżvilupp ta' għodda operattiva, il-proviżjoni ta' taħriġ u t-tisħiħ tal-kapaċità amminitrattiva.

—

Jitkompla jissaħħaħ l-infurzar tad-drittijiet tal-proprjetà intellettwali, industrijali u kummerċjali, skond l-istrateġija ta' terminu medju.

—

Tissaħħaħ il-kapaċità amministrattiva ta' l-ispettorati tax-xogħol.

—

Jissaħħu l-mekkaniżmi għall-assigurazzjoni tal-kwalità fis-settur ta' l-edukazzjoni.

—

Jitkomplaw l-isforzi bejn l-edukazzjoni u t-taħriġ vokazzjonali u s-settur ta' l-edukazzjoni għolja ikun hemm rabta mas-suq tax-xogħol u l-ħtiġiet ekonomiċi.

—

Tiġi promossa l-kooperazzjoni reġjonali fil-qasam ta' l-edukazzjoni ogħla.

—

Jinbeda l-iżvilupp ta' politika li twassal għar-riċerka.

—

Tiġi żviluppata politika kif ukoll qafas regolatorju biex tiġi appoġġata riforma vijabbli ta' l-art. Tiġi appoġġata l-protezzjoni ta' l-art agrikola kontra żvilupp urban mhux ippjanat.

—

Tiġi vvalutata l-konformità ta' l-istabbilimenti agroalimentari mal-ħtiġiet ta' l-UE u jitħejja programm għat-titjib ta' dawk l-istabbilimenti.

—

Tinbeda azzjoni għall-kontroll effiċjenti tal-produzzjoni tal-pjanti domestiċi, b'mod partikolari għall-prodotti bi ħtiġiet speċifiċi ta' l-UE.

—

Tiġi żviluppata struttura soda għall-ġestjoni tal-foresti, b'mod partikolari fil-ġlieda kontra l-qtugħ illegali tas-siġar u l-ġlieda kontra n-nirien fil-foresti.

—

Jittieħdu miżuri għall-infurzar ta' l-ippjanar ta' l-ispazji.

—

Tittejjeb il-kapaċità istituzzjonali tal-Ministeru ta' l-Ambjent u l-Ippjanar ta' l-Ispazji, tittejjeb il-koordinazzjoni bejn il-korpi amministrattivi responsabbli minn kwistjonijiet relatati ma' l-ambjent.

—

Jiġu integrati l-kwisitjonijiet ambjentali fil-linji politiċi settorjali, b'mod partikolari dwar l-enerġija u t-trasport.

—

Jittieħdu miżuri sabiex tittejjeb is-sikurezza fit-toroq.

—

Jiġu ppjanati u implimentati l-manutenzjoni u r-rijabilitazzjoni ta' l-infrastrutturi tat-trasport, inkluża l-kostruzzjoni ta' infrastruttura ġdida, permezz ta' sħubiji pubbliċi-privati, jekk meħtieġ.

—

Tiġi żviluppata u implimentata strateġija multimodali.

—

Jiġu żviluppati l-oqsfa leġislattivi regolatorji li jinkoraġixxu s-sħubiji pubbliċi-privati u l-investimenti mħallta fis-settur ta' l-enerġija skond il-konklużjonijiet ta' l-istudju dwar il-ġenerazzjoni ta' l-investiment.

—

Tittejjeb ulterjorment il-prestazzjoni ta' l-utilità elettrika u ssir l-integrazzjoni fis-suq reġjonali ta' l-elettriku.

—

Isir allinjament tal-qafas regolatorju u tiġi implimentata l-leġislazzjoni dwar in-netwerks u s-servizzi elettroniċi tal-komunikazzjoni biex jinħoloq ambjent aktar miftuħ u kompetittiv u tissaħħaħ il-pożizzjoni u l-indipendenza operattiva u finanzjarja tar-regolatur tat-telekomunikazzjonijiet.

—

Taħt il-koordinazzjoni tal-Ministeru tal-Finanzi, jiġu żviluppati u jitwettqu l-prinċipji tar-responsabbiltà ta' ġestjoni deċentralizzata u ta' verifiki intern li tiffunzjona indipendentament skond l-istandards internazzjonali u l-aħjar prattiki ta' l-UE permezz ta' leġiżlazzjoni koerenti u kapaċità amministrattiva adegwata.

—

Tissaħħaħ il-kapaċità operattiva u funzjonali kif ukoll l-indipendenza finanzjarja ta' l-Istituzzjoni Supremi tal-Verifika. Jiġu segwiti u implimentati r-rakkomandazzjonijiet ta' dawn ta' l-aħħar.

—

Tittejjeb il-kooperazzjoni u l-koordinazzjoni fis-sistema ta' l-istatistika tal-Kosovo, jiġu żviluppati sistema u dokument ta' ġestjoni tal-kwalità u jiġu standarizzati l-proċeduri ta' produzzjoni u dissiminazzjoni.

—

Tittejjeb ulterjorment il-kapaċità tad-direttorat tal-fruntieri, l-ażil u l-migrazzjoni fil-Ministeru ta' l-Intern. Tissaħħaħ ulterjorment il-kapaċità operattiva tas-servizz tal-pulizija tal-fruntieri fis-Servizz tal-Pulizija tal-Kosovo.

—

Tiġi implimentati u aġġornata l-istrateġija kontra l-kriminalità organizzata u t-terroriżmu.

—

Jissaħħu l-kapaċitajiet lokali biex jiġu investigati l-attivitajiet kriminali organizzati.

—

Jissaħħu l-kapaċitajiet ġudizzjarji għall-prosekuzzjoni u s-smiegħ ta' każijiet ta' kriminalità organizzata u finanzjarja.

—

Tiġi żgurata l-kooperazzjoni bejn l-aġenziji u l-kooperazzjoni internazzjonali, biex ir-riżultati tal-ġlieda kontra t-traffikar tad-drogi jittejbu konsiderevolment.

—

Tiġi implimentata l-liġi dwar il-protezzjoni tad-data personali b'konformità ma' l-acquis u jiġu żgurati monitoraġġ u infurzar effiċjenti.