16.6.2007 |
MT |
Il-Ġurnal Uffiċjali ta’ l-Unjoni Ewropea |
L 156/1 |
REGOLAMENT TAL-KUNSILL (KE) Nru 671/2007
tal-11 ta’ Ġunju 2007
li jemenda r-Regolament (KE) Nru 1868/94 li jistabbilixxi sistema ta’ kwoti f’dak li għandu x’jaqsam mal-produzzjoni ta’ lamtu tal-patata
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Billi:
(1) |
L-Anness għar-Regolament tal-Kunsill (KE) Nru 1868/94 (2) jiffissa l-kwoti ta’ lamtu tal-patata għall-Istati Membri produtturi għas-snin ta’ kummerċjalizzazzjoni 2005/2006 u 2006/2007. |
(2) |
Skond l-Artikolu 3(2) tar-Regolament (KE) Nru 1868/94 l-allokazzjoni tal-kwota fil-Komunità hija bbażata fuq rapport mill-Kummissjoni lill-Kunsill. Skond ir-rapport preżentat lill-Kunsill ir-riforma reċenti ta’ l-organizzazzjoni tas-suq komuni fis-settur taz-zokkor għandha tittieħed f’konsiderazzjoni fl-analiżi ta’ l-iżviluppi fuq is-suq tal-lamtu. Madankollu r-riforma taz-zokkor tiġi applikabbli bis-sħiħ b’mod gradwali fuq perijodu transitorju. Għalhekk, sakemm ikun hemm indikazzjoni ta’ l-effetti tal-bidu ta’ din ir-riforma fuq is-settur tal-lamtu tal-patata, il-kwoti għas-sena ta’ kummerċjalizzazzjoni 2006/2007 għandhom jinferxu fuq sentejn oħra. |
(3) |
L-Istati Membri Produtturi għandhom jallokaw il-kwoti tagħhom għal perijodu ta’ sentejn fost il-manifatturi kollha ta’ lamtu tal-patata abbażi tal-kwoti għas-sena ta’ kummerċjalizzazzjoni 2006/2007. |
(4) |
Il-kwantitajiet użati mill-manifatturi ta’ lamtu tal-patata li jaqbżu s-sub-kwoti disponibbli fis-sena ta’ kummerċjalizzazzjoni 2006/2007 għandhom jiġu mnaqqsa fis-sena ta’ kummerċjalizzazzjoni 2007/2008 skond l-Artikolu 6(2) tar-Regolament (KE) Nru 1868/94. |
(5) |
Ir-Regolament (KE) Nru 1868/94 għandu għaldaqstant jiġi emendat kif jixraq, |
ADOTTA DAN IR-REGOLAMENT:
Artikolu 1
Ir-Regolament (KE) Nru 1868/94 huwa b’ dan emendat kif ġej:
1. |
L-Artikoli 2 u 3 għandhom jiġu sostitwiti b’li ġej: “Artikolu 2 1. L-Istati Membri produtturi ta’ lamtu tal-patata għandhom jiġu allokati kwoti għas-snin ta’ kummerċjalizzazzjoni 2007/2008 u 2008/2009 skond l-Anness. 2. Kull Stat Membru produttur imsemmi fl-Anness għandu jalloka l-kwota tiegħu fost il-manifatturi ta’ lamtu tal-patata għall-użu fis-snin ta’ kummerċjalizzazzjoni 2007/2008 u 2008/2009 abbażi tas-sub-kwoti disponibbli għal kull manifattur fl-2006/2007, soġġett għall-applikazzjoni tat-tieni subparagrafu. Is-sub-kwoti disponibbli għal kull manifattur għas-sena ta’ kummerċjalizzazzjoni 2007/2008 għandhom jiġu aġġustati biex jittieħed kont ta’ kwalunkwe ammont użat li jaqbeż il-kwota matul is-sena ta’ kummerċjalizzazzjoni 2006/2007 skond l-Artikolu 6(2). Artikolu 3 Il-Kummissjoni għandha tippreżenta lill-Kunsill, qabel l-1 ta’ Jannar 2009, rapport dwar il-funzjonament tas-sistema ta’ kwoti fil-Komunità, akkumpanjata minn proposti xierqa. Dan ir-rapport għandu jieħu kont ta’ l-iżviluppi fuq is-swieq tal-lamtu tal-patata u l-lamtu taċ-ċereali.” |
2. |
L-Anness għandu jiġi mibdul bit-test li jidher fl-Anness għal dan ir-Regolament. |
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Huwa għandu jibda jgħodd mill-1 ta’ Lulju 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fil-Lussemburgu, 11 ta’ Ġunju 2007.
Għall-Kunsill
Il-President
H. SEEHOFER
(1) Opinjoni ta’ l-24 ta’ April 2007 (għadha mhux pubblikata fil-Ġurnal Uffiċjali).
(2) ĠU L 197, 30.7.1994, p. 4. Ir-Regolament kif emendat l-aħħar bir-Regolament (KE) Nru 941/2005 (ĠU L 159, 22.6.2005, p. 1).
ANNESS
“ANNESS
Kwoti ta’ lamtu tal-patata għas-snin ta’ kummerċjalizzazzjoni 2007/2008 u 2008/2009
(tunnellati) |
|
Repubblika Ċeka |
33 660 |
Danimarka |
168 215 |
Ġermanja |
656 298 |
Estonja |
250 |
Spanja |
1 943 |
Franza |
265 354 |
Latvija |
5 778 |
Litwanja |
1 211 |
Olanda |
507 403 |
Awstrija |
47 691 |
Polonja |
144 985 |
Slovakkja |
729 |
Finlandja |
53 178 |
Svezja |
62 066 |
Total |
1 948 761 ” |