29.2.2008 |
MT |
Il-Ġurnal Uffiċjali ta’ l-Unjoni Ewropea |
370 |
REGOLAMENT TAL-KUMMISSJONI (KE) Nru 479/2007
tas-27 ta’ April 2007
li temenda r-Regolament (KE) Nru 2076/2005 li jistipola arranġamenti transizzjonali għall-implimentazzjoni tar-Regolamenti (KE) Nru 853/2004, (KE) Nru 854/2004 u (KE) Nru 882/2004 tal-Parlament Ewropew u tal-Kunsill li jemenda r-Regolamenti (KE) Nru 853/2004 u (KE) Nru 854/2004
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (1), u b’mod partikolari l-Artikolu 9 tiegħu,
Wara li kkunsidrat ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jippreskrivi regoli speċifiċi għall-organizzazzjoni ta’ kontrolli uffiċjali fuq prodotti li joriġiniw mill-annimali maħsuba għall-konsum uman (2), u b’mod partikolari l-Artikolu 16(1) tiegħu.
Billi:
(1) |
Ir-Regolament tal-Kummissjoni (KE) Nru 2076/2005 (3) jistipola arranġamenti transizzjonali għall-implimentazzjoni tar-Regolamenti (KE) Nru 853/2004. (KE) Nru 854/2004 u (KE) Nru 882/2004 tal-Parlament Ewropew u tal-Kunsill. |
(2) |
L-Artikolu 6 tar-Regolament tal-Kummissjoni (KE) Nru 2074/2005 (4) jipprovdi ċertifikati tas-saħħa għall-importazzjonijiet ta’ ċerti prodotti li joriġinaw mill-annimali għall-għan tar-Regolament (KE) Nru 853/2004. Dawn il-prodotti huma stipulati fl-Anness VI tar-Regolament (KE) Nru 2074/2005 u jkopru l-koxox taż-żrinġijiet u bebux, il-ġelatina, il-kollaġen, il-prodtti tas-sajd, il-molluski bivalvi ħajjin u l-għasel u l-prodotti l-oħra ta’ l-apikultura. |
(3) |
L-Artikolu 7(4) tar-Regolament (KE) Nru 2076/2005 jistipula deroga mill-Anness VI tar-Regolament (KE) Nru 2074/2005 għall-prodotti msemmija f’dak l-Anness li għalihom inħarġu ċertifikati ta’ importazzjoni relevanti skond ir-regoli Komunitarji armonizzati fis-seħħ qabel l-1 ta’ Jannar 2006, fejn applikabbli, u mar-regoli nazzjonali implimentati mill-Istati Membri qabel dik id-data f’każijiet oħrajn, li jistgħu jiġu importati fil-Komunità sa l-1 ta’ Mejju 2007. |
(4) |
Sabiex jiġi evitat kwalunkwe tħarbit fil-kummerċ u kwalunkwe diffikultajiet amministrattivi f’punti ta’ dħul fil-Komunità minħabba l-addattament tard tas-sistema ta’ ċertifikati tal-pajjiżi terzi lejn ir-reġim ta’ ċertifikati ġodda introdott mir-Regolament (KE) Nru 2074/2005, l-użu ta’ ċertifikati maħruġa taħt ir-reġim ta’ ċertifikati ta’ qabel u ffirmati qabel l-1 ta’ Mejju 2007, għandhom jiġu permessi wara l-1 ta’ Mejju 2007 sat-30 ta’ Ġunju 2007 għall-importazzjonijiet fil-Komunità tal-prodotti msemmija fl-Anness VI tar-Regolament. |
(5) |
Iż-żejt tal-ħuta hu inkluż fid-definizzjoni tal-prodotti tas-sajd. Rekwiżiti speċifiċi għall-produzzjoni u t-tqegħid fuq is-suq taż-żejt tal-ħuta għall-konsum mill-bniedem ġew stipulati fl-Anness III tar-Regolament (KE) Nru 853/2004. Madankollu, l-Artikolu 7(3) tar-Regolament (KE) Nru 2076/2005 jistipula deroga minn dak l-Anness għall-istabbilimenti f’pajjiżi terzi li jipprovdu ż-żejt tal-ħuta maħsub għall-konsum mill-bniedem sal-31 ta’ Ottubru 2007. Arranġamenti ta’ tranżizzjoni għandhom jiġu previsti kif xieraq biex jawtorizzaw l-importazzjoni ta’ dawn il-prodotti fil-Komunità akkumpanjati minn ċertifikati maħruġa skond ir-regoli nazzjonali applikabbli qabel id-dħul fis-seħħ tar-Regolament tal-Kummissjoni (KE) Nru 1664/2006, sal-31 ta’ Diċembru 2007. |
(6) |
L-Artikolu 17 tar-Regolament (KE) Nru 2076/2005 jippermetti lil ċerti pajjiżi terzi li għadhom ma’ għaddewx minn kontroll Komunitarju li jesportaw molluski bivalvi ħajjin u l-prodotti tas-sajd fil-Komunità taħt ċerti kundizzjonijiet. Dawn il-prodtti għandhom jiġu akkumpanjati minn ċertifikati mudelli tas-saħħa stipulati fid-Deċiżjoni tal-Kummissjoni 95/328/KE (5) u 96/333/KE (6), li fihom attestazzjoni rigward l-aspetti tas-saħħa pubblika biss. Għas-saħħa ta’ l-annimali, dawn iċ-ċertifikati mudelli tas-saħħa għandhom jiġu akkumpanjati minn ċertifikati introdotti mir-Regolament (KE) Nru 2074/2005 li jkopri kemm l-aspetti tas-saħħa pubblika kif ukoll dik ta’ l-annimali. Għalhekk, għal raġunijiet ta’ ċarezza u ċertezza legali u sabiex jitnaqqas il-piż amministrattiv, jeħtieġ li jissemmew biss iċ-ċertifikati introdotti mir-Regolament (KE) Nru 2074/2005. |
(7) |
Ir-Regolament (KE) Nru 2076/2005 għandu jiġi emendat skond dan. |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2076/2005 qiegħed jiġi emendat kif ġej:
1. |
Fl-Artikolu 7, il-paragrafu 4 jinbidel b'dan li ġej: “4. B’deroga mill-Anness VI tar-Regolament (KE) 2074/2005.
|
2. |
Fl-Artiklu 17(2), il-punt (b) jinbidel b’dan li ġej:
|
3. |
Fl-Artikolu 17(2), il-punt (c) li ġej hu miżjud:
|
Artikolu 2
Dan ir-Regolament għandu jidħol fis-seħħ fl-1 ta’ Mejju 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 27 ta’ April 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 139, 30.4.2004, p. 55; verżjoni kkoreġuta bil-ĠU L 226, 25.6.2004, p. 22. Ir-Regolament kif emendat l-aħħar bir-Regolament tal-Kunsill (KE) Nru 1791/2006 (ĠU L 363, 20.12.2006, p. 1).
(2) ĠU L 139, 30.4.2004, p. 206; verżjoni kkoreġuta bil-ĠU L 226, 25.6.2004, p. 83. Ir-Regolament kif emendat l-aħħar bir-Regolament (KE) Nru 1791/2006.
(3) ĠU L 338, 22.12.2005, p. 83. Ir-Regolament kif l-aħħar emendat bir-Regolament (KE) Nru 1666/2006 (ĠU L 320, 18.11.2006, p. 47).
(4) ĠU L 338, 22.12.2005, p. 27. Ir-Regolament kif l-aħħar emendat bir-Regolament (KE) Nru 1664/2006 (ĠU L 320, 18.11.2006, p. 13).
(5) ĠU L 191, 12.8.1995, p. 32. Id-Deċiżjoni kif l-aħħar emendat bid-Deċiżjoni (KE) Nru 2004/109/KE (ĠU L 32, 5.2.2004, p. 17).
(6) ĠU L 127, 25.5.1996, p. 33. Id-Deċiżjoni kif l-aħħar emendat bid-Deċiżjoni (KE) Nru 2004/119/KE (ĠU L 36, 7.2.2004, p. 56).