ANNESS

L-Anness II tad-Direttiva 96/73/KE huwa emendat kif ġej:

(1)

Kapitolu 1, taqsima I hija emendata kif ġej:

(a)

Fil-punt I.3 “materjali u tagħmir” iddaħħlu dawn l-annotazzjonijiet li ġejjin:

“I.3.2.4

Aċetun.

I.3.2.5

Aċtu ortofosforiku

I.3.2.6

Urea

I.3.2.7

Bikarbonat tas-sodju”

(b)

Punt I.6 “Trattament minn qabel ta' kampjun tat-test tal-laboratorju” jinbidel f'dan li ġej:

“Fejn tkun preżenti sostanza li m'għandhiex tiġi kkunsidrata fil-kalkulazzjonijiet perċentwali (ara l-Artikolu 12(3)) tad-Direttiva 96/74/KE tal-Parlament Ewropew u tal-Kunsill tas-16 ta' Diċembru 1996 dwar l-ismijiet ta’ tessuti, din għandha l-ewwel titneħħa b'metodu xieraq li ma jaffettwa l-ebda mill-kostitwenti tal-fibra.

Għal dan il-għan, materja mhux fibruża li tista' tiġi estratta b'żejt mhux raffinat ħafif u bl-ilma titneħħa billi l-kampjun tat-test imnixxef bl-arja f'estrattur Soxhlet jiġi ttrattat b’żejt mhux raffinat ħafif għal siegħa b'rata minima ta' sitt ċikli fis-siegħa. Ħalli ż-żejt mhux raffinat ħafif jevapora mill-kampjun, li mbagħad jiġi estratt bi trattament dirett li jikkonsisti fit-tixrib tal-kampjun f’ilma b’temperatura tal-kamra għal siegħa u wara f’ilma b'temperatura ta’ 65 ±5 °C għal siegħa oħra, filwaqt li tħawwad il-likur minn ħin għal ieħor. Uża likur: proporzjon tal-kampjun ta' 100:1. Neħħi l-ilma żejjed mill-kampjun billi tgħasru, tiġbdu jew bl-użu ta' magni ċentrifugi u mbagħad ħalli l-kampjun jinxef bl-arja.

F’każ ta’ elastolefin jew ta’ taħlitiet ta' fibri li fihom l-elastolefin jew fibri oħra (is-suf, ix-xagħar ta' l-annimali, il-ħarir, il-qoton, il-kittien, il-qanneb ġenwin, il-ġuta, il-manilla, l-alfa, it-tajjar, il-ġummar, ir-rami, is-sisal, il-kupru, il-modal, il-proteini, il-visk, l-akriliku, il-poliamidi jew in-najlon, il-poliesteri, l-elastomultiester) il-proċedura li għada kemm ġiet deskritta għandha tkun daqsxejn modifikata. Fil-fatt, iż-żejt mhux raffinat eteru ħafif għandu jinbidel f'aċetun.

F’każ ta’ taħlitiet ta’ fibri li fihom l-elastolefin u l-aċetat, il-proċedura li ġejja għanda tapplika bħala t-trattament ta’ qabel. Oħroġ il-kampjun għal 10 minuti f’temperatura ta’ 80 °C b’soluzzjoni ta’ 25 g/l ta’ 50 % aċtu ortofosforiku u 50 g/l ta’ urea. Uża likur: proporzjon tal-kampjun ta' 100:1. Aħsel il-kampjun fl-ilma, qattar u aħslu f'soluzzjoni ta' 0,1 % bikarbonat tas-sodju fl-aħħar nett aħsel sewwa fl-ilma.

Meta materja mhux fibruża ma tkunx tista' titneħħa biż-żejt mhux raffinat ħafif u bl-ilma, għandha titneħħa billi tissostitwixxi l-metodu ta' l-ilma deskritt hawn fuq b'metodu adattat li bl-ebda mod ma jbiddel sostanzjalment kwalunkwe mill-kostitwenti tal-fibra. Madankollu, għal xi fibri ta' ħaxix naturali mhux ibbliċjati (eż. il-ġuta, it-tajjar), għandu jiġi osservat li t-trattament normali ta’ qabel biż-żejt mhux raffinat ħafif u bl-ilma ma jneħħix is-sostanzi mhux fibrużi naturali kollha; madankollu t-trattament addizzjonali ta’ qabel ma jiġix applikat għajr jekk il-kampjun jkun fih sostanzi użati għall-aħħar passati li la jinħallu fiż-żejt mhux raffinat ħafif u lanqas fl-ilma.

Ir-rapporti ta' l-analiżi għandhom jinkludu dettalji sħaħ tal-metodi użati għat-trattament ta’ qabel.”

(2)

Kapitolu 2 huwa emendat kif ġej:

(a)

Il-metodi speċjali — Tabella Sommarja tinbidel f’dan li ġej:

“2. METODI SPEĊJALI — TABELLA SOMMARJA

Metodi	Qasam ta’ applikazzjoni		Reaġent
Metodi	Komponent li jinħall	Komponent li ma jinħallx	Reaġent
Nru 1	Aċetat	Ċerti fibri oħra	Aċetun
Nru 2	Ċerti proteini oħra	Ċerti fibri oħra	Ipoklorit
Nru 3	Visk, kupru jew ċerti tipi ta’ modal	Qoton jew elastolefin	Aċtu formiku u klorul taż-żingu
Nru 4	Poliamide jew najlon	Ċerti fibri oħra	Aċtu formiku, 80 % m/m
Nru 5	Aċetat	Triaċetat jew elastolefin	Alkoħol benżiliku
Nru 6	Triaċetat jew polilactid	Ċerti fibri oħra	Diklorometan
Nru 7	Ċerti fibri ċellulożi	Poliester, elastomultiester jew elastolefin	Aċtu kubrit, 75.% m/m
Nru 8	Akriliċi, ċerti modakriliċi u ċerti klorofibri	Ċerti fibri oħra	Dimetilformamid
Nru 9	Ċerti klorofibri	Ċerti fibri oħra	Disulfid tal-karbonju/aċetun, 55.5/44.5 v/v
Nru 10	Aċetat	Ċerti klorofibri jew elastolefin	Aċtu aċetiku glaċjali
Nru 11	Ħarir	Suf, xagħar jew elastolefin	Aċtu sulfuriku, 75.% m/m
Nru 12	Ġuta	Ċerti fibri ta’ l-annimali	Metodu bil-kontenut ta’ nitroġenu
Nru 13	Polipropilene	Ċerti fibri oħra	Ksilin
Nru 14	Ċerti fibri oħra	Klorofibri (omopolimeri jew klorul tal-vinil) jew elastolefin	Metodu ta’ aċtu kubrit konċentrat
Nru 15	Klorofibri ċerti modakriliċi ċerti elastani, aċetati, triaċetati	Ċerti fibri oħra	Ċikloesanun”

(b)

Punt 1.2 tal-metodu Nru 1 jinbidel f’dan li ġej:

“2.

suf (1), xagħar ta’ l-annimali (2 u 3), ħarir (4), qoton (5), kittien (7), qanneb ġenwin (8), ġuta (9), manilla (10), alfa (11), tajjar (12), ġummar (13), rami (14), sisal (15), kupru (21), modal (22), proteini (23), visk (25), akriliku (26), poliamidi jew najlon (30), poliester (34), elastomultiester (45) u elastolefin (46).

Dan il-metodu fl-ebda ċirkustanza ma hu applikabbli għal fibri aċetati li ġew deaċetilati fil-wiċċ.”

(c)

Punt 1.2 tal-metodu Nru 2 jinbidel f’dan li ġej:

“2.

qoton (5), kupru (21), visk (25), akriliku (26), klorofibri (27), poliamidi jew najlon (30), poliester (34), polipropilene (36), elastan (42), fibri ta’ ħġieġ (43), elastomultiester (45) u elastolefin (46).

F'każ li jkun hemm fibri ta’ proteini preżenti, il-metodu jagħti l-ammonti totali tagħhom iżda mhux il-kwantitajiet individwali tagħhom.”

(d)

Punt 1.2 tal-metodu Nru 3 jinbidel f’dan li ġej:

“2.	qoton (5) u elastolefin (46).”

(e)	Punt 5 tal-metodu Nru 3 jinbidel f’dan li ġej: “5. IL-KALKOLU U L-ESPRESSJONI TAR-RIŻULTATI Ikkalkola r-riżultati kif deskritt fl-istruzzjonijiet ġenerali. Il-valur ta’ ‘d’ huwa 1, 02 għall-qoton u 1,00 għall-elastolefin.”

(f)

Punt 1.2 tal-metodu Nru 4 jinbidel f’dan li ġej:

“2.

suf (1), xagħar ta’ l-annimali (2 u 3), qoton (5), kupru (21), modal (22), visk (25), akriliku (26), klorofibra (27), poliester (34), polipropilene (36), fibra ta’ ħġieġ (43), elastomultiester (45) u elastolefin (46).

Kif issemma hawn fuq, dan il-metodu huwa applikabbli wkoll għal taħlitiet bis-suf, iżda meta l-kontenut ta' suf jaqbeż il-25 %, għandu jiġi applikat metodu Nru 2 (tħoll is-suf f’taħlita ta’ alkalin sodju ipokloritu).”

(g)

Punt 1 tal-metodu Nru 5 jinbidel f’dan li ġej:

“1. IL-QASAM TA’ APPLIKAZZJONI

Dan il-metodu huwa applikabbli għal taħlitiet binarji, wara li titneħħa materja mhux fibruża:

—	aċetat (19) ma’

—	triaċetat (24) u elastolefin (46).”

(h)

Metodu Nru 6 huwa emendat kif ġej:

(i)

Punt 1.2 jinbidel f'dan li ġej:

“2.

suf (1), xagħar ta’ l-annimali (2 u 3), ħarir (4), qoton (5), kupru (21), modal (22), visk (25), akriliku (26), poliamide jew najlon (30), poliester (34), fibra ta’ ħġieġ (43), elastomultiester (45) u elastolefin (46).

Nota

Fibri triaċetati li sarilitilhom l-aħħar passata li wasslet għal idrolisi parzjali ma jibqgħux jinħallu kompletament f'dan ir-reaġent. F’każi bħal dawn, dan il-metodu mhux applikabbli”.

(ii)	Punt 5 jinbidel f'dan li ġej: “5. IL-KALKOLU U L-ESPRESSJONI TAR-RIŻULTATI Ikkalkola r-riżultati kif deskritt fl-istruzzjonijiet ġenerali. Il-valur ta’ ‘d’ huwa 1,00, barra fil-każ tal-poliester, ta' l-elastomultiester u ta’ l-elastolefin, li għalihom il-valur ta’ ‘d’ huwa 1,01.”

(i)

Punt 1.2 tal-metodu Nru 7 jinbidel f’dan li ġej:

“2.	poliester (34), elastomultiester (45) u elastolefin (46).”

(j)

Punt 1.2 tal-metodu Nru 8 jinbidel f’dan li ġej:

“2.

suf (1), xagħar ta’ l-annimali (2 u 3), ħarir (4), qoton (5), kupru (21), modal (22), visk (25), poliamide jew najlon (30), poliester (34), elastomultiester (45) u elastolefin (46).

Huwa applikabbli ugwalment għall-akriliċi, u ċerti modakriliċi, ittrattati b' żeba’ immetallizzata minn qabel, iżda mhux għal dawk miżbugħin b’żebgħat afterchrome.”

(k)

Punt 1.2 tal-metodu Nru 10 jinbidel f’dan li ġej:

“2.	ċerti klorofibri (27) li huma fibri tal-klorur tal-polivinil, kemm jekk wara li ġew klorinati kif ukoll jekk le, u elastolefin (46).”

(l)

Metodu Nru 11 huwa emendat kif ġej:

(i)

Punt 1.2 jinbidel f'dan li ġej:

“2.	suf (1), xagħar ta' l-annimali (2 u 3) u elastolefin (46).”

(ii)	Punt 5 jinbidel f'dan li ġej: “5. IL-KALKOLU U L-ESPRESSJONI TAR-RIŻULTATI Ikkalkola r-riżultati kif deskritt fl-istruzzjonijiet ġenerali. Il-valur ta’ ‘d’ huwa 0,985 għas-suf u 1,00 għall-elastolefin.”

(m)

Metodu Nru 14 huwa emendat kif ġej:

(i)

Punt 1.1 jinbidel f'dan li ġej:

“1.	klorofibri (27) ibbażati fuq omopolimeri tal-klorul tal-vinil, kemm jekk wara li ġew klorinati kif ukoll jekk le, elastolefin (46) ma”

(ii)

Punt 2 jinbidel f'dan li ġej:

“2. PRINĊIPJU

Il-kostitwent barra il-klorofibra u l-elastolefin (i.e. il-fibri li issemmew taħt punt 2 tal-paragrafu 1) jinħall mill-piż xott magħruf tat-taħlita ma' aċtu sulfuriku koncentrat (densità relattiva 1,84 f’temperatura ta' 20 °C). Il-bqija, li jikkonsisti fi klorofibra jew f’elastolefin, jinġabar, jinħasel, jitnixxef u jintizen; il-massa, ikkoreġuta jekk ikun meħtieġ, hija espressa f’perċentwal tal-massa niexfa tat-taħlita. Il-perċentwal tat-tieni kostitwenti tinkiseb mid-differenza.”