ANNESS

Skema ta’ ttestjar neċessarja biex tkun verifikata l-kisba tal-mira Komunitarja msemmija fl-Artikolu 1(2)

1.   Il-frekwenza u l-istatus tat-teħid tal-kampjuni

(a)

Il-qafas tal-kampjun għandu jkopri l-qatgħat tal-brojlers koperti bl-ambitu tar-Regolament (KE) Nru 2160/2003.

(b)

Għandhom jittieħdu kampjjuni ta’ qatgħat tal-brojlers fuq l-inizjattiva ta’ l-operatur kummerċjali ta’ l-ikel mill-awtorità kompetenti. — It-teħid tal-kampjun fuq l-inizjattiva ta’ l-operatur kummerċjali ta’ l-ikel skond l-Artikolu 5(3) tar-Regolament (KE) Nru 2160/2003 fi żmien tliet ġimgħat qabel ma l-għasafar jiċċaqalqu lejn il-biċċerija. — It-teħid tal-kampjuni mill-awtorità kompetenti għandha tinkludi kull sena ta’ mill-anqas qatgħa waħda ta’ brojlers fuq 10 % ta’ l-impriżi b'aktar minn 5 000 għasfur. Għandu jsir abbażi tar-riskju kull darba li l-awtorità kompetenti tikkonsidrah neċessarju. It-teħid ta’ kampjuni mwettaq mill-awtorità kompetenti jista’ jieħu post teħid wieħed ta’ kampjuni fuq l-inizjattiva ta’ l-operatur kummerċjali ta’ l-ikel.

(c)

Madankollu, bis-saħħa tad-deroga minn punt (a), l-awtorità kompetenti tista' tiddeċiedi li tieħu kampjun ta’ mill-anqas qatgħa waħda ta’ brojlers għal kull ġabra ta’ impriżi b'qatgħat diversi jekk: (i) Tintuża sistema ta’ kollha ġewwa/kollha barra; (ii) l-istess maniġment hu applikat fuq il-qatgħat kollha; (iii) Il-provista ta’ l-għalf u l-ilma huma komuni għall-qatgħat kollha; (iv) Matul sena waħda u ta’ mill-anqas sitt darbiet, is-Salmonella spp kienet ttestjata skond l-iskema ta’ monitoraġġ sitpulata fil-punt (b) fil-qatgħat kollha fl-impriża u l-kampjuni tal-qatgħat kollha ta’ mill-anqas ta’ ġabra waħda ittieħedu mill-awtorità kompetenti; kif ukoll (v) Ir-riżultati kollha mill-ittestjar għas-Salmonella Enteritidis jew Salmonella Typhimurium kienu negattivi.

2.   Il-Protokoll għat-teħid tal-kampjuni

Għandhom jittieħdu ta’ mill-anqas żewġ pari ta’ msellħiet ma’ l-istvali/bħala kalzetti. Għall-qatgħat imrobbija fil-ftuħ, il-kampjuni għandhom jinkisbu biss fl-art ġewwa l-impjant. L-imsellħiet kollha ma’ l-istvali/bħala kalzetti għandhom jinġabru f'kampjun wieħed.

F'qatgħat ta’ anqas minn 100 brojler, meta ma jkunx possibbli li jintużaw imsellħiet ma’ l-istvali/imsellħiet li jintlibsu qishom kalzetti minħabba li mhux possibbli l-aċċess fil-gallinari, dawn jistgħu jiġu sostitwiti b’imsellħiet li jittieħdu forma ta’ mesħa bl-idejn - fil-każ li l-imsellħiet ma’ l-istvali jew kalzetti jintlibsu fuq idejn mgħottija b’ingwanti u li jintmesħu fuq uċuħ li huma kkontaminati bi ħmieġ li jkun għadu frisk, jew jekk dan ma jkunx vijabbli, permezz ta’ tekniki oħra ta’ ksib ta’ kampjuni ta’ ħmieġ.

Qabel ma jintlibsu msellħiet ma’ l-istvali/bħala kalzetti, il-wiċċ tagħhom għandu jixxarrab b'dilwizzjonijiet ta’ rkupru massimu (MRD: 0.8 % klorur tas-sodju, 0.1 % peptun f'ilma dejonizzat sterili), jew ilma sterili jew kwalunkwe dilwizzjoni oħra approvata mil-laboratorju nazzjonali ta’ referenza msemmija fl-Artikolu 11 tar-Regolament (KE) Nru 2160/2003. L-użu ta’ l-ilma ta’ l-irziezet li fih aġenti kontra l-mikrobi jew disinfettanti addizzjonali għandu jkun projbit. Il-mod rakkomandat kif għandhom jixxarbu l-imsellħiet ma’ l-istvali għandu jkun li jitferra l-likwidu ġewwa qabel ma jintlibsu. Alternattivament, l-imsellħiet ma’ l-istvali jew l-kalzetti li jkunu sterillizzati fi fran (autoclaved) b'dilwizzjonijiet fi xkejjer jew ġarar ta’ l-autoclave qabel ma jintużaw. Id-dilwizzjoni jistgħu jiġu applikati wkoll wara li jintlibsu l-istivali permezz ta’ sprej jew wash bottle.

Għandu jkun żgurat li t-taqsimiet kollha ta’ l-impjant huma rappreżentati fil-kampjun b'mod proporzjonat. Kull par għandu jkopri madwar 50 % taż-żona ta’ l-impjant.

Meta jitlesta t-teħid ta’ kampjuni, msellħiet ma’ l-istvali/bħala kalzetti għandu jitneħħa bil-galbu sabiex ma jinqala' l-ebda materjal imwaħħal. L-imsellħiet ma’ l-istvali għandhom jinqalbu bil-maqlub sabiex jinżamm il-materjal. Għandhom jitpoġġew f'borża jew kontenitur u ttikkettjati.

L-awtorità kompetenti għandha tissorvelja l-edukazzjoni ta’ l-operaturi kummerċjali ta’ l-ikel biex tiggarantixxi l-applikazzjoni korretta tal-protokoll tat-teħid tal-kampjun.

Fil-każ tat-teħid tal-kampjun mill-awtorità kompetenti minħabba suspett ta’ infezzjoni ta’ Salmonella u fi kwalunkwe każ ieħor li jitqies xieraq, l-awtorità kompetenti għandha tissodisfa ruħha billi twettaq testijiet ulterjuri kif inhu xieraq sabiex ir-riżultat ta’ l-eżamijiet għas-Salmonella fil-qatgħat ta’ brojlers ma jkunux affettwati mill-użu ta’ antimikrobikali f'dawk il-qatgħat.

Fejn ma tinstabx il-preżenza tas-Salmonella Enteritidis u s-Salmonella Typhimurium iżda jinstabu antimikrobiċi jew l-effett inibitorju tal-formazzjoni tal-batterji, il-qatgħa tal-brojlers għandha tkun ikkunsidrata bħala infettata għall-għan tal-mira Komunitarja msemmija fl-Artikolu 1(2).

3.   L-eżaminazzjoni tal-kampjuni

3.1.   It-trasport u t-tħejjija tal-kampjun

Il-kampjuni għandhom jintbagħtu bis-servizz express tal-posta jew kurjer lil-laboratorji msemmija fl-Artikoli 11 u 12 tar-Regolament (KE) Nru 2160/2003, fi żmien 25 siegħa wara li jinġabru. Fil-laboratorji, il-kampjuni għandhom jinżammu fil-friża sakemm issir l-eżaminazzjoni, li għandha ssir fi żmien 48 siegħa wara t-twassil.

Iż-żewġ pari tal-kampjuni miġburin b'imsellħiet ma’ l-istvali/bħala kalzetti għandhom jinħarġu bil-galbu mill-ippakkjar sabiex jiġi evitat li jinqala’ materjal ta’ ħmieġ, miġbua flimkien u jitpoġġew f’225 ml ta’ buffered peptone water (BPW) imsaħħan minn qabel għal temperatura ambjentali;

Il-kampjun għandu jiddawwar sakemm jassorbih kollu u l-koltura għandha titkompla bl-użu tal-metodu ta’ stħarriġ f’punt 3.2.

Jekk l-istandards ta’ l-ISO dwar il-preparazzjoni tal-ħmieġ għall-istħarriġ tas-salmonella jkun hemm ftehim dwarhom, dawn għandhom jiġu applikati u għandhom jieħdu post id-dispożizzjonijiet dwar il-preparazzjoni tat-teħid tal-kampjuni stabbiliti f'dan il-punt.

3.2.   Metodu ta’ osservanza

Għandu jintuża l-metodu li huwa rrakkomandat mil-Laboratorju ta’ Referenza Komunitarju (CRL) għas-Salmonella f'Bilthoven, fl-Olanda.

Dan il-metodu hu deskritt fil-verżjoni kurrenti ta’ l-abbozz ta’ l-Anness D ta’ l-ISO 6579 (2002): ‘Stħarriġ tas-Salmonella spp. fil-ħmieġ ta’ l-annimali u fil-kampjuni ta’ l-istadju primarju ta’ produzzjoni’.

F’dan il-metodu ta’ stħarriġ, sustanza semi-solida (is-sustanza semi-solida mmodifikata Rappaport-Vassiladis, MSRV) tintuża bħala s-sustanza selettiva unika ta’ arrikkiment.

3.3.   Klassifikazzjoni fuq il-bażi tas-serotipi

Ta’ l-anqas iżolat wieħed minn kull kampjun pożittiv għandu jkun isserotipizzat, skond l-iskema Kaufmann-White.

3.4.   Metodi alternattivi

Fir-rigward tal-kampjuni meħuda fil-bidu ta’ l-operatur, il-metodi ta’ l-analiżi previsti fl-Artikolu 11 tar-Regolament (KE) Nru 882/2004 tal-Parlament Ewropew u tal-Kunsill (1), jistgħu jintużaw minflok il-metodi għall-preparazzjoni tal-kampjuni, metodi ta’ stħarriġ u tas-serotipi previsti f’punt 3.1, 3.2 u 3.3 ta’ dan l-Anness, jekk ivvalidati skond l-EN/ISO 16140/2003.

3.5.   Ħżin ta’ varjanti

Ta’ l-anqas razza waħda ta’ iżolati għal kull impjant għal kull sena għandha tinġabar mill-awtorità kompetenti u maħżuna għall-phagetyping jew l-ittestjar għas-suxxettibilità anti-mikrobika ġejjiena, bl-użu tal-metodi normali għall-ġbir tal-koltura, li għandha tiżgura l-integrità tal-varjanti għal perjodu minimu ta’ sentejn.

4.   Riżultati u rapportar

4.1.   Kalkolu tal-prevalenza għall-verifika tal-mira Komunitarja

Qatgħa ta’ brojlers għandha tkun ikkunsidrata pożittiva għall-iskop tal-verifika tat-twettiq tal-mira Komunitarja, fejn il-preżenza tas-Salmonella Enteritidis u/jew s-Salmonella Typhimurium (għajr il-varjanti tal-vaċċin) kienet misjuba f’kampjun fil-qatgħa fi kwalunkwe okkażjoni.

Il-qatgħat tal-brojlers għandhom jingħaddu darba biss, irrispettivament min-numru tat-teħid tal-kampjuni u ta’ l-operazzjonijiet ta’ l-ittestjar u jkunu rrapportati biss fl-ewwel sena li fiha jinstabu.

4.2.   Ir-rappurtaġġ

Ir-rapport għandu jinkludi:

(a)	In-numru totali ta’ qatgħat ta’ brojlers miġbura f'kampjun mill-awtorità kompetenti jew mill-operatur kummerċjali ta’ l-ikel;

(b)	In-numru totali ta’ qatgħat ta’ brojlers infettati;

(ċ)	l-iserotipi kollha tas-Salmonella iżolati (inklużi għajr is-Salmonella Enteritidis u s-Salmonella Typhimurium)

(d)	spjegazzjonijiet dwar ir-riżultati, partikolarment dawk li jikkonċernaw każi eċċezzjonali.

Ir-riżultati msemmija f’dan il-punt u kull informazzjoni rilevanti addizzjonali għandhom jiġu rrapportati bħala parti mir-rapport dwar it-tendenzi u s-sorsi previst fl-Artikolu 9 (1) tad-Direttiva 2003/99/KE tal-Parlament Ewropew u tal-Kunsill (2).

4.3.   Informazzjoni addizzjonali

Ta’ mill-anqas l-informazzjoni li ġejja għandha ssir disponibbli minn kull qatgħa ta’ brojlers ttestjata għall-analiżi fuq il-livell nazzjonali jew mill-Awtorità Ewropea dwar is-Sigurtà fl-Ikel meta titlob hekk:

(a)	Kampjun meħud mill-awtorità kompetenti jew mill-operatur kummerċjali ta’ l-ikel;

(b)	Referenza dwar l-impriża, li tibqa' unika fiż-żmien;

(ċ)	Referenza dwar l-impriża, li tibqa' unika fiż-żmien;

(d)	Xahar li fih ittieħdu l-kampjuni.

---

(1)  ĠU L 165, 30.4.2004, p. 1; verżjoni korretta (ĠU L 191, 28.5.2004, p. 1).

(2)  ĠU L 325, 12.12.2003, p. 31.