8.1.2008 |
MT |
Il-Ġurnal Uffiċjali ta’ l-Unjoni Ewropea |
290 |
AZZJONI KONĠUNTA TAL-KUNSILL 2007/203/PESK
tas-27 ta' Marzu 2007
li testendi l-mandat tal-grupp ta' l-UE biex jikkontribwixxi għall-preparazzjonijiet ta' l-istabbiliment ta' Missjoni Ċivili Internazzjonali possibbli fil-Kosovo, inkluż komponent ta' Rappreżentant Speċjali ta' l-Unjoni Ewropea
(MĊI/Grupp ta' Preparazzjoni RSUE)
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea u, b'mod partikolari l-Artikolu 14 u l-Artikolu 25(3) tiegħu,
Billi:
(1) |
Fil-15 ta' Settembru 2006 l-Kunsill adotta l-Azzjoni Konġunta 2006/623/PESK dwar l-istabbiliment ta' grupp ta' l-UE biex jikkontribwixxi għall-preparazzjonijiet ta' l-istabbiliment ta' missjoni ċivili internazzjonali possibbli fil-Kosovo, inkluż komponent ta' Rappreżentant Speċjali ta' l-Unjoni Ewropea (Grupp ta' Preparazzjoni MĊI/RSUE) (1). Dik l-Azzjoni Konġunta tiskadi fil-31 ta' Marzu 2007. |
(2) |
Fis-27 ta' Frar 2007 l-Kumitat Politiku u ta' Sigurtà rrakkomanda li l-mandat tal-MĊI/Grupp ta' Preparazzjoni RSUE jiġi estiż. |
(3) |
L-Azzjoni Konġunta 2006/623/PESK għandha tiġi estiża f'dan is-sens, |
ADOTTA DIN L-AZZJONI KONĠUNTA:
Artikolu 1
L-Azzjoni Konġunta 2006/623/PESK hija b'dan estiża sal-31 ta' Lulju 2007.
Artikolu 2
L-ammont finanzjarju ta’ referenza ta' EUR 869 000 kif imniżżel fl-Artikolu 9(1) ta' l-Azzjoni Konġunta 2006/623/PESK għandu jiżdied b'EUR 807 000 biex ikopri n-nefqa relatata mal-mandat tal- tal-MĊI/Grupp ta' Preparazzjoni RSUE mill-15 ta' Settembru 2006 sal-31 ta' Lulju 2007.
Artikolu 3
Din l-Azzjoni Konġunta għandha tidħol fis-seħħ fid-data ta' l-adozzjoni tagħha.
Artikolu 4
Din l-Azzjoni Konġunta għandha tiġi ppubblikata fil-Ġurnal Uffiċjali ta’ l-Unjoni Ewropea.
Magħmul fi Brussell, 27 ta' Marzu 2007.
Ghall-Kunsill
Il-President
P. STEINBRÜCK
(1) ĠU L 253, 16.9.2006, p. 29