ANNESS 1

IL-FORMATI XIERQA GĦAT-TRAŻMISSJONI U R-RIŻULTATI LI GĦANDHOM JIĠU TRAŻMESSI

1. IL-FORMATI XIERQA GĦAT-TRAŻMISSJONI U R-RIŻULTATI LI GĦANDHOM JIĠU TRAŻMESSI GĦAS-SISTEMA PRINĊIPALI TA’ ESSPROS

1.1. Lista ta’ skemi

L-informazzjoni li ġejja għandha tiġi pprovduta permezz ta' tabella standard:

(1)	numru tas-serje għall-identifikazzjoni ta’ kull skema;

(2)	l-isem ta’ kull skema;

(3)	abbrevjazzjoni ta’ l-isem (fakultattiva);

(4)	il-klassifika ta’ l-iskemi bbażata fuq il-ħames kriterji stipulati fil-Manwal ta’ l-ESSPROS imħejji mill-Kummissjoni Ewropea b'kooperazzjoni ma’ l-Istati Membri.

1.2. Data kwantitattiva

Il-kwestjonarju ta’ l-ESSPROS dwar id-data kwantitattiva jkopri l-irċevuti, in-nefqa u l-benefiċċji dettaljati.

1.2.1. Organizzazzjoni tad-data

Id-data għandha tirreferi għal waħda mis-snin kalendarji li għaliha tkun ġiet trażmessa l-informazzjoni [skond l-Anness I tar-Regolament (KE) Nru 458/2007 dwar is-sistema Ewropea ta' l-istatistika integrata tal-ħarsien soċjali (ESSPROS)].

It-tabella standard għad-data annwali tinbena kif ġej:

—	ir-ringieli jikkorrispondu għall-klassifika dettaljata ta’ l-irċevuti, in-nefqa u l-benefiċċji;

—	il-kolonni jikkorrispondu għall-iskemi elenkati fit-tabella tal-“lista ta’ skemi” (kolonna waħda għal kull skema flimkien ma' kolonna waħda għat-total ta' l-iskemi kollha);

—	jekk tiżdied skema ġdida, dan għandu jsir billi tiżdied kolonna ġdida mat-tabella.

1.2.2. Data li għandha tiġi trażmessa

Id-data fil-munita nazzjonali għandha tingħata għal kull sena fil-livell ta’ l-entrata elementari; il-biċċa l-kbira tad-data dettaljata għandha tingħata skema wara skema (l-aggregati jiġu kkalkulati awtomatikament bil-formoli).

1.2.3. Manwal ta’ Referenza

Il-klassifika dettaljata biex tintuża għall-għoti tad-data hija stipulata fl-Appendiċi 1 tal-Manwal ta’ l-ESSPROS imħejji mill-Kummissjoni Ewropea b'kooperazzjoni ma’ l-Istati Membri.

1.3. Informazzjoni kwalitattiva skond l-iskema u l-benefiċċji dettaljati

Il-kwestjonarju ta’ l-ESSPROS għall-informazzjoni kwalitattiva jkopri l-oqsma speċifikati fl-Appendiċi 2 tal-Manwal ta’ l-ESSPROS imħejji mill-Kummissjoni Ewropea b'kooperazzjoni ma’ l-Istati Membri.

1.3.1. Organizzazzjoni tad-data

L-informazzjoni tikkonsisti minn:

—	informazzjoni rilevanti għall-iskemi operattivi kollha fil-pajjżi;

—	informazzjoni speċifika għall kull skema individwali.

1.3.2. Informazzjoni li għandha tiġi trażmessa

L-Istati Membri għandhom jipprovdu jew jaġġornaw informazzjoni kwalitattiva fuq kull skema u fuq kull benefiċċju dettaljat.

1.3.3. Manwal ta’ Referenza

L-informazzjoni dettaljata li għandha tiġi trażmessa hija stipulata fl-Appendiċi 2 tal-Manwal ta’ l-ESSPROS imħejji mill-Kummissjoni Ewropea b'kooperazzjoni ma’ l-Istati Membri.

2. IL-FORMATI XIERQA GĦAT-TRAŻMISSJONI U R-RIŻULTATI LI GĦANDHOM JIĠU TRAŻMESSI GĦALL-MODULU DWAR IL-BENEFIĊJARJI TAL-PENSJONIJIET

Il-kwestjonarju ta’ l-ESSPROS dwar il-benefiċjarji tal-pensjonijiet huwa tabella standard.

2.1. Organizzazzjoni tad-data

Id-data għandha tirreferi għal waħda mis-snin kalendarji li għaliha tkun ġiet trażmessa l-informazzjoni [skond l-Anness 1 tar-Regolament (KE) Nru 458/2007 dwar is-sistema Ewropea ta' l-istatistika integrata tal-ħarsien soċjali (ESSPROS)].

It-tabella standard għad-data annwali tinbena kif ġej:

—	ir-ringieli jikkorrispondu għall-kategoriji ta’ benefiċjarji tal-pensjonijiet ibbażati fuq il-klassifika fl-Appendiċi 3 tal-Manwal ta’ l-ESSPROS imħejji mill-Kummissjoni Ewropea flimkien ma’ l-Istati Membri.

—	il-kolonni jikkorrispondu għal skemi li għalihom hemm għallinqas kategorija ta’ benefiċjarji waħda.

2.2. Data li għandha tiġi trażmessa

Data dwar il-benefiċjarji għandha tingħata għal kull sena.

Kwestjonarju

Il-kwestjonarju huwa tabella li għandha timtela biss għal dawk il-benefiċċji li għalihom saret xi nefqa fil-pajjiż ikkonċernat. Jekk tinbeda skema ġdida, tista’ tiżdied, iżda għandu jinżamm l-istess format. Il-karta għall-ġbir tad-data hija speċifika għal kull pajjiż u/jew għal kull sena.

Data ta' referenza

Il-ġbir tad-data ta' l-istokk għas-sena N jirreferi għall-għadd ta' benefiċjarji fi tmien is-sena kalendarja.

Data dwar is-sess

Id-data dwar il-benefiċjarji għandha titqassam skond is-sess. Din id-data hija obbligatorja biss għal-livell tat-total ta’ l-iskemi kollha.

ANNESS II

KRITERJI GĦALL-KEJL TAL-KWALITÀ

1. KRITERJI GĦALL-KEJL TAL-KWALITÀ GĦAS-SISTEMA PRINĊIPALI TA’ L-ESSPROS

1.1. Preċiżjoni u affidabilità

1.1.1. Għal data kwantitattiva

1.1.1.1. Kopertura tas-sorsi tad-data

L-Istati Membri għandhom jipprovdu informazzjoni dwar:

—	it-tipi ta' sorsi użati: reġistri jew sorsi amministrattivi oħrajn, stħarriġiet, estimi, eċċ.;

—	rapporti dwar problemi (inkluż ittardjar) li jwasslu għall-istima tad-data;

—	l-iskemi koperti mit-tipi differenti ta’ sorsi;

—	fejn xieraq, il-benefiċċji kkonċernati mit-tipi differenti ta’ sorsi (jekk jintużaw sorsi multipli, eż. stħarriġiet ta’ l-ispiża tax-xogħol).

1.1.1.2. Metodoloġiji u preżunzjonijiet użati fl-istima ta' l-istatistika

L-Istati Membri għandhom jipprovdu informazzjoni dwar:

—	l-estimi għall-iskemi li għalihom m’hemmx data disponibbli;

—

l-estimi għal irċevuti, infiq u benefiċċji dettaljati nieqsa:

a)	jekk id-data tkun kompletament nieqsa;

jekk is-suddiviżjoni għal benefiċċju wieħed jew grupp wieħed ta’ benefiċċji tkun nieqsa (eż. is-suddiviżjoni ta’ benefiċċju wieħed f’benefiċċju li jiddependi fuq id-dħul (means-tested) u f'benefiċċju li ma jiddependix fuq id-dħul jew is-suddiviżjoni ta' benefiċċju fi flus speċifiku għal funzjoni waħda f’bosta benefiċċji dettaljati).

1.1.1.3. Reviżjoni ta' l-istatistika

L-Istati Membri għandhom jipprovdu informazzjoni dwar:

—	bidliet fis-sorsi tad-data użati;

—	bidliet fil-metodi użati għall-istima tad-data;

—	reviżjonijiet tad-data minħabba aġġustamenti kunċettwali (pereżempju, aġġustamenti tal-kontijiet nazzjonali);

—	reviżjonijiet tad-data minħabba d-disponibilità ta’ l-istatistika finali;

—	reviżjonijiet tad-data minħabba azzjonijiet ta’ reviżjoni tal-kwalità.

1.1.2. Għal informazzjoni kwalititattiva

Mhux applikabbli.

1.2. Komparabilità

1.2.1. Għal data kwantitattiva

Komparabilità ġeografika

Biex l-Eurostat ikun jista’ jevalwa l-komparabilità bjen il-pajjiżi, l-Istati Membri għandhom jagħtu informazzjoni dwar:

—	il-grad ta’ kopertura f’termini ta’ l-iskemi;

—	il-grad ta’ kopertura f’termini ta’ l-irċevuti, l-infiq u l-benefiċċji dettaljati;

—	il-każijiet ta’ nuqqas ta’ applikazzjoni tal-metodoloġija ESSPROS fl-għamla ta’ lista komprensiva.

1.2.2. Għal informazzjoni kwalititattiva

Mhux applikabbli.

2. KRITERJI GĦALL-KEJL TAL-KWALITÀ GĦALL-MODULU DWAR IL-BENEFIĊJARJI TAL-PENSJONIJIET

2.1. Preċiżjoni u affidabilità

2.1.1. Kopertura tas-sorsi tad-data

L-Istati Membri għandhom jipprovdu informazzjoni dwar:

—	it-tipi ta' sorsi użati: reġistri jew sorsi amministrattivi oħrajn, stħarriġiet, estimi, eċċ.;

—	rapporti dwar problemi (inkluż l-ittardjar) li jwasslu għall-estimu tad-data;

—	l-iskemi koperti mit-tipi differenti ta’ sorsi;

2.1.2. Metodoloġiji u preżunzjonijiet użati fit-trattament għadd doppju u fl-estimi

L-Istati Membri għandhom jipprovdu informazzjoni dwar:

—	l-estimi għall-iskemi li għalihom m’hemmx data disponibbli;

—

it-trattament għall-għadd doppju

a)	għal kategorija ta’ pensjonijiet ġewwa skema waħda;

b)	bejniet l-iskemi (kategorija tal-pensjonijiet għall-iskemi kollha);

ċ)	bejn kategoriji tal-pensjonijiet li jiddependu fuq id-dħul u dawk li ma jiddependux fuq id-dħul;

d)	bejn kategoriji fl-aggregazzjoni.

2.1.3. Reviżjoni ta' l-istatistika

L-Istati Membri għandhom jipprovdu informazzjoni dwar:

—	bidliet fis-sorsi tad-data użata;

—	bidliet fil-metodi użati għall-istima tad-data;

—	reviżjonijiet tad-data minħabba d-disponibilità ta’ l-istatistika finali;

—	reviżjonijiet tad-data minħabba azzjonijiet ta’ reviżjoni tal-kwalità.

2.2. Komparabilità

Komparabilità ġeografika

Biex l-Eurostat ikun jista’ jevalwa l-komparabilità bejn il-pajjiżi, l-Istati Membri għandhom jagħtu informazzjoni dwar:

—	il-grad ta’ kopertura f’termini ta’ l-iskemi;

—	il-grad ta’ kopertura f’termini ta’ l-benefiċjarji;

—	il-każijiet ta’ nuqqas ta’ applikazzjoni tal-metodoloġija ESSPROS fl-għamla ta’ lista komprensiva.

3. SKEDA GĦALL-PRODUZZJONI TAR-RAPPORTI DWAR IL-KWALITÀ

3.1. Għas-sistema prinċipali

Ir-rapporti dwar il-kwalità fuq is-sistema prinċipali isiru fuq bażi annwali. Ir-rapport tas-sena N għandu jiġi trażmess lill-Eurostat sa tmiem Settembru fis-sena N+2. Fuq din il-bażi l-Eurostat jipproduċi u jqassam verżjoni kkonsolidata ta’ dawn ir-rapporti sa tmiem Diċembru tas-sena N+2.

3.2. Għall-modulu tal-benefiċjarji tal-pensjonijiet

Ir-rapporti dwar il-kwalità fuq il-modulu tal-benefiċjarji tal-pensjonijiet isiru fuq bażi annwali. Ir-rapport tas-sena N għandu jiġi trażmess lill-Eurostat sa tmiem Awissu fis-sena N+2. Fuq din il-bażi Eurostat jipproduċi u jqassam verżjoni kkonsolidata ta’ dawn ir-rapporti sa tmiem Novembru tas-sena N+2.