8.6.2007   

MT

Il-Ġurnal Uffiċjali ta’ l-Unjoni Ewropea

L 146/1

(1)

Il-Pożizzjoni Komuni 2002/960/PESK tipprovdi embargo fuq l-esportazzjoni ta’ armi, munizzjonijiet u tagħmir militari għas-Somalja, u tipprojbixxi l-għoti ta’ konsulenza teknika, assistenza finanzjarja u assistenza u taħriġ ieħor relatati ma’ l-attivitajiet fis-Somalja. Il-projbizzjoni fuq l-għoti ta’ assistenza teknika u finanzjarja relatata ma’ attivitajiet militari ġiet implimentata bir-Regolament (KE) Nru 147/2003 (2).

(2)

Fl-20 ta’ Frar 2007, il-Kunsill tas-Sigurtà tan-Nazzjonijiet Uniti adotta r-Riżoluzzjoni 1744 (2007) (minn hawn ‘il quddiem imsejħa “UNSCR 1744 (2007)” li inter alia tintroduċi eżenzjonijiet addizzjonali minn dawk il-miżuri restrittivi għal fornimenti ta’ armi u tagħmir militari u taħriġ u assistenza teknika, u finanzjament u assistenza finanzjarja relatata, intiża biss għas-sostenn ta’ jew użu mill-missjoni ta’ l-Unjoni Afrikana għas-Somalja (AMISOM), imsemmija fil-paragrafu 4 ta’ l-UNSCR 1744 (2007), u għal fornimenti ta’ armi u tagħmir militari u l-forniment dirett jew indirett ta’ konsulenza teknika, intiżi biss għall-iskop li jiġi megħjun l-iżvilupp ta’ istituzzjonijiet tas-settur tas-sigurtà fis-Somalja, konsistenti mal-proċess politiku maħsub fil-Karta Federali Transitorja tas-Somalja, kif espost fil-paragrafi 1, 2 u 3 ta’ l-UNSCR 1744 (2007).

(3)

Il-Pożizzjoni Komuni 2007/391/PESK emendat il-Pożizzjoni Komuni 2002/960/PESK sabiex l-eżenzjonijiet mill-miżuri restrittivi jiġu konformi ma’ l-UNSCR 1744 (2007). Ir-Regolament (KE) Nru 147/2003 għandu jiġi emendat kif meħtieġ,

(1)

għandu jiddaħħal l-Artikolu li ġej:

“Artikolu 2a

B’deroga mill-Artikolu 1, l-awtorità kompetenti, kif indikata fil-websites elenkati fl-Anness, fl-Istat Membru fejn huwa stabbilit min jipprovdi s-servizz, tista’ tawtorizza, taħt tali kondizzjonijiet li hija tqis adatti:

(2)

għandu jiddaħħal l-Artikolu li ġej:

“Artikolu 6a

Il-Kummissjoni għandha temenda l-Anness abbażi ta’ l-informazzjoni fornuta mill-Istati Membri.”;

(3)

għandu jiddaħħal l-Artikolu li ġej:

“Artikolu 7a

1.   L-Istati Membri għandhom jaħtru l-awtoritajiet kompetenti msemmijin f’dan ir-Regolament u jidentifikawhom fi, jew permezz ta’, websites elenkati fl-Anness.

2.   L-Istati Membri għandhom jinnotifikaw lill-Kummissjoni bl-awtoritajiet kompetenti tagħhom mingħajr dewmien wara d-dħul fis-seħħ ta’ dan ir-Regolament u għandhom jinnotifikawha bi kwalunkwe emenda sussegwenti.”;

(4)

it-test fl-Anness ma’ dan ir-Regolament għandu jiġi miżjud bħala Anness.