5.5.2007 |
MT |
Il-Ġurnal Uffiċjali ta’ l-Unjoni Ewropea |
L 117/11 |
REGOLAMENT TAL-KUMMISSJONI (KE) Nru 497/2007
ta’ l-4 ta’ Mejju 2007
rigward l-awtorizzazzjoni ta’ endo-1,4-beta xylanase KE 3.2.1.8 (Safizym X) bħala addittiv fl-għalf
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar addittivi għall-użu fin-nutriment ta’ l-annimali (1), u b'mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf ta’ l-annimali u għall-bażi u l-proċeduri biex tingħata tali awtorizzazzjoni. |
(2) |
B'konformità ma’ l-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ta’ dan ir-Regolament. Dik l-applikazzjoni ġiet akkumpanjata mill-partikolaritajiet u d-dokumenti mitluba skond l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna użu ġdid tal-preparazzjoni ta’ endo-1,4-beta-xylanase KE 3.2.1.8 prodotta mit-Trichoderma longibrachiatum (CNCM MA 6-10) (Safizym X), bħala addittiv fl-għalf tal-ħnienes (miftuma), li għandha tiġi kklassifikata fil-kategorija ta’ addittivi “addittivi Żootekniċi”. |
(4) |
L-użu ta’ endo-1,4-beta-xylanase KE 3.2.1.8 prodotta mit-Trichoderma longibrachiatum (CNCM MA 6-10) kien awtorizzat mingħajr limitu ta’ żmien għal tiġieġ għat-tismin mir-Regolament tal-Kummissjoni (KE) Nru 1453/2004 (2), mingħajr limitu ta’ żmien għal dundjani għat-tismin mir-Regolament tal-Kummissjoni (KE) Nru 943/2005 (3) u mingħajr limitu ta’ żmien għal tiġieġ li jbidu mir-Regolament tal-Kummissjoni (KE) Nru 1810/2005 (4). |
(5) |
Tressqet data ġdida bħala sostenn ta’ l-applikazzjoni għall-awtorizzazzjoni għal ħnienes (miftuma). L-Awtorità Ewropea tas-Sikurezza fl-Ikel (‘l-Awtorità’) ikkonkludiet fl-opinjoni tagħha tas-17 ta’ Ottubru 2006 li l-preparazzjoni ta’ endo-1,4-beta-xylanase KE 3.2.1.8 prodotta mit-Trichoderma longibrachiatum (CNCM MA 6-10) (Safizym X) ma tħallix effett negattiv fuq is-saħħa ta’ l-annimali, is-saħħa tal-bniedem jew fuq l-ambjent (5). Ikkonkludiet ukoll li dik il-preparazzjoni ma tippreżenta ebda riskju ieħor li, skond l-Artikolu 5(2) tar-Regolament (KE) Nru 1831/2003, jeskludi l-awtorizzazzjoni. Skond dik l-opinjoni, l-użu ta’ dik il-preparazzjoni ma għandux effett negattiv fuq dawn il-kategoriji addizzjonali ta’ annimali. L-Awtorità ma tqisx li hemm bżonn ta’ rekwiżiti speċifiċi ta’ sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi ta’ l-addittivi fl-għalf, f'għalf ippreżentat mil-Laboratorju ta’ Referenza tal-Komunità stabbilit mir-Regolament (KE) Nru 1831/2003. |
(6) |
Il-valutazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, intlaħqu. Għaldaqstant, l-użu ta’ dik il-preparazzjoni għandu jiġi awtorizzat, kif speċifikat fl-Anness ta’ dan ir-Regolament. |
(7) |
Il-miżuri stipulati f'dan ir-Regolament huma konformi ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija ta’ addittivi ‘addittivi żootekniċi’ u mill-grupp funzjonali ‘sustanzi li jsaħħu d-diġestibbiltà’, hija awtorizzata bħala addittiv fin-nutrizzjoni ta’ l-annimali suġġetta għall-kundizzjonijiet stipulati f'dak l-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 4 ta’ Mejju 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 18.10.2003, p. 29. Ir-Regolament kif emendat mir-Regolament tal-Kummissjoni (KE) Nru 378/2005 (ĠU L 59, 5.3.2005, p. 8).
(2) ĠU L 269, 17.8.2004, p. 3.
(3) ĠU L 159, 22.6.2005, p. 6.
(4) ĠU L 291, 5.11.2005, p. 5. Ir-Regolament kif emendat mir-Regolament (KE) Nru 184/2007 (U L 63, 1.3.2007, p. 1).
(5) Opinjoni tal-Bord Xjentifiku dwar l-Addittivi u Prodotti jew Sustanzi użati fl-Għalf ta’ l-Annimali dwar is-sigurtà u l-effikaċja tal-preparazzjoni ta’ enżimi Safizym X (endo-1,4-beta-xylanase) bħala addittiv fl-għalf għall-ħneices skond ir-Regolament (KE) Nru 1831/2003. Adottata fit-17 ta’ Ottubru 2006The EFSA Journal (2006) 405, 1-10.
ANNESS
Numru ta' identifikazzjoni ta' l-addittiv |
Isem id-detentur ta' l-awtorizzazzjoni |
Addittiv (Isem kummerċjali) |
Kompożizzjoni, formula kimika, deskrizzjoni, metodu analitiku. |
Speċi jew kategorija ta’ annimali |
Età massima |
Kontenut minimu |
Kontenut massimu |
Dispożizzjonijiet oħrajn |
Tmiem tal-perjodu ta' awtorizzazzjoni |
||||||||||||||||||
Unità ta' attività/kg ta' għalf sħiħ b'kontenut ta' umdità ta' 12 % |
|||||||||||||||||||||||||||
Kategorija ta’ addittivi żootekniċi. Grupp funzjonali: sustanzi li jsaħħu d-diġestibbiltà. |
|||||||||||||||||||||||||||
4a1613 |
Société Industrielle Lesaffre |
Endo-1,4-beta-xylanase EC 3.2.1.8 (Safizym X) |
|
Ħnienes (miftuma) |
— |
840 IFP |
|
|
25.5.2017 |
(1) 1 IFP huwa l-ammont ta' enżimi li jillibera 1 mikromole ta' reducing sugars (ekwivalent ta' ksilożju) minn xylan tal-ħafur fil-minuta f' pH ta' 4,8 u 50 °C.
(2) Dettalji tal-metodi analitiċi huma disponibbli fl-indirizz elettroniku li ġej tal-Laboratorju ta' Referenza tal-Komunità: www.irmm.jrc.be/html/crlfaa/