|
14.12.2007 |
MT |
Il-Ġurnal Uffiċjali ta’ l-Unjoni Ewropea |
L 329/33 |
DIRETTIVA TAL-KUMMISSJONI 2007/71/KE
tat-13 ta’ Diċembru 2007
li temenda d-Direttiva 2000/59/KE tal-Parlament Ewropew u tal-Kunsill dwar il-faċilitajiet ta’ l-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2000/59/KE tal-Parlament Ewropew u tal-Kunsill tas-27 ta’ Novembru 2000 dwar il-faċilitajiet ta’ l-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija (1), u partikolarment l-Artikolu 15 tagħha,
Billi:
|
(1) |
L-Anness IV mal-Marpol 73/78 dwar il-prevenzjoni tat-tniġġis minn drenaġġ minn bastimenti daħal fis-seħħ fis-27 ta’ Settembru 2003 u l-verżjoni riveduta tiegħu daħlet fis-seħħ fl-1 ta’ Awissu 2005. |
|
(2) |
L-Artikolu 16 tad-Direttiva 2000/59/KE jipprevedi li l-implimentazzjoni tad-Direttiva fir-rigward tad-drenaġġ se tkun sospiża għal 12-il xahar wara li jidħol fis-seħħ l-Anness IV tal-Marpol. |
|
(3) |
Il-kaptan tal-bastiment li jkun sejjer lejn port li jinsab fil-Komunità għandu l-obbligu, skond l-Artikolu 6 tad-Direttiva 2000/59/KE li jimla l-formola fl-Anness II tad-Direttiva u jinnotifika lill-awtorità jew lill-korp assenjat għal dan il-għan mill-Istat Membru li fih ikun jinsab dan il-port. |
|
(4) |
L-Anness II ma jagħmilx referenza għad-drenaġġ u għalhekk għandu jiġi emendat biex jinkludi d-drenaġġ bħala tip ieħor ta’ skart li għandu jkun notifikat qabel ma jiddaħħal fil-port. Id-dispożizzjonijiet tad-Direttiva dwar id-drenaġġ għandhom jitqiesu b'rabta mar-Regolamenti ta’ l-Anness IV tal-Marpol li jipprevedu, f'kundizzjonijiet speċifiċi, il-possibilità li d-drenaġġ jintrema fil-baħar. Dan għandu japplika bla ħsara għar-rekwiżiti aktar stretti għal bastimenti dwar il-konsenji adottati skond id-dritt internazzjonali. |
|
(5) |
Il-miżuri pprovduti f'din id-Direttiva huma konformi ma’ l-opinjoni tal-Kumitat dwar Ibħra Protetti u l-Prevenzjoni ta’ Tniġġiż minn Vapuri stabbilit mir-Regolament (KE) Nru 2099/2002 tal-Parlament Ewropew u tal-Kunsill (2), |
ADOTTAT DIN ID-DIRETTIVA:
Artikolu 1
L-Anness II mad-Direttiva 2000/59/KEE huwa ssostitwit bit-test fl-Anness ma’ din id-Direttiva.
Artikolu 2
Traspożizzjoni
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma’ din id-Direttiva sa mhux iżjed tard mill-15 ta’ Ġunju 2009. Huma għandhom jikkomunikaw minnufih lill-Kummissjoni t-test ta’ dawk id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawk id-dispożizzjonijiet, dawn għandu jkollhom referenza għal din id-Direttiva jew ikunu akkumpanjati minn referenza bħal din mill-waqt tal-pubblikazzjoni uffiċjali tagħhom. L-Istati Membri għandhom jiddeterminaw kif issir referenza bħal din.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fil-jum wara l-jum tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula fi Brussell, 13 ta’ Diċembru 2007.
Għall-Kummissjoni
Jacques BARROT
Viċi President
(1) ĠU L 332, 28.12.2000, p. 81. Id-Direttiva kif emendata bid-Direttiva 2002/84/KE (ĠU L 324, 29.11.2002, p. 53).
(2) ĠU L 324, 29.11.2002, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 93/2007 (ĠU L 22, 31.1.2007, p. 12).
ANNESS
INFORMAZZJONI LI GĦANDHA TIĠI NNOTIFIKATA QABEL ID-DĦUL FIL-PORT TA'
(Port tad-destinazzjoni kif imsemmi fl-Artikolu 6 tad-Direttiva 2000/59/KE)
1. Isem, sinjal ta' sejħa u, jekk hu l-każ, numru ta' identifikazzjoni IMO tal-bastiment:
2. Stat tal-bandiera:
3. Ħin mistenni tal-wasla (ETA):
4. Ħin mistenni tat-tluq (ETD):
5. Port ta' żjara preċedenti:
6. Port ta' żjara sussegwenti:
7. L-aħħar port u data meta l-iskart iġġenerat mill-bastiment ġie kkonsenjat:
8. Bi ħsiebek tikkonsenja (Immarka l-kaxxa t-tajba)
|
l-iskart kollu |
parti mill-iskart |
ebda skart |
fil-faċilitajiet ta' l-akkoljenza fil-port?
9. Tip u ammont ta' skart u fdalijiet għall-konsenja u/jew li jibqa' abbord, u perċentwali tal-kapaċità massima ta' ħażna:
Fil-każ li biħsiebek tikkonsenja l-iskart kollu, imla t-tieni kolonna kif meħtieġ.
Jekk biħsiebek tikkonsenja parti mill-iskart jew ebda skart, imla l-kolonni kollha.
|
Tip |
Skart għall-konsenja m3 |
Kapaċità ta' ħażna massima ddedikata m3 |
Ammont ta' skart li nżamm abbord m3 |
Port li fih l-iskart li fadal se jkun ikkonsenjat |
Ammost stmat ta' skart iġġenerat bejn in-notifika u l-port ta' żjara sussegwenti m3 |
|
Żjut użati |
|||||
|
Ħama |
|
|
|
|
|
|
Ilma tas-sentina |
|
|
|
|
|
|
Oħrajn (ispeċifika) |
|
|
|
|
|
|
Żibel |
|||||
|
Skart ta' l-ikel |
|
|
|
|
|
|
Plastik |
|
|
|
|
|
|
Oħrajn |
|
|
|
|
|
|
Drenaġġ (1) |
|
|
|
|
|
|
Skart assoċjat mal-merkanzija (ispeċifika) (2) |
|
|
|
|
|
|
Residwi tal-merkanzija (ispeċifika) (2) |
|
|
|
|
|
Noti
|
1. |
Din l-informazzjoni tista' tintuża għall-kontrolli ta' l-Istat tal-port u għal skopijiet ta' spezzjoni oħrajn. |
|
2. |
L-Istati Membri għandhom jiddeterminaw liema korpi għandhom jirċievu kopji ta' din in-notifika. |
|
3. |
Din il-formola għandha timtela fil-partijiet kollha tagħha, għajr meta l-bastiment huwa eżentat skond l-Artikolu 9 tad-Direttiva 2000/59/KE. |
Nikkonferma li
|
— |
id-dettalji ta' hawn fuq huma veri u eżatti u |
|
— |
abbord hemm biżżejjed kapaċità ddedikata biex taħżen l-iskart kollu ġġenerat bejn il-mument tan-notifika u l-port li jmiss li fih l-iskart se jkun ikkonsenjat. |
Data …
Ħin …
Firma …
(1) Id-drenaġġ jista' jintrema fil-baħar skond ir-Regolament 11 ta' l-Anness IV tal-Marpol 73/78. Mhux meħtieġ li jimtlew il-kaxex korrispondenti jekk l-intenzjoni hija li jsir rimi awtorizzat fil-baħar.
(2) Jistgħu jkunu stimi.