(1)

Fil-31 ta' Mejju 2006, il-Kummissjoni waslitilha kwerela fir-rigward ta' peroxosulphates (persulphates) li joriġinaw fl-Istati Uniti ta' l-Amerika (“l-Istati Uniti”), ir-Repubblika tal-Poplu taċ-Ċina (“RPĊ”) u t-Tajwan ippreżentata skond l-Artikolu 5 tar-Regolament bażiku minn CEFIC (“il-kwerelant”) f'isem il-produtturi li jirrappreżentaw 100 % tal-produzzjoni totali tal-Komunità ta' persulphates.

(2)

L-ilment kien fih evidenza ta’ dumping u ta’ ħsara materjali li tirriżulta minnu, li tqieset bħala suffiċjenti biex tiġġustifika l-ftuħ ta’ proċediment.

(3)

Fis-13 ta’ Lulju 2006, il-proċediment ingћata bidu bil-pubblikazzjoni ta’ avviż ta’ inizjazzjoni fil-Ġurnal Uffiċjali ta’ l-Unjoni Ewropea (2).

(4)

Il-Kummissjoni avżat uffiċjalment lill-produtturi kwerelanti tal-Komunità, il-produtturi esportaturi fl-Istati Uniti, ir-RPĊ u t-Tajwan, l-importaturi, il-kummerċjanti, l-utenti, il-fornituri u l-assoċjazzjonijiet magħrufa li huma kkonċernati, u r-rappreżentanti ta’ l-Istati Uniti, tar-RPĊ u tat-Tajwan dwar l-inizjazzjoni tal-proċediment. Il-Partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu taż-żmien stipulat fl-avviż ta’ inizjazzjoni.

(5)

Sabiex il-produtturi li jesportaw fir-RPĊ jitħallew iressqu talba għal trattament ta’ ekonomija tas-suq (“MET”) jew trattament individwali (“IT”), jekk jixtiequ li jagħmlu hekk, il-Kummissjoni bagħtet formoli ta’ talbiet lill-produtturi Ċiniżi li jesportaw li huwa magħruf li huma kkonċernati u lil produtturi Ċiniżi oħra li għamlu lilhom infushom magħrufa fil-limitu ta' żmien stipulat fl-avviż ta' inizjazzjoni.. Sitt produtturi esportaturi flimkien mal-kumpaniji tal-bejgħ relatati tagħhom, fejn xieraq, għamlu talbiet għat-TES skond l-Artikolu 2(7) tar-Regolament bażiku, jew gћat-TI f’każ li l-investigazzjoni tistabbilixxi li ma jissodisfawx il-kundizzjonijiet għat-TES.

(6)

Fid-dawl tan-numru għoli li deher ta’ produtturi esportaturi fir-RPĊ, il-Kummissjoni indikat fl-avviż ta’ inizjazzjoni li t-teħid ta’ kampjuni jista’ jiġi applikat f’din l-investigazzjoni għad-determinazzjoni ta’ dumping u ħsara skond l-Artikolu 17 tar-Regolament bażiku.

(7)

Sabiex jippermettu lill-Kummissjoni tiddeċiedi jekk it-teħid ta’ kampjuni huwiex meħtieġ u, jekk dan ikun il-każ, tagħżel kampjun, il-produtturi esportaturi kollha fir-RPĊ ntalbu li jagħmlu lilhom infushom magħrufa mal-Kummissjoni u ntalbu jipprovdu, kif speċifikat fl-avviż ta’ inizjazzjoni, tagħrif bażiku dwar l-attivitajiet tagħhom relatati mal-prodott ikkonċernat matul is-sena kalendarja ta’ l-2005.

(8)

Fid-dawl tal-fatt li sitt produtturi esportaturi biss ikkooperaw ma’ l-investigazzjoni, ġie deċiż li t-teħid ta’ kampjuni ma kienx rekwiżit.

(9)

Intbagħtu kwestjonarji lill-partijiet kollha li kien magћruf li huma kkonċernati u lill-kumpaniji l-oћra kollha li ppreżentaw ruћhom fi żmien l-iskadenzi stipulati fl-avviż ta' inizjazzjoni. Waslu tweġibiet minn sitt produtturi esportaturi fir-RPĊ, minn tnejn mill-Istati Uniti u minn wieħed mit-Tajwan, u minn produttur wieħed mill-pajjiż analogu, it-Turkija. Tweġibiet sħaħ għall-kwestjonarju waslu wkoll minn żewġ produtturi tal-Komunità u żewġ importaturi kkooperaw billi ppreżentaw tweġiba tal-kwestjonarju. Barra minn dan, l-ebda wieħed mill-utenti ma wieġeb il-kwestjonarju u l-ebda utent ieħor ma forna lill-Kummissjoni b’xi tagħrif jew għamlu lihom infushom magħrufa fl-andament ta’ din l-investigazzjoni.

(10)

Il-Kummissjoni fittxet u vverifikat it-tagħrif kollu li qieset meħtieġ gћad-determinazzjoni proviżorja ta’ dumping, għall-ћsara li rriżultat kif ukoll għall-interess tal-Komunità u wettqet żjarat ta’ verifika fuq il-post fil-kumpaniji li ġejjin:

(11)

Minћabba l-ћtieġa li jiġi stabbilit valur normali gћall-produtturi esportaturi li jista’ ma jingћatalhomx TES, saret verifika sabiex jiġi stabbilit il-valur normali abbażi tad-data minn pajjiż analogu, f’dan il-każ it-Turkija, fuq il-post tal-kumpanji li ġejjin:

(f) Produttur fit-Turkija

(12)

L-investigazzjoni ta' dumping u ħsara kopriet il-perjodu mill-1 ta’ Lulju 2005 sat-30 ta’ Ġunju 2006 (“il-perjodu ta’ l-investigazzjoni” jew il-“PI”). L-eżaminazzjoni tat-tendenzi gћall-valutazzjoni tal-ћsara kopriet il-perjodu mill-1 ta’ Jannar 2003 sat-tmiem tal-perjodu ta’ l-istħarriġ (‘il-perjodu meqjus).

(13)

Il-prodott ikkonċernat huwa peroxosulphates (persulphates) li joriġina fl-Istati Uniti, il-PRĊ u t-Tajwan (’il-prodott ikkonċernat’). Il-prodott ikkonċernat huwa normalment iddikjarat fi ħdan il-kodiċijiet NM 2833 40 00 u ex 2842 90 80 (kodiċijiet NM mill-1 January 2007 ’l hawn).

(14)

Persulphates huma mlieħ bojod, kristallini, bla riħa, li jinkludu erba’ tipi ewlenin: ammonium persulphate (NH4)2S2O8, sodium persulphate (Na2S2O8), potassium persulphate (K2S2O8) u potassium monopersulphate (2KHSO5 * KHSO4 * K2SO4).

(15)

Il-prodott ikkonċernat jintuża bħala inizjatur jew aġent ossidanti f’numru ta’ applikazzjonijiet. Xi eżempji jinkludu l-użu tiegħu bħala inizjatur tal-polimerizzazzjoni fil-produzzjoni tal-polymers, bħala aġent ta’ inċiżjoni fil-produzzjoni tal-pannelli taċ-ċirwiti stampati, fil-kożmetiċi tax-xagħar, fil-proċess ta’ ssiġġallar tal-pori tat-tessuti, fil-manifattura tal-karta, bħala aġent ta’ tindif tad-dentaturi u bħala diżinfettant.

(16)

Preoduttur wieħed li jesporta ddikjara li l-potassium monopersulphate (“KMPS”) ma għandux jitqies bħala parti mill-istess prodott abbażi li għandu kompożizzjoni u struttura kimika differenti, użijiet finali differenti u konsumaturi differenti, Ġie ddikjarat ukoll li l-KMPS jinbiegħ f’livelli differenti ta’ prezz mit-tipi l-oħra ta’ prodotti.

(17)

Minkejja dan, l-investigazzjoni wriet li, minkejja differenzi fil-formula kimika, u użijiet parzjalment differenti, it-tipi differenti tal-prodott ikkonċernat kollha għandhom komuni l-istess karatteristiċi kimiċi u tekniċi bażiċi u jistgħu jintużaw għall-istess għanijiet bażiċi. Huwa rikonoxxut li mhux it-tipi kollha jintużaw għall-applikazzjonijiet kollha, iżda kollha nstabu li huma interkambjabbli mill-anqas għal uħud mill-applikazzjonijiet sinifikanti. F’dak li għandu x’jaqsam mal-livelli ta’ prezz, wieħed ifakkar li dan il-fatt waħdu mhuwiex element determinanti fir-rigward ta’ jekk bosta tipi tal-prodott jikkostitwixxux prodott wieħed uniku. Minħabba li nstab li l-erba’ tipi kollha kellhom karatteristiċi simili u użijiet finali komuni dan l-argument kellu jiġi rifjutat. B’konsegwenza, l-erba’ tipi kollha huma proviżorjament meqjusa li jikkostitwixxu prodott uniku għall-għan ta’ dan il-proċediment.

(18)

L-investigazzjoni wriet li l-karatteristiċi kimiċi u tekniċi bażiċi tal-persulphates prodotti u mibjugħa mill-industrija tal-Komunità fil-Komunità, il-persulphates prodotti u mibjugħa fis-swieq domestiċi ta’ l-Istati Uniti, ir-RPĊ u t-Tajwan u l-persulphates importati fil-Komunità minn dawn il-pajjiżi, kif ukoll dawk prodotti u mibjugħa fit-Turkija, il-pajjiż analogu, huma l-istess u dawn il-prodotti għandhom l-istess użijiet.

(19)

Gћalhekk ġie konkluż b’mod proviżorju li dawn il-prodotti huma simili fi ħdan it-tifsira ta’ l-Artikolu 1(4) tar-Regolament bażiku.

(20)

Il-metodoloġija ġenerali stipulata aktar ’l isfel ġiet applikata għall-produtturi esportaturi kollha li kkooperaw fl-Istati Uniti u t-Tajwan, kif ukoll għall-produtturi esportaturi li kkooperaw li ngħatalhom TES. Il-preżentazzjoni tas-sejbiet dwar id-dumping għal kull wieħed mill-pajjiżi kkonċernati għalhekk tiddeskrivi biss dak li huwa speċifiku għal kull pajjiż li jesporta.

(21)

Skond l-Artikolu 2(2) tar-Regolament bażiku, għal kull produttur esportatur, il-Kummissjoni l-ewwel eżaminat jekk il-bejgħ domestiku tal-prodott ikkonċernat lill-klijenti indipendenti kienx rappreżentattiv, jiġifieri jekk il-volum totali ta’ bejgħ ta’ din ix-xorta kienx daqs jew akbar minn 5 % tal-volum totali tal-bejgħ mill-esportazzjoni korrispondenti lejn il-Komunità.

(22)

Il-Kummissjoni sussegwentement identifikat dawk it-tipi ta’ prodott mibjugħa fis-suq domestiku mill-kumpaniji li għandhom bejgħ domestiku rappreżentattiv b’mod ġenerali, li kienu identiċi jew direttament komparabbli mat-tipi mibjugħa għall-esportazzjoni lejn il-Komunità.

(23)

Il-bejgħ domestiku ta’ tip partikolari ta’ prodott tqies bħala rappreżentattiv biżżejjed meta l-volum ta’ dak it-tip ta’ prodott mibjugħ fis-suq domestiku lil klijenti indipendenti matul il-perjodu ta’ l-investigazzjoni rrappreżenta 5 % jew aktar tal-volum totali tat-tip ta’ prodott komparabbli mibjugħ għall-esportazzjoni lejn il-Komunità.

(24)

Il-Kummissjoni sussegwentement eżaminat jekk il-bejgħ domestiku ta’ kull tip ta’ persulphate mibjugħ fis-suq domestiku fi kwantitajiet rappreżentattivi minn kull kumpanija f’kull pajjiż li jesporta setax jitqies li sar tul l-andament normali tal-kummerċ skond l-Artikolu 2(4) tar-Regolament bażiku. Dan sar billi ġie stabbilit il-proporzjon tal-bejgħ domestiku profitabbli lill-klijenti indipendenti, ta’ kull tip ta’ prodott esportat, fis-suq domestiku matul il-perjodu ta’ l-investigazzjoni, kif ġej:

(25)

Fejn il-volum tal-bejgħ ta’ tip ta’ prodott, mibjugħ bi prezz tal-bejgħ nett daqs jew iktar mill-ispiża kkalkulata tal-produzzjoni, irrappreżenta aktar minn 80 % tal-volum tal-bejgħ totali ta’ dak it-tip, u fejn il-prezz medju bil-piż differenzjat ta’ dak it-tip kien daqs jew iktar mill-ispiża tal-produzzjoni, il-valur normali kien ibbażat fuq il-prezz domestiku effettiv. Dan il-prezz kien ikkalkulat bħala l-medja bil-piż differenzjat tal-prezzijiet tal-bejgħ domestiku kollu ta’ dak it-tip li sar matul il-PI, rrispettivament minn jekk dan il-bejgħ kienx profitabbli jew le.

(26)

Fejn il-volum tal-bejgħ profitabbli ta’ tip ta’ prodott irrappreżenta 80 % jew inqas tal-volum totali tal-bejgħ ta’ dak it-tip, jew fejn il-prezz medju bil-piż differenzjat ta' dak it-tip kien inqas mill-ispża tal-produzzjoni, il-valur normali kien ibbażat fuq il-prezz domestiku effettiv, ikkalkulat bħala l-medja bil-piż differenzjat tal-bejgħ profitabbli ta’ dak it-tip biss, sakemm dan il-bejgħ kien jirrappreżenta 10 % jew aktar tal-volum tal-bejgħ totali ta’ dak it-tip.

(27)

Fejn il-volum tal-bejgħ profitabbli ta’ kwalunkwe tip ta’ prodott kien jirrappreżenta inqas minn 10 % tal-volum tal-bejgħ totali ta’ dak it-tip, tqies li dan it-tip partikolari nbiegħ fi kwantitajiet mhux biżżejjed biex il-prezz domestiku jipprovdi bażi xierqa għall-istabbiliment tal-valur normali.

(28)

Kulfejn il-prezzijiet domestiċi ta’ tip ta’ prodott partikolari mibjugħ minn produttur esportatur ma setgħux jintużaw sabiex jiġi stabbilit il-valur normali, kellu jiġi applikat metodu ieħor. Skond l-Artikolu 2(3) tar-Regolament bażiku, il-Kummissjoni, minflok, ikkalkulat valur normali kompost, kif ġej:

(29)

Il-valur normali kien mibni billi jiġi miżjud ma’ l-ispejjeż tal-manifattura tat-tipi esportati ta’ kull esportatur, aġġustati fejn meħtieġ, ammont raġonevoli għall-bejgħ, għal infiq ġenerali u amministrattiv (“SG&A”) u għal marġini raġonevoli ta’ qligħ.

(30)

Fil-każijiet kollha l-infiq għall-bejgħ u dak ġenerali u amministrattiv u l-qligħ kienu stabbiliti skond il-metodi stabbiliti fl-Artikolu 2(6) tar-Regolament bażiku. Għal dan il-għan, il-Kummissjoni eżaminat jekk l-infiq għall-bejgħ u dak ġenerali u amministrattivi li saru u l-qligħ magħmul minn kull wieħed mill-produtturi esportaturi kkonċernati fis-suq domestiku kinux jikkostitwixxu data ta’ min jorbot fuqha.

(31)

Fil-każijiet kollha fejn il-prodott ikkonċernat kien esportat lil klijenti indipendenti fil-Komunità, il-prezz ta’ l-esportazzjoni kien stabbilit skond l-Artikolu 2(8) tar-Regolament bażiku, jiġifieri fuq il-bażi tal-prezzijiet ta’ l-esportazzjoni effettivament imħallsa jew li jistgħu jitħallsu.

(32)

Fejn il-bejgħ mill-esportazzjoni sar permezz ta’ importaturi relatati bbażati fil-Komunità, il-prezz ta’ l-esportazzjoni kien kompost, skond l-Artikolu 2(9) tar-Regolament bażiku, fuq il-bażi tal-prezz li bih il-prodotti importati nbiegħu mill-ġdid għall-ewwel darba lil xerrej indipendenti, aġġustat b’mod xieraq għall-ispejjeż kollha li saru bejn l-importazzjoni u l-bejgħ mill-ġdid, kif ukoll marġini raġonevoli għall-ispejjeż ġenerali u amministrattivi u għall-profitti. F’dan ir-rigward, intużaw l-ispejjeż SG&A ta’ l-importaturi relatati stess. Il-marġini tal-qligħ kien stabbilit fuq il-bażi tat-tagħrif disponibbli mill-importaturi mhux relatati li kkooperaw.

(33)

Fil-każijiet fejn il-bejgħ ta’ l-esportazzjoni sar permezz ta’ kummerċjant relatat li jinsab ’il barra mill-Komunità, il-prezz ta’ esportazzjoni kien stabbilit abbażi ta’ l-ewwel prezz tal-bejgħ mill-ġdid lil konsumaturi indipendenti fil-Komunità.

(34)

Il-paragun bejn il-valur normali u l-prezz ta’ l-esportazzjoni sar fuq bażi ex fabbrika.

(35)

Sabiex jiġi żgurat paragun ġust bejn il-valur normali u l-prezz ta’ l-esportazzjoni, saret konċessjoni xierqa fil-forma ta’ aġġustamenti għad-differenzi li jaffetwaw il-prezzijiet u l-komparabilità tal-prezzijiet skond l-Artikolu 2(10) tar-Regolament bażiku.

(36)

Skond l-Artikoli 2(11) u (12) tar-Regolament bażiku, il-marġini tad-dumping ġew stabbiliti fuq il-bażi ta’ paragun ta’ valur normali medju bil-piż differenzjat skond it-tip ta’ prodott ma’ prezz ta’ l-esportazzjoni medju bil-piż differenzjat skond it-tip ta’ prodott kif ġie stabbilit hawn fuq.

(37)

Sabiex jiġi ddeterminat il-marġini tad-dumping għall-produtturi esportaturi li ma kkooperawx, l-ewwel ġie stabbilit il-livell ta’ nuqqas ta’ kooperazzjoni. Għal dan il-għan, il-volum ta’ l-esportazzjonijiet lejn il-Komunità rrappurtat mill-produtturi esportaturi li kkooperaw tqabbel ma’ l-istatistiċi dwar l-importazzjonijiet ekwivalenti ta’ l-Eurostat.

(38)

Minħabba li l-livell ta’ kooperazzjoni fl-Istati Uniti u t-Tajwan kien għoli (effettivament 100 %), u minħabba li ma kien hemm l-ebda raġuni li twassal sabiex temmen li xi ħadd mill-produtturi esportaturi f’dawn il-pajjiżi apposta naqas milli jikkoopera, tqies bħala xieraq li l-marġini residwu tad-dumping għal kwalunkwe produttur esportatur li ma kkooperax f’kull wieħed mill-pajjiżi kkonċernati jitfassal fil-livell ta’ l-ogħla marġini impost fuq esportatur li kkoopera.

(39)

Fir-rigward tar-RPĊ, il-livell ta’ kooperazzjoni vvalutat fil-livell tal-pajjiż kien wieħed għoli ħafna wkoll (’il fuq minn 85 %). Il-metodoloġija speċifika applikata sabiex tiddetermina l-marġini tad-dumping madwar il-pajjiż sħiħ għar-RPĊ hija spjegata hawn isfel.

(40)

Għaż-żewġ produtturi esportaturi li kooperaw, il-volum totali ta’ bejgħ domestiku tal-prodott simili kien rappreżentattiv kif definit fl-inċiż 3.1 hawn fuq. Għalhekk, għat-tipi kollha tal-prodott, il-valur normali kien ibbażat fuq prezzijiet imħallsa jew li għandhom jitħallsu, fl-andament normali tal-kummerċ, minn konsumaturi indipendenti fl-Istati Uniti, kif spjegat fl-inċiżi (25) u (26), minħabba li dan il-bejgħ irrappreżenta fil-każijiet kollha 10 % jew aktar mill-volum totali ta’ bejgħ ta’ dan it-tip.

(41)

L-esportazzjonijiet ta’ wieħed mill-produtturi esportaturi li kkooperaw saru direttament lil konsumaturi indipendenti fil-Komunità. Għalhekk, il-prezz ta’ l-esportazzjoni, għal dak l-esportatur, kien ibbażat fuq il-prezzijiet effettivament imħallsa jew li jistgħu jitħallsu għall-prodott ikkonċernat skond l-Artikolu 2(8) tar-Regolament bażiku.

(42)

Għall-esportatur l-ieħor, il-bejgħ kollu tiegħu lill-Komunità jsir permezz ta’ kumpanija kummerċjali relatata fl-Iżvizzera. Il-prezz ta’ l-esportazzjoni kien għalhekk stabbilit kif deskritt fl-inċiż (33).

(43)

Barra minn hekk, parti sinifikanti tal-bejgħ ta’ l-esportazzjoni lill-Komunità permezz tal-kumpanija relatata fl-Iżvizzera min-naħa ta’ dan il-produttur esportatur li jinsab fl-Istati Uniti kienet lil kumpanija relatata li kienet tuża l-prodott ikkonċernat bħala materja prima sabiex tipproduċi prodott ieħor li mhuwiex meqjus li huwa prodott simili fis-sens ta’ l-Artikolu 1(4) tar-regolament bażiku.

(44)

Minħabba li l-prezzijiet stipulati għat-tranżazzjonijiet bejn il-produttur esportatur u l-kumpanija relatata tiegħu fil-Komunità permezz tal-kumpanija kummerċjali relatata fl-Iżvizzera nstabu li kienu affettwati mir-relazzjoni bejn it-tliet kumpaniji, dawn il-prezzijiet ma setgħux jitqiesu bħala affidabbli għad-determinazzjoni tal-prezz ta’ l-esportazzjoni għal dawn it-tranżazzjonijiet.

(45)

Barra minn dan, minħabba li l-ebda prezz ta’ l-esportazzjoni ma jista’ jiġi kompost abbażi tal-prezz tal-bejgħ mill-ġdid tal-kumpanija relatata lil konsumaturi indipendenti, peress li l-prodott ikkonċernat jgħaddi minn trasformazzjoni sostanzjali sabiex jinkiseb il-prodott finali manifatturat mill-kumpanija relatata, dawn it-tranżazzjonijiet kollha li jikkorrispondu ma’ l-użu intenzjonat twarrbu fid-determinazzjoni tal-prezz ta’ l-esportazzjoni.

(46)

Il-valur normali u l-prezzijiet ta’ l-esportazzjoni kienu pparagunati fuq bażi ex fabbrika, kif ġie deskritt hawn fuq, b’aġġustamenti, fejn kien xieraq, skond l-Artikolu 2(10) tar-Regolament bażiku. Saru aġġustamenti għal skontijiet, rifużjonijiet, trasport, assikurazzjoni, ġestjoni, tagħbija u spejjeż anċillari, imballaġġ, kreditu u dazji ta’ l-importazzjoni.

(47)

Għal bejgħ dirett minn produttur esportatur wieħed permezz tal-kummerċjant relatat fl-Iżvizzera, sar aġġustament skond l-Artikolu 2(10)(i) tar-Regolament bażiku. L-aġġustament kien ibbażat fuq iż-żieda fil-valur li kien jieħu l-kummerċjant relatat fl-Iżvizzera, iżda f’dan il-kalkolu l-qligħ effettiv tal-kummerċjant relatat ma setax jintuża minħabba r-relazzjoni bejn il-produttur li jesporta u l-kummerċjant relatat kienet taffettwa b'mod sinifikanti l-prezzijiet ta’ trasferiment. Iż-żieda fil-valur għalhekk ġiet ikkalkolata bħala s-somma t-totali ta’ spejjeż ta’ SG&A mġarrba mill-kumpanija kummerċjali matul il-PI flimkien ma’ marġini raġjonevoli għall-qligħ, li ġie stabbilit għal 5 % f’dan l-istadju, fin-nuqqas ta’ kwalunkwe tagħrif sinifikanti minn kumpaniji mhux relatati li kkooperaw li għandhom funzjonijiet komparabbli.

(48)

Produttur esportatur wieħed fl-Istati Uniti talab livell ta’ aġġustament tal-kummerċ skond l-Artikolu 2(10)(d) tar-Regolament bażiku abbażi li wħud mit-tranżazzjonijiet domestiċi ta’ bejgħ kienu allegatament mhux komparabbli mat-tranżazzjonijiet ta’ bejgħ tiegħu ta’ esportazzjoni minħabba l-eżistenza ta’ kategoriji ta’ konsumaturi fis-suq domestiku li għalihom il-produttur esportatur jieħu funzjonijiet differenti. Minkejja dan, l-investigazzjoni stabbiliet li din l-affermazzjoni ma kellhiex mertu, sakemm il-kumpanija ma setgħetx tipprovdi evidenza bħala sostenn tad-differenzi allegati fil-funzjonijiet. Minbarra dan, id-differenzi allegati fil-prezzijiet bejn il-kategoriji affermati ma nstabux konsistenti fit-tipi kollha tal-prodott. Għalhekk, l-affermazzjoni ma ntlaqgħetx.

(49)

Minħabba li l-livell ta’ kooperazzjoni kien għoli, u minħabba li ma kien hemm l-ebda raġuni li twassal sabiex temmen li xi ħadd mill-produtturi esportaturi f’dawn il-pajjiżi apposta naqas milli jikkoopera, il-marġini residwu applikabbli għall-esportaturi kollha l-oħra fl-Istati Uniti tfassal fl-istess livell bħal dak stabbilit għall-produttur esportatur li kkoopera bl-ogħla marġini tad-dumping.

(50)

Il-marġini tad-dumping, espressi bħala persentaġġ tal-prezz ta’ l-importazzjoni CIF fuq il-fruntiera Komunitarja, bid-dazju mhux imħallas, huma proviżorjament dawn li ġejjin:

(51)

Skond l-Artikolu 2(7)(b) tar-Regolament bażiku, fl-investigazzjonijiet ta’ antidumping dwar l-importazzjonijiet li joriġinaw mir-RPĊ, il-valur normali gћal dawk il-produtturi li nstabu li qed jissodisfaw il-kriterji stabbiliti fl-Artikolu 2(7)(c) tar-Regolament bażiku gћandu jiġi ddeterminat skond il-paragrafi 1 sa 6 ta’ l-Artikolu msemmi.

(52)

Fil-qosor, u gћall-finijiet ta’ referenza biss, il-kriterji tat-TES huma stipulati hawn taћt f’forma mqassra:

(53)

Sitt produtturi esportaturi talbu għal TES skond l-Artikolu 2(7)(b) tar-Regolament bażiku u wieġbu għall-formola tat-talba tat-TES gћall-produtturi esportaturi fi żmien stabbilit ta’ l-iskadenza. Il-Kummissjoni fittxet u vverifikat fuq il-post ta’ dawn il-kumpaniji t-tagħrif kollu meћtieġ li tressaq fl-applikazzjonijiet tagћhom tat-TES skond kif tqies meћtieġ. L-investigazzjoni żvelat li t-TES seta’ jingħata biss lil tliet produtturi esportaturi, filwaqt li t-talba kellha tiġi rrifjutata għalt-tliet produtturi esportaturi l-oħra. Huwa nnutat li għal wieħed mit-tliet esportaturi produtturi li ngħataw it-TES, din id-deċiżjoni hija soġġetta għal eżaminazzjoni ulterjuri ta’ tagħrif li wasal tard li ma setax jiġi investigat fis-sħiħ f’dan l-istadju, kif deskritt hawn taħt. Dan it-tagħrif, jekk ikkonfermat mill-investigazzjoni ulterjuri, jista’ jwassal għal bidla sinifikanti fil-qagħda fattwali li abbażi tagħha ngħata t-TES lil din il-kumpanija, sal-punt li jista’ jaffettwa jekk jiġix sodisfat il-kriterju 1. It-tabella li ġejja tagħti taqsira tad-determinazzjoni tat-tliet kumpaniji li għalihom ma ngħatax it-TES meta mqabbla mal-ħames kriterji msemmija hawn fuq:

(54)

L-investigazzjoni wriet għal kumpaniji 1, 2 u 3 ta’ hawn fuq li ma laħqux ir-rekwiżiti tal-kriterji 1, 2 u 3 msemmija qabel.

(55)

Speċifikament, it-tliet kumpaniji ma setgħux jagħtu demostrazzjoni li d-deċiżjonijiet tagħhom tan-negozju ttieħdu b’reazzjoni għas-sinjali tas-suq, mingħajr interferenza sinifikanti ta’ l-Istat.

(56)

Fil-fatt għall-kumpanija 1 instab li l-maġġoranza tad-Diretturi fil-Bord, inkluż il-President, li għandu ammont sinifikanti ta’ ishma fil-kumpanija, kienu l-istess bħal qabel il-privatizzazzjoni u nħatru mill-Istat. Instabu wkoll li kienu membri tal-Partit Komunista. Barra minn dan, il-kumpanija ma rnexxielhiex tagħti prova ta’ ħlas għall-ishma matul il-proċess ta’ privatizzazzjoni. Fil-kumpanija 2, li kienet fundata bħala intrapriża bi sjieda Statali u pprivatizzata fl-2000, l-investigazzjoni wriet li tliet membri ta’ l-istaff ta’ ġestjoni li kienu fil-kariga qabel ma saret il-privatizzazzjoni wettqu l-privatizzazzjoni u għad għandhom kontroll fuq il-korpi ewlenin tat-teħid ta’ deċiżjonijiet tal-kumpanija. Dawn it-tliet persuni nstabu li kienu membri tal-Partit Komunista. Barra minn hekk, il-kumpanija 2 instabet li forniet tagħrif falz fir-rigward tas-sjieda ta’ l-ishma tagħha u tal-proċess tal-privatizzazzjoni, sabiex permezz ta’ hekk taħbi interferenza sinifikanti ta’ l-Istat. Fir-rigward tal-kumpanija 3, kien hemm indikazzjonijiet ċari li l-kapital użat sabiex tinbeda l-kumpanija nkiseb mill-intrapriżi bi sjieda tar-raħal u bi sjieda kollettiva li huma mmexxija mill-President attwali tal-kumpanija u l-kumpanija ma kinitx kapaċi tispjega u turi l-oriġini tal-kapital.

(57)

Barra minn hekk, it-tliet kumpaniji kollha ma segwewx il-linja ta' l-IAS, u nstabu sinjali ta' negliġenza serja fil-verifika tal-kontijiet tagħhom.

(58)

Fl-aħħar nett, distorsjonijiet li nġarru mis-sistema ta’ ekonomija mhux tas-suq instabu li jaffettwaw l-ispejjeż għaż-żewġ kumpaniji, b’mod partikolari fir-rigward ta’ l-ispiża ta’ l-użu li nkiseb tad-drittijiet fuq l-art (il-kumpanija 1 u 3) jew fir-rigward ta’ l-assi trasferiti matul il-privatizzazzjoni (il-kumpanija 2).

(59)

F’dak li għandu x’jaqsam mat-tliet produtturi esportaturi l-oħra li kkooperaw inizjalment kien konkluż li l-kumpaniji ssodisfaw il-ħames kriterji kollha.

(60)

Minkejja dan, wara dan kien żvelat lill-partijiet interessati, li ngħataw opportunità li jikkummentaw dwar is-sejbiet ta’ hawn fuq, l-industrija tal-Komunità sostniet li tnejn mit-tliet produtturi esportaturi li kien propost li jingħatalhom TES għandhom jiġu rifjutati t-TES (hawn taħt imsemmija l-kumpanija 4 u l-kumpanija 5).

(61)

Allegaw għall-kumpanija 4 li kien hemm interferenza mill-Istat fil-ġestjoni kif ukoll fl-iffinanzjar tal-kumpanija.

(62)

Għall-kumpanija 5 l-industrija tal-Komunità ddikjarat li kienu ddikjaraw inqas impjegati min-numru reali, u tefgħet dubju fuq il-ħlas tal-kapital oriġinali. Tefgħu dubju wkoll fuq it-telf li sar minn kumpanija kummerċjali relatata.

(63)

Fir-rigward tal-kumpanija 4, ma kienx possibbli jiġi konkluż f’dan l-istadju jekk l-allegazzjonijiet kinux jikkostitwixxu raġunijiet suffiċjenti sabiex jiġi rifjutat it-TES. Filwaqt li l-allegazzjonijiet meqjusa li huma serji, fil-preżent hemm inċertezza dwar il-fatti li jiffurmaw il-bażi ta’ dawn l-allegazzjonijiet. Tinħtieġ analiżi ulterjuri dwar it-tagħrif ippreżentat mill-kumpanija kif ukoll investigazzjonijiet addizzjonali qabel ma tintlaħaq deċiżjoni finali. F’dawn iċ-ċirkustanzi partikolari, sabiex ma jitħarbtux id-drittijiet ta’ difiża tal-partijiet interessati, tqies għalhekk bħala xieraq li jingħata TES lill-kumpanija 4 f’dan l-istadju u li titkompla l-investigazzjoni fir-rigward tal-petizzjoni tagħha għat-TES.

(64)

F’dak li għandu x’jaqsam ma’ l-allegazzjonijiet li saru kontra l-kumpanija 5, kien sempliċement assunzjonijiet. Il-Kummissjoni vverifikat it-tagħrif imressaq minn dan il-produttur esportatur u kkonkludiet li l-allegazzjonijiet ma kinux sostanzjati. Is-sejbiet tal-Kummissjoni fir-rigward ra’ din il-kumpanija huma għalhekk ippreservati.

(65)

Wara l-iżvelar tas-sejbiet tal-Kummissjoni. it-tliet kumpaniji kollha li ġew irrifjutati TES ressqu li d-determinazzjoni ma kinitx korretta, li huma kien jilħqu l-ħames kriterji kollha tat-TES u li bħala konsegwenza kellhom jingħataw TES.

(66)

B’mod partikolari, il-kumpanija 1 insistiet li hija kienet ippreżentat il-prova tal-ħlas f’kontanti għall-ishma lill-Kummissjoni u nnegat kwalunkwe influwenza Statali fuq il-proċess tagħha ta’ teħid ta’ deċiżjonijiet. Argumentat ukoll li l-kontijiet tagħha kieni skond l-IAS u li l-ispiża tad-dritt għall-użu ta’ l-art kienet skond il-valuri tas-suq.

(67)

Il-kumpanija 2 ikkuntestat li s-sħubija tad-diriġenti għolja tagħha fil-Partit Komunista ma għandhiex twassal għall-konklużjoni li hemm intereferenza Statali fil-proċess ta' deċiżjonijiet tal-kumpanija, u qalel li ppreżentat evidenza ta' sostenn għall-ħlas ta' l-ishma matul il-proċess ta' privatizzazzjoni. il-kumpanija argumentat ukoll li, minkejja li kien hemm ksur ta’ l-IAS, il-kontijiet tagħha kienu skond l-Istandards Ċiniżi tal-Kontabilità.

(68)

Il-Kumpanija 3 ddikjarat li l-kapital użat sabiex tinbeda l-kumpanija nkiseb minn kumpaniji oħra proprjetà ta’ l-istess detentur ta’ l-ishma, li l-kontijiet kienu skond l-IAS, u li l-prezzijiet tagħhom tad-dritt għall-użu ta’ l-art kienu simili għal kumpaniji oħra fl-istess żona u fil-prezzijiet tas-suq.

(69)

Dawn il-kummenti ttieħdu f’kunsiderazzjoni mill-Kummissjoni. Minkejja dan ma biddlux is-sejba li dawn it-tliet kumpaniji għandhom jiġu rifjutati TES.

(70)

Fil-fatt, il-kumpanija 1 sempliċiment allegat li l-irċevuti bankarji ma jintużawx ta’ spiss fiċ-Ċina, iżda ma setgħat tagħti l-ebda evidenza ta’ sostenn li l-ishma għall-privatizzazzjoni tagħha effettivament tħallsu. Il-kumpanija la kkuntestat il-fatt li l-istruttura diriġenti tal-kumpanija kienet l-istess bħal dik ta’ qabel il-privatizzazzjoni u l-anqas li l-President kien membru tal-Partit Komunista. Il-fatt li d-detenturi ewlenin ma kinux rappreżentati fil-Bord tad-Diretturi wkoll ma kienx ikkontestat. Għalhekk instab li l-kumpanija ma wrietx b’mod suffiċjenti li ma kinitx soġġetta għal interferenza sinifikanti ta’ l-Istat.

(71)

Barra minn dan, ma ġew fornuti l-ebda elementi ġodda sabiex jirrifjutaw is-sejbiet u jappoġġjaw l-affermazzjoni li kontijiet kienu konformi ma' l-IAS u li l-ispejjeż tad-drittijiet għall-użu ta’ l-art kienu fil-limiti tal-kondizzjonijiet tas-suq.

(72)

il-kumpanija 2 ma qablitx mal-konklużjoni li laħqet il-Kummissjoni iżda ma ċaħdetx il-fatti li fuqhom kienet ibbażata. F’dak li għandu x’jaqsam mal-proċess ta’ privatizzazzjoni u l-ħlas ta’ l-ishma, il-kumpanija ressqet l-argument li hija forniet l-evidenza ta’ appoġġ iżda ma indirizzatx il-fatt li dawn id-dokumenti kienu foloz, kif ammetta id-Diriġent Ġenerali matul iż-żjara ta’ verifika. Il-kumpanija kkonfermat ukoll li l-karigi ewlenin ta’ ġestjoni kienu ta’ membri tal-Partit Komunista.

(73)

Barra minn dan, ma ngħata l-ebda element ġdid sabiex isostni l-affermazzjoni li l-kontijiet kien kkumpilati skond l-IAS, bl-istqarrija tal-kumpanija li kienet biss tgħid li kien skond l-Istandards Ċiniżi ta' Kontabilità.

(74)

Għall-kumpanija 3, il-Kummissjoni baqgħet tiddubita l-oriġini tal-kapital tal-kumpanija. Fil-fatt, il-kumpanija 3 sempliċiment stqarret li l-kapital inkiseb minn kumpaniji relatati li kienu proprjetà tal-President tal-kumpanija 3 permezz ta’ self li trodd lura fi żmien ftit xhur. Dan it-tagħrif ġdid mhux biss instab li jikkontradixxi l-istqarrijiet magħmula mir-rappreżentanti tal-kumpanija 3 matul il-verifika fuq il-post tal-kumpanija, fejn ma kien hemm disponibbli l-ebda evidenza dokumentata għal spezzjoni, iżda wkoll kien nieqes biċ-ċar minħabba li ma jagħti l-ebda indikazzjoni ta’ l-oriġini tal-fondi użati biex jitħallas lura s-self.

(75)

Barra minn dan, il-kumpanija stqarret mill-ġdid li l-kontijiet tagħha kienu skond l-IAS u li d-diskrepanzi identifikati matul l-investigazzjoni kienu fil-fatt rikonċiljabbli. Minkejja dan, hija forniet biss tagħrif parzjali sabiex tiddokumenta r-rikonċiljazzjoni allegata, li jagħti rendikont sempliċiment għal parti minuri tad-differenzi li nstabu. Fi kwalunkwe każ, dan it-tagħrif ġdid tressaq biss wara l-investigazzjoni u fi stadju tant tard li ma jkunx prattiku li jiġi vverifikat. Barra minn hekk, il-kumpanija ma wrietx ukoll li l-prezz baxx tagħhom tad-dritt għall-użu ta’ l-art kien tassew prezz tas-suq.

(76)

Abbażi ta’ dan, it-TES ingħata lil tliet produtturi esportaturi:

(77)

Skond l-Artikolu 2(7) tar-Regolament bażiku, dazju fuq importazzjonijiet minn madwar il-pajjiż kollu, jekk hemm, għandu jiġi stabbilit għal pajjiżi li jaqgħu taħt dak l-Artikolu, ħlief f'dawk il-każijiet fejn il-kumpaniji jkunu fil-qagħda li juru li jissodisfaw il-kriterji kollha għat-trattament individwali stipulati fl-Artikolu 9(5) tar-Regolament bażiku u għalhekk jingħataw trattament individwali (“TI”).

(78)

Il-produtturi esportaturi li għalihom ma setgax jingħata TES għamlu talba għal TI fl-evwntwalità li ma jingħatawx TES. Minkejja dan, it-talba tal-kumpaniji għal trattament individwali ġiet rifjutata wkoll minħabba li ma rnexxielhomx jilħqu l-kriterji stipulati fl-Artikolu 9(5)(b), jiġifieri li l-prezzijiet u l-kwantitajiet ta' l-esportazzjoni kienu determinati b'mod ħieles u li l-interferenza ta' l-Istat ma tkunx tali li tippermetti l-elużjoni ta' miżuri jekk esportaturi individwali jingħataw rati differenti ta' dazju.

(79)

Għat-tliet produtturi esportaturi li kkooperaw li ngħataw it-TES, il-volum totali ta’ bejgħ domestiku tal-prodott simili kien rappreżentattiv kif definit fl-inċiż 3,1 hawn fuq. Għal uħud mit-tipi tal-prodotti, il-valur normali kien ibbażat fuq prezzijiet imħallsa jew li għandhom jitħallsu, fl-andament normali tal-kummerċ, minn konsumaturi indipendenti fir-RPĊ, kif spjegat fl-inċiżi (25) u (26), u għat-tipi tal-prodott li għalihom il-bejgħ domestiku kien insuffiċjenti sabiex jitqies rappreżentattiv jew li ma sarux matul l-andament normali tal-kummerċ, il-valur normali kien kompost kif deskritt fl-inċiżi (27) sa (30).

(80)

Fil-każijiet fejn il-valur normali kellu jiġi kompost, il-marġini ta’ l-SG&A u l-qligħ imsemmija fl-inċiżi (29) u (30) kienu bbażati fuq l-SG&A u l-qligħ li saru mill-produttur esportatur għall-bejgħ domestiku tiegħu, fl-andament normali tal-kummerċ, tal-prodott simili fis-suq domestiku, skond l-ewwel paragrafu ta’ l-Artikolu 2(6) tar-Regolament bażiku.

(81)

Skond l-Artikolu 2(7)(a) tar-Regolament bażiku, il-valur normali gћall-produtturi esportaturi li ma ngħatawx it-TES, gћandu jiġi stabbilit abbażi tal-prezzijiet domestiċi jew tal-valur normali kompost f’pajjiż analogu.

(82)

Fl-avviż ta’ l-inizjazzjoni, il-Kummissjoni indikat l-intenzjoni tagћha li tuża lill-Ġappun bћala pajjiż analogu xieraq bil-għan li tistabbilixxi l-valur normali, u l-partijiet interessati ġew mistiedna sabiex jikkummentaw dwar dan. Minkejja dan, ma wasal l-ebda kumment.

(83)

Il-produtturi magħrufa kollha tal-persulphates fil-Ġappun ġew ikkuntattjati, iżda ħadd minnhom ma qabel li jikkoopera.

(84)

Il-Kummissjoni mbagħad ikkuntattjat u bagħtet kwestjonarji lill-produtturi magħrufa kollha tal-persulphates fil-pajjiżi l-oħra fejn il-Kummissjoni kienet konxja li produtturi tali kienu jeżistu, speċifikament l-Indja u t-Turkija. Ma waslet lura l-ebda reazzjoni mill-kumpaniji Indjani kkuntattjati iżda produttur wieħed fit-Turkija wieġeb għall-kwestjonarju.

(85)

Il-Kummissjoni mbagħad eżaminat jekk it-Turkija kinitx għażla raġjonevoli tal-pajjiż analogu. Ġie konkluż li t-Turkija, minkejja li għandha produttur wieħed biss tal-prodott ikkonċernat, kienet suq miftuħ b’dazju baxx ta’ l-importazzjoni u importazzjonijiet sinifikanti minn pajjiżi terzi. Barra minn dan, l-investigazzjoni ma wriet l-ebda raġuni, bħal pereżempju spiża eċċessivament għolja tal-materja prima jew ta’ l-enerġija, sabiex it-Turkija titqies bħala mhux xierqa għall-għan li jiġi stabbilit il-valur normali.

(86)

Id-data ppreżentata fit-tweġiba tal-produttur Tork li kkoopera kienet verifikata fuq il-post u nstabet li hija tagħrif attendibbli li fuqu seta' jiġi bbażat il-valur normali.

(87)

Għalhekk huwa proviżorjament konkluż li t-Turkija hija pajjiż analogu xieraq u raġjonevoli skond l-Artikolu 2(7) tar-Regolament bażiku.

(88)

Skond l-Artikolu 2(7)(a) tar-Regolament bażiku, il-valur normali għall-produttur esportatur li ma ngħatax it-TES kien stabbilit fuq il-bażi ta’ tagħrif iverifikat li wasal mingħand il-produttur fil-pajjiż analogu, jiġifieri fuq il-bażi tal-prezzijiet imħallsa jew li jistgħu jitħallsu fis-suq domestiku tat-Turkija, għat-tipi komparabbli tal-prodott, skond il-metodoloġija stipulata hawn fuq.

(89)

Minħabba li l-ammonti tal-bejgħ fis-suq domestiku lil konsumaturi mhux relatati kienu rappreżentattivi u lukrattivi b’mod ġenerali, il-valur normali kien stabbilit abbażi tal-prezzijiet kollha mħallsa jew li jistgħu jitħallsu fis-suq Tork għal tipi komparabbli tal-prodott, għall-ammonti ta’ bejgħ fl-andament normali tal-kummerċ kif deskritt fl-inċiżi (25) u (26).

(90)

Il-produtturi esportaturi li kkooperaw għamlu bejgħ ta’ l-esportazzjoni lill-Komunità jew direttament lil konsumaturi indipendenti fil-Komunità; inkella permezz ta’ kumpaniji relatati jew mhux relatati li jinsabu fir-RPĊ, f’Ħong Kong jew fil-Komunità.

(91)

Fejn il-prodott ikkonċernat kien esportat direttament lil konsumaturi indipendenti fil-Komunità, il-prezzijiet ta’ l-esportazzjoni kienu bbażati fuq il-prezzijiet effettivament imħallsa jew li jistgħu jitħallsu għall-prodott ikkonċernat, skond l-Artikolu 2(8) tar-Regolament bażiku.

(92)

Fejn sar bejgħ permezz ta’ kumpanija relatata fil-Komunità, il-prezz ta’ l-esportazzjoni kien stabbilit skond l-Artikolu 2(9) tar-regolament bażiku. Fejn sar bejgħ permezz ta’ kumpanija relatata li tinsab ’il barra mill-Komunità, il-prezz ta’ l-esportazzjoni kien stabbilit abbażi tal-metodu stipulat fl-Inċiż (33).

(93)

Saru aġġustamenti, fejn xieraq, skond l-Artikolu 2(10) tar-Regolament bażiku, fir-rigward ta’ trasport, assikurazzjoni, ġestjoni u spejjeż anċillari, imballaġġ, kreditu, tariffi bankarji u kummissjonijiet ingħataw fil-każijiet kollha fejn instabu li kienu raġjonevoli, preċiżi u sostnuti minn evidenza verifikata.

(94)

Għall-bejgħ dirett permezz ta’ kumpaniji kummerċjali relatati, ġie applikat aġġustament skond l-Artikolu 2(10)(i) tar-Regolament bażiku, fejn dawn il-kumpaniji wrew li jwettqu funzjonijiet simili għal dawk ta’ aġent li jaħdem fuq bażi ta’ kummissjoni. F’dan ir-rigward, l-allokazzjoni tan-nefqa SG&A fornuta mill-kumpanija relatata nstabet li hija attendibbli u dan l-aġġustament kien ibbażat fuq l-ammont ta’ l-infiq SG&A biż-żieda ta’ marġini ta’ qligħ ta’ 5 %, li huwa marġini ta’ qligħ raġjonevoli fin-nuqqas ta’ kwalunkwe data sinifikanti mill-importaturi jew kummerċjanti mhux relatati li kkooperaw fil-Komunità.

(95)

Il-paragun bejn il-valur normali u l-prezz ta’ l-esportazzjoni wera li għal tnejn mit-tliet esportaturi kkonċernati l-marġini tad-dumping kien taħt it-2 %, jiġifieri de minimis. Il-marġini tad-dumping espressi bħala persentaġġi tal-prezz ta’ l-importazzjoni CIF fuq il-fruntiera Komunitarja, bid-dazju mhux imħallas, huma għalhekk proviżorjament dawn li ġejjin:

(96)

Sabiex jiġi kkalkolat il-marġini tad-dumping madwar il-pajjiż sħiħ li huwa applikabbli għall-esportaturi l-oħra kollha tar-RPĊ, minħabba li l-livell misjub ta' kooperazzjoni kien wieħed għoli kif spjegat hawn fuq sar paragun, fuq bażi ex fabbrika, bejn il-prezz bil–piż differenzjat ta' esportazzjoni tat-tliet esporatuti li kkooperaw li ma ngħatawx it-TES u l-valur normali kkalkolat fuq il-bażi tad-data tal-pajjiż analogu.

(97)

Fuq din il-bażi l-livell ta’ dumping mal-pajjiż kollu ġie stabbilit b’mod proviżorju gћal 102,7 % tal-prezz CIF fuq il-fruntiera tal-Komunità, bid-dazju mhux imħallas.

(98)

Għall-uniku produttur esportatur li kkoopera, il-volum totali ta' bejgħ domestiku tal-prodott simili kien rappreżentattiv kif definit fl-inċiż 3,1 hawn fuq. Għalhekk għat-tipi kollha tal-prodott il-valur normali kien ibbażat fuq prezzijiet imħallsa jew li jistgħu jitħallsu, fl-andament normali tal-kummerċ, minn konsumaturi indipendenti fit-Tajwan, kif spjegat fl-inċiżi (25) u (26), minħabba li dan il-bejgħ irrappreżenta fil-każijiet kollha 10 % jew aktar mill-volum totali ta' bejgħ ta' dan it-tip.

(99)

L-esportazzjonijiet ta' l-uniku produttur esportatur li kkoopera saru direttament lil klijenti indipendenti fil-Komunità. Il-prezz ta’ l-esportazzjoni għalhekk kien ibbażat fuq il-prezzijiet effettivament imħallsa jew li jistgħu jitħallsu għall-prodott ikkonċernat skond l-Artikolu 2(8) tar-Regolament bażiku.

(100)

Il-valur normali u l-prezzijiet ta’ l-esportazzjoni kienu pparagunati fuq bażi ex fabbrika, kif ġie deskritt hawn fuq, b’aġġustamenti, fejn kien xieraq, skond l-Artikolu 2(10) tar-Regolament bażiku. Saru aġġustamenti għal rifużjonijiet, trasport, assikurazzjoni, ġestjoni, tagħbija u spejjeż anċillari, imballaġġ, kreditu u dazji ta' l-importazzjoni.

(101)

Il-produttur esportatur li kkoopera ddikjara livell ta' aġġustament tal-kummerċ abbażi li parti mill-bejgħ domestiku tiegħu sar allegatament f'livell ta' kummerċ mhux komparabbli mal-bejgħ ta' l-esportazzjoni tiegħu. Fl-andament ta' l-investigazzjoni. instab li l-livell ta' kummerċ iddikjarat għal wieħed mill-konsumaturi domestiċi ewlenin kien żbaljat, li tefa' dubji serji fuq l-affidabilità tal-klassifika tal-konsumaturi ppreżentata sabiex tappoġġja dan il-livell ta' aġġustament tal-kummerċ. Fi kwalunkwe każ, id-differenzi allegati fil-prezzijiet bejn il-kategoriji ddikjarati ma nstabux konsistenti għat-tipi kollha tal-prodott matul il-PI u d-dikjarazzjoni għalhekk kellha tiġi rrifjutata.

(102)

Il-produttur esportatur li kkoopera talab aġġustament għad-differenzi fil-kummissjonijiet imħallsa, u rrefera b'mod partikolari għal kummissjonijiet imħallsa lil aġent fit-Tajwan għall-bejgħ fis-suq tat-Tajwan. Minkejja dan, matul l-investigazzjoni instab li, abbażi tat-tagħrif ippreżentat mill-produttur esportatur, l-aġent kien qiegħed iwettaq funzjonijiet simili għal dawk eżerċitati mid-dipartiment tal-bejgħ tal-produttur esportatur għall-bejgħ ta' l-esportazzjoni. Filwaqt li l-miżati nstabu li effettivament tħallsu lil dak l-aġent, instabu għaldaqstant li ma jaffetwawx il-komparabilità tal-prezzijiet domestiċi u l-prezzijiet ta' l-esportazzjoni. Għalhekk it-talba ġiet rifjutata, minħabba li l-kondizzjonijiet stipulati fl-ewwel subparagrafu ta' l-Artikolu 2(10) tar-Regolament bażiku ma ntlaħqux.

(103)

Barra minn dan, il-produttur esportatur talab aġġustament għall-ispejjeż tat-trasport imġarrba fis-suq domenstiku tiegħu. Minkejja dan, il-kumpanija ma setgħatx tissostanza t-talba li għamlet u d-dokumenti li ppreżentat kienu parzjalment żvijati. Konsegwentament ittgħarraf li fid-dawl ta' l-Artikolu 18 tar-Regolament bażiku għandhom japplikaw id-dispożizzjonijiet dwar il-kooperazzjoni parzjali. Fin-nuqqas ta' spjegazzjoni sodisfaċenti mil-kumpanija fir-rigward tad-dokumenti ppreżentati, sar rikors għal kalkolu tad-dumping għal fatti disponibbli fir-rigward ta' l-ispejjeż tat-trasport fis-suq domestiku. L-aġġustament kien ibbażat fuq l-ammonti li setgħu jiġu ġġustifikati bil-fatturi li waslu mingħand aġenti tad-distribuzzjoni tal-merkanzija.

(104)

Minħabba li l-livell ta' kooperazzjoni kien għoli, u minħabba li ma kien hemm l-ebda raġuni li twassal sabiex temmen li xi ħadd mill-produtturi esportaturi f'dawn il-pajjiżi apposta naqas milli jikkoopera, il-marġini residwu applikabbli għall-esportaturi kollha l-oħra fit-Tajwan tfassal fl-istess livell bħal dak stabbilit għall-produttur esportatur li kkoopera.

(105)

Il-marġini tad-dumping, espressi bħala persentaġġ tal-prezz ta’ l-importazzjoni CIF fuq il-fruntiera Komunitarja, bid-dazju mhux imħallas, huma proviżorjament dawn li ġejjin:

(106)

Fi ħdan il-Komunità il-prodott simili huwa manifatturat minn żewġ produtturi li jinsabu fil-Ġermanja, li f'isimhom tressqet il-kwerela u li kkooperaw fl-investigazzjoni. Matul il-PI, il-produzzjoni tagħhom li kienet fil-medda ta' 24 000 u 29 000 tunellata kienet tirrappreżenta 100 % tal-produzzjoni tal-Komunità. Barra minn dan, iż-żewġ produtturi huma t-tnejn meqjusa li jikkostitwixxu l-industrija tal-Komunità fis-sens ta’ l-Artikoli 4(1) u 5(4) tar-Regolament bażiku. Esportatur produttur wieħed iddikjara li wieħed mill-produtturi tal-Komunità importa l-prodott ikkonċernat miċ-Ċina matul il-PI u għalhekk għandu jiġi eskluż mid-definizzjoni ta' l-industrija tal-Komunità. Minkejja dan, u kif imsemmi hawn taħt fl-inċiż (151), il-livelli ta' importazzjoni kienu baxxi u saru biss sabiex jippreżervaw il-konsumaturi globali. Ukoll, minħabba li l-livelli medji ta' prezz tal-bejgħ mil-ġdid kienu ogħla b'mod sinifikanti mill-prezzijiet ta' l-importazzjonijiet Ċiniżi, tqies li l-importazzjonijiet ta' dan il-produttur tal-Komunità kienu pjuttost att ta' awtodifiża kontra l-importazzjonijiet li huma l-oġġett ta' dumping aktar milli ħsara li wettaq lilu nnifsu. Għalhekk, iż-żewġ produtturi tal-Komunità tqiesu li huma l-industrija tal-Komunità fis-sens ta' l-Artikolu 4(1)(a) tar-Regolament bażiku.

(107)

Il-konsum tal-Komunità kien stabbilit abbażi tal-volumi tal-bejgħ fis-suq tal-Komunità miż-żewġ produtturi tal-Komunità, l-importazzjonijiet miż-żewġ pajjiżi kkonċernati u minn pajjiżi terzi oħra taħt il-kodiċi NM skond l-Eurostat u fil-każ tat-Tajwan u l-Istati Uniti abbażi tad-data effettivament ivverifikata. Fir-rigward tar-RPĊ, il-volum irrappurtat ta' l-importazzjoni mill-produtturi esportaturi Ċiniżi li kkooperaw ma jirrappreżentax l-importazzjonijiet totali mir-RPĊ. Għalhekk, fir-rigward ta' l-importazzjonijiet mir-RPĊ, tqies li għall-għan li jiġi ddeterminat il-konsum totali tal-Komunità, id-data ta' l-Eurostat kienet l-aktar sors affidabbli ta' tagħrif.

(108)

Kif imsemmi fl-inċiż 13 il-prodott ikkonċernat attwalment huwa ddikjarat fi ħdan il-kodiċi NM 2833 40 00 u ex 2842 90 80 . Id-data ta' l-Eurostat fir-rigward tal-kodiċi NM ex 2842 90 80 tinkludi tip partikolari wieħed ta' persulphates (monopersulphate) fil-biċċa l-kbira tiegħu importat mill-Istati Uniti u prodotti oħra bħal mhuma mlieħ ta' aċidi inorganiċi jew peroxacids, li mhumiex ikkonċernati bil-prodott. Minħabba li ma kinitx possibbli li tiġi rkuprata minn din il-kategorija usa' tal-prodotti d-data tal-persulphates biss, tqies li d-data ta' l-importazzjoni mill-Eurostat fir-rigward tal-kodiċi NM partikolari ma kinitx se tirrifletti stampa affidabbli tal-qagħda u għalhekk ma għandhiex tintuża. Fi kwalunkwe każ, u kif imsemmi hawn fuq fl-inċiż 8, fir-rigward ta' l-Istati Uniti u t-Tajwan intuża d-data ta' importazzjoni effettivament ivverifikata.

(109)

Abbażi ta' din id-data, instab li fil-perjodu meqjus, il-konsum żdied b'7 %.

Tabella 1

Il-konsum fl-UE (il-volum)

(110)

Il-Kummissjoni eżaminat jekk l-importazzjonijiet tal-persulphates li joriġinaw fir-RPĊ, it-Tajwan u l-Istati Uniti għandhomx jiġu vvalutati b’mod kumulattiv skond l-Artikolu 3(4) tar-Regolament bażiku.

(111)

Il-marġini tad-dumping stabbilit fir-rigward ta' l-importazzjonijiet ta' kull wieħed mill-pajjiżi kkonċernati kien ogħla mil-limitu de minimis kif definit fl-Artikolu 9(3) tar-Regolament bażiku u l-volum ta' importazzjonijiet minn kull wieħed minn dawn il-pajjiiżi ma kienx negliġibbli fis-sens ta' l-Artikolu 5(7) tar-Regolament bażiku, jiġifieri bis-seħem tagħhom tas-suq jilħaq l-14,9 %, il-5,9 % u d-9,3 % rispettivament fil-PI. Kif imsemmi fl-inċiż 0, għaż-żewġ produtturi esportaturi fir-RPĊ, il-marġini stabbilit tad-dumping kien taħt il-limitu de minimis. Għalhekk, l-importazzjonijiet ta' dawn il-kumpaniji ma tqisux.

(112)

Fir-rigward tal-kondizzjonijiet ta' kompetizzjoni, l-investigazzjoni wriet, kif deskritt fil-qosor fl-inċiż 2 hawn fuq, li l-persulphates importati mill-pajjiżi kkonċernati u mill-industrija tal-Komunità kienu simili fil-karatteristiċi bażiċi fiżiċi u tekniċi kollha tagħhom. Ukoll, persulphates li joriġinaw f'dawn il-pajjiżi min-naħa l-waħda u persulphates prodotti u mibjugħa fil-Komunità min-naħa l-oħra nbiegħu permezz ta' rotot komparabbli ta' bejgħ u f'kondizzjonijiet kummerċjali simili; u b'hekk kienu qed jikkompetu kontra xulxin. Instab ukoll li prezzijiet ta' l-esportazzjoni mir-RPĊ, it-Tajwan u l-Istati Uniti wrew xejra simili matul il-perjodu meqjus u kienu qed iwaqqgħu sinifikament il-prezzijiet tal-Komunità.

(113)

Fid-dawl ta’ dan ta' hawn fuq, qiegħed jitqies b'mod proviżorju li ġew sodisfatti l-kriterji kollha stipulati fl-Artikolu 3(4) tar-Regolament bażiku u li l-importazzjonijiet mill-pajjiżi kkonċernati għandhom jiġu eżaminati b’mod kumulattiv.

(114)

Importazzjonijiet mill-pajjiżi kkonċernati żdiedu b'43 % bejn l-2003 u l-PI. Filwaqt li dawn l-importazzjonijiet ammontaw għal 8 778 tunnellata fl-2003 laħqu livell ta' 12 593 tunnellata matul il-PI. Iż-żieda ta' importazzjonijiet kienet partikolarment distinta bejn l-2003 u l-2004 minħabba li telgħu b'31 %.

Tabella 2

Importazzjonijiet mill-pajjiżi kkonċernati

(115)

Is-sehem mis-suq tal-pajjiżi kkonċernati żdied bejn l-2003 u l-PI minn 22,6 % għal 30,2 % jiġifieri b'7.6 punti perċentwali. Iż-żieda kienet partikolarment evidenti bejn l-2003 u l-2004 meta telgħet b’ 4,8 punti perċentwali.

Tabella 3

Sehem mis-suq tal-pajjiżi kkonċernati

(116)

Mill-2003 sal-PI, il-prezzijiet ta' l-importazzjoni mill-pajjiżi kkonċernati naqsu bi 12 %. Għalhekk, naqsu minn EUR 946/tunnellata fl-2003 għal EUR 828/tunnellata fil-PI.

Tabella 4

Prezzijiet ta’ l-importazzjonijiet ikkonċernati

(117)

Għad-determinazzjoni ta’ twaqqigħ tal-prezz kienet analiżżata d-data tal-prezzijiet li tirreferi għall-PI. Il-prezzijiet relevanti tal-bejgħ ta’ l-industrija tal-Komunità kienu prezzijiet netti wara t-tnaqqis ta’ skonti u rifużjonijiet. Fejn meħtieġ, dawn il-prezzijiet kienu aġġustati għal livell ta’ ex fabbrika, jiġifieri bl-esklużjoni ta’ l-ispejjeż tat-trasport tal-merkanzija fil-Komunità. Il-prezzijiet ta' l-importazzjoni tal-pajjiżi kkonċernati kienu wkoll ħielsa minn skonti u rifużjonijiet u kienu aġġustati fejn meħtieġ għal CIF tal-fruntiera tal-Komunità.

(118)

Il-prezzijiet tal-bejgħ ta' l-industrija tal-Komunità u l-prezzijiet ta' l-importazzjoni tal-pajjiżi kkonċernati tqabblu fl-istess livell ta' kummerċ, speċifikament lil konsumaturi indipendenti fi ħdan is-suq tal-Komunità.

(119)

Matul il-PI, il-medja bil-piż differenzjat tal-marġini proviżorji ta' twaqqigħ ta' prezz, espressi bħala persentaġġ tal-prezzijiet tal-bejgħ ta' l-industrija tal-Komunità, kien ta' 30,2 % għall-esportatur mit-Tajwan, 30,3 % għar-RPĊ, u 7,4 % għall-Istati Uniti. Il-medja bil-piż differenzjat tal-marġini totali ta' twaqqigħ ta' prezz għall-pajjiżi kollha kkonċernati kien ta' 22,7 % matul il-PI.

(120)

Skond l-Artikolu 3(5) tar-Regolament bażiku, l-eżami ta’ l-impatt ta’ l-importazzjonijiet li kienu oġġetti ta' dumping fuq l-industrija Komunitarja inkluda valutazzjoni tal-fatturi ekonomiċi rilevanti kollha li għandhom rilevanza għall-istat ta’ l-industrija Komunitarja matul il-perjodu meqjus. Għal raġunijiet ta' kunfidenzjalità, minћabba li l-analiżi tikkonċerna żewġ kumpaniji biss, ћafna mill-indikaturi huma ppreżentati fforma bindiċi jew inkella qed jingħataw firxiet.

(121)

Il-volum tal-produzzjoni ta' l-industrija tal-Komunità wriet xejra ċara negattiva bejn l-2003 u l-PI. Filwaqt li bejn l-2003 u l-2004 il-volum ta' produzzjoni kien stabbli, f'daqqa waħda naqas b'10 % fl-2005 u din ix-xejra kompliet matul il-PI. Minkejja li l-użu tal-kapaċità kienet 'il fuq minn 70 % matul il-PI, il-produzzjoni totali ta' l-industrija tal-Komunità naqset b'14 % matul il-perjodu meqjus.

(122)

Il-kapaċità tal-produzzjoni baqgħet stabbli bejn l-2003 u l-PI.

(123)

It-tabella ta' hawn taħt turi l-prestazzjonijiet ta' l-industrija tal-Komunità fir-rigward tal-bejgħ tagħha lil konsumaturi indipendenti fil-Komunità.

Tabella 6

Il-volum tal-bejgћ, is-sehem mis-suq, il-prezzijiet u l-prezzijiet medji ta’ l-unità fil-Komunità

(124)

Il-volumi tal-bejgћ ta’ l-industrija tal-Komunità naqsu b’iktar minn 10 % matul il-perjodu meqjus. Wieħed għandu jħares lejn dan fid-dawl tal-konsum li qed jiżdied fil-KE.

(125)

B'mod ġenerali, is-sehem mis-suq ta' l-industrija tal-Komunità naqas kontinwament bi 11-il punt perċentwali bejn l-2003 u l-PI. It-tnaqqis kien partikolarment prominenti bejn l-2003 u l-2004 fejn intilfu 7,6 punti perċentwali. Kemm it-tnaqqis fil-volum tal-bejgħ u fis-sehem mis-suq jistgħu jitqiesu fid-dawl ta' l-evoluzzjoni tal-konsum tal-Komunità li tela' b'7 % u l-importazzjonijiet li qed jiżdiedu minn pajjiżi kkonċernati matul il-perjodu meqjus. Matul l-istess perjodu, l-ispejjeż ta' l-unità ta' l-industrija tal-Komunità telgħu b'5 %. Fil-fatt, it-tnaqqis tal-volum tal-produzzjoni meta l-kapaċitajiet baqgħu stabbli u wasslu għal allokazzjoni akbar ta' spejjeż amministrattivi skond l-unità.

(126)

Il-prezzijiet tal-bejgћ ta' l-unità ta’ l-industrija tal-Komunità wkoll naqsu bi 8 % matul il-perjodu meqjus. It-tnaqqis fil-prezzijiet juri li l-industrija tal-Komunità ma kinitx kapaċi tgħaddi ż-żieda ġenerali ta' l-ispiża lill-konsumaturi tagħha. Bil-maqlub, l-industrija tal-Komunità kellha tnaqqas il-prezzijiet sabiex ma titlifx aktar klijenti jew ordnijiet.

(127)

Iċ-ċifri ta’ hawn taћt jirrappreżentaw il-volum ta' l-iskorti fi tmiem kull perjodu.

Tabella 7

Ħażniet

(128)

L-investigazzjoni żvelat li l-iskorti ma jistgħux jitqiesu bħala fattur ta' ħsara sinifikanti minħabba li l-maġġoranza kbira tal-produzzjoni ssir bħala reazzjoni għall-ordnijiet. Għalhekk, ix-xejriet fl-iskorti qed jingħataw bħala tagħrif. Fi kwalunkwe każ, il-livell ta' l-iskorti baqa' pjuttist stabbli b'mod ġenerali. Naqas bi 17 % bejn l-2003 u l-2004, imbagħad żdied b'41 % sa l-aħħar ta' l-2005 u mbagħad reġa' naqas b'21 % sabiex laħaq kważi l-istess livell bħal fl-2003.

(129)

Bejn l-2003 u l-PI, l-investimenti għall-produzzjoni tal-prodott simili naqsu b'45 %. Wara tnaqqis f'daqqa ta' 79 % bejn l-2003 u l-2004, baqgħu f'livell baxx fl-2004. Matul il-PI, il-valur ta' l-investimenti żdied b'27 % iżda meta mqabbel ma' l-2003, baqa' f'livell baxx. Matul l-investigazzjoni nstab li l-investimenti fil-bini, fl-impjanti u fil-makkinarju fil-biċċa l-kbira saru sabiex jippreżervaw il-kapaċità tal-produzzjoni. Fid-dawl ta' l-użu baxx tal-kapaċità msemmi qabel, fi kwalunkwe każ l-investimenti ma sarux bl-għan li tiżdied il-kapaċità ġenerali tal-produzzjoni.

(130)

L-investigazzjoni wriet li l-prestazzjonijiet finanzjarji ta' l-industrija tal-Komunità ddeterjoraw iżda ma żvelatx li l-kapaċità tagħha li tikseb il-kapital kienet serjament affettwata sa dak iż-żmien matul il-perjodu meqjus.

(131)

It-tnaqqis fil-volum tal-bejgħ flimkien mal-prezzijiet li qed jonqsu tal-bejgħ bejn l-2003 u l-PI, affettwaw sinifikament il-profittabilità miksuba mill-industrija tal-Komunità, jiġifieri naqset bi 15,5 punti perċentwali bejn l-2003 u l-PI. Ix-xejra negattiva kienet partikolarment prominenti bejn l-2004 u l-2005 meta l-profittabilità waqgħet b'aktar minn 10 punti perċentwali. Ir-redditu fuq l-investimenti totali kien ikkalkolat bid-dikjarazzjoni tal-profitt nett ta' qabel it-taxxa tal-prodott simili bħala persentaġġ tal-valur nett ta' kontabilità ta' assi fissi allokati lill-prodott simili. L-indikatur segwa xejra simili bħala profittabilità, u naqas sinifikament matul il-perjodu meqjus, b'mod partikolarment prominenti bejn l-2004 u l-2005, meta r-redditu fuq l-investiment naqas bi 17-il punt perċentwali. F'dak li għandu x'jaqsam mal-likwidità ġġenerata mill-industrija tal-Komunità, instabet xejra negattiva simili, li rriżultat f'deterjorazzjoni ġenerali drammatika tal-qagħda finanzjarja ta' l-industrija tal-Komunità fil-PI.

(132)

In-numru ta' persunal impjegat mill-industrija tal-Komunità naqas b'mod ġenerali bi 13 % parzjalment minħabba l-proċess ta' ristrutturar fil-bidu tal-perjodu meqjus. Għalhekk, minkejja li l-ispejjeż ġenerali ta' l-impjiegi naqsu b'mod konsiderevoli, il-pagi medji baqgħu stabbli. It-tnaqqis fin-numru ta' impjiegi kien simili għat-tnaqqis fil-produzzjoni. B'konsegwenza l-industrija tal-Komunità kienet kapaċi tmantni l-istess livell ta' produttività bħal fl-2003.

(133)

Fid-dawl tal-volum u l-prezz ta’ l-importazzjonijiet li huma l-oġġett ta' dumping, l-impatt ta’ dawn il-marġini tad-dumping ma jistax jitqies bħala negliġibbli.

(134)

F'Diċembru 1995, il-Kunsill impona dazju definittiv ta' l-antidumping fuq peroxodisulphates (persulphates) li joriġinaw fir-RPĊ (3). Dawn il-miżuri twaqqfu f'April 2002 (4). Iċ-ċifri li nġabru matul l-investigazzjoni attwali jissuġġerixxu li minkejja li rkuprat minn prassi preċedenti ta' dumping, il-qagħda ta' l-industrija tal-Komunità ddeterjorat b'mod sinifikanti wara l-2002 meta ġew revokati dazji ta' l-antidumping u importazzjonijiet li kienu l-oġġett ta' dumping daħlu fis-suq tal-Komunità mill-ġdid.

(135)

L-investigazzjoni uriet li minkejja żieda fil-konsum b'7 %, l-industrija tal-Komunità tilfet il-volum tal-bejgħ (– 10 %) u s-sehem mis-suq (– 11 -il punt %) matul il-perjodu meqjus. Għalhekk ma bbenefikat minn l-ebda tkabbir matul il-perjodu meqjus.

(136)

Matul il-perjodu meqjus, il-volum ta' importazzjonijiet li huma l-oġġett ta' dumping ta' persulphates mill-pajjiżi kkonċernati żdiedu b'mod sinifikanti, jiġifieri bi 43 % u bl-istess mod is-sehem tagħhom mis-suq żdied b'7.6 punti perċentwali sabiex laħaq 30,2 % tas-suq tal-Komunità fil-PI. Fl-istess waqt, il-prezzijiet ta' dawn l-importazzjonijiet naqsu b'mod sinifikanti, filwaqt li waqqgħu l-prezzijiet tal-bejgħ ta' l-industrija tal-Komunità bi 22,7 % bħala medja.

(137)

L-analiżi ta' l-indikaturi tal-ħsara żvelat li l-qagħda ta' l-industrija tal-Komunità ddeterjorat sinifikament matul il-perjodu meqjus. L-indikaturi kollha tal-ħsara jsegwu xejra negattiva matul il-perjodu meqjus. B'mod partikolari, sabiex ma titlifx aktar mis-sehem mis-suq u sabiex iżżomm il-produzzjoni f'livell raġjonevoli, l-industrija tal-Komunità ma kellha l-ebda għażla oħra ħlief li ssegwi l-livelli tal-prezz imfassla mill-importazzjonijiet li huma l-oġġett ta' dumping, jiġifieri li tnaqqas il-prezzijiet tagħha bi 8 % bejn l-2003 u l-PI. Din wasslet għal waqgħa sinifikanti fil-profittabilità matul il-perjodu meqjus. Barra minn dan, l-industrija tal-Komunità ma kinitx kapaċi tgħaddi kwalunkwe żieda fl-ispiża lill-konsumaturi tagħha u l-qagħda finanzjarja tagħha ddeterjorat b'mod sinifikanti matul il-perjodu meqjus.

(138)

It-tnaqqis fil-volum tal-bejgħ implika wkoll li l-industrija tal-Komunità ma setgħatx tibbenefika miż-żieda fit-talba tas-suq tal-persulphates.

(139)

Fid-dawl ta’ dak li gћadu kif ingћad, qed jiġi proviżorjament konkluż li l-industrija tal-Komunità sofriet ћsara materjali skond it-tifsira ta’ l-Artikolu 3(5) tar-Regolament bażiku.

(140)

Skond l-Artikoli 3(6) u 3(7) tar-Regolament bażiku, il-Kummissjoni eżaminat jekk l-importazzjonijiet li kienu oġġett ta' dumping li joriġinaw fl-Istati Uniti ta' l-Amerika, ir-RPĊ u u t-Tajwan ikkawżawx ħsara lill-industrija Komunitarja sa grad li jista’ jitqies ta' sustanza. Fatturi magħrufa minbarra l-importazzjonijiet li kienu l-oġġett ta' dumping, li fl-istess ħin setgħu għamlu ħsara lill-industrija Komunitarja, kienu eżaminati wkoll biex ikun żgurat li l-ħsara possibbli kkawżata minn dawn il-fatturi l-oħra ma kinitx attribwita lill-importazzjonijiet li kienu l-oġġett ta' dumping.

(141)

Importazzjonijiet mill-pajjiżi kkonċernati żdiedu b'mod sinifikanti bi 43 % f'termini ta' volum, u b'7.6 punti perċentwali f'termini ta' sehem mis-suq. Fl-istess waqt is-sehem mis-suq ta' l-industrija tal-Komunità naqset b'madwar 11-il punt perċentwali. Il-prezz medju tal-bejgħ ta' l-unità għal kull tunellata ta' l-importazzjonijiet mill-pajjiżi kkonċernati naqas bi 12 %, u b'hekk waqqa' l-prezzijiet medji ta' l-industrija tal-Komunità bi 22,7 % bħala medja fil-PI. Iż-żieda sostanzjali fil-volum ta' importazzjonijiet mill-pajjiżi kkonċernati u l-kisba tagħhom fis-sehem mis-suq matul il-perjodu meqjus, bi prezzijiet li kienu sinifikament aktar baxxi minn dawk ta' l-industrija tal-Komunità, ħabtet fl-istess waqt mad-deterjorazzjoni evidenti tal-qagħda finanzjarja ġenerali ta' l-industrija tal-Komunità matul l-istess perjodu. Id-deterjorazzjoni tidher, b'mod partikolari, f'termini ta' prezzijiet tal-bejgħ, profittabilità, redditu mill-investiment, likwidità u impjiegi.

(142)

Fl-analiżi ta' l-effett ta' l-importazzjonijiet oġġett ta' dumping, instab li l-prezz huwa element importanti ta' kompetizzjoni minħabba li l-kwistjonijiet ta' kwalità ma għandhomx rwol sinifikanti. Ta' min jinnota li l-prezzijiet ta' importazzjonijiet oġġett ta' dumping kienu konsiderevolment aktar baxxi kemm minn dawk ta' l-industrija tal-Komunità kif ukoll minn dawk ta' esportaturi oħra ta' pajjiżi terzi.

(143)

Għalhekk huwa proviżorjament konkluż li l-pressjoni applikata mill-importazzjonijiet ikkonċernati, li għollew il-volum tagħhom u s-sehem mis-suq mill-2003 'l quddiem, u li saru bi prezzijiet baxxi ħafna jew li huma oġġett ta' dumping, kellha rwol determinanti fid-deterjorazzjoni tal-qagħda finanzjarja ta' l-industrija tal-Komunità.

(144)

Skond id-data ta' l-Eurostat u t-tagħrif miġbur matul l-investigazzjoni, il-pajjiż terz ewlieni li minnu jiġu importati l-persulphates huwa t-Turkija b'sehem mis-suq ta' 3 % matul il-PI. Pajjiż ieħor ta' esportazzjoni, minkejja li huwa minuri huwa l-Ġappun minkejja li jirrappreżenta volumi ta' importazzjoni li huma qrib iż-0 %.

(145)

Importazzjonijiet li joriġinaw f'pajjiżi terzi minbarra r-RPĊ, l-Istati Uniti u t-Tajwan naqsu bi 8 %, minn 2 466 tunnellata in 2003 għal 2 262 tunnellata matul il-PI. Konsegwentament, is-sehem tagħhom mis-suq naqas b'mod ġenerali minn 6,3 % fl-2003 għal 5,4 % fil-PI.

(146)

Importazzjonijiet mit-Turkija ammontaw għal 2 161 tunnellata fl-2003 u naqsu matul il-perjodu meqjus b'42 % għal 1 247 tunnellata fil-PI, u b'hekk laħqu sehem mis-suq ta' 3 %. Minkejja li l-importazzjonijiet Torok saru fi prezzijiet aktar baxxi minn dawk tal-prezz tal-bejgħ ta' l-industrija tal-Komunità, is-sehem limitat tagħhom mis-suq u li saħansitra bilmod qiegħed jiċkien, ma tqiesx li kellu effett negattiv fuq il-qagħda ta' l-industrija tal-Komunità.

(147)

F'dak li għandu x'jaqsam ma' l-importazzjonijiet mill-bqija tal-pajjiżi terzi, l-istatistika ta' l-Eurostat turi livelli ta' importazzjoni baxxi ħafna; jiġifieri 304 tunnellati fl-2003 li espandew għal 1 015-il tunnellata fil-PI. Minkejja dan it-tkabbir, il-livell ta' dawn l-importazzjonijiet jibqa' qrib għal de minimis, u jirrappreżenta biss 2,4 % tal-konsum tal-Komunità fil-PI. Barra minn dan, il-prezzijiet ta' dawn l-importazzjonijiet kienu sinifikament ogħla mill-prezzijiet mill-pajjiżi kkonċernati u t-Turkija. Għalhekk, ġie konkluż li dawn l-importazzjonijiet ma kellhomx impatt sinifikanti fuq l-istat ta' l-industrija tal-Komunità.

(148)

Għahekk jista' jiġi proviżorjament konkluż li importazzjonijiet għajr mir-RPĊ, l-Istati Uniti u t-Tajwan ma kkontribwewx għall-ħsara materjali li ġarrbet l-industrija tal-Komunità.

(149)

L-esportazzjonijiet ta' persulphates mill-industrija tal-Komunità 'l barra mill-Komunità kienu niżlin matul il-perjodu meqjus (bi 13 %). Bl-istess mod, il-prezzijiet ta' l-esportazzjoni ta' l-industrija tal-Komunità naqsu matul il-perjodu meqjus b'9 %. Minkejja dan, dawn l-esportazzjonijiet jirrappreżentaw biss 6 % tal-bejgħ totali ta' l-industrija tal-Komunità lil partijiet mhux relatati fil-PI u għalhekk ġie konkluż li ma kellhomx impatt sinifikanti fuq il-ħsara materjali mġarrba mill-industrija tal-Komunità.

(150)

Kif imsemmi qabel fl-inċiż 95 għal żewġ produtturi esportaturi l-marġini stabbilit tad-dumping kien inqas mil-limitu de minimis. Għalhekk, l-importazzjonijiet ta' dawn il-kumpaniji ma tqisux fl-analiżi tal-ħsara hawn fuq. Minflok ġie eżaminat jekk dawn l-importazzjonijiet setgħux ikkawżaw il-ħsara materjali mġarrba mill-industrija tal-Komunità. Minkejja dan, fid-dawl tal-volum limitat ta' dawn l-importazzjonijiet, il-kisba tas-sehem mis-suq ta' 6,9 % matul il-PI, tqies li l-importazzjonijiet li mhumiex l-oġġett ta' dumping ma setgħux ikissru r-rabta kawżali bejn l-importazzjonijiet li huma l-oġġett ta' dumping u l-ħsara materjali mġarrba mill-industrija tal-Komunità.

(151)

Produttur esportatur wieħed importa l-prodott ikkonċernat mill-kumpanija relatata tiegħu fir-RPĊ u biegħu mill-ġdid fis-suq tal-Komunità. Minkejja li l-prezzijiet tal-bejgħ mill-ġdid kienu fil-fatt qed iwaqqgħu l-prezzijiet ta' l-industrija tal-Komunità, għandu jiġi nnutat li l-volum ta' l-importazzjonijiet Ċiniżi kienu jirrappreżentaw biss parti żgħira mill-importazzjonijiet totali mir-RPĊ (anqas minn 4 %). Barra minn dan, dawn l-importazzjonijiet saru sabiex jinżammu konsumaturi globali li kieku mhux hekk kienu jixtru l-prodott ikkonċernat mill-fornituri Ċiniżi fil-prezzijiet li huma l-oġġett ta' dumping. Barra minn hekk, il-prezz tal-bejgħ mill-ġdid fis-suq tal-Komunità kien bħala medja sinifikament ogħla mill-prezzijiet ta' l-importazzjoni tal-produtturi esportaturi Ċiniżi l-oħra. Għalhekk, ġie konkluż li l-importazzjonijiet ta' l-industrija tal-Komunità tal-prodott ikkonċernat mir-RPĊ ma kissrux ir-rabta kawżali bejn l-importazzjonijiet li huma l-oġġett ta' dumping u l-ħsara materjali mġarrba mill-industrija tal-Komunità.

(152)

Il-koinċidenza fiż-żmien bejn, min-naħa l-waħda, iż-żieda fl-importazzjonijiet li huma l-oġġett ta' dumping mir-RPĊ, l-Istati Uniti u t-Tajwan, iż-żieda tagħhom fis-sehem mis-suq u t-twaqqigħ tal-prezzijiet li nstab u, min-naħa l-oħra, id-deterjorazzjoni fil-qagħda ta' l-industrija tal-Komunità, twassal għall-konklużjoni li l-importazzjonijiet li huma l-oġġett ta' dumping ikkawżaw il-ħsara materjali mġarrba mill-industrija tal-Komunità fis-sens tat-tifsira ta' l-Artikolu 3(6) tar-Regolament bażiku. B'mod partikolari, l-industrija tal-Komunità kellha tnaqqas il-prezzijiet tal-bejgħ fis-suq tal-Komunità minħabba l-pressjoni tal-prezz ta' l-importazzjonijiet li huma l-oġġett ta' dumping. Għalhekk, iż-żieda ġenerali ta' l-ispiża ma setgħatx tgħaddi għal fuq il-konsumaturi u l-marġini tal-qligħ naqsu b'mod sinifikanti b'impatt drastiku fuq il-qagħda finanzjarja ta' l-industrija tal-Komunità. L-effett possibbli ta' fatturi oħra, l-aktar l-importazzjonijiet minn pajjiżi terzi oħra, importazzjonijiet li mhumiex l-oġġett ta' dumping li joriġinaw mill-esportazzjonijiet tar-RPĊ ta' l-industrija tal-Komunità u l-iżvilupp ta' l-ispejjeż kienu analizzati iżda nstabu li ma kinux raġuni determinanti għall-ħsara mġarrba mill-industrija tal-Komunità.

(153)

Abbażi ta’ l-analiżi ta' hawn fuq, li ddistingwiet u sseparat kif xieraq l-effetti tal-fatturi kollha magħrufa li jħallu effett fuq il-qagħda ta’ l-industrija tal-Komunità mill-effett ta’ ħsara ta’ l-importazzjonijiet li huma l-oġġett ta’ dumping, huwa proviżorjament konkluż li l-importazzjonijiet ta' persulphates mir-RPĊ, l-Istati Uniti u t-Tajwan ikkawżaw ħsara materjali lill-industrija tal-Komunità fis-sens ta’ l-Artikolu 3(6) tar-Regolament bażiku.

(154)

Skond l-Artikolu 21 tar-Regolament bażiku, kien eżaminat jekk, minkejja l-konklużjoni dwar id-dumping ta’ ħsara, kinux jeżistu raġunijiet b'saħħithom sabiex jiġi konkluż li mhux fl-interess tal-Komunità li jiġu adottati miżuri f’dan il-każ partikolari. L-impatt probabbli ta' miżuri possibli fuq il-partijiet kollha involuti f'dan il-proċediment kif ukoll il-konsegwenzi jekk ma jittieħdux miżuri jridu jitqiesu f'dan ir-rigward.

(155)

Sabiex tivverifika l-impatt probabbli ta' l-impożizzjoni jew in-nuqqas ta' impożizzjoni ta' miżuri ntalab tagħrif mill-partijiet interessati kollha li jew kienu magħrufin li huma kkonċernati jew li għamlu lihom infushom magħrufa. Abbażi ta' dan, il-Kummissjoni bagħtet kwestjonarji lill-industrija tal-Komunità, 12-il importatur mhux relatati u 11-il utent.

(156)

Kif inhu spjegat fl-inċiż (9), iż-żewġ produtturi esportaturi kwerelanti ta' l-industrija tal-Komunità, żewġ importaturi relatati, wieġbu l-kwestjonarju.

(157)

Il-qagħda ta’ ħsara ta’ l-industrija tal-Komunità kienet ir-riżultat tad-diffikultà tagħha sabiex tikkompeti ma’ importazzjonijiet bi prezz baxx, li huma l-oġġett ta’ dumping.

(158)

L-impożizzjoni tal-miżuri mistennija li tipprevjeni aktar tgħawwiġ tas-suq, aktar inibizzjoni tal-prezzijiet u treġġa' lura l-kompetizzjoni ġusta. L-industrija tal-Komunità għandha tkun kapaċi żżid il-volum tal-bejgħ tagħha u tikseb lura s-sehem mis-suq u b'hekk tiġġenera ekonomiji aqwa ta' l-iskala, u għalhekk tikseb il-livell meħtieġ tal-qligħ sabiex ittejjeb il-qagħda finanzjarja ta' l-industrija u tippermettilha investimenti ssuktati fil-faċilitajjiet tagħha ta' produzzjoni, sabiex b'hekk tiggarantixxi l-għajxien ta' l-industrija tal-Komunità.

(159)

Jekk ma jseħħx hekk u l-miżuri ta' l-antidumping ma jiġux imposti, tissokta d-deterjorazzjoni tal-qagħda ta’ l-industrija tal-Komunità. L-industrija tal-Komunità hija partikolarment immarkata b'telfa ta' introjtu dovuta għal prezzijiet imnaqqsa, sehem mis-suq li qed jonqos b'rata mgħaġġla u tnaqqis sinifikanti fil-qligħ. Fil-fatt, fid-dawl ta' l-introjtu li qed jonqos u x-xejra li qalbet sinifikament għall-agħar fil-PI, huwa probabbli ħafna li l-qagħda finanzjarja ta' l-industrija tal-Komunità se tiddeterjora aktar fin-nuqqas ta' kwalunkwe miżura. Dan għandu fl-aħħar mill-aħħar iwassal għal qtugħ fil-produzzjoni, li għandu għalhekk jhedded l-impjiegi u l-investimenti fil-Komunità. Dan huwa partikolarment minnu minħabba li s-suq Ewropew huwa bħalissa wieħed mill-ftit swieq ta' esportazzjoni li fadal għall-pajjiżi kkonċernati wara l-impożizzjoni tad-dazji ta' l-antidumping fuq il-persulphates miċ-Ċina fl-Istati Uniti ta' l-Amerika. Bl-għeluq tal-produzzjoni tal-Komunità, l-utenti tal-persulphates għandhom isiru aktar dipendenti fuq il-fornituri li jinsabu 'l barra mill-Komunità.

(160)

Għaldaqstant, qed jiġi proviżorjament konkluż li l-impożizzjoni tal-miżuri ta' l-antidumping għandha tippermetti lill-industrija tal-Komunità tirkupra mill-effetti ta' ħsara tad-dumping li ġarrbet u li għalhekk tkun fl-interess ta’ l-industrija tal-Komunità.

(161)

Il-Kummissjoni bagħtet kwestjonarji lil l-importaturi/kummerċjanti kollha magħrufa. F'dak li għandu x'jaqsam ma' l-importaturi, żewġ importaturi biss ippreżentaw it-tweġiba tal-kwestjonarju. Minkejja dan, il-volumi tal-prodott ikkonċernat importat minn dawn iż-żewġ importaturi kienu jirrappreżentaw 18,9 % ta' l-importazzjonijiet totali fil-Komunità u 6,7 % tal-konsum tal-Komunità.

(162)

Għandu jiġi nnutat li l-unika sors ta' provvista ta' dawn l-importaturi matul il-PI kienu l-pajjiżi kkonċernati (l-Istati Uniti u t-Tajwan) u għalhekk dawn l-importaturi stqarrew li l-impożizzjoni ta' dazju ta' l-antidumping għandha tħalli impatt sinifikanti fuq il-qagħda finanzjarja tagħhom.

(163)

Minkejja dan, abbażi tat-tagħrif imressaq mill-importaturi kkonċernati, ġie stabbilit li l-proporzjon ta' importazzjonijiet tal-persulphates fid-dawran totali tal-kumpanija kienet tirrappreżenta biss parti negliġibbli (jiġifieri bejn 0,03 % u 1,3 %) matul il-PI. Għalhekk, għalkemm mhuwiex qiegħed jinċaħad li l-impożizzjoni tad-dazju ta' l-antidumping jista' jkollha ċertu impatt fuq dawn il-kumpaniji; dan l-impatt għandu jkunu ġeneralment negliġibbli.

(164)

Barra minn dan, jista' jiġi mistenni b'mod raġjonevoli li kwalunkwe żieda fil-prezz tista', għallinqas parzjalment, tgħaddiha lill-konsumaturi minħabba l-fatt li, kif imsemmi hawn isfel fl-inċiż (166), il-persulphates jikkostitwixxu biss fl-akbar parti mill-każijiet frazzjoni żgħira ta' l-ispiża totali ta' dawn il-konsumaturi. Fl-aħħar nett, għandu jiġi nnutat li jeżistu sorsi oħra ta' provvista bħal ma huma t-Turkija u l-Ġappun li huma disponibbli, kif ukoll dawk il-partijiet ta' esportazzjonijiet Ċiniżi li mhumiex soġġetti għal dazju ta' l-antidumping.

(165)

Il-Kummissjoni bagħtet kwestjonarji lill-11-il utent magħrufin fil-Komunità. L-ebda wieħed minn dawn l-utenti ma wieġeb għall-kwestjonarju. L-ebda utent ieħor ma bagħat lill-Kummissjoni xi tagħrif jew għamel lilu nnifsu magħruf fl-andament ta' l-investigazzjoni.

(166)

Ma kien hemm l-ebda indikazzjoni li l-interessi ta' l-utenti se jkunu affettwati sinifikament. Fil-fatt, abbażi tat-tagħrif disponibbli, il-persulphates, fil-biċċa l-kbira tal-każijiet, jikkostitwixxu biss parti minuri ta' l-ispiża totali tal-produzzjoni u l-effett tad-dazji ta' l-antidumping għandu jkun negliġibbli.

(167)

Meta jitqiesu l-fatturi kollha ta' hawn fuq, huwa konkluż li l-impożizzjoni tal-miżuri ma għandhiex tħalli effett negattiv sinifikanti, jekk fil-fatt tħalli effett tali, fuq il-qagħda ta' l-utenti u l-importaturi tal-prodott ikkonċernat. Abbażi ta' dan, qed jiġi proviżorjament konkluż li mhemm l-ebda raġuni b'saħħitha għaliex ma jiġux imposti l-miżuri ta' l-antidumping.

(168)

Fid-dawl tal-konklużjonijiet li ntlaћqu dwar id-dumping, il-ћsara li rriżultat, il-kawżalità u l-interess tal-Komunità, gћandhom jiġu imposti miżuri proviżorji sabiex tiġi evitata aktar ћsara li qed tiġi kkawżata lill-industrija tal-Komunità mill-importazzjonijiet li huma l-oġġett ta' dumping.

(169)

Il-miżuri għandhom jiġu imposti fuq livell suffiċjenti sabiex jelimina l-ħsara kkawżata minn dawn l-importazzjonijiet mingħajr ma jinqabeż il-marġini tad-dumping misjub. Meta kien qed jiġi kkalkulat l-ammont ta’ dazju meħtieġ sabiex jitneħħew l-effetti tad-dumping li jagħmel ħsara, tqies li kwalunkwe miżura li tittieħed għandha tippermetti lill-industrija tal-Komunità tkopri l-ispejjeż tal-produzzjoni tagħha u tikseb b’mod ġenerali qligħ qabel it-taxxa li jista’ jinkiseb b’mod raġjonevoli minn industrija ta’ dan it-tip fis-settur f’kondizzjonijiet normali ta’ kompetizzjoni, jiġifieri fin-nuqqas ta’ importazzjonijiet li kienu oġġett ta' dumping, fuq il-bejgħ tal-prodott simili fil-Komunità. Il-marġini tal-qligħ ta' qabel it-taxxa tal-produtturi li ntuża għal dan il-kalkolu kien 12 %, ibbażat fuq il-kwerela u kkonfermat matul din l-investigazzjoni. Il-qligħ reali magħmul mill-industrija tal-Komunità fl-2003 u l-2004, kif ukoll matul is-snin qabel il-perjodu meqjus, qatt ma kien inqas minn dan il-livell ta' referenza.

(170)

Iż-żieda meħtieġa fil-prezz ġiet imbagħad iddeterminata fuq il-bażi ta’ paragun tal-prezz medju ta' l-importazzjoni bil-piż differenzjat, kif stabbilit għall-kalkoli tal-bejgħ li jwaqqgħu l-prezz, (ara l-inċiżi 117 sa 119 hawn fuq), mal-prezz ta’ mingħajr ħsara tal-prodotti mibjugħa mill-industrija tal-Komunità fis-suq tal-Komunità. Il-prezz ta’ mingħajr ħsara inkiseb bl-aġġustament tal-prezz tal-bejgħ ta’ l-industrija tal-Komunità bit-telf jew qligħ reali magħmul matul il-PI u biż-żieda tal-marġini ta’ qligħ imsemmi hawn fuq. Kull differenza li tirriżulta minn dan il-paragun kienet espressa bħala persentaġġ tal-valur ta’ l-importazzjoni CIF totali.

(171)

Dawn id-differenzi kienu għall-produtturi esportaturi Ċiniżi li kkooperaw li għalihom ingħata t-TES 'il fuq mill-marġini tad-dumping misjuba. Sabiex jiġi kkalkulat il-livell tat-tneħħija tal-ћsara mal-pajjiż kollu gћall-esportaturi l-oћra kollha fir-RPĊ, irid jitfakkar li l-livell ta kooperazzjoni kien wieħed gћoli. Għalhekk, il-marġini tad-dumping kien ikkalkulat bħala d-differenza tal-medja bil-piż differenzjat tal-prezzijiet ta' l-importazzjoni CIF tal-kumpaniji li għalihom ma ngħatax t-TES u l-prezz ta' mingħajr ħsara kif ikkalkolat hawn fuq. Fil-każ ta' l-Istati Uniti, il-livell ta' eliminazzjoni tal-ħsara kien aktar baxx mill-marġini misjub tad-dumping għall-produtturi esportaturi, filwaqt li għat-Tajwan il-livell ta' eliminazzjoni tal-ħsara kien ogħla mill-marġini misjub tad-dumping.

(172)

Fid-dawl ta’ dak li ssemma aktar ’il fuq, jitqies li gћandu jiġi impost dazju proviżorju ta l-antidumping skond il-livell tal-marġni ta’ dumping li nstab, iżda skond l-Artikolu 7(2) tar-Regolament bażiku, dan m’gћandux ikun ogћla mill-marġni ta’ ћsara li ġie kkalkulat hawn fuq.

(173)

Ir-rati tad-dazju ta' l-antidumping ta’ kumpanija individwali li ġew speċifikati f’dan ir-Regolament kienu stabbiliti fuq il-bażi tas-sejbiet ta’ l-investigazzjoni attwali. Gћalhekk, dawn jirriflettu l-qagħda ta’ dawn il-kumpaniji li nstabet matul din l-investigazzjoni fir-rigward ta' dawn il-kumpaniji. Dawn ir-rati tad-dazju (bil-maqlub ta' dazji residwi applikabbli għall-“kumpaniji l-oħra kollha” fl-Istati Uniti u fit-Tajwan u d-dazju applikabbli madwar il-pajjiż sħiħ lil “kumpaniji l-oħra kollha” fir-RPĊ) huma għalhekk esklussivament applikabbli għal importazzjonijiet ta' prodotti li joriġinaw fil-pajjiż ikkonċernat u prodotti mill-kumpaniji u b'hekk mill-entitajiet legali speċifiċi msemmija. Il-prodotti importati mmanifatturati minn kwalunkwe kumpanija oћra li ma tissemmix speċifikament fil-parti operattiva ta’ dan id-dokument b’isimha u bl-indirizz tagћha, inklużi l-entitajiet relatati ma’ dawk imsemmija speċifikament, ma jistgћux igawdu minn dawn ir-rati u gћandhom ikunu soġġetti gћar-rata tad-dazju li tapplika gћall-“kumpaniji l-oћra kollha”.

(174)

Kwalunkwe talba gћall-applikazzjoni ta’ dawn ir-rati ta’ dazju ta’ l-antidumping gћal kumpaniji individwali (eż. wara bdil fl-isem ta l-entità jew wara li jiġu stabbiliti entitajiet ġodda tal-produzzjoni jew tal-bejgћ) gћandha tiġi indirizzata minnufih lill-Kummissjoni (5) bit-tagħrif kollu rilevanti, b’mod partikolari fir-rigward ta’ kwalunkwe modifika fl-attivitajiet tal-kumpanija marbuta mal-produzzjoni, mal-bejgћ domestiku u ma’ dak ta’ l-esportazzjoni u li jkunu assoċjati, pereżempju, ma’ dik il-bidla fl-isem jew ma’ dik il-bidla fl-entitajiet tal-produzzjoni u tal-bejgћ. Il-Kummissjoni, jekk ikun xieraq, wara li tikkonsulta lill-Kumitat Konsultattiv, temenda r-Regolament kif meћtieġ billi taġġorna l-elenku tal-kumpaniji li jkunu jgawdu mir-rati tad-dazju individwali.

(175)

Fuq il-bażi ta’ dan ta’ hawn fuq, ir-rati proviżorji tad-dazju huma:

(176)

Sabiex jitnaqqsu kemm jista' jkun ir-riskji ta' elużjoni minħabba d-differenza għolja fir-rati tad-dazju f'dak li għandu x'jaqsam mal-produtturi esportaturi fir-RPĊ, huwa meqjus li jinħtieġu miżuri speċjali f'dan il-każ sabiex jiżguraw l-applikazzjoni xierqa tad-dazji ta' l-antidumping. Huma biss l-importazzjonijiet tal-prodott ikkonċernat manifatturat mill-produttur esportatur rispettiv li jistgћu jgawdu mill-marġini speċifiku ta’ dumping ikkalkulat gћall-produttur ikkonċernat. Dawn il-miżuri speċjali, li japplikaw biss għal kumpaniji fir-RPĊ li għalihom iddaħħlet rata individwali tad-dazju, jinkludu dawn li ġejjin:

(177)

Il-preżentazzjoni lill-awtoritajiet doganali ta’ l-Istati Membri ta’ fattura kummerċjali valida li trid tikkonforma mar-rekwiżiti stipulati fl-Anness gћal dan ir-Regolament. L-importazzjonijiet li ma jkunux akkumpanjati b’fattura tali gћandhom jiġu soġġetti gћad-dazju residwu ta’ l-antidumping li japplika gћall-kumpaniji l-oћra kollha fir-RPĊ.

(178)

Jekk l-esportazzjonijiet mill-kumpaniji fir-RPĊ li jgawdu minn rati individwali aktar baxxi ta’ dazju jiżdiedu b’mod sinifikanti fil-volum wara l-impożizzjoni tal-miżuri ta’ l-antidumping, din iż-żieda fil-volum tista’ titqies bћala waħda li tikkostitwixxi fiha nnfisha bidla fil-mudell tal-kummerċ li tkun dovuta għall-impożizzjoni tal-miżuri fit-tifsira ta’ l-Artikolu 13(1) tar-Regolament bażiku. F’dawn iċ-ċirkostanzi, u sakemm jintlaħqu l-kondizzjonijiet, tista’ tingħata bidu għal investigazzjoni ta’ kontra l-elużjoni. Dan l-istħarriġ jista’, inter alia, jeżamina l-ћtieġa għat-tneћћija tar-rati individwali tad-dazju u għall-impożizzjoni konsegwenti tad-dazju mal-pajjiż kollu jew ta' dazju residwu.

(179)

Fl-interess ta’ amministrazzjoni tajba, gћandu jiġi ffissat perjodu li fih il-partijiet interessati li gћamlu lilhom infushom magћrufa fiż-żmien speċifikat fl-avviż ta' l-inizjazzjoni jkunu jistgћu jagћtu l-opinjonijiet tagћhom bil-miktub u jitolbu seduta. Barra minn hekk, irid jiġi ddikjarat li s-sejbiet dwar l-impożizzjoni ta’ dazji ta’ l-antidumping magћmula gћall-għanijiet ta’ dan ir-Regolament huma proviżorji u jistgћu jitqiesu mill-ġdid gћall-gћan ta kwalunkwe dazju definittiv.