REGOLAMENT (KE) Nru 716/2007 TAL-PARLAMENT EWROPEW U TAL-KUNSILL

ta’ l-20 ta’ Ġunju 2007

dwar l-istatistika tal-Komunità fuq l-istruttura u l-attività ta’ l-affiljati barranin

(Test b’relevanza għaż-ŻEE)

IL-PARLAMENT EWROPEW U L-KUNSILL TA’ L-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 285(1) tiegħu,

Wara li kkunsidraw il-proposta mill-Kummissjoni,

Wara li kkunsidraw l-opinjoni tal-Bank Ċentrali Ewropew (1),

Filwaqt li jaġixxu skond il-proċedura stabbilita fl-Artikolu 251 tat-Trattat (2),

Billi:

(1)

Statistika regolari u ta’ kwalità tajba tal-Komunità fuq l-istruttura u l-attività ta’ l-affiljati barranin fl-ekonomija sħiħa hija essenzjali għal verifika adegwata ta’ l-impatt ta’ l-intrapriżi li huma ta’ kontroll barrani fuq l-ekonomija ta’ l-Unjoni Ewropea. Din għandha wkoll tiffaċilita l-monitoraġġ ta’ l-effettività tas-suq intern u l-integrazzjoni gradwali ta’ l-ekonomiji fil-kuntest tal-globalizzazzjoni. F’dan il-kuntest, intrapriżi multinazzjonali għandhom rwol ewlieni, iżda intrapriżi zgħar u ta’ daqs medju jistgħu wkoll ikunu kkonċernati minn kontroll barrani.

(2)

L-implimentazzjoni u r-reviżjoni tal-Ftehim Ġenerali fuq Kummerċ fis-Servizzi (GATS) u tal-Ftehim tad-Drittijiet ta’ Proprjetà Intelletwali Relatati mal-Kummerċ (TRIPs) kif ukoll in-negozjati attwali u futuri fuq ftehim ulterjuri jitolbu li l-informazzjoni rilevanti ta’ l-istatistika tkun disponibbli sabiex tgħin fin-negozjati.

(3)

Għat-tħejjija tal-politika ta’ l-ekonomija, tal-kompetizzjoni, ta’ l-intrapriża, tar-riċerka, ta’ l-iżvilupp teknoloġiku u ta’ l-impjieg fil-kuntest tal-liberalizzazzjoni tal-proċess, l-istatistika rigward affiljati barranin sabiex jitkejlu l-effetti diretti u indiretti ta’ kontroll barrani fuq l-impjieg, il-pagi u l-produttività f’pajjiżi u setturi partikolari.

(4)	L-informazzjoni mogħtija taħt il-leġislazzjoni tal-Komunità li hemm bħalissa jew li hija disponibbli fl-Istati Membri hija insuffiċjenti, inadegwata jew ma tistax titqabbel kif jixraq sabiex isservi bħala bażi ta’ min jorbot fuqha għall-ħidma tal-Kummissjoni.

(5)

Ir-Regolament (KE) Nru 184/2005 (3) jistabbilixxi qafas komuni għal produzzjoni sistematika ta’ l-istatistika tal-Komunità fuq il-bilanċ tal-pagamenti, il-kummerċ internazzjonali fis-servizzi u l-investiment barrani dirett. Minħabba li l-istatistika tal-bilanċ tal-pagamenti tkopri biss b’mod parzjali d-data inkluża fil-GATS, huwa essenzjali li tinħareġ regolarment statistika dettaljata fuq l-affiljati barranin.

(6)

Ir-Regolament tal-Kunsill (KE, Euratom) Nru 58/97 ta’ l-20 ta’ Diċembru 1996 dwar l-istatistika strutturali tan-negozju (4) u r-Regolament tal-Kunsill (KEE) Nru 696/93 tal-15 ta’ Marzu 1993 dwar l-unitajiet statistiċi għall-osservazzjoni u l-analiżi tas-sistema ta’ produzzjoni fil-Komunità (5) stabbilixxa qafas komuni għall-ġbir, kompilazzjoni, trażmissjoni u evalwazzjoni ta’ l-istatistika tal-Komunità dwar l-istruttura u l-attività tan-negozji fil-Komunità.

(7)	Il-kompilazzjoni ta’ kontijiet nazzjonali skond ir-Regolament tal-Kunsill (KE) Nru 2223/96 tal-25 ta’ Ġunju 1996 dwar is-Sistema Ewropea ta’ kontijiet nazzjonali u reġjunali fil-Komunità (6) teħtieġ statistika tan-negozju komparabbli, sħiħa, u ta’ min jorbot fuqha fuq l-affiljati barranin.

(8)

B’ mod kollettiv, il-Manwal dwar Statistika tal-Kummerċ Internazzjonali tas-Servizzi tan-Nazzjonijiet Uniti, il-Manwal tal-Bilanċ tal-Pagamenti (il-ħames edizzjoni) tal-Fond Monetarju Internazzjonali, id-Definizzjoni Benchmark dwar l-investiment barrani dirett u l-Manwal dwar Indikaturi tal-Globalizzazzjoni Ekonomika ta’ l-Organizzazzjoni għall-Koperazzjoni u l-Iżvilupp Ekonomiku jiddefinixxu r-regoli ġenerali għall-kompliazzjoni ta’ statistika internazzjonali komparabbli dwar l-affiljati barranin.

(9)	Il-produzzjoni ta’ statistika speċifika tal-Komunità hija regolata mir-regoli stabbiliti fir-Regolament tal-Kunsill (KE) Nru 322/97 tas-17 ta’ Frar 1997 dwar l-Istatistika Komunitarja (7).

(10)

Billi l-għan ta’ dan ir-Regolament, jiġifieri l-ħolqien ta’ standards komuni ta’ statistika għall-produzzjoni ta’ statistika komparabblili dwar l-affiljati barranin ma jistax jinkiseb b’ mod suffiċjenti mill-Istati Membri u jista’ għalhekk, minħabba l-iskala u l-effetti ta’ l-azzjoni, jintlaħaq aħjar fuq livell Komunitarju, il-Komunità tista’ tadotta miżuri skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju ta’ proporzjonalità, kif stabbilit f’dan l-Artikolu, dan ir-Regolament ma jmurx lil hinn minn dak li hu meħtieġ sabiex jintlaħaq dak il-għan.

(11)	Il-miżuri meħtieġa għall-implimentazzjoni ta’ dan ir-Regolament għandhom jiġu adottati skond id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri sabiex jiġu eżerċitati s-setgħat ta’ implimetazzjoni konferiti fuq il-Kummissjoni (8).

(12)

B’mod partikulari, għandha tingħata lill-Kummissjoni is-setgħa biex tadatta d-definizzjonijiet fl-Annessi I u II u l-livell ta’ dettall fl-Anness III kif ukoll biex tagħmel kull bidla bħala konsegwenza fl-Annessi I u II, biex timplimenta r-riżultati ta’ l-istudji pilota u tagħti definizzjoni ta’ l-istandards ta’ kwalità komuni xierqa u tal-kontenut u l-perjodiċità tar-rapporti ta’ kwalità. Minħabba li dawn il-miżuri għandhom kamp ta’ applikazzjoni ġenerali u huma mfassla biex jemendaw elementi mhux essenzjali jew jissupplimentaw dan ir-Regolament permezz taż-żieda ta’ elementi mhux essenzjali ġodda, għandhom jiġu adottati skond il-proċedura regolatorja bi skrutinju stipulata fl-Artikolu 5a tad-Deċiżjoni 1999/468/KE.

(13)	Il-Kumitat tal-Programm ta’ l-Istatistika, stabbilit bid-Deċiżjoni tal-Kunsill 89/382/KEE, Euratom (9), u l-Kumitat dwar l-Istatistika Monetarja, Finanzjarja u tal-Bilanċ tal-Pagamenti, stabbilita bid-Deċiżjoni tal-Kunsill 2006/856/KE (10), kienu kkonsultati,

ADOTTAW DAN IR-REGOLAMENT:

Artikolu 1

Suġġett

Dan ir-Regolament jistabbilixxi qafas komuni għall-produzzjoni sistematika ta’ l-istatistika tal-Komunità dwar l-istruttura u l-attività ta’ l-affiljati barranin.

Artikolu 2

Definizzjonijiet

Għall-iskop ta’ dan ir-Regolament, id-definizzjonijiet li ġejjin għandhom japplikaw:

(a)

“affiljat barrani” għandha tfisser intrapriża residenti fil-pajjiż ta’ kompilazzjoni u li hija kontrollata minn unità istituzzjonali li mhijiex residenti fil-pajjiż ta’kompilazzjoni, jew intrapriża li mhijiex residenti fil-pajjiż ta’ kumpilazzjoni li għandha kontroll fuqha unità istituzzjonali li hija residenti fil-pajjiż ta’ ġbir;

(b)

“kontroll” għandha tfisser l-abilità tiddeterminata l-politika ġenerali ta’ intrapriża billi jingħażlu d-diretturi xierqa, jekk meħtieġ. F’dan il-kuntest l-intrapriża A titqies li hija kkontrollata minn unità istituzzjonali B meta B tikkontrolla – direttament jew indirettament – aktar minn nofs is-setgħa ta’ votazzjoni ta’ l-azzjonisti jew aktar minn nofs l-ishma;

(ċ)	“kontroll barrani” għandha tfisser li l-unità istituzzjonali li għandha l-kontroll hija residenti f’pajjiż differenti minn dak li fih hi residenti l-unità istituzzjonali kkontrollata minnha;

(d)

“fergħat” għandha tfisser unitajiet lokali li ma humiex entita’ legali separata, li huma dipendenti fuq intrapriżi li huma taħt kontroll barrani. Dawn huma trattati bħala impriżi kważi-korporati fit-tifsira tal-punt 3(f) tan-noti ta’ spjegazzjoni għat-taqsima III (B) ta’ l-Anness għar-Regolament (KEE) Nru 696/93;

(e)	“statistika fuq affiljati barranin” għandha tfisser statistika li tiddeskrivi l-attività globali ta’ l-affiljati barranin;

(f)	“statistika inward dwar l-affiljati barranin” għandha tfisser statistika li tiddeskrivi l-attività ta’ l-affiljati barranin residenti fil-pajjiż ta’ kumpilazzjoni;

(g)	“statistika outward dwar l-affiljati barranin” għandha tfisser statistika li tiddeskrivi l-attività ta’ l-affiljati barranin li jinsabu barra mill-pajjiż li huma kkontrollati minn unità istituzzjonali residenti fil-pajjiż ta’ kumpilazzjoni;

(h)	“unità istituzjonali aħħarija li tikkontrolla ta’ affiljat barrani” għandha tfisser l-unità istituzzjonali li tinsab fl-ogħla skaluna tas-sellum ta’ kontroll ta’ affiljat barrani, li mhijiex ikkontrollata minn unità istituzzjonali oħra;

(i)	“intrapriża”, “unità lokali” u “unità istituzzjonali” kollha għandhom jieħdu l-istess tifsira tar-Regolament (KEE) Nru 696/93.

Artikolu 3

Preżentazzjoni tad-data

L-Istati Membri għandhom jissottomettu data lill-Kummissjoni (Eurostat), dwar affiljati barranin fir-rigward tal-karatteristiċi, l-attivitajiet ekonomiċi u l-analiżi ġeografika kif imsemmija fl-Annessi I, II, u III.

Artikolu 4

Sorsi ta’ data

1. L-Istati Membri għandhom, filwaqt li josservaw il-kundizzjonijiet f’dak li jirrigwarda kwalità kif imsemmi fl-Artikolu 6, jiġbru l-informazzjoni mitluba taħt ir-Regolament waqt li jużaw is-sorsi kollha li jqisu rilevanti u xierqa.

2. Persuni naturali u legali li huma mitluba jagħtu informazzjoni, meta jkunu qegħdin iwieġbu, għandhom jikkonformaw mal-limiti ta’ żmien u d-definizzjonijiet stipulati mill-istituzzjonijiet nazzjonali responsabbli għall-ġbir ta’ data fi ħdan l-Istati Membri skond dan ir-Regolament.

3. Fejn id-data meħtieġa ma tistax tinġabar bi prezz raġonevoli, jistgħu jintbagħtu l-aħjar estimi, inklużi dawk b’valur żero.

Artikolu 5

Studji pilota

1. Il-Kummissjoni għandha tfassal programm għall-istudji pilota li għandhom jitwettqu minn awtoritajiet nazzjonali fi ħdan it-tifsira ta’ l-Artikolu 2 tar-Regolament (KE) Nru 322/97 fuq bażi volontarja fuq fatturi varjabbli ulterjuri u analiżi fid-dettal dwar l-istatistika inward u outward fuq affiljati barranin.

2. L-istudji pilota għandhom jitwettqu sabiex jiġu evalwati r-relevanza u l-fattibilità tal-ġbir ta’ data, filwaqt li jitqiesu l-benefiċċji tad-disponibilità tad-data fir-rigward ta’ l-ispejjeż tas-sistema ta’ l-istatistika u l-piż fuq l-intrapriżi.

3. Il-programm tal-Kummissjoni għall-istudji pilota għandu ikun konsistenti ma’ l-Annessi I u II.

4. Abbażi tal-konklużjonijiet ta’ l-istudji pilota, il-Kummissjoni għandha tadotta l-miżuri ta’ implimentazzjoni meħtieġa għall-istatistika inward u outward dwar l-affiljati barranin skond il-proċedura regolatorja bi skrutinju msemmija fl-Artikolu 10(3).

5. L-istudji pilota għandhom jiġu kompluti sat-19 ta’ Lulju 2010.

Artikolu 6

Standards u rapporti ta’ kwalità

1. L-Istati Membri għandhom jieħdu l-miżuri kollha meħtieġa sabiex jiżguraw li l-kwalità tad-data kkomunikata tkun skond standards komuni ta’ kwalità.

2. L-Istati Membri għandhom jipprovdu lill-Kummissjoni (Eurostat) b’rapport dwar il-kwalità tad-data kkomunikata (rapporti tal-kwalità).

3. L-istandards komuni ta’ kwalità kif ukoll il-kontenut u l-perjodiċità tar-rapporti ta’ kwalità għandhom jkunu speċifikati mill-Kummissjoni skond il-proċedura msemmija fl-Artikolu 10(3).

4. Il-Kummissjoni għandha tivvaluta l-kwalità tad-data kkomunikata.

Artikolu 7

Manwal ta’ rakkomandazzjonijiet

Il-Kummissjoni għandha, f’koperazzjoni mill-qrib ma’ l-Istati Membri, tippubblika manwal ta’ rakkomandazzjonijiet li fih id-definizzjonijiet relevanti u gwida supplimentari li għandha x’ taqsam ma’ l-istatistika tal-Komunità ġġenerata skond dan ir-Regolament.

Artikolu 8

Skeda ta’ żmien u derogi

1. L-Istati Membri għandhom jikkompilaw id-data skond l-iskeda ta’ implimentazzjoni kif speċifikata fl-Annessi I u II.

2. Matul perjodu tranżitorju li m’għandux jiskorri erba’ snin mill-ewwel sena ta’ referenza kif imsemmi fl-Annessi I u II, jistgħu jingħataw derogi mid-dispożizzjonijiet ta’ dan ir-regolament għal perjodu limitat mill-Kummissjoni lill-Istati Membri skond il-proċedura regolatorja msemmija fl-Artikolu 10(2) meta s-sistemi nazzjonali tagħhom jeħtieġu aġġustamenti kbar.

Artikolu 9

Il-miżuri ta’ implimentazzjoni

1. Il-miżuri li ġejjin għall-implimentazzjoni ta’ dan ir-Regolament għandhom jiġu adottati skond il-proċedura regolatorja msemmija fl-Artikolu 10(2):

(a)	tfassil tal-format u proċedura xierqa għall-komunikazzjoni tar-riżultati mill-Istati Membri, u

(b)	għoti ta’ derogi lill-Istati Membri meta s-sistemi nazzjonali tagħhom jirrikjedu aġġustamenti kbar, inkluż l-għoti ta’ derogi minn kwalunkwe rekwiżit ġdid wara l-istudji pilota, skond l-Artikolu 8(2).

2. Il-miżuri li ġejjin huma mfassla sabiex jemendaw l-elementi mhux essenzjali ta’ dan ir-Regolament, inkluż permezz tas-supplimentazzjoni tagħhom, għandhom jiġu adottati skond il-proċedura regolatorja bi skrutinju msemmija fl-Artikolu 10(3):

(a)	adattament ta’ definizzjonijiet fl-Annessi I u II, adattament tal-livell ta’ dettall fl-Anness III, kif ukoll kull bidla li hija meħtieġa bħala konsegwenza ta’ l-Annessi I u II;

(b)	implimentazzjoni tar-riżultati ta’ l-istudji pilota skond l-Artikolu 5(4); u

(ċ)	definizzjoni ta’ standards ta’ kwalità komuni xierqa u tal-kontenut u tal-perjodiċità tar-rapporti tal-kwalità, skond l-Artikolu 6(3).

3. Għandha tingħata konsiderazzjoni partikulari lill-prinċipju li l-benefiċċji ta’ dawn il-miżuri jridu jegħlbu l-ispejjeż tagħhom, u lill-prinċipju li kull piż finanzjarju ieħor fuq l-Istati Membri jew intrapriżi għandu jinżamm f’limitu raġonevoli.

Artikolu 10

Il-Kumitat

1. Il-Kummissjoni għandha tkun mgħejuna mill-Kumitat għall-Programm Statistiku (il-Kumitat).

2. Fejn issir referenza għal dan il-paragrafu, l-Artikoli 5 u 7 tad-Deċiżjoni 1999/468/KE għandhom japplikaw, b’kont meħud tad-dispożizzjonijiet ta’ l-Artikolu 8 tagħha.

Il-perjodu msemmi fl-Artikolu 5(6) tad-Deċiżjoni 1999/468/KE għandu jkun ta’ tliet xhur.

3. Fejn issir referenza għal dan il-paragrafu, għandhom japplikaw l-Artikolu 5a (1) sa (4) u l-Artikolu 7 tad-Deċiżjoni 1999/468/KE filwaqt li jitqiesu d-dispożizzjonijiet ta’ l-Artikolu 8 tagħha.

4. Il-Bank Ċentrali Ewropew u l-banek ċentrali nazzjonali jistgħu jattendu l-laqgħat tal-Kumitat bħala osservaturi.

Artikolu 11

Koperazzjoni mal-Kumitat fuq l-Istatistika Monetarja, Finanzjarja u tal-Bilanċ tal-Pagamenti

Fl-implimentazzjoni ta’ dan ir-Regolament, il-Kummissjoni għandha titlob l-opinjoni tal-Kumitat fuq l-Istatistika Monetarja, Finanzjarja u tal-Bilanċ tal-Pagamenti dwar il-kwistjonijiet kollha li jaqgħu fi ħdan il-kompetenza tal-kumitat, b’ mod partikolari dwar il-miżuri kollha għal aġġustament għall-iżviluppi ekonomiċi u tekniċi li jikkonċernaw il-ġbir u l-ipproċessar statistiku tad-data, u l-ipproċessar u l-komunikazzjoni tar-riżultati.

Artikolu 12

Rapport dwar l-implimentazzjoni

Sat-19 ta’ Lulju 2012 il-Kummissjoni għandha tippreżenta rapport lill-Parlament Ewropew u lill-Kunsill dwar l-implimentazzjoni ta’ dan ir-Regolament. B’ mod partikolari, ir-rapport għandu:

(a)	jevalwa l-kwalità ta’ l-istatistika ġġenarata;

(b)	jevalwa l-benefiċji li minnhom igawdu l-Komunità, l-Istati Membri, il-fornituri u l-utenti ta’ informazzjoni ta’ l-istatistika ġġenerata fir-rigward ta’ l-ispejjeż;

(ċ)	jivvaluta l-progress ta’ l-istudji pilota u l-implimentazzjoni tagħhom; u

(d)	jidentifika żoni għal titjib potenzjali u emendi kkunsidrati meħtieġa fid-dawl tar-reżultati miksuba u l-ispejjeż involuti.

Artikolu 13

Id-dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu, 20 ta’ Ġunju 2007.

Għall-Parlament Ewropew

Il-President

H.-G. PÖTTERING

Għall-Kunsill

Il-President

G. GLOSER

(1) ĠU C 144, 14.6.2005, p. 14.

(2) Opinjoni tal-Parlament Ewropew tat-12 ta’ Diċembru 2006 (għadha ma ġietx pubblikata fil-Ġurnal Uffiċjali) u Deċiżjoni tal-Kunsill ta’ l-25 ta’ Mejju 2007.

(3) ĠU L 35, 8.2.2005, p. 23. Ir-Regolament kif emendat bir-Regolament tal-Kummissjoni (KE) Nru 602/2006 (ĠU L 106, 19.4.2006, p. 10).

(4) ĠU L 14, 17.1.1997, p. 1. Ir-Regolament kif emendat l-aħħar bir-Regolament (KE) Nru 1893/2006 tal-Parlament Ewropew u tal-Kunsill (ĠU L 393, 30.12.2006, p. 1).

(5) ĠU L 76, 30.3.1993, p. 1. Ir-Regolament kif emendat l-aħħar bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).

(6) ĠU L 310, 30.11.1996, p. 1. Ir-Regolament kif emendat l-aħħar bir-Regolament (KE) Nru 1267/2003 tal-Parlament Ewropew u tal-Kunsill (ĠU L 180, 18.7.2003, p. 1).

(7) ĠU L 52, 22.2.1997, p. 1. Ir-Regolament kif emendat bir-Regolament (KE) Nru 1882/2003.

(8) ĠU L 184, 17.7.1999, p. 23. Id-Deċiżjoni kif emendata bid-Deċiżjoni 2006/512/KE (ĠU L 200, 22.7.2006, p. 11).

(9) ĠU L 181, 28.6.1989, p. 47.

(10) ĠU L 332, 30.11.2006, p. 21.

ANNESS III

LIVELLI GĦAL INFORMAZZJONI DDETTALJATA SKOND IL-ĠEOGRAFIJA U SKOND L-ATTIVITÀ

Livelli ta’ analiżi ġeografika	Livell 1		Livell 2-OUT (Livell 1 + 24 pajjiż)
V2	Extra-EU 27	V2	Extra-EU 27
		IS	L-Iżlanda
		LI	Il-Liechtenstein
		NO	In-Norveġja
CH	l-Iżvizzera	CH	l-Iżvizzera
		HR	Il-Kroazja
RU	Il-Federazzjoni Russa	RU	Il-Federazzjoni Russa
		TR	It-Turkija
		EG	L-Eġittu
		MA	Il-Marokk
		NG	In-Niġerja
		ZA	L-Afrika t’Isfel
CA	Il-Kanada	CA	Il-Kanada
US	L-Istati Uniti ta’ l-Amerika	US	L-Istati Uniti
		MX	Il-Messiku
		AR	L-Arġentina
BR	Il-Brażil	BR	Il-Brażil
		CL	Iċ-Ċili
		UY	L-Urugwaj
		VE	Il-Veneżwela
		IL	L-Iżrael
CN	Iċ-Ċina	CN	Iċ-Ċina
HK	Hong Kong	HK	Hong Kong
IN	L-Indja	IN	L-Indja
		ID	L-Indoneżja
JP	Il-Ġappun	JP	Il-Ġappun
		KR	Il-Korea t’Isfel
		MY	Il-Malażja
		PH	Il-Filippini
		SG	Singapor
		TW	It-Tajwan
		TH	It-Tajlandja
		AU	L-Awstralja
		NZ	New Zealand
Z8	Extra EU-27 mhux allokati	Z8	Extra EU-27 mhux allokati
C4	Ċentri Finanzjarji Offshore	C4	Ċentri Finanzjarji Offshore
Z7	Kontroll maqsum indaqs tal-UCIs (*1) ta’ aktar minn Sat Membru wieħed	Z7	Kontroll maqsum indaqs ta’ UCIs (*1) ta’ aktar minn Membru wieħed

Livell 2-IN

A1	Total Dinji (l-entitajiet kollha inkluż il-pajjiż tal-kompilazzjoni)
Z9	Il-Bqija tad-Dinja (eskluż il-pajjiż tal-kompilazzjoni)
A2	Ikkontrollat mill-pajjiż tal-kompilazzjoni
V1	EU-27 (Intra-EU-27) eskluż il-pajjiż tal-kompilazzjoni
BE	Il-Belġju
BG	Il-Bulgarija
CZ	Ir-Repubblika Ċeka
DK	Id-Danimarka
DE	Il-Ġermanja
EE	L-Estonja
GR	Il-Greċja
ES	Spanja
FR	Franza
IE	L-Irlanda
IT	L-Italja
CY	Ċipru
LV	Il-Latvja
LT	Il-Litwanja
LU	Il-Lussemburgu
HU	L-Ungerija
MT	Malta
NL	L-Olanda
AT	L-Awstrija
PL	Il-Polonja
PT	Il-Portugall
RO	Ir-Rumanija
SI	Is-Slovenja
SK	Is-Slovakkja
FI	Il-Finlandja
SE	L-Iżvezja
UK	Ir-Renju Unit
Z7	Kontroll maqsum indaqs ta’ UCIs (*2) ta’ aktar minn Stat Membru wieħed
V2	Extra-EU 27
AU	L-Awstralja
CA	Il-Kanada
CH	l-Iżvizzera
CN	Iċ-Ċina
HK	Hong Kong
IL	L-Iżrael
IS	L-Iżlanda
JP	Il-Ġappun
LI	Il-Lieċhtenstein
NO	In-Norveġja
NZ	New Zealand
RU	Il-Federazzjoni Russa
TR	It-Turkija
US	L-Istati Uniti
C4	Ċentri Finanzjarji Offshore
Z8	Extra EU-27 mhux allokati

Livell 3

AD	L-Andorra	EE	L-Estonja (*3)	KZ	Il-Każakstan	QA	Il-Qatar
AE	L-Emirati Għarab Magħquda	EG	L-Eġittu	LA	Ir-Repubblika Demokratika Popolari tal-Laos	RO	Ir-Rumanija (*3)
AF	L-Afganistan	ER	Eritrea	LB	Il-Libanu	RS	Serbia
AG	Antigwa u Barbuda	ES	Spanja (*3)	LC	Santa Luċija	RU	Il-Federazzjoni Russa
AI	Anguilla	ET	L-Etijopja	LI	Il-Lieċhtenstein	RW	Ir-Ruwanda
AL	L-Albanija	FI	Il-Finlandja (*3)	LK	Is-Sri Lanka	SA	L-Arabja Sawdita
AM	L-Armenja	FJ	Fiji	LR	Il-Liberja	SB	Solomon Islands
AN	Antilles Olandiżi	FK	Il-Gżejjer tal-Falkland (Malvinas)	LS	Il-Lesoto	SC	Seychelles
AO	L-Angola	FM	Stati Federali tal-Mikroneżja	LT	Il-Lituwanja (*3)	SD	Is-Sudan
AQ	L-Antartika	FO	Faroe Islands	LU	Il-Lussemburgu (*3)	SE	L-Iżvezja (*3)
AR	L-Arġentina	FR	Franza (*3)	LV	Il-Latvja (*3)	SG	Singapor
AS	Is-Samoa ta’ l-Amerika	GA	Gabon	LY	Il-Ġamaħarija Għarbija Libjana	SH	Sant Elena
AT	L-Awstrija (*3)	GD	Grenada	MA	Il-Marokk	SI	Is-Slovenja (*3)
AU	L-Awstralja	GE	Il-Ġeorġja	MD	Ir-Repubblika tal-Moldova	SK	Is-Slovakkja (*3)
AW	Aruba	GG	Guernsey	ME	Montenegro	SL	Is-Sjerra Leone
AZ	L-Ażerbajġan	GH	Il-Gana	MG	Il-Madagaskar	SM	San Marino
BA	Il-Bożnja u l-Erzegovina	GI	Ġibiltà	MH	Gżejjer Marshall	SN	Is-Senegal
BB	Il-Barbados	GL	Greenland	MK (1)	dik li qabel kienet ir-Repubblika Jugoslava tal-Maċedonja	SO	Is-Somalia
BD	Bangladexx	GM	Il-Gambja	ML	Mali	SR	Is-Suriname
BE	Il-Belġju (*3)	GN	Il-Gwinea	MM	Myanmar	ST	Sao Tome u Principe
BF	Burkina Faso	GQ	Il-Gwinea Ekwatorjali	MN	Il-Mongolja	SV	El Salvador
BG	Il-Bulgarija (*3)	GR	Il-Greċja (*3)	MO	Il-Makaw	SY	Ir-Repubblika Għarbija Sirjana
BH	Il-Baħrain	GS	Il-Gżejjer ta’ Ġjorġja ta’ Nofs-in-Nhar u ta’ Sandwich ta’ Nofs-in-Nhar	MP	Il-gżejjer Mariana tat-Tramuntana	SZ	Swaziland
BI	Il-Burundi	GT	Il-Gwatemala	MR	Il-Mawritanja	TC	Il-Gżejjer Turks u Caicos
BJ	Benin	GU	Guam	MS	Montserrat	TD	Chad
BM	Bermuda	GW	Guinea-Bissau	MT	Malta (*3)	TF	Territorji Franċiżi ta’ nofsinhar
BN	Il-Brunei Darussalam	GY	Il-Gujana	MU	Il-Mawrixus	TG	Togo
BO	Il-Bolivja	HK	Hong Kong	MV	Il-Maldivi	TH	It-Tajlandja
BR	Il-Brażil	HM	Heard Island u McDonald Islands	MW	Il-Malawi	TJ	It-Taġikistan
BS	Il-Baħamas	HN	Il-Ħonduras	MX	Il-Messiku	TK	Tokelau
BT	Il-Bhutan	HR	Il-Kroazja	MY	Il-Malażja	TM	It-Turkmenistan
BV	Il-gżira Bouvet	HT	Ħajiti	MZ	Il-Możambik	TN	It-Tuneżija
BW	Il-Botswana	HU	L-Ungerija (*3)	NA	In-Namibia	TO	Tonga
BY	Il-Belarussja	ID	L-Indoneżja	NC	New Caledonia	TP	Timor tal-Lvant
BZ	Il-Beliże	IE	L-Irlanda (*3)	NE	In-Niġer	TR	It-Turkija
CA	Il-Kanada	IL	L-Iżrael	NF	Norfolk Island	TT	Trinidad u Tobago
CC	Il-gżejjer Cocos (Keeling)	IM	Isle of Man	NG	In-Niġerja	TV	Tuvalu
CD	Ir-Repubblika Demokratika tal-Kongo	IN	L-Indja	NI	In-Nikaragwa	TW	It-Tajwan, Provinċja taċ-Ċina
CF	Ir-Repubblika Ċentrali Afrikana	IO	It-Territorju Britanniku ta’ l-Oċean Indjan	NL	L-Olanda (*3)	TZ	Ir-Repubblika Unita tat-Tanzanija
CG	Il-Kongo	IQ	L-Iraq	NO	In-Norveġja	UA	L-Ukrajna
CH	l-Iżvizzera	IR	Ir-Repubblika Islamika ta’ l-Iran	NP	In-Nepal	UG	L-Uganda
CI	Il-Kosta ta’ l-Avorju	IS	L-Iżlanda	NR	Nauru	UK	Ir-Renju Unit (*3)
CK	Il-gżejjer Cook	IT	L-Italja (*3)	NU	Niue	UM	Gżejjer minuri mbiegħda mill-Istati Uniti
CL	Iċ-Ċili	JE	Jersey	NZ	New Zealand	US	L-Istati Uniti
CM	Il-Kamerun	JM	Il-Ġamajka	OM	L-Oman	UY	L-Urugwaj
CN	Iċ-Ċina	JO	Il-Ġordan	PA	Il-Panama	UZ	L-Użbekistan
CO	Il-Kolombja	JP	Il-Ġappun	PE	Il-Peru	VA	Is-Santa Sede (Il-Belt tal-Vatikan)
CR	Il-Kosta Rika	KE	Il-Kenja	PF	Il-Polineżja Franċiża,	VC	St Vincent u l-Grenadines
CU	Kuba	KG	Il-Kyrgyzstan	PG	Il-Papua New Guinea	VE	Il-Veneżwela
CV	Cape Verde	KH	Il-Kambodja (Kampuċja)	PH	Il-Filippini	VG	Il-Virgin Islands tal-Gran Brettanja
CX	Christmas Island	KI	Kiribati	PK	Il-Pakistan	VI	Il-Virgin Islands ta’ l-Istati Uniti
CY	Ċipru (*3)	KM	Comoros	PL	Il-Polonja (*3)	VN	Il-Vjetnam
CZ	Ir-Repubblika Ċeka (*3)	KN	San Kitts u Nevis	PN	Pitcairn	VU	Vanuatu
DE	Il-Ġermanja (*3)	KP	Il-Korea, Ir-Repubblika popolari Demokratika tal-Korea (Ta’ Fuq)	PS	It-Territoju Okkupat Palestinjan	WF	Wallis u Futuna
DJ	Djibouti	KR	Il-Korea, Ir-Repubblika tal-Korea (t’Isfel)	PT	Il-Portugall (*3)	WS	Is-Samoa
DK	Id-Danimarka (*3)	KW	Il-Kuwajt	PW	Palau	YE	Il-Jemen
DM	Dominika	KY	Il-Gżejjer Cayman	PY	Il-Paragwaj
DO	Ir-Repubblika Domenikana					ZA	L-Afrika t’Isfel
DZ	L-Alġerija					ZM	Iż-Żambja
EC	L-Ekwador	Z8	Extra EU-27 mhux allokati			ZW	Iż-Żimbabwe
A2	Ikkontrollat mill-pajjiż tal-kompilazzjoni	Z7	Kontroll maqsum indaqs ta’ UCIs (*4) ta’ aktar minn Stat Membru wieħed

Livelli ta’ analiżi ta’ Attività

Livell 1	Livell 2
		NACE Rev. 1.1 (2)
ATTIVITÀ TOTALI	ATTIVITÀ TOTALI	Taqsima C sa O (minbarra L)
MINJIERI & BARRIERI	MINJIERI U BARRIERI	Taqsima C
	Li minnhom:
	Estrazzjoni ta’ żejt u gass	Div 11
MANIFATTURA	MANIFATTURA	Taqsima D
	Prodotti ta’ l-ikel	Sottotaqsima DA
	Tessuti u lbies	Sottotaqsima DB
	Injam, ippubblikar u stampar	Sottotaqsimiet DD & DE
	TOTAL ta’ l-attivitajiet tat-tessuti u l-injam
	Prodotti petroliferi rraffinati. U trattamenti oħra	Div 23
	Manufattura ta’ kimiċi u prodotti kimiċi	Div 24
	Prodotti tal-lasktu u tal-plastik	Div 25
Prodotti petroliferi, kimiċi, tal- plastik gomma u tal-plasika	TOTAL prodotti pertrolifiċi, kimiċi, tal-lasktu u tal-plastik
	Prodotti tal-metall	Sottotaqsima DJ
	Prodotti mekkaniċi	Div 29
	TOTAL prodotti tal-metall u mekkaniċi
	Makkinarju ta’ l-uffiċju u kompjuters	Div 30
	Tagħmir tar-radju, tat-televiżjoni u tal-komunikazzjoni	Div 32
Makk. ta’.l-uffiċ, komp., RTV, tagħmir tal-kom.	TOTAL makkinarju ta’ l-uffiċju, kompjuters, radju u televiżjoni, tagħmir tal-komunikazzjoni.
	Vetturi bil-mutur	Div 34
	Tagħmir ieħor tat-trasport	Div 35
Vetturi, tagħmir ieħor tat-trasport.	TOTAL vetturi + tagħmir ieħor tat-trasport
Vetturi, tagħmir ieħor tat-trasport.	Manifattura i.e.
ELETTRIKU, GASS U ILMA	ELETTRIKU, GASS U ILMA	Taqsima E
KOSTRUZZJONI	KOSTRUZZJONI	Taqsima F
SERVIZZI TOTALI	SERVIZZI TOTALI
KUMMERĊ U TISWIJIET	KUMMERĊ U TISWIJIET	Taqsima G
	Bejgħ, manutenzjoni u tiswija ta’ vetturi bil-mutur u motoċikli (muturi); bejgħ bl-imnut ta’ fjuwil tal-vetturi	Div 50
	Kummerċ bl-ingrossa u kummerċ bil-kummissjoni, minbarra tal-vetturi bil-mutur u l-motoċikli	Div 51
	Kummerċ bl-imnut, minbarra tal-vetturi bil-mutur u l-motoċikli, tiswija ta’ oġġetti personali u tad-dar	Div 52
ĦOTELS U RISTORANTI	ĦOTELS U RISTORANTI	Taqsima H
TRASP., ĦAŻNA U KOM.	TRASPORT, ĦAŻNA U KOMMUNIKAZZJONI	Taqsima I
	Trasport u ħażna	Div 60, 61, 62, 63
	Trasport fuq l-art; trasport permezz ta’ sistema ta’ pajpijiet	Div 60
	Trasport fuq l-ilma	Div 61
	Trasport ta’ l-ajru	Div 62
	Attivitajiet ta’ trasport ta’ appoġġ u awżiljari; attivitajiet ta’ aġenziji ta’ l-ivvjaġġar	Div 63
	Posta u telekomunikazzjonijiet	Div 64
	Posta u attivitajiet ta’ kurjer	Grupp 64.1
	Telekomunikazzjonijiet	Grupp 64.2
INTERMED. FINANZJARJA	INTERMEDJAZZJONI FINANZJARJA	Taqsima J
	Intermedjazzjoni finanzjarja, minbarra fondi ta’ l-assigurazzjoni u tal-pensjoni	Div 65
	Fondi għall-assurazzjoni u għall-pensjoni, minbarra s-sigurta’ soċjali obbligatorja funding, except compulsory social security	Div 66
	Attivitajiet awżiljari għal intermedjazzjoni finanzjarja	Div 67
	ATTIVITAJIET TA’ PROPRJETÀ TA’ BENI IMMOBBLI	Taqsima K, Div 70
	KIRI TA’ MAKKINARJU U TA’ TAGĦMIR MINGĦAJR OPERATUR U TA’ BENI GĦALL-UŻU PERSOLANI U DOMESTIKU	Taqsima K, Div 71
KOMP. U ATT. RELATATI	ATTIVITAJIET TA’ KOMJUTER U DAWK RELATATI	Taqsima K, Div 72
RIĊERKA U ŻVILUPP.	RIĊERKA U ŻVILUPP	Taqsima K, Div 73
ATT. OĦRA TA’ NEGOZJI	ATTIVITAJIET OĦRA TA’ NEGOZJI	Taqsima K, Div 74
	Attività legali, kontabilità, riċerka tas-suq, konsultazzjoni	Grupp 74.1
	Attivitajiet legali	Klassi 74.11
	Kontabilità, żamm tal-kotba u awditjar, konsulrza tat-taxxa	Klassi 74.12
	Riċerka tas-suq u stħarriġ ta’ l-opinjoni pubblika	Klassi 74.13
	Attivitajiet ta’ konsulenza tan-negozju u tal-ġestjoni	Klassi 74.14
	Attivitajiet ta’ ġestjoni ‘kumpaniji holding	Klassi 74.15
	Attivitajie t ta’ arkitettura, inġinerija u ta’ teknika oħra	Grupp 74.2
	Pubbliċità	Grupp 74.4
	Attivitajiet ta’ negozju n.e.c.	Grupp 74.3, 74.5, 74.6, 74.7, 74.8
	EDUKAZZJONI	Taqsima M
	SAĦĦA U ĦIDMA SOĊJALI	Taqsima N
	RIMI TA’ DRENAĠĠ U SKART	Taqsima O, Div 90
	ATTIVITAJIET TA’ ORGANIZZAZZJONIET TA’ SĦUBIJA N.E.C.	Taqsima O, Div 91
ATTI. REKREATTIVI, KULTURALI, SPORTIVI	ATTIVITAJIET REKREATTIVI, KULTURALI, SPORTIVI	Taqsima O, Div 92
	Attività ċinematografika, tar-radju, tat-televiżjoni u oħrajn ta’ divertiment	Grupp 92.1, 92.2, 92.3
	Attivitajiet ta’ aġenziji ta’ l-aħbarijiet	Grupp 92.4
	Attivitajiet ta’ libreriji, arkivji, mużewijiet u oħrajn kulturali	Grupp 92.5
	Attivitajiet sportivi u oħrajn rekreattivi	Grupp 92.6, 92.7
	ATTIVITAJIET OĦRA TA’ SERVIZZ	Taqsima O, Div 93
	Mhux allokati

Livell 3 (NACE Rev. 1.1)
Titolu	Livell mitlub ta’ dettal
Ekonomija tan-negozju	It-Taqsimiet C sa K
Minjieri u barrieri	It-Taqsima C
Manifattura	It-Taqsima D
	Is-sotto-taqsimiet kollha DA sa DN
	Id-diviżjonijiet kollha 15 sa 37
	Aggregati:
	Teknoloġija għolja (HIT)	24.4, 30, 32, 33, 35.3
	Teknoloġija medja-għolja (MHT)	24 minbarra 24.4, 29, 31, 34, 35.2, 35.4, 35.5
	Teknoloġija medja-baxxa (MT)	23, 25-28, 35.1
	Teknoloġija baxxa (LOT)	15-22, 36, 37
Elettriku; gass u provvista ta’ l-ilma	It-Taqsima E
	Id-diviżjonijiet kollha (40 u 41)
Kostruzzjoni	It-Taqsima F (Diviżjoni 45)
	Il-Gruppi kollha (45.1 sa 45.5)
Kummerċ bl-ingross u bl-imnut; tiswija ta’ vetturi bil-mutur, tal-motoċikli, u ta’ beni personali u tad-dar	It-Taqsima G
	Id-diviżjonijiet kollha (50 sa 52)
	Gruppi 50.1 + 50.2 + 50.3, 50.4, 50.5, 51.1 sa 51.9
	Gruppi 52.1 sa 52.7
Ħotels u ristoranti	It-Taqsima H (Diviżjoni 55)
	Gruppi 55.1 sa 55.5
Trasport, ħażna u komunikazzjoni	It-Taqsima I
	Id-diviżjonijiet kollha
	60.1, 60.2, 60.3, 63.1 + 63.2, 63.363.4, 64.1, 64.2
Intermedjazzjoni finanzjarja	It-Taqsima J
	Id-diviżjonijiet kollha
Attivitajiet ta’ proprjetà ta’ beni immobbli, ta’ kiri u ta’ negozju	It-Taqsima K
	It-Taqsima 70
	It-Taqsima 71, gruppi 71.1 + 71.2, 71.3 u 71.4
	It-Taqsima 72, gruppi 72.1 sa 72.6
	It-Taqsima 73
	It-Taqsima 74, l-aggregati 74.1 to 74.4 sa 74.5 to 74.8

(*1) unità istituzzjonali aħħarija li għandha l-kontroll fuq affiljat barrani.

(*2) Unità istituzzjonali aħħarija li għandha l-kontroll fuq affiljat barrani.

(*3) Għall-Inward biss.

(*4) Unità istituzzjonali aħħarija li għandha l-kontroll fuq affiljat barrani.

(1) Kodiċi provviżorju li ma jaffetwax id-denominazzjoni definittiva tal-pajjiż li għandu jingħata wara l-konklużjoni tan-negozjati għaddejjin bħalissa fin-Nazzjonijiet Uniti.

(2) Ir-Regolament tal-Kunsill (KEE) Nru 3037/90 tad-9 ta’ Ottubru 1990 dwar il-klassifikazzjoni statistika ta’ l-attivitajiet ekonomiċi fil-Komunità Ewropea (ĠU L 293, 24.10.1990, p. 1). Ir-Regolament kif emendat l-aħħar bir-Regolament (KE) Nru 1893/2006.

Kodiċi	Titolu
11 11 0	Numru ta’ intrapriżi
12 11 0	Fatturat
12 12 0	Valur ta’ produzzjoni
12 15 0	Valur miżjud għall-ispiża tal-fatturi
13 11 0	Xiri totali ta’ merkanzija u servizzi
13 12 0	Xiri ta’ merkanzija u servizzi mixtrija għall-bejgħ mill-ġdid fl-istess kundizzjoni li fiha kienu riċevuti
13 31 0	Spejjeż ta’ persunal
15 11 0	Investiment gross f’merkanzija tanġibbli
16 11 0	Numru tal-persuni impjegati
22 11 0	Nefqa totali għal R&D intra-mural (*1)
22 12 0	Numru totali għal persunal R&D (*1)

Kodiċi	Titolu
12 11 0	Fatturat
16 11 0	Numru ta’ persuni impjegati
11 11 0	Numru ta’ intrapriżi