5.2.2008   

MT

Il-Ġurnal Uffiċjali ta’ l-Unjoni Ewropea

L 31/34

(1)

L-Artikolu 11(2) tal-Ftehim Monetarju bejn il-Gvern tar-Repubblika Franċiża, f’isem il-Komunità Ewropea, u l-Gvern ta’ l-Altezza Serena tiegħu l-Prinċep ta’ Monako (minn hawn ’il quddiem “il-Ftehim Monetarju”) jeħtieġ li l-Prinċipat ta’ Monako japplika l-miżuri adottati minn Franza biex jimplimenta ċerti atti Komunitarji dwar l-attività u s-superviżjoni prudenti ta’ istituzzjonijiet ta’ kreditu u l-prevenzjoni ta’ riskji sistematiċi fis-sistemi ta’ ħlasijiet u ffinalizzar ta’ garanziji. Dawk l-atti huma elenkati fl-Anness A għall-Ftehim. Dak l-anness ġie aġġornat l-aħħar mid-Deċiżjoni tal-Kummissjoni 2006/558/KE (2). Għadd ta’ atti fl-Anness A ġew emendati u l-atti ta’ emenda għandhom jiddaħħlu f’dak l-Anness. Għadd ta’ atti Komunitarji ġodda li jaqgħu fi ħdan l-ambitu ta’ l-Artikolu 11(2) tal-Ftehim Monetarju ġew adottati u għandhom jiddaħħlu wkoll fl-Anness A.

(2)

Id-Direttiva 2006/46/KE tal-Parlament Ewropew u tal-Kunsill ta’ l-14 ta’ Ġunju 2006 li temenda d-Direttivi tal-Kunsill 78/660/KEE dwar il-kontijiet annwali ta’ ċerti tipi ta’ kumpaniji, 83/349/KEE dwar il-kontijiet konsolidati, 86/635/KEE dwar il-kontijiet annwali u l-kontijiet konsolidati ta’ banek u istituzzjonijiet finanzjarji oħrajn u 91/674/KEE dwar il-kontijiet annwali u l-kontijiet konsolidati ta’ intrapriżi ta’ l-assigurazzjoni (3), tittratta l-attività u s-superviżjoni ta’ istituzzjonijiet ta’ kreditu u temenda d-Direttiva 86/635/KEE tal-Kunsill (4), li hija diġà fl-Anness A. Għalhekk, tidħol fl-ambitu ta’ l-Artikolu 11(2) tal-Ftehim Monetarju u għandha tiddaħħal ukoll fl-Anness A.

(3)

Id-Direttiva 2006/49/KE tal-Parlament Ewropew u tal-Kunsill ta’ l-14 ta’ Ġunju 2006 dwar l-adegwatezza kapitali ta’ kumpaniji ta’ l-investiment u ta’ istituzzjonijiet ta’ kreditu (riformulata) (5) tittratta l-attività u s-superviżjoni ta’ l-istituzzjonijiet ta’ kreditu. Għalhekk taqa’ fl-ambitu ta’ l-Artikolu 11(2) tal-Ftehim Monetarju u għandha tiddaħħal ukoll fl-Anness A. Barra minn hekk, id-Direttiva 2006/49/KE tħassar id-Direttiva 93/6/KEE tal-Parlament u tal-Kunsill (6), kif emendata fost oħrajn mid-Direttiva 2002/87/KE (7) u mid-Direttiva 2004/39/KE tal-Kunsill (8), li għalhekk għandha titneħħa mill-Anness A.

(4)

Id-Direttiva tal-Kunsill 93/22/KEE ta’ l-10 ta’ Mejju 1993 dwar servizzi ta’ investiment fil-qasam ta’ titoli (9) kienet imħassra mid-Direttiva 2004/39/KE, kif emendata mid-Direttiva 2006/31/KE tal-Parlament u tal-Kunsill (10) u għalhekk għandha titneħħa mill-Anness A.

(5)

Id-Direttiva 2005/1/KE tal-Parlament Ewropew u tal-Kunsill tad-9 ta’ Marzu 2005 li temenda d-Direttivi tal-Kunsill 73/239/KEE, 85/611/KEE, 91/675/KEE, 92/49/KEE u 93/6/KEE u d-Direttivi 94/19/KE, 98/78/KE, 2000/12/KE, 2001/34/KE, 2002/83/KE u 2002/87/KE, sabiex tiġi stabbilita struttura organizzattiva ġdida għall-kumitati dwar is-servizzi finanzjarji (11) tittratta l-attività u s-superviżjoni ta’ l-istituzzjonijiet ta’ kreditu u temenda d-Direttiva 94/19/KE tal-Parlament u tal-Kunsill (12) u d-Direttiva 2002/87/KE (13), li diġà qegħdin fl-Anness A. Għalhekk din taqa' fi ħdan l-ambitu ta’ l-Artikolu 11(2) tal-Ftehim Monetarju u għandha tiddaħħal ukoll fl-Anness A.

(6)

Id-Direttiva 2006/48/KE tal-Parlament Ewropew u tal-Kunsill ta’ l-14 ta’ Ġunju 2006 rigward il-bidu u l-eżerċizzju tan-negozju ta’ l-istituzzjonijiet ta’ kreditu (riformulata) [titlu mhux uffiċjali] (14) tittratta l-attività u s-superviżjoni ta’ l-istituzzjonijiet ta’ kreditu. Għalhekk taqa' fl-ambitu ta’ l-Artikolu 11(2) tal-Ftehim Monetarju u għandha tiddaħħal fl-Anness A, minbarra t-Titoli III u IV. Id-Direttiva 2006/48/KE tħassar id-Direttiva 2000/12/KE (15), kif emendata fost oħrajn mid-Direttiva 2000/28/KE (16), mid-Direttiva 2002/87/KE u mid-Direttiva 2004/39/KE, li għalhekk għandha titneħħa mill-Anness A. Barra minn hekk, peress li d-Direttiva 2006/48/KE temenda d-Direttiva 2002/87/KE, li hija elenkata fl-Anness A, din għandha tiddaħħal ukoll bħala d-direttiva li temenda din ta’ l-aħħar.

(7)

Ir-Regolament tal-Kummissjoni (KE) Nru 1287/2006 ta’ l-10 ta’ Awwissu 2006 li jimplimenta d-Direttiva 2004/39/KE tal-Parlament Ewropew u tal-Kunsill dwar l-obbligi tal-kumpaniji ta’ l-investiment li jżommu r-reġistri, ir-rappurtaġġ tat-tranżazzjonijiet, it-trasparenza tas-suq, id-dħul ta’ l-istrumenti finanzjarji fil-kummerċ, u t-termini definiti għall-għanijiet ta’ dik id-Direttiva [titlu mhux uffiċjali] (17) u d-Direttiva tal-Kummissjoni 2006/73/KE ta’ l-10 ta’ Awwissu 2006 li timplimenta d-Direttiva 2004/39/KE tal-Parlament Ewropew u tal-Kunsill rigward ir-rekwiżiti organizzattivi u l-kundizzjonijet ta’ ħidma tal-kumpaniji ta’ l-investiment u t-termini definiti għall-għanijiet ta’ dik id-Direttiva [titlu mhux uffiċjali] (18), jittrattaw l-attività u s-superviżjoni ta’ l-istituzzjonijiet ta’ kreditu u jissupplimentaw id-Direttiva 2004/39/KE, kif emendata mid-Direttiva 2006/31/KE li diġà qiegħda fl-Anness A. Għalhekk, dawn jaqgħu fi ħdan l-ambitu ta’ l-Artikolu 11(2) tal-Ftehim Monetarju u għandhom jiddaħħlu wkoll fl-Anness A.

(8)

Id-Direttiva 2000/46/KE tal-Parlament Ewropew u tal-Kunsill tat-18 ta’ Settembru 2000 dwar il-bidu, l-eżerċizzju u s-superviżjoni prudenti tal-kummerċ ta’ istituzzjonijiet ta’ flus elettroniċi (19); tittratta l-attività u s-superviżjoni ta’ l-istituzzjonijiet ta’ kreditu. Għalhekk taqa' fi ħdan l-ambitu ta’ l-Artikolu 11(2) tal-Ftehim Monetarju u għandha tiddaħħal ukoll fl-Anness A

(9)

L-Anness A għall-Ftehim Monetarju għandu għalhekk jiġi emendat kif xieraq. Għall-finijiet ta’ ċarezza, l-Anness A għandu jinbidel kollu kemm hu.

(10)

Fil-laqgħa tagħha tat-13 ta’ Settembru 2007, il-Kummissjoni infurmat lill-Kumitat Konġunt bil-ħtieġa li taġġorna l-Anness A għall-Ftehim Monetarju. Il-Kumitat Konġunt ħa nota tal-pożizzjoni tal-Kummissjoni,