|
11.12.2007 |
MT |
Il-Ġurnal Uffiċjali ta’ l-Unjoni Ewropea |
L 325/68 |
REGOLAMENT TAL-KUMMISSJONI (KE) Nru 1453/2007
ta’ l-10 ta’ Diċembru 2007
li tiffissa l-ħlas standard għal kull prospett tal-biedja għas-sena tal-kontabiltà 2008 tan-Netwerk tad-Dejta tal-Kontabilità Agrikola
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill Nru 79/65/KEE tal-15 ta’ Ġunju 1965 li jistabbilixxi netwerk għall-ġbir ta’ informazzjoni ta’ kontabilità dwar id-dħul u l-operazzjoni kummerċjali ta’ azjendi agrikoli fil-Komunità Ekonomika Ewropea (1),
Wara li kkunsidrat ir-Regolament tal-Kummissjoni (KEE) Nru 1915/83 tat-13 ta’ Lulju 1983 dwar regoli dettaljati ta’ implimentazzjoni dwar iż-żamma ta’ kontijiet biex ikun determinat id-dħul ta’ ażjendi agrikoli (2), u partikolarment l-Artikolu 5(3) tiegħu,
Billi:
|
(1) |
L-Artikolu 5(1) tar-Regolament (KEE) Nru 1915/83 jipprovdi li l-Kummissjoni għandha tħallas piż fiss [ħlas standard] lill-Istati Membri kkonċernati għal kull prospett tal-biedja mimli kif għandu jkun li jkun mgħoddi ilha fil-perjodu preskritt fl-Artikolu 3 ta’ dak ir-Regolament. |
|
(2) |
Ir-Regolament tal-Kummissjoni (KE) Nru 1859/2006 (3) stabbilixxa l-ammont tal-ħlas standard għas-sena tal-kontijiet 2007 għal EUR 148 għal kull prospett tal-biedja. It-tendenza fl-ispejjeż u l-effetti tagħha fuq kemm tqum it-tlestija tal-prospett tar-razzett jiġġustifikaw reviżjoni tal-ħlas. |
|
(3) |
Il-miżuri provduti f'dan ir-Regolament huma skond l-opinjoni tal-Kumitat Komunitarju għan-Netwerk tad-Dejta tal-Kontabilità Agrikola, |
ADOTTAT DAN IR-REGOLAMENT
Artikolu 1
Il-piż fiss [ħlas standard] provdut fl-Artikolu 5(1) tar-Regolament (KEE) Nru 1915/83 għandu jkun EUR 151.
Artikolu 2
Dan ir-Regolament għandu jidħol fis-seħħ fit-tielet ġurnata wara li jiġi ppubblikat fil-Ġurnal Uffiċjali ta’ l-Unjoni Ewropea.
Għandu japplika mis-sena tal-kontijiet 2008.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 10 ta’ Diċembru 2007.
Għall-Kummissjoni
Mariann FISCHER BOEL
Għall-Kummissjoni
(1) ĠU 109, 23.6.1965, p. 1859. Ir-Regolament kif emendat l-aħħar bir-Regolament (KE) Nru 1791/2006 ( ĠU L 363, 20.12.2006, p. 1).
(2) ĠU L 190, 14.7.1983, p. 25. Ir-Regolament kif emendat l-aħħar bir-Regolament (KE) Nru 1192/2005 (ĠU L 194, 26.7.2005, p. 3).
(3) ĠU L 358, 16.12.2006, p. 30.