27.10.2007 |
MT |
Il-Ġurnal Uffiċjali ta’ l-Unjoni Ewropea |
L 283/8 |
REGOLAMENT TAL-KUNSILL (KE) Nru 1261/2007
tad-9 ta’ Ottubru 2007
li jemenda r-Regolament (KE) Nru 320/2006 li jistabbilixxi skema temporanja għar-ristrutturar ta’ l-industrija taz-zokkor fil-Komunità
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew,
Billi:
(1) |
Ir-Regolament tal-Kunsill (KE) Nru 320/2006 (1) ġie adottat bil-għan li jippermetti lill-produtturi taz-zokkor l-inqas kompetittivi biex iċedu l-produzzjoni tagħhom tal-kwota. Madankollu, ir-rinunzja tal-kwoti taħt dak ir-Regolament ma laħqitx il-livell li kien mistenni fil-bidu. |
(2) |
Skond l-Artikolu 10(2) tar-Regolament tal-Kunsill (KE) Nru 318/2006 ta’ l-20 ta’ Frar 2006 dwar l-organizzazzjoni komuni tas-swieq fis-settur taz-zokkor (2), għandu jsir tnaqqis lineari tal-kwoti nazzjonali u reġjonali sa mhux iktar tard mill-aħħar ta’ Frar 2010, bil-ħsieb li jiġu evitati żbilanċi fis-suq fil-kampanji ta’ kummerċjalizzazzjoni mill-2010/2011, b’kont meħud tar-riżultati ta’ l-iskema ta’ ristrutturar. Tali tnaqqis lineari jista’ jippenalizza lill-intrapriżi l-iktar kompetittivi u jdgħajjef lill-industrija kollha kemm hi. Sabiex dan jiġi evitat, huwa kkunsidrat meħtieġ li jitjieb l-funzjonament ta’ l-iskema ta’ ristrutturar, sabiex tiżdied ir-rinunzja tal-kwoti taħt dik l-iskema. |
(3) |
Jidher li l-intrapriżi taz-zokkor ġew skoraġġuti milli jressqu applikazzjonijiet għal għajnuna għar-ristrutturar bil-fatt li m’hemm l-ebda ċertezza rigward l-ammont ta’ għajnuna għar-ristrutturar li huma ser jirċievu, peress li l-Istati Membri jistgħu jiddeċiedu li jżidu l-perċentwali minimu ta’ l-għajnuna riservata għall-produtturi tal-pitravi, tal-kannamieli jew taċ-ċikwejra u għall-kuntratturi tal-makkinarju, skond l-Artikolu 3(6) tar-Regolament (KE) Nru 320/2006. Sabiex titneħħa din l-inċertezza, l-ammont ta’ għajnuna li għandu jkun riservat għall-produtturi u l-kuntratturi tal-makkinarju għandu jkun stabbilit għal 10 % ta’ l-għajnuna li għandha tingħata lill-intrapriżi taz-zokkor, u l-produtturi kkonċernati għandhom jingħataw pagament addizzjonali għall-kampanja ta’ kummerċjalizzazzjoni 2008/2009. F’ċerti każijiet hu meħtieġ perijodu preparatorju itwali għall-proċess ta’ ristrutturar. Fejn f’tali każijiet l-intrapriżi jiddeċiedu li japplikaw għal għajnuna għar-ristrutturar sa mill-kampanja ta’ kummerċjalizzazzjoni 2009/2010, u sabiex ma jpoġġux il-produtturi fi żvantaġġ f’tali każ, il-pagament addizzjoni lill-produtturi għandu jingħata wkoll għall-kampanja ta’ kummerċjalizzazzjoni 2009/2010 jekk l-applikazzjoni ta’ l-intrapriża tkun ippreżentata sal-31 ta’ Jannar 2008. |
(4) |
Sabiex l-intrapriżi u l-produtturi li ħadu sehem fl-iskema tar-ristrutturar fil-kampanji ta’ kummerċjalizzazzjoni 2006/2007 u 2007/2008 ma jkunux ippenalizzati, id-differenza bejn l-ammont ta’ għajnuna mogħti għal dawk il-kampanji ta’ kummerċjalizzazzjoni u l-ammont ta’ għajnuna li kien jingħata għall-kampanja ta’ kummerċjalizzazzjoni 2008/2009 għandha titħallas lilhom b’mod retroattiv. |
(5) |
Sabiex jinħoloq inċentiv ulterjuri għall-parteċipazzjoni fl-iskema ta’ ristrutturar, huwa kkunsidrat xieraq li tkun prevista l-eżenzjoni ta’ parti mill-ammont temporanju għar-ristrutturar li għandu jitħallas skond l-Artikolu 11 tar-Regolament (KE) Nru 320/2006 għall-kampanja ta’ kummerċjalizzazzjoni 2007/2008 lil dawk l-intrapriżi li, għall-kampanja ta’ kummerċjalizzazzjoni 2008/2009, jirrinunzjaw perċentwali mill-kwota tagħhom ta’ mill-inqas il-perċentwali ta’ rtirar applikat lill-intrapriża fl-2007/2008. L-ammont li għandu jiġi eżentat għandu jikkorrispondi għal dan il-perċentwali ta’ rtirar. |
(6) |
Barra minn hekk hu xieraq li tinħoloq proċedura ta’ applikazzjoni fuq żewġ fażijiet li għandha tippermetti lill-intrapriżi li jiddeċiedu sal-31 ta’ Jannar 2008 li jirrinunzjaw parti mill-kwota tagħhom li tikkorrispondi għal mill-anqas dak il-perċentwali ta’ rtirar li jippreżentaw it-tieni applikazzjoni sal-31 ta’ Marzu 2008 li tippermettilhom jirrinunzjaw parti ulterjuri jew it-totalità tal-kwota tagħhom bil-ħsieb tas-sitwazzjoni tas-suq magħrufa sa dak l-istadju. |
(7) |
Huwa kkunsidrat li l-iskema ta’ ristrutturar kienet tagħti riżultat aħjar li kieku l-produtturi setgħu jċedu minn jeddhom il-produzzjoni tagħhom tal-pitravi jew tal-kannamieli maħsuba għall-ipproċessar f’zokkor tal-kwota. Għal dak il-għan, fil-kampanja ta’ kummerċjalizzazzjoni 2008/2009 l-produtturi għandhom jingħataw il-possibbiltà li japplikaw direttament għall-għajnuna prevista fl-Artikolu 3(6) tar-Regolament (KE) Nru 320/2006 dment li huma ma jkomplux jibagħtu kunsinni ta’ pitravi taz-zokkor jew kannamieli lill-intrapriżi li magħhom huma kienu marbuta b’kuntratti ta’ kunsinna fil-kampanja ta’ kummerċjalizzazzjoni preċedenti. B’konsegwenza, l-Istati Membri għandhom inaqqsu l-kwota ta’ l-intrapriżi taz-zokkor ikkonċernati. F’ċerti każijiet jista’ jkun aktar xieraq li din il-possibbiltà tiġi applikata fil-livell ta’ l-Istati Membri milli fil-livell ta’ l-intrapriżi. |
(8) |
Sabiex jiġi evitat li l-vijabilità ekonomika ta’ l-intrapriżi taz-zokkor ikkonċernati titpoġġa f’periklu minħabba l-applikazzjonijiet tal-produtturi għall-għajnuna, it-tnaqqis fil-kwota għandu jkun limitat għal 10 % tal-kwota allokata lil kull intrapriża, li jikkorrispondi għall-perċentwali tal-kwota li l-Istat Membru jista’ jerġa’ jalloka f’kull kampanja ta’ kummerċjalizzazzjoni skond l-Artikolu 11(1) tar-Regolament (KE) Nru 318/2006. |
(9) |
Fejn il-kwota ta’ intrapriża taz-zokkor titnaqqas bħala riżultat ta’ l-applikazzjonijiet tal-produtturi għall-għajnuna, dik l-intrapriża għandha tingħata għajnuna għar-ristrutturar kif imsemmi fl-Artikolu 3(1)(ċ) tar-Regolament (KE) Nru 320/2006. Konsegwentement, l-ammonti ta’ għajnuna mogħtija għandhom ikunu dawk imsemmija fl-Artikolu 3(5)(ċ) ta’ dak ir-Regolament. Madankollu, għandu jsir aġġustament ‘l isfel f’dawk l-ammonti jekk l-intrapriża ma tieħux miżuri favur il-ħaddiema kkonċernati bit-tnaqqis tal-produzzjoni tal-kwota. |
(10) |
Intrapriża taz-zokkor interessata fl-applikazzjonijiet tal-produtturi għall-għajnuna għandha sal-31 ta’ Jannar ta’ qabel il-kampanja ta’ kummerċjalizzazzjoni kkonċernata żżomm id-dritt li tippreżenta applikazzjoni għal għajnuna għar-ristrutturar kif previst fl-Artikoli 3 u 4 tar-Regolament (KE) Nru 320/2006, dment li tirrinunzja kwota li tikkorrispondi mill-inqas għall-istess livell ta’ tnaqqis fil-kwota li kien jirriżulta mill-applikazzjonijiet għall-għajnuna ppreżentati mill-produtturi. F’dak il-każ, l-applikazzjoni għall-għajnuna ta’ l-intrapriża taz-zokkor għandha tissostitwixxi l-applikazzjonijiet tal-produtturi. |
(11) |
L-Artikolu 6 tar-Regolament (KE) Nru 320/2006 jipprevedi għajnuna għad-diversifikazzjoni. Sar jidher biċ-ċar li hemm ħtieġa li tiġi ċċarata t-tifsira tat-tielet subparagrafu tal-paragrafu 4 ta’ dak l-Artikolu. Għandu jkun iċċarat li l-għajnuna pagabbli skond dak l-Artikolu fir-rigward tal-miżuri previsti taħt l-Assi 1 u 3 tar-Regolament tal-Kunsill (KE) Nru 1698/2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FEAŻR) (3) hija limitata mill-ammonti u r-rati ta’ appoġġ kif stabbilit fl-Anness għal dak ir-Regolament. |
(12) |
L-Artikolu 10(4) tar-Regolament (KE) Nru 320/2006 jipprevedi d-dati għall-pagamenti ta’ l-għajnuna taħt il-fond ta’ ristrutturar. L-esperjenza turi li taħt ċerti kondizzjonijiet jista’ jiġi stabbilit inċentiv ulterjuri għall-użu tal-fond billi jiġu avvanzati l-pagamenti. B’hekk il-Kummissjoni għandu jkollha s-setgħa tiddeċiedi dwar tali miżura billi tieħu kont tad-disponibbiltà tal-mezzi finanzjarji fil-fond. |
(13) |
Ir-Regolament (KE) Nru 320/2006 għandu għalhekk jiġi emendat kif meħtieġ. |
(14) |
F’dan ir-Regolament għandu jittieħed kont tal-fatt li l-kwota totali għall-produzzjoni tal-ġulepp ta’ l-inulina kienet diġà ġiet rinunzjata taħt l-iskema ta’ ristrutturar fil-kampanja ta’ kummerċjalizzazzjoni 2006/2007. Għalhekk, m’għadx hemm il-ħtieġa li ssir referenza għal dak il-prodott jew għall-materja prima li minnha jsir il-prodott, jiġifieri ċ-ċikwejra, |
ADOTTA DAN IR-REGOLAMENT:
Artikolu 1
Ir-Regolament (KE) Nru 320/2006 huwa permezz ta’ dan emendat kif ġej:
(1) |
L-Artikolu 3 għandu jiġi emendat kif ġej:
|
(2) |
Wara l-Artikolu 4(1), għandu jiddaħħal il-paragrafu li ġej: “1a. L-intrapriżi jistgħu jippreżentaw applikazzjoni addizzjonali għall-għajnuna tar-ristrutturar biex jirrinunzjaw, sa mill-kampanja ta’ kummerċjalizzazzjoni 2008/2009, parti ulterjuri jew it-totalità tal-kwota allokata lilhom, sal-31 ta’ Marzu 2008 fil-każ fejn:
Madankollu, intrapriżi li jinsabu fi Stati Membri fejn il-perċentwali ta’ rtirar stabbilit fid-data speċifikata fit-tieni inċiża ta’ l-ewwel subparagrafu ikun 0 jistgħu jużaw il-possibbiltà stipulata f’dak is-subparagrafu indipendentement minn jekk applikazzjonijiet fuq inizjattiva tal-produtturi jew minnhom ikunu ġew ippreżentati preċedentement. |
(3) |
L-Artikolu li ġej għandu jiddaħħal: “Artikolu 4a Applikazzjoni mill-produtturi għal għajnuna għar-ristrutturar 1. Għall-kampanja ta’ kummerċjalizzazzjoni 2008/2009, kwalunkwe produttur tal-pitravi taz-zokkor jew tal-kannamieli maħsuba li jiġu pproċessati fiz-zokkor tal-kwota jista’ jippreżenta applikazzjoni diretta lill-Istat Membru kkonċernat għall-għajnuna prevista fl-Artikolu 3(6) u 3(7), akkumpanjata minn impenn li jwaqqaf il-kunsinna ta’ ċertu ammont ta’ pitravi jew kannamieli tal-kwota lill-intrapriża li magħha huwa jkun ikkonkluda kuntratt ta’ kunsinna fil-kampanja ta’ kummerċjalizzazzjoni preċedenti. Permezz ta’ deroga mill-ewwel subparagrafu, fil-qafas ta’ ftehim fil-kummerċ jista’ jkun deċiż li biss produtturi li jkunu kkonkludew kuntratti ta’ kunsinna fil-kampanja ta’ kummerċjalizzazzjoni preċedenti ma’ l-unika u l-istess intrapriża għandhom ikunu intitolati li jippreżentaw applikazzjoni kif imsemmi fl-ewwel subparagafu jekk:
2. L-applikazzjonijiet imsemmija fil-paragrafu 1 għandhom jiġu ppreżentati sat-30 ta’ Novembru 2007. L-applikazzjonijiet jistgħu jiġu ppreżentati mit-30 ta’ Ottubru 2007. 3. L-Istat Membru kkonċernat għandu jistabbilixxi lista ta’ applikazzjonijiet msemmija fil-paragrafu 1 fl-ordni kronoloġika ta’ kif dawn ġew ippreżentati u għandu jikkomunika l-ammont totali tal-kwota milquta mill-applikazzjonijiet riċevuti fi żmien 10 ijiem ta’ xogħol wara l-iskadenza għall-preżentazzjoni kif imsemmija fil-paragrafu 2 lill-Kummissjoni u lill-intrapriżi kkonċernati. 4. Sal-15 ta’ Marzu 2008, l-Istat Membru kkonċernat għandu, abbażi ta’ l-ordni kronoloġika msemmija fil-paragrafu 3, u wara l-verifika prevista fir-raba’ inċiż ta’ l-Artikolu 5(2), jagħti l-applikazzjonijiet tal-produtturi li jikkorrispondu għal mhux iktar minn 10 % tal-kwota taz-zokkor allokata lil kull intrapriża u għandu jnaqqas bi proporzjon il-kwota ta’ l-intrapriża kkonċernata skond l-Artikolu 11(4) tar-Regolament (KE) Nru 318/2006. Madankollu, fil-każ imsemmi fit-tieni subparagrafu tal-paragrafu 1, l-Istati Membri kkonċernati għandhom, taħt l-istess kondizzjonijiet, jagħtu applikazzjonijiet tal-produtturi li jikkorrispondu għal mhux aktar minn 10 % tal-kumplament tal-kwota taz-zokkor stabbilita għal dan l-Istat Membru fl-Anness III tar-Regolament (KE) Nru 318/2006. Fil-każ fejn jintlaħaq kwalunkwe mil-limiti ta’ 10 % msemmi fl-ewwel subparagrafu, l-Istat Membru kkonċernat għandu jirrifjuta l-applikazzjonijiet ’il fuq minn dan il-limitu skond l-ordni kronoloġika tal-preżentazzjoni. L-intrapriża kkonċernata għandha tistabbilixxi u timplimenta pjan soċjali kif imsemmi fl-Artikolu 4(3)(f). 5. Bħala riżultat ta’ l-aċċettazzjoni ta’ l-applikazzjonijiet mill-Istat Membru skond il-paragrafu 4, l-ammont ta’ għajnuna għar-ristrutturar li għandu jingħata għandu jkun kif ġej:
6. Il-paragrafi 4 u 5 ta’ dan l-Artikolu m’għandhomx japplikaw fejn applikazzjoni ta’ intrapriża skond l-Artikolu 4 tkun ingħatat sa mill-kampanja ta’ kummerċjalizzazzjoni 2008/2009 fejn tirrinunzja ammont ta’ kwota għola mill-kwota milquta mill-applikazzjoni tal-produtturi. L-istess għandu japplika fi kwalunkw każ, fejn applikazzjoni ta’ intrapriża tkun ingħatat sa mill-kampanja ta’ kummerċjalizzazzjoni 2008/2009 li tirrinunzja aktar minn 10 % tal-kwota tagħha.”; |
(4) |
Fl-Artikolu 5(1), għandu jiżdied is-subparagrafu li ġej: “Fil-każ tal-preżentazzjoni ta’ applikazzjoni addizzjonali għall-għajnuna ta’ ristrutturar skond l-Artikolu 4(1a), l-Istati Membri għandhom jiddeċiedu, wara l-verifika prevista fir-raba’ inċiż ta’ l-Artikolu 5(2) dwar l-għoti ta’ dik l-għajnuna relatata ma’ dawn l-applikazzjonijiet sa tmiem April 2008.”; |
(5) |
Fl-Artikolu 6(4), it-tielet subparagrafu għandu jinbidel b’dan li ġej: “L-għajnuna prevista fil-paragrafu 1 ta’ dan l-Artikolu m’għandhiex tkun ogħla mill-ammonti u r-rati ta’ appoġġ stabbiliti fl-Anness għar-Regolament (KE) Nru 1698/2005.”; |
(6) |
L-Artikolu 10(5) għandu jinbidel b’dan li ġej: “5. Il-Kummissjoni tista’ tiddeċiedi li tipposponi l-pagament ta’ l-għajnuna msemmija fl-Artikoli 6, 7, 8 u 9 sakemm ir-riżorsi finanzjarji meħtieġa jkunu tħallsu lill-fond ta’ ristrutturar jew, fil-każ fejn ir-riżorsi finanzjarji meħtieġa jkunu disponibbli f’dak il-fond, li tavvanza d-dati għall-pagamenti ta’ l-għajnuna.”; |
(7) |
Fl-Artikolu 11, għandu jiżdied il-paragrafu li ġej: “6. Fil-kampanja ta’ kummerċjalizzazzjoni 2008/2009, l-intrapriżi li kienu soġġetti għall-applikazzjoni tal-perċentwali ta’ rtirar stipulat fis-16 ta’ Marzu 2007 bl-Artikolu 1(1) jew l-Artikolu 1(2) tar-Regolament (KE) Nru 290/2007 u li jirrinunzjaw perċentwali tal-kwota tagħhom ta’ mill-inqas dan il-perċentwali ta’ rtirar, għandhom jiġu eżentati minn parti mill-ammont temporanju għar-ristrutturar li għandu jitħallas għall-kampanja ta’ kummerċjalizzazzjoni 2007/2008. Fil-każ fejn il-kondizzjonijiet imsemmija fl-ewwel subparagrafu jkunu ssodisfati, it-tnaqqis ta’ l-ammont temporanju għar-ristrutturar għandu jiġi kkalkulat billi dak l-ammont jiġi mmultiplikat bil-perċentwali ta’ rtirar stipulat skond l-Artikolu 1(1) jew 1(2)(ċ) tar-Regolament (KE) Nru 290/2007.” |
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fil-Lussemburgu, 9 ta’ Ottubru 2007.
Għall-Kunsill
Il-President
F. TEIXEIRA DOS SANTOS
(1) ĠU L 58, 28.2.2006, p. 42.
(2) ĠU L 58, 28.2.2006, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 247/2007 (ĠU L 69, 9.3.2007, p. 3).
(3) ĠU L 277, 21.10.2005, p. 1. Ir-Regolament kif emendat l-aħħar bir-Regolament (KE) Nru 2012/2006 (ĠU L 384, 29.12.2006, p. 8).