dwaregoli implimentattivi għad-Direttiva tal-Kunsill 2000/75/KE fir-rigward tal-kontroll, ta’ l-immonitorjar, tas-sorveljanza u tar-restrizzjonijiet f’dak li għandu x’jaqsam mal-movimenti ta’ ċerti annimali ta’ speċi suxxettibbli għall-bluetongue

Wara li kkunsidrat id-Direttiva tal-Kunsill 82/894/KEE tal-21 Diċembru 1982 dwar in-notifika ta’ mard ta’ l-annimali fil-Komunità (1), u b’mod partikolari t-tieni inċiż ta’ l-Artikolu 5(2),

Wara li kkunsidrat id-Direttiva tal-Kunsill 2000/75/KE ta’ l-20 ta' Novembru 2000 li tistabbilixxi dispożizzjonijiet speċifiċi għall-kontroll u l-qerda tal-bluetongue (2), u b’mod partikolari l-Artikolu 6(1) u (3), l-Artikolu 8(2)(d), l-Artikolu 8(3), l-Artikolu 9(1)(ċ), l-Artikoli 11 u 12 u t-tielet paragrafu ta’ l-Artikolu 19 tagħha,

Dan ir-Regolament jistabbilixxi regoli għall-kontroll, għall-immonitorjar, għas-sorveljanza u għar-restrizzjonijiet f’dak li għandu x’jaqsam mal-movimenti ta’ annimali bit-tifsira ta’ l-Artikolu 2(c) tad-Direttiva 2000/75/KE, f’relazzjoni mal-bluetongue, fiż-żoni ristretti u minnhom.

Għall-finijiet ta’ dan ir-Regolament, għandhom japplikaw id-definizzjonijiet fl-Artikolu 2 tad-Direttiva 2000/75/KE.

L-Istati Membri għandhom jinnotifikaw inċidenzi primarji u inċidenzi tal-bluetongue permezz tas-Sistema ta’ Notifika tal-Mard ta’ l-Annimali, bl-użu ta’ għamliet ikkodifikati u l-kodiċijiet stabbiliti fid-Deċiżjoni 2005/176/KE.

L-Istati Membri għandhom jimplimentaw il-programmi li ġejjin f’konformità mar-rekwiżiti minimi stabbiliti fl-Anness I:

1. L-Istati Membri għandhom jittrasmettu lill-BlueTongue NETwork application (“BT-Net system”), stabbilita mid-Deċiżjoni 2007/367/KE, tagħrif dwar il-bluetongue miġbur matul l-implimentazzjoni tal-programmi għall-immonitorjar u/jew għas-sorveljanza tal-bluetongue, u b’mod partikolari:

2. It-tagħrif li għandu jiġi trasmess lill-BT-Net system huwa stabbilit fl-Anness II.

RESTRIZZJONIJIET F’DAK LI GĦANDU X’JAQSAM MAL-MOVIMENTI TA’ L-ANNIMALI U TAS-SEMEN, TAL-BAJD U TA’ L-EMBRIJUNI TAGĦHOM

1. L-Istati Membri għandhom jinnotifikaw lill-Kummissjoni ż-żoni ristretti tagħhom, u kull bidla fis-sitwazzjoni ta’ dawk iż-żoni fi żmien 24 siegħa.

2. Qabel ma jieħdu kull deċiżjoni sabiex ineħħu żona ġeografika rilevanti b’mod epidemjoloġiku minn żona ristretta, l-Istati Membri għandhom jipprovdu lill-Kummissjoni bit-tagħrif issostanzjat li juri l-assenza taċ-ċirkolazzjoni tal-virus bluetongue f’dik iż-żona matul perjodu ta’ sentejn wara l-implimentazzjoni tal-programm għall-immonitorjar tal-bluetongue.

3. Il-Kummissjoni għandha tgħarraf lill-Istati Membri, fil-qafas tal-Kumitat Permanenti dwar il-Katina Alimentari u s-Saħħa ta’ l-Annimali, il-lista ta’ żoni ristretti.

4. L-Istati Membri għandhom ifasslu u jżommu aġġornata lista taż-żoni ristretti fit-territorju tagħhom u jagħmluha disponibbli għall-Istati Membri l-oħrajn u għall-pubbliku.

5. Il-Kummissjoni għandha tippubblika, għall-finijiet ta’ tagħrif biss, fuq is-sit ta’ l-internet tagħha l-lista aġġornata ta’ żoni ristretti.

Din il-lista għandha tinkludi tagħrif dwar is-serotipi tal-virus tal-bluetongue li jiċċirkolaw f’kull żona ristretta, li jippermetti, għall-finijiet ta’ l-Artikoli 7 u 8, l-identifikazzjoni taż-żoni ristretti ddemarkati fi Stati Membri differenti fejn l-istess serotipi tal-virus tal-bluetongue jkunu qegħdin jiċċirkolaw.

1. Movimenti ta’ annimali fi ħdan l-istess żona ristretta fejn l-istess serotip jew serotipi tal-virus tal-bluetongue qiegħed jiċċirkola jew qegħdin jiċċirkolaw għandhom ikunu permessi mill-awtorità kompetenti sakemm l-annimali li jkunu se jiċċaqilqu ma juruwx xi sinjal kliniku tal-bluetongue dakinhar tat-trasport.

2. Madankollu, movimenti ta’ annimali minn żona protetta lejn żona ta’ sorveljanza jistgħu jkunu permessi biss jekk:

3. L-Istat Membru ta’ l-oriġini għandu minnufih jgħarraf lill-Kummissjoni u lill-Istati Membri l-oħrajn dwar il-garanziji tas-saħħa ta’ l-annimali rreferiti fil-paragrafu 2(b).

4. Għall-annimali rreferiti fil-paragrafi 1 u 2 ta’ dan l-Artikolu, il-kliem addizzjonali li ġej għandu jiżdied maċ-ċertifikati korrispondenti tas-saħħa stabbiliti fid-Direttivi 64/432/KEE, 91/68/KEE u 92/65/KEE, jew irreferiti fid-Deċiżjoni 93/444/KEE:

Kondizzjonijiet għall-eżenzjoni mill-projbizzjoni fuq il-ħruġ previsti fid-Direttiva 2000/75/KE

1. Movimenti ta’ annimali, tas-semen, tal-bajd u ta’ l-embrijuni tagħhom, minn azjenda jew ċentru għall-ġbir jew għall-ħażna tas-semen li jinsabu f’żona ristretta lejn azjenda oħra jew ċentru ieħor għall-ġbir jew għall-ħażna tas-semen għandhom ikunu eżentati mill-projbizzjoni fuq il-ħruġ stabbilita f’konformità ma’ l-Artikolu 9(1)(ċ) u l-punt 1 ta’ l-Artikolu 10 tad-Direttiva 2000/75/KE sakemm l-annimali, is-semen, il-bajd u l-embrijuni tagħhom ikunu konformi:

2. L-Istat Membru ta’ l-oriġini għandu minnufih jgħarraf lill-Kummissjoni u lill-Istati Membri l-oħrajn dwar il-garanziji tas-saħħa ta’ l-annimali rreferiti fil-paragrafu 1(b).

3. Għandha tiġi stabbilita proċedura ta’ gwida, taħt il-kontroll ta’ l-awtorità kompetenti tal-post tad-destinazzjoni, sabiex ikun żgurat li l-annimali, is-semen, il-bajd u l-embrijuni tagħhom li jitressqu f’konformità mal-kondizzjonijiet previsti fil-paragrafu 1(b), ma jitressqux b’mod sussegwenti lejn Stat Membru ieħor għajr meta l-annimali jkunu konformi mal-kondizzjonijiet previsti fil-paragrafu 1(a).

4. Movimenti ta’ annimali minn azjenda li tinsab f’żona ristretta għall-qatla immedjata għandhom ikunu eżentati mill-projbizzjoni fuq il-ħruġ f’konformità ma’ l-Artikolu 9(1)(ċ) u l-punt 1 ta’ l-Artikolu 10 tad-Direttiva 2000/75/KE sakemm:

5. Minkejja l-paragrafu 4(b), l-awtorità kompetenti tal-post tad-destinazzjoni tista’ tesiġi, fuq il-bażi ta’ evalwazzjoni tar-riskji, li l-awtorità kompetenti tal-post ta’ l-oriġini tistabbilixxi proċedura ta’ gwida rreferita fiha għat-trasport ta’ l-annimali lejn biċċeriji magħżulin.

Kull biċċerija magħżula bħal din għandha tiġi identifikata fuq il-bażi ta’ evalwazzjoni tar-riskji li għandha tqis il-kriterji stabbiliti fl-Anness IV.

Tagħrif dwar il-biċċeriji magħżulin għandu jkun disponibbli għall-Istati Membri l-oħrajn u għall-pubbliku. Dan it-tagħrif għandu jkun disponibbli wkoll permezz tal-BT-Net system.

6. Għall-annimali, is-semen, il-bajd u l-embrijuni tagħhom irreferiti fil-paragrafi 1 u 4 ta’ dan l-Artikolu, il-kliem addizzjonali li ġej għandu jiżdied maċ-ċertifikati korrispondenti tas-saħħa stabbiliti fid-Direttivi 64/432/KEE, 91/68/KEE u 92/65/KEE, jew irreferiti fid-Deċiżjoni 93/444/KEE:

1. It-tranżitu ta’ l-annimali għandu jkun permess mill-awtorità kompetenti sakemm:

2. Għall-annimali rreferiti fil-paragrafu 1 ta’ dan l-Artikolu, il-kliem addizzjonali li ġej għandu jiżdied maċ-ċertifikati korrispondenti tas-saħħa stabbiliti fid-Direttivi 64/432/KEE, 91/68/KEE u 92/65/KEE, jew irreferiti fid-Deċiżjoni 93/444/KEE:

3. Il-paragrafu 1 ta’ dan l-Artikolu mhux se japplika iktar f’żona ġeografika rilevanti b’mod epidemjoloġiku ta’ żona ħielsa minn organiżmi li jġorru l-mikrobu tal-bluetongue skond l-istaġun meta jkunu għaddew iktar minn 60 jum mid-data tal-bidu tal-perjodu ħieles mill-organiżmi li jġorru l-mikrobu skond l-istaġun, iddefinit f’konformità ma’ l-Anness V.

Madankollu, dik l-eżenzjoni m’għandhiex tapplika iktar wara t-tmiem tal-perjodu ħieles mill-organiżmi li jġorru l-mikrobu skond l-istaġun, fuq il-bażi tal-programm għall-immonitorjar tal-bluetongue.

Dan ir-Regolament għandu jidħol fis-seħħ fil-ħames jum wara l-jum li fih jiġi ppubblikat fil-Ġurnal Uffiċjali ta’ l-Unjoni Ewropea.

ANNESS I

Rekwiżiti minimi għal programmi għall-immonitorjar u għas-sorveljanza tal-bluetongue (irreferiti fl-Artikolu 4)

1. Rekwiżiti minimi għal programmi għall-immonitorjar tal-bluetongue sabiex jiġu implimentati mill-Istati Membri f’żoni ristretti

Programmi għall-immonitorjar tal-bluetongue f’żoni ristretti għandhom ikunu mmirati lejn il-provvista ta’ tagħrif dwar id-dinamika tal-bluetongue f’żona diġà suġġetta għal restrizzjonijiet.

L-unità ġeografika ta’ referenza għandha tkun definita minn struttura ta’ madwar 45 × 45 km (madwar 2 000 km2) għajr jekk kondizzjonijiet ambjentali speċifiċi jiġġustifikaw daqs differenti. F’ċerti Stati Membri, ir-“reġjun” kif iddefinit fl-Artikolu 2 tad-Direttiva 64/432/KEE jista’ jintuża bħala l-unità ġeografika ta’ referenza għall-finijiet ta’ mmonitorjar.

Programmi għall-immonitorjar tal-bluetongue għandhom jikkonsistu mill-inqas mill-elementi li ġejjin:

1.1.

Immonitorjar seroloġiku permezz ta’ annimali ta’ l-għassa:

—

L-immonitorjar seroloġiku permezz ta’ annimali ta’ l-għassa għandu jikkonsisti minn programm attiv annwali ta’ l-ittestjar ta’ annimali ta’ l-għassa mmirat lejn l-evalwazzjoni taċ-ċirkolazzjoni tal-virus bluetongue fi ħdan iż-żoni ristretti. Fejn possibbli, l-annimali ta’ l-għassa għandhom ikunu frat. Għandhom ikunu ħielsa minn antikorpi kif jintwera permezz ta’ test seronegattiv preliminari u għandhom jitqiegħdu f’żoni taż-żona ristretta fejn, wara li ssir analiżi tar-riskji li tqis evalwazzjonijiet entomoloġiċi u ekoloġiċi, tkun ġiet ikkonfermata l-preżenza ta' l-organiżmu li jġorr il-mikrobu jew ikunu preżenti abitazzjonijiet xierqa għat-tnissil ta' l-organiżmu li jġorr il-mikrobu.

—

Annimali ta’ l-għassa għandhom jiġu ttestjati mill-inqas kull xahar matul il-perjodu ta’ l-attività ta' l-organiżmu li jġorr il-mikrobu involut, jekk ikun magħruf. Fl-assenza ta’ tagħrif bħal dan, l-annimali ta’ l-għassa għandhom jiġu ttestjati mill-inqas darba kull xahar matul is-sena. Madankollu, il-frekwenza ta’ l-ittestjar tista’ tiġi aġġustata għall-varjazzjonijiet skond l-istaġun tas-sitwazzjoni epidemjoloġika matul is-sena sabiex ikunu stabbiliti l-bidu u t-tmiem taċ-ċirkolazzjoni tal-virus bluetongue fiż-żoni ristretti.

—	In-numru minimu ta’ annimali ta’ l-għassa għal kull unità ġeografika għandu jkun rappreżentattiv u biżżejjed sabiex tinstab inċidenza fix-xahar ta’ serokonverżjoni (1) ta’ 2 % b’kunfidenza ta’ 95 % f’kull unità ġeografika.

1.2.

Immonitorjar entomoloġiku

—

L-immonitorjar entomoloġiku għandu jikkonsisti fi programm attiv ta’ qbid ta' l-organiżmu li jġorr il-mikrobu permezz ta’ nases li jitqiegħdu fil-post b’mod permanenti maħsubin sabiex jiddeterminaw id-dinamika tal-popolazzjoni u karatteristiċi matul ix-xitwa ta’ l-ispeċi tal-Culicoides fis-sit li minnu jittieħdu l-kampjuni sabiex ikun iddeterminat il-perjodu ħieles mill-organiżmu li jġorr il-mikrobu skond l-istaġun fiż-żona ħielsa mill-bluetongue skond l-istaġun f’konformità ma’ l-Anness V;

—

Nases ta’ aspirazzjoni biss mgħammra b’dawl ultravjola għandhom jintużaw f’konformità ma’ protokolli stabbiliti minn qabel. In-nases għandhom jitħaddmu mal-lejl u għandhom jaħdmu mill-inqas b’rata ta’ lejl fil-ġimgħa matul il-perjodu tas-sena neċessarju għad-determinazzjoni tal-bidu u tat-tmiem tal-perjodu ħieles mill-organiżmu li jġorr il-mikrobu skond l-istaġun. Mill-inqas nassa waħda għandha titqiegħed f’kull unità ġeografika fiż-żona ristretta kollha. Il-frekwenza tat-tħaddim tan-nases għandha tiġi aġġustata għall-varjazzjonijiet skond l-istaġun tas-sitwazzjoni epidemjoloġika matul is-sena sabiex issir l-aħjar determinazzjoni tad-dinamika tal-popolazzjoni u tal-karatteristiċi matul ix-xitwa tal-Culicoides u tista’ tiġi emendata fuq il-bażi ta’ l-evidenza miksuba fl-ewwel tliet snin tat-tħaddim tan-nases. Proporzjon xieraq ta’ l-insetti miġburin fin-nases ta’ l-insetti għandu jintbagħat lil laboratorju speċjalizzat kapaċi jgħodd u jidentifika l-ispeċi tal-Culicoides fuq bażi ta’ rutina.

2. Rekwiżiti minimi għal programmi għas-sorveljanza tal-bluetongue sabiex jiġu implimentati mill-Istati Membri barra minn żoni ristretti

Programmi għas-sorveljanza tal-bluetongue barra minn żoni ristretti għandhom ikunu mmirati lejn is-sejbien taċ-ċirkolazzjoni tal-virus fi Stat Membru ħieles mill-bluetongue jew f’żona ġeografika rilevanti b’mod epidemjoloġiku u għandhom jikkonsistu mill-inqas mill-elementi li ġejjin:

2.1.

Sorveljanza klinika passiva:

—

għandha tikkonsisti minn sistema formali u kontinwa mmirata lejn is-sejbien u l-investigazzjoni ta’ suspetti ta’ bluetongue inkluża sistema ta’ twissija bikrija għar-rappurtar ta’ każijiet suspettużi. Sidien jew detenturi ta’ annimali kif ukoll veterinarji għandhom jirrappurtaw minnufih kull suspett ta’ bluetongue lill-awtorità kompetenti. Il-każijiet issuspettati kollha ta’ bluetongue għandhom ikunu investigati minnufih;

—	għandha tiġi rrinfurzata l-iktar matul l-istaġun ta’ l-attività ta' l-organiżmu li jgorr il-mikrobu, u b’mod partikolari fil-bidu tiegħu;

—	għandha tiżgura li kampanji għat-tqajjim tal-kuxjenza jitqiegħdu fis-seħħ u jkunu mmirati, b’mod partikolari, lejn l-identifikazzjoni mill-veterinarji u mill-bdiewa ta’ sinjali kliniċi tal-bluetongue.

2.2.

Sorveljanza seroloġika:

—

għandha tikkonsisti fi programm attiv annwali ta’ ttestjar seroloġiku ta’ popolazzjonijiet ta’ speċi suxxettibbli, immirat lejn is-sejbien ta’ evidenza tat-trasmissjoni tal-virus bluetongue permezz ta’ ttestjar seroloġiku u/jew viroloġiku bl-addoċċ jew immirat proporzjonali għar-riskju ta’ infezzjoni ta’ l-Istat Membru jew taż-żona ġeografika rilevanti b’mod epidemjoloġiku u li jsir fil-perjodu tas-sena meta jkun hemm iktar probabbiltà li tinsab is-serokonverżjoni;

—

għandha titfassal b’tali mod li l-kampjuni jkunu rappreżentattivi tal-popolazzjoni ta’ l-ifrat fl-Istat Membru jew f’żona ġeografika rilevanti b’mod epidemjoloġiku u d-daqs tal-kampjun ikun gie kkalkulat li jsib prevalenza ta’ 0.5 % b’kunfidenza ta’ 95 % fil-popolazzjoni ta’ l-ifrat ta’ dan l-Istat Membru jew ta’ din iż-żona ġeografika;

—

għandha tiżgura li d-daqs tal-kampjuni jkun aġġustat għall-istruttura tal-popolazzjoni ta’ l-ifrat li jittieħed kampjun minnha u għall-użu tas-sorveljanza mmirata, filwaqt li t-teħid ta’ kampjuni għas-sorveljanza jkun iffukat fuq popolazzjoni ta’ riskju għoli li fiha jeżistu fatturi speċifiċi ta’ riskju magħrufin b’mod komuni. It-tifsila tas-sorveljanza mmirata għandha tiżgura li annimali seropożittivi minn popolazzjonijiet ivvaċċinati jew immuni rreferiti fil-punti 5, 6 u 7 tal-Parti A ta’ l-Anness III ma jidħlux fuq il-programm għas-sorveljanza tal-bluetongue.

2.3.

Sorveljanza entomoloġika:

—

għandha tikkonsisti fi programm attiv annwali ta’ qbid ta’ organiżmi li jġorru l-mikrobu mmirat lejn il-ġbir ta’ tagħrif dwar l-ispeċi ppruvati u potenzjali ta’ organiżmi li jġorru l-mikrobu fl-Istat Membru jew f’żona ġeografika rilevanti b’mod epidemjoloġiku, id-distribuzzjoni tagħhom u l-profili skond l-istaġun;

—	għandha tiġi implimentata fl-Istati Membri kollha fejn huwa nieqes tagħrif dwar speċi ppruvati u potenzjali ta’ organiżmi li jġorru l-mikrobu, id-distribuzzjoni tagħhom u l-profili skond l-istaġun fl-Istat Membru.

(1) Saret stima li perċentwal ta’ 20 % huwa r-rata annwali normali ta’ serokonverżjoni f’żona infettata. Madankollu, fil-Komunità, iċ-ċirkolazzjoni tal-virus isseħħ l-iktar f’perjodu ta’ madwar sitt xhur (tmiem ir-Rebbiegħa/nofs il-Ħarifa). Għaldaqstant, perċentwal ta’ 2 % huwa stima konservattiva tar-rata mistennija fix-xahar ta’ serokonverżjoni.

ANNESS II

Tagħrif li għandu jiġi trasmess mill-Istati Membri lill-BT-Net system (irreferit fl-Artikolu 5(2))

It-tagħrif li għandu jiġi trasmess mill-Istati Membri lill-BT-Net system għandu jinkludi mill-inqas dan li ġej:

1. Dejta seroloġika/viroloġika dwar il-bluetongue

(a)	Diviżjoni/unità amministrattiva

(b)	Speċi ta’ annimali ttestjati

(c)	It-tip ta’ skema ta’ sistema għas-sorveljanza (“sistema ta’ għassa” jew “servej perjodiku”)

(d)	It-tip ta’ testijiet dijanjostiċi li jsiru (ELISA, newtralizzazzjoni tas-serum, PCR, iżolament tal-virus)

(e)	Ix-xahar u s-sena

(f)	In-numru ta’ annimali li jkunu ġew ittestjati (1)

(g)	In-numru ta’ annimali pożittivi

(h)	Is-serotip iddeterminat b’mod seroloġiku jew viroloġiku (għandha tkun ipprovduta dejta f’każ ta’ riżultati pożittivi għal testijiet għan-newtralizzazzjoni tas-serum jew għall-iżolazzjoni tal-virus)

2. Dejta entomoloġika dwar il-bluetongue

(a)	Diviżjoni amministrattiva

(b)	L-identità unika tas-sit (kodiċi unika għal kull sit fejn isir il-qbid)

(c)	Id-data tal-ġbir

(d)	Il-latitudni u l-lonġitudni

(e)	In-numru totali ta’ Culicoides spp. miġburin

(f)	In-numru ta’ C. imicola miġburin, jekk ikun disponibbli

(g)	In-numru ta’ C. obsoletus Complex miġburin, jekk ikun disponibbli

(h)	In-numru ta’ C. obsoletus sensu strictu miġburin, jekk ikun disponibbli

(i)	In-numru ta’ C. scoticus miġburin, jekk ikun disponibbli

(j)	In-numru ta’ C. Pulicaris Complex miġburin, jekk ikun disponibbli

(k)	In-numru ta’ C. Nubeculosus complex miġburin, jekk ikun disponibbli

(l)	In-numru ta’ C. dewulfii miġburin, jekk ikun disponibbli

(m)	Dejta rilevanti oħra

3. Id-data tat-tilqim tal-bluetongue

(a)	Diviżjoni amministrattiva

(b)	Is-sena/is-semestru

(c)	It-tip ta’ vaċċin

(d)	Il-ġabra tas-serotipi

(e)	L-ispeċi ta’ l-annimali li jkunu ġew ivvaċċinati

(f)	In-numru totali ta’ merħliet fl-Istat Membru

(g)	In-numru totali ta’ annimali fl-Istat Membru

(h)	In-numru totali ta’ merħliet fil-programm ta’ tilqim

(i)	In-numru totali ta’ annimali fil-programm ta’ tilqim

(j)	In-numru totali ta’ merħliet li jkunu ġew ivvaċċinati

(k)	In-numru ta’ annimali li jkunu ġew ivvaċċinati (fejn it-tip ta’ tilqim huwa “tilqim ta’ frieħ”)

(l)	In-numru ta’ frieħ li jkunu ġew ivvaċċinati (fejn it-tip ta’ tilqim huwa “tilqim tal-massa”)

(m)	In-numru ta’ adulti li jkunu ġew ivvaċċinati (fejn it-tip ta’ tilqim huwa “tilqim tal-massa”)

(n)	Id-dożi tal-vaċċin li jkun ingħata

(1) Jekk jintużaw provvisti ta’ sera, għandha tiġi rrapportata stima tan-numru ta’ annimali li jikkorrispondi għall-provvisti li jkunu ġew ittestjati.

ANNESS III

Kondizzjonijiet għall-eżenzjoni mill-projbizzjoni fuq il-ħruġ (irreferiti fl-Artikoli 7(2)(a) u 8(1)(a))

A. Annimali

L-annimali jridu jkunu ġew protetti kontra attakki minn organiżmi li jġorru l-mikrobu tal-Culicoides matul it-trasport lejn il-post tad-destinazzjoni.

Barra minn hekk, mill-inqas waħda mill-kondizzjonijiet stabbiliti fil-punti minn 1 sa 7 għandha tiġi ssodisfata:

(1)

L-annimali jkunu nżammu sad-dispaċċ matul il-perjodu ħieles mill-organiżmi li jġorru l-mikrobu skond l-istaġun iddefinit f’konformità ma’ l-Anness V, f’żona ħielsa mill-bluetongue skond l-istaġun sa mit-twelid jew mill-inqas għal 60 jum qabel id-data tal-moviment u jkunu ġew suġġetti għal test għall-identifikazzjoni ta’ l-aġent skond il-Manwal ta’ Testijiet Dijanjostiċi u ta’ Vaċċini għall-Annimali li jgħixu fuq l-Art ta’ l-Organizzazzjoni Dinjija għas-Saħħa ta’ l-Annimali (OIE) (1) (“Manwal għall-Annimali li jgħixu fuq l-Art ta’ l-OIE”), b’riżultati negattivi, li jkun sar mhux iktar kmieni minn sebat ijiem qabel id-data tal-moviment.

Madankollu, dak it-test għall-identifikazzjoni ta’ l-aġent m’għandux ikun neċessarju għal Stati Membri jew għal reġjuni ta’ Stat Membru fejn dejta epidemjoloġika biżżejjed, li tinkiseb wara l-implimentazzjoni ta’ programm għall-immonitorjar għal perjodu ta’ mhux inqas minn tliet snin, tissostanzja d-determinazzjoni tal-perjodu ħieles mill-organiżmi li jġorru l-mikrobu skond l-istaġun iddefinit f’konformità ma’ l-Anness V.

L-Istati Membri li jagħmlu użu minn dik il-possibbiltà għandhom jgħarrfu lill-Kummissjoni u lill-Istati Membri l-oħrajn fil-qafas tal-Kumitat Permanenti dwar il-Katina Alimentari u s-Saħħa ta’ l-Annimali;

(2)	L-annimali jkunu nżammu sad-dispaċċ protetti kontra attakki minn organiżmi li jġorru l-mikrobu għal perjodu ta’ mill-inqas 60 jum qabel id-data tad-dispaċċ;

(3)

L-annimali jkunu nżammu sad-dispaċċ f’żona ħielsa mill-bluetongue skond l-istaġun matul il-perjodu ħieles mill-organiżmi li jġorru l-mikrobu skond l-istaġun, iddefinit f’konformità ma’ l-Anness V, jew ikunu ġew protetti kontra attakki minn organiżmi li jġorru l-mikrobu għal perjodu ta’ mill-inqas 28 jum u jkunu ġew suġġetti matul dak il-perjodu għal test seroloġiku skond il-Manwal għall-Annimali li jgħixu fuq l-Art ta’ l-OIE għas-sejbien ta’ antikorpi għall-grupp tal-virus bluetongue, b’riżultati negattivi, li jkun sar mill-inqas 28 jum wara d-data tal-bidu tal-perjodu ta’ protezzjoni kontra attakki minn organiżmi li jġorru l-mikrobu jew tal-perjodu ħieles mill-organiżmi li jġorru l-mikrobu skond l-istaġun;

(4)

L-annimali jkunu nżammu sad-dispaċċ f’żona ħielsa mill-bluetongue skond l-istaġun matul il-perjodu ħieles mill-organiżmi li jġorru l-mikrobu skond l-istaġun, iddefinit f’konformità ma’ l-Anness V, jew ikunu ġew protetti kontra attakki minn organiżmi li jġorru l-mikrobu għal perjodu ta’ mill-inqas 14-il jum u jkunu ġew suġġetti matul dan il-perjodu għal test għall-identifikazzjoni ta’ l-aġent skond il-Manwal għall-Annimali li jgħixu fuq l-Art ta’ l-OIE, b’riżultati negattivi, li jkun sar mill-inqas 14-il jum wara d-data tal-bidu tal-perjodu ta’ protezzjoni kontra attakki minn organiżmi li jġorru l-mikrobu jew tal-perjodu ħieles mill-organiżmi li jġorru l-mikrobu skond l-istaġun;

(5)

L-annimali jkunu joriġinaw minn merħla vvaċċinata skond programm ta’ tilqim adottat mill-awtorità kompetenti u l-annimali jkunu ġew ivvaċċinati kontra s-serotip(i) preżenti jew li x’aktarx ikun(u) preżenti f'żona ġeografika ta’ l-oriġini rilevanti b’mod epidemjoloġiku, l-annimali jkunu għadhom fi ħdan il-perjodu ta’ żmien ta’ l-immunità ggarantit fl-ispeċifikazzjonijiet tal-vaċċin approvat fil-programm ta’ tilqim u l-annimali jkunu jissodisfaw mill-inqas wieħed mir-rekwiżiti li ġejjin:

(a)	ikunu ġew ivvaċċinati iktar minn 60 jum qabel id-data tal-moviment;

(b)

ikunu ġew ivvaċċinati b’vaċċin inattiv qabel mill-inqas in-numru ta’ jiem neċessarju għall-bidu tal-protezzjoni ta’ l-immunità stabbilit fl-ispeċifikazzjonijiet tal-vaċċin approvat fil-programm ta’ tilqim u jkunu ġew suġġetti għal test għall-identifikazzjoni ta’ l-aġent skond il-Manwal ta’ l-Annimali li jgħixu fuq l-Art ta’ l-OIE, b’riżultati negattivi, li jkun sar mill-inqas 14-il jum wara l-bidu tal-protezzjoni ta’ l-immunità stabbilit fl-ispeċifikazzjonijiet tal-vaċċin approvat fil-programm ta’ tilqim;

(c)	qabel ikunu ġew ivvaċċinati u jkunu ġew ivvaċċinati mill-ġdid b’vaċċin inattiv fi ħdan il-perjodu ta’ żmien ta’ l-immunità ggarantit fl-ispeċifikazzjonijiet tal-vaċċin approvat fil-programm ta’ tilqim;

(d)

ikunu nżammu matul il-perjodu ħieles mill-organiżmi li jġorru l-mikrobu skond l-istaġun, iddefinit f’konformità ma’ l-Anness V, f’żona ħielsa mill-bluetongue skond l-istaġun, sa mit-twelid jew għal perjodu ta’ mill-inqas 60 jum qabel id-data tat-tilqim u jkunu ġew ivvaċċinati b’vaċċin inattiv mill-inqas qabel in-numru ta’ jiem neċessarju għall-bidu tal-protezzjoni ta’ l-immunità stabbilit fl-ispeċifikazzjonijiet tal-vaċċin approvat fil-programm ta' tilqim.

Meta l-annimali rreferiti f’dan il-punt ikunu maħsubin għall-kummerċ fil-Komunità jew għall-esportazzjoni lejn pajjiż terz, il-kliem addizzjonali li ġej għandu jiżdied maċ-ċertifikati korrispondenti tas-saħħa stabbiliti fid-Direttivi 64/432/KEE, 91/68/KEE u 92/65/KEE, jew irreferiti fid-Deċiżjoni 93/444/KEE:

“Annimal(i) ivvaċċinat(i) kontra serotip/i tal-bluetongue … (niżżel is-serotip/i) bi … (niżżel l-isem tal-vaċċin) b’vaċċin inattiv/immodifikat li jagħmel użu minn batterji/virus “ħajjin” għall-immunità (indika, kif xieraq) nhar … (niżżel id-data) f’konformità mar-Regolament (KE) Nru 1266/2007 (*).

(*) GU L 283, 27.10.2007, p. 37.”"

(6)

L-annimali jkunu nżammu dejjem f’żona ġeografika ta’ l-oriġini rilevanti b’mod epidemjoloġiku fejn mhux iktar minn serotip wieħed kien preżenti jew huwa preżenti jew x’aktarx li jkun preżenti u:

(a)	ikunu ġew suġġetti għal test seroloġiku skond il-Manwal ta’ l-Annimali li jgħixu fuq l-Art ta’ l-OIE għas-sejbien ta’ antikorpi kontra s-serotip tal-virus bluetongue, b’riżultati pożittivi; it-test irid isir bejn 60 u 360 jum qabel id-data tal-moviment; jew

(b)

ikunu ġew suġġetti għal test seroloġiku skond il-Manwal ta’ l-Annimali li jgħixu fuq l-Art ta’ l-OIE għas-sejbien ta’ antikorpi kontra s-serotip tal-virus bluetongue, b’riżultati pożittivi; it-test irid isir mill-inqas 30 jum qabel id-data tal-moviment u l-annimali jridu jkunu suġġetti għal test għall-identifikazzjoni ta’ l-aġent skond il-Manwal ta' l-Annimali li jgħixu fuq l-Art ta’ l-OIE, b’riżultati negattivi, li jkun sar mhux iktar kmieni minn sebat ijiem qabel id-data tal-moviment.

“Annimal(i) f’konformità ma’ l-Anness III(6) tar-Regolament (KE) Nru 1266/2007 (**).

(**) GU L 283, 27.10.2007, p. 37.”"

(7)

L-annimali jkunu ġew suġġetti għal test seroloġiku speċifiku xieraq skond il-Manwal ta’ l-Annimali li jgħixu fuq l-Art ta’ l-OIE għas-sejbien ta’ l-antikorpi speċifiċi kontra s-serotipi kollha tal-virus bluetongue preżenti jew li x’aktarx ikunu preżenti, b’riżultati pożittivi għas-serotipi kollha preżenti jew li x’aktarx ikunu preżenti fiż-żona ġeografika ta’ l-oriġini rilevanti b’mod epidemjoloġiku, u

(a)	it-test seroloġiku speċifiku tas-serotipi jsir bejn 60 u 360 jum qabel id-data tal-moviment; jew

(b)

it-test seroloġiku speċifiku tas-serotipi jsir mill-inqas 30 jum qabel id-data tal-moviment u l-annimali jkunu ġew suġġetti għal test għall-identifikazzjoni ta’ l-aġent skond il-Manwal ta’ l-Annimali li jgħixu fuq l-Art ta’ l-OIE, b’riżultati negattivi, li jkun sar mhux iktar kmieni minn sebat ijiem qabel id-data tal-moviment.

“Annimal(i) f’konformità ma’ l-Anness III(7) tar-Regolament (KE) Nru 1266/2007 (***).

(***) GU L 283, 27.10.2007, p. 37.”"

B. Is-semen ta’ l-annimali

Is-semen irid jinkiseb minn annimali donaturi li jkunu konformi mill-inqas ma’ waħda mill-kondizzjonijiet li ġejjin:

(a)	ikunu nżammu barra żona ristretta għal perjodu ta’ mill-inqas 60 jum qabel il-bidu tal-ġbir tas-semen u matulu;

(b)	ikunu ġew protetti kontra attakki minn organiżmi li jġorru l-mikrobu għal perjodu ta’ mill-inqas 60 jum qabel il-bidu tal-ġbir tas-semen u matulu;

(c)

ikunu nżammu matul il-perjodu ħieles mill-organiżmi li jġorru l-mikrobu skond l-istaġun f’żona ħielsa skond l-istaġun mill-bluetongue, iddefinita f’konformità ma’ l-Anness V, għal perjodu ta’ mill-inqas 60 jum qabel il-bidu tal-ġbir tas-semen u matulu u jkunu ġew suġġetti għal test għall-identifikazzjoni ta’ l-aġent skond il-Manwal ta’ l-Annimali li jgħixu fuq l-Art ta’ l-OIE, b’riżultati negattivi, li jkun sar mhux iktar kmieni minn sebat ijiem qabel id-data tal-bidu tal-ġbir tas-semen.

Madankollu, dan it-test għall-identifikazzjoni ta’ l-aġent m’għandux ikun neċessarju fi Stati Membri jew f’reġjuni ta’ Stat Membru fejn dejta epidemjoloġika biżżejjed, li tinkiseb wara l-implimentazzjoni ta’ programm għall-immonitorjar matul perjodu ta’ mhux inqas minn tliet snin, tissostanzja d-determinazzjoni tal-perjodu ħieles mill-organiżmi li jġorru l-mikrobu skond l-istaġun, kif iddefinit fl-Anness V.

L-Istati Membri li jagħmlu użu minn din il-possibbiltà għandhom jgħarrfu lill-Kummissjoni u lill-Istati Membri fil-qafas tal-Kumitat Permanenti dwar il-Katina Alimentari u s-Saħħa ta’ l-Annimali.

(d)	ikunu ġew suġġetti għal test seroloġiku skond il-Manwal ta’ l-Annimali li jgħixu fuq l-Art ta’ l-OIE għas-sejbien ta’ antikorpi għall-grupp tal-virus bluetongue, b’riżultati negattivi, mill-inqas kull 60 jum matul il-perjodu ta’ ġbir u bejn 21 u 60 jum wara l-ġabra finali;

(e)

ikunu ġew suġġetti għal test għall-identifikazzjoni ta’ l-aġent, b’riżultati negattivi, skond il-Manwal ta’ l-Annimali li jgħixu fuq l-Art ta’ l-OIE li jkun sar fuq kampjuni tad-demm li nġabru:

(i)	mal-ġabra tal-bidu u dik finali; u

(ii)

matul il-perjodu ta’ ġbir tas-semen:

—	mill-inqas kull sebat ijiem, f’każ ta’ test għall-iżolazzjoni tal-virus,

—	mill-inqas kull 28 jum, f’każ ta’ test ta’ reazzjoni katina ta’ enzimi li jikkatalizzaw il-polimerizzazzjoni.

C. Bajd u embrijuni ta’ l-annimali

Embrijuni u bajd li jitnisslu minn organiżmi ħajjin ta’ l-ifrat għandhom jinġabru f’konformità mad-Direttiva tal-Kunsill 89/556/KEE (2).

Embrijuni u bajd li jitnisslu minn organiżmi ħajjin ta’ annimali barra l-ifrat u embrijuni ta’ l-ifrat prodotti fil-laboratorju jridu jkunu nkisbu minn annimali donaturi, li jkunu konformi ma’ mill-inqas waħda mill-kondizzjonijiet li ġejjin:

(a)	ikunu nżammu barra żona ristretta għal perjodu ta’ mill-inqas 60 jum qabel il-bidu tal-ġbir ta’ l-embrijuni/tal-bajd u matulu;

(b)	ikunu ġew protetti kontra attakki minn organiżmi li jġorru l-mikrobu għal perjodu ta’ mill-inqas 60 jum qabel il-bidu tal-ġbir ta’ l-embrijuni/tal-bajd u matulu;

(c)	ikunu ġew suġġetti għal test seroloġiku skond il-Manwal ta’ l-Annimali li jgħixu fuq l-Art ta’ l-OIE għas-sejbien ta’ antikorpi għall-grupp tal-virus bluetongue, bejn 21 u 60 jum wara l-ġbir ta’ l-embrijuni/tal-bajd, b’riżultati negattivi;

(d)	ikunu ġew suġġetti għal test għall-identifikazzjoni ta’ l-aġent skond il-Manwal ta’ l-Annimali li jgħixu fuq l-Art ta’ l-OIE fuq kampjun tad-demm li jkun ittieħed nhar il-jum tal-ġbir ta’ l-embrijuni/tal-bajd, b’riżultati negattivi.

(1) http://www.oie.int/eng/normes/en_mcode.htm?e1d10

(2) ĠU L 302, 19.10.1989, p. 1.

ANNESS V

Kriterji għad-definizzjoni tal-perjodu ħieles mill-organiżmi li jġorru l-mikrobu skond l-istaġun (irreferiti fl-Artikolu 9(3))

Għall-finijiet li tiġi ddeterminata żona ħielsa mill-bluetongue skond l-istaġun, il-perjodu ħieles mill-organiżmi li jġorru l-mikrobu skond l-istaġun għal żona ġeografika speċifika rilevanti b’mod epidemjoloġiku ta’ Stat Membru (“żona ġeografika rilevanti b’mod epidemjoloġiku”) għandha tkun iddefinita mill-awtorità kompetenti bl-użu ta’ mill-inqas il-kriterji li ġejjin:

1. Kriterji ġenerali

(a)

Irid ikun hemm fis-seħħ programm għall-immonitorjar u/jew għas-sorveljanza tal-bluetongue.

(b)

Il-kriterji speċifiċi u l-limiti użati għad-determinazzjoni tal-perjodu ħieles mill-organiżmi li jġorru l-mikrobu skond l-istaġun għandhom ikunu ddefiniti billi jitqiesu l-ispeċi tal-Culicoides li ġew ippruvati jew li huma ssuspettati li huma l-organiżmi ewlenin li jġorru l-mikrobu fiż-żona ġeografika rilevanti b’mod epidemjoloġiku.

(c)

Il-kriterji użati għad-determinazzjoni tal-perjodu ħieles mill-organiżmi li jġorru l-mikrobu skond l-istaġun għandhom jiġu applikati filwaqt li titqies id-dejta minn snin kurrenti u preċedenti (dejta storika). Barra minn hekk, għandhom jitqiesu l-aspetti marbutin ma’ l-istandardizzazzjoni ta’ dejta ta’ sorveljanza.

2. Kriterji speċifiċi

(a)

Ebda ċirkolazzjoni tal-virus bluetongue fi ħdan iż-żona ġeografika rilevanti b’mod epidemjoloġiku, kif muri mill-programmi għas-sorveljanza tal-bluetongue jew minn evidenza oħra li tissuġġerixxi waqfa fil-virus bluetongue.

(b)

Waqfien ta' l-organiżmu li jġorr il-mikrobu u ta’ l-attività probabbli ta' l-organiżmu li jġorr il-mikrobu, kif muri permezz ta’ sorveljanza entomoloġika bħala parti mill-programmi għall-immonitorjar u/jew għas-sorveljanza tal-bluetongue.

(c)

Qbid ta’ speċi tal-Culicoides ippruvati jew issuspettati li huma l-organiżmi li jġorru l-mikrobu tas-serotip preżenti fiż-żona ġeografika rilevanti b’mod epidemjoloġiku taħt limitu massimu ta’ organiżmi li jġorru l-mikrobu miġburin li għandu jiġi ddefinit għaż-żona ġeografika rilevanti b’mod epidemjoloġiku. Fl-assenza ta’ evidenza soda li ssostni d-determinazzjoni tal-limitu massimu, għandu jkun hemm assenza totali ta’ kampjuni tal-Culicoides imicola u għandhom jintużaw inqas minn ħames parous Culicoides għal kull nasba.

3. Kriterji addizzjonali

(a)

Kondizzjonijiet tat-temperatura li jħallu impatt fuq l-imġiba ta’ l-attività ta' organiżmi li jġorru l-mikrobu għaż-żona ġeografika rilevanti b'mod epidemjoloġiku. Il-limiti tat-temperatura għandhom jiġu ddefiniti billi titqies l-imġiba ekoloġika ta’ l-ispeċi tal-Culicoides ippruvati jew issuspettati li huma l-organiżmi li jġorru l-mikrobu tas-serotip preżenti fiż-żona ġeografika rilevanti b'mod epidemjoloġiku.