9.12.2008   

MT

Il-Ġurnal Uffiċjali ta’ l-Unjoni Ewropea

490

(1)

L-Artikolu 29(4) tar-Regolament (KE) Nru 318/2006 jistipula li matul is-snin tas-suq 2006/2007, 2007/2008 u 2008/2009, u sabiex tkun żgurata provvista adegwata lir-raffineriji Komunitarji, id-dazji fuq l-importazzjoni fuq kwantità komplementarja ta' importazzjonijiet ta' zokkor tal-kannamieli mhux raffinat li joriġina fl-Istati msemmija fl-Anness VI għal dak ir-Regolament għandhom jiġu sospiżi.

(2)

Dik il-kwantità komplementarja għandha tiġi kkalkulata skont l-Artikolu 19 tar-Regolament tal-Kummissjoni (KE) Nru 950/2006 tat-28 ta' Ġunju 2006 li jistabbilixxi regoli dettaljati għas-snin tas-suq 2006/2007, 2007/2008 u 2008/2009 sabiex jiġu importati u rraffinati prodotti taz-zokkor skont ċerti kwoti tat-tariffi u ftehimiet preferenzjali (2), abbażi ta' previżjoni Komunitarja eżawrjenti ta' bilanċ ta' provvista għaz-zokkor mhux raffinat. Għas-sena tas-suq 2006/2007, il-bilanċ indika l-ħtieġa li tkun importata kwantità komplementarja ta’ zokkor mhux raffinat sabiex jintlaħqu l-bżonnijiet ta’ provvista tar-raffineriji Komunitarji.

(3)

Ir-Regolament tal-Kummissjoni (KE) Nru 1249/2006 tat-18 ta' Awwissu 2006 li jiffissa l-kwantità komplementarja taz-zokkor tal-kannamieli mhux raffinat li joriġina mill-Istati tal-AKP u l-Indja għall-provvista lir-raffineriji fil-perjodu ta’ bejn l-1 ta' Lulju 2006 u t-30 ta' Settembru 2007 (3) iffissa l-ewwel kwantità komplementarja ta' 82 500 tunnellata biex taqdi l-bżonnijiet l-iktar urġenti tal-provvista għall-ewwel xhur tas-sena tas-suq 2006/2007. Minħabba li mhux se jkun hemm irtirar ta' zokkor mis-suq skont l-Artikolu 19 tar-Regolament (KE) Nru 318/2006, mhijiex se tonqos il-ħtieġa tradizzjonali tal-provvista ta’ zokkor għar-raffinar, kif imsemmija fl-Artikolu 29(1) ta’ dak ir-Regolament. Barra minn hekk, il-kwota Portugiża taz-zokkor tnaqqset b'iktar minn 50 % fis-sena tas-suq 2006/2007. Għalhekk, skont l-Artikolu 29(2)(b) tar-Regolament (KE) Nru 318/2006, il-ħtieġa tradizzjonali tal-provvista ffissata għall-Portugall skont l-Artikolu 29(1) ta’ dak ir-Regolament għandha tiżdied b’35 000 tunnellata supplimentarja.

(4)

Sabiex tkun żgurata provvista xierqa tar-raffineriji fil-Komunità, huwa għalhekk xieraq li tkun iffissata kwantità komplementarja ta’ 120 000 tunnellata ta' zokkor komplementarju għas-sena tas-suq 2006/2007.

(5)

Din il-provvista xierqa lir-raffineriji tista' tkun iggarantita biss jekk il-ftehimiet tradizzjonali tal-esportazzjoni bejn il-pajjiżi benefiċjarji jiġu rrispettati. Għalhekk hemm il-ħtieġa ta’ tqassim bejn il-pajjiżi benefiċjarji jew il-grupp ta' pajjiżi. Għall-Indja, il-kwantitajiet iffissati fir-Regolament (KE) Nru 1249/2006 diġà jikkorrispondu mal-kwantità tradizzjonali tal-importazzjoni. Għalhekk, hemm kwantità limitata disponibbli ta’ 3 5000 tunnellata għall-Indja. Il-kwantitajiet li jifdal għandhom ikunu ffissati għall-Istati tal-AKP, li flimkien impenjaw ruħhom li bejniethom jimplimentaw proċeduri għall-allokazzjoni tal-kwanititajiet sabiex tkun żgurata provvista xierqa lir-raffineriji.

(6)

Qabel l-importazzjoni ta' dan iz-zokkor komplementarju, jeħtieġ li r-raffinaturi jagħmlu arranġamenti dwar il-provvista u t-trasport mal-pajjiżi benefiċjarji u l-operaturi kummerċjali. Sabiex jingħataw biżżejjed żmien biex jippreparaw l-applikazzjoni għal-liċenzji ta' importazzjoni, huwa xieraq li d-dħul fis-seħħ ta' dan ir-Regolament ikun previst mid-data tal-pubblikazzjoni tiegħu.

(7)

Il-miżuri pprovduti f'dan ir-Regolament huma skont l-opinjoni tal-Kumitat tal-Ġestjoni taz-Zokkor,

(a)

116 500 tunnellata espressi bħala zokkor abjad li joriġina fl-Istati elenkati fl-Anness VI għar-Regolament (KE) Nru 318/2006 minbarra l-Indja;

(b)

3 500 tunnellata espressi bħala zokkor abjad li joriġina fl-Indja.